انجیلِ لوقا 13
13
توبَه کِنیت
1مِنِه هَمو موقَع، عِده‌ای وَ حاضرین، درمورد جلیلی‌یَلی بِی عیسی صُبت کِردِن که پیلاتُس طوری قتلِ عامِشون کِردَه بی که خینِشون بِی خین قُربونی‌یَلِشون یکی وابی‌یَه بِی. 2عیسی مِنِه جواب گُت: «مَه گَمون ایکِنیت او جلیلی‌یَلی که وَ ای روز اُفتان، وَ باقیِ مردم جلیل گِناکارتَر بییِن؟ 3نَه، وَ ایشا ایگُم که نَه ایطورِه. بَلکَم اَر توبه نکنیت، ایشا هَم هَمَتون هَمیطو هلاک ایابِیت. 4مَه گمون ایکِنیت او هیجده نفر که برج سیلوآم رُمبِس سَرِشون وِ مُردِن، وَ باقیِ مردم اورشلیم خطاکارتَر بییِن؟ 5نَه، وَ ایشا ایگُم که نَه ایطورِه. بَلکَم اَر توبه نکنیت، ایشا هَم هَمَتون هَمیطو هلاک ایابِیت.»
مَثَل دار انجیر بی‌ثَمَر
6اوسِه عیسی ای مثَلَه سیشون آوُرد: «مِردی مِنِه تاکسونِ خُوش دارِ انجیری کاشت. وختی خواس میوۀ وِه نَه بِچینِه، چیئی دَمِش نَجُس. 7پَ وَ باغبونِش گُت: "سِی کُ، سه سالِه ایام سی چییَن میوۀ ای دار امّا چیئی نیجورُم. وِه نَه بوئور! سیچِه زمینَه حروم کِنه؟" 8باغبون جواب دا: "ای آقا، بِل یِه سالِ دَ هم ویسِه. دورِشَه ایکَنُم وِ کوتِش اییُم. 9اَر سالِ دَ میوه آوُرد که هیچ؛ اَر نَاوُرد اوسِه وِه نَه بوئور."»
شَفِی زن علیل
10مِنِه یکی وَ روزَلِ شَبات، عیسی مِنه یِکی وَ کَنیسه‌یَل تعلیم ایدا. 11وُچِه زنی بی که روحِ ناپاکی وِّ نَه هیجده سال علیل کِردَه بی. پشتِش خَل وابی‌یَه بی وُ وَتَه جونِ راس وِیسایَن نیاشت. 12وختی عیسی وِّ نَه دی، صیاش کِه طی خُوش وِ گُت: «ای زن، وَ علیل بییَنِت، شفا گِرُتی!» 13اوسِه دَس نَها وَ ریش وِ زن فوراً شَق وِیسا وِ خدا نَه ستایش کِه. 14امّا رئیسِ کَنیسَه وَ یِکِه عیسی مِنِه روز شَبات شفا دایَه بی، تَش گِرُت وُ وَ مردم گُت: «شیش رو سی کار کِردَن داریت. مِنِه یکی وَ او روزَل بی‌یِیت وِ شفا بِگریت، نَه مِنِه روز شَبات.» 15عیسِیِ خداوند مِنِه جواب گُت: «ای ریاکارَل! مَه هیچ کویَکی وَ ایشا مِنِه روز شَبات گا یا خَرِ خِشَه وَ طویلَه واز نیکِنه تا بویَرِه وَدَر، سی اُو دایَن؟ 16پَ ای زن که دویَرِ ابراهیمِه وِ شِیطون هیجدَه سال ایطو اسیرِش کِردَه بی، مَه نیبایِس مِنِه روز شَبات وَ ای بَند آزاد وابو؟ 17وختی عیسی یِنَه گُت، تَمومِ اونگَلی که وَ ضِدِش بییِن، شَرمُندَه وابی‌یِن، امّا تمومیِ جمعیت وَ ای هَمه کارَلِ باشکوهِ عیسی شایمون بییِن.
مَثَل دونۀ خردل وِ مَثَل خمیرمایَه
18اوسِه عیسی گُت: «پادشایی خدا مِی چِنِه؟ بِگُم شَبی چِنِه؟ 19مِی دونۀ خردلی یَه که مردی وِه نَه وَگِرُت وِ کاشت مِنِه باغِش. او دونَه سُوز کِه وِ داری وابی، طوری که باهِندِه‌‌یلِ آسمون اومَن وِ ری کِلغِه‌یَلِش چال کِردِن.»
20عیسی اُمبِلا گُت: «بِگُم پادشایی خدا شَبی چِنِه؟ 21مِی خمیرمایه‌ای یَه که زنی وِه نَه وَگِرُت وِ بِی سه گِنی آرد قاطی کِه تا تَمومِ خمیر وَراومَه.»
درِ تنگ
22عیسی مِنِه رَه اورشلیم، ایرَت وَ شهرَل وِ دهاتَل وِ تعلیم ایدا. 23مِنِه ای بین، یکی وَش پُرسی: «آقا، مَه اونگَلی که نجات ایگِرِن عِدَه‌شون کَمِه؟» عیسی وَشون گُت: 24«سخت تلاش کنیت تا وَ درِ تنگ بی‌یِیت داخل، سی‌یِکِه وَ ایشا ایگُم، خیلی‌یَل تلاش ایکِنِن تا بیان داخل، امّا نیتَرن. 25وختی صابحونَه وَریسه وِ دَرَ بویَندِه، ایوِیسیت پَسِ دَر، دَرَ ایزَنیت وِ ایگِیت: "آقا، درَ وَ ریمون واز کُ!" امّا وِّ جواب اییِه "مِ ایشا نَه نیشناسُم؛ نونُم وَ کوچِه اومِیتِه." 26اوسِه ایشا ایگِیت: "ایما بِی تِ سَرِ یِه سفرَه خَردیم وِ نوشیئیم وِ تِ مِنِه کوچِه‌یَل، ایما نَه تعلیم ایدِی." 27امّا وِّ وَتون ایگُ: "وَ ایشا ایگُم؛ نونُم وَ کوچِه اومِیتِه. ای ایشانَل که تَمومِتون گِناکاریت، وَ مِ دیر وابِیت!" 28اوسِه وُچه ایگِریویت وِ دِندون‌کِریچَه ایکِنیت، سی‌یِکِه ابراهیم وِ اِسحاق وِ یعقوب وِ تَمومِ پیغمبَرَلَه ایبینیت که نِشَسِنِه مِنِه پادشایی خدا، امّا خِتون مُندیتِه وَدَر. 29مردم وَ مشرق و مغرب و شمال و جنوب ایایِن وِ ایشینِن سرِ سفرۀ پادشایی خدا. 30بَلِه! هِسِن کَسَلی که آخِرِ سَر اومَنِه، اَوَل ایابون، وِ اونگَلی که اَوَل اومَنِه آخِر ایابون.»
ماتَمِ عیسی سی اورشلیم
31مِنِه او موقع، چَن نفر وَ عالِمَلِ فرقۀ فَریسی اومَن طی عیسی وِ گُتِن: «وَ وِیچِه بِزَه وَدَر وِ بِرَه وَ جِی دَ، سی‌یِکِه هیرودیسِ حاکم ایخوا تِنَه بِکِشِه.» 32عیسی وَشون جواب دا: «بِرِیت وُ وَ او رویَه بِگِیت: "یِنَه بِیون که، اُمرو وِ صَبا دیوَلَه ایکِنُم وَدَر وِ مردمَه شفا اییُم، وِ مِنِه روز سوم کارِ خِمَه تَموم ایکِنُم. 33وا ای حال مِ بایِس اُمرو وِ صبا وِ پَصبا وَ رَه خُوم ادامَه بییُم، سی‌یِکِه نیشِهِه پیغمبر صرا وَ اورشلیم کشتَه وابو." 34ای اورشلیم، ای اورشلیم، ای شهری که پیغمبرَلَه ایکِشی وِ رَسولَلی نَه که بِسی ایابون طِیت سَنگسار ایکِنی! چَن وِلا خواسُم مِی مرغی که جیجِه‌یَلِشَه جَم ایکِنِه زِرِ بالَلِش، اولادَلِتَه جَم کِنُم، امّا نَخواسی! 35ایسِه حونَتون، پیکِ پَتی چول ایوِیسِه سیتون. وُ وَ ایشا ایگُم که دَ مِنَه نیبینیت تا روزی که بِگِیت: "مبارکِه وِه که وَ نومِ خداوند ایایِه."»
Valið núna:
انجیلِ لوقا 13: SLB
Áherslumerki
Deildu
Afrita
Want to have your highlights saved across all your devices? Sign up or sign in
@ 2024 Korpu Company
انجیلِ لوقا 13
13
توبَه کِنیت
1مِنِه هَمو موقَع، عِده‌ای وَ حاضرین، درمورد جلیلی‌یَلی بِی عیسی صُبت کِردِن که پیلاتُس طوری قتلِ عامِشون کِردَه بی که خینِشون بِی خین قُربونی‌یَلِشون یکی وابی‌یَه بِی. 2عیسی مِنِه جواب گُت: «مَه گَمون ایکِنیت او جلیلی‌یَلی که وَ ای روز اُفتان، وَ باقیِ مردم جلیل گِناکارتَر بییِن؟ 3نَه، وَ ایشا ایگُم که نَه ایطورِه. بَلکَم اَر توبه نکنیت، ایشا هَم هَمَتون هَمیطو هلاک ایابِیت. 4مَه گمون ایکِنیت او هیجده نفر که برج سیلوآم رُمبِس سَرِشون وِ مُردِن، وَ باقیِ مردم اورشلیم خطاکارتَر بییِن؟ 5نَه، وَ ایشا ایگُم که نَه ایطورِه. بَلکَم اَر توبه نکنیت، ایشا هَم هَمَتون هَمیطو هلاک ایابِیت.»
مَثَل دار انجیر بی‌ثَمَر
6اوسِه عیسی ای مثَلَه سیشون آوُرد: «مِردی مِنِه تاکسونِ خُوش دارِ انجیری کاشت. وختی خواس میوۀ وِه نَه بِچینِه، چیئی دَمِش نَجُس. 7پَ وَ باغبونِش گُت: "سِی کُ، سه سالِه ایام سی چییَن میوۀ ای دار امّا چیئی نیجورُم. وِه نَه بوئور! سیچِه زمینَه حروم کِنه؟" 8باغبون جواب دا: "ای آقا، بِل یِه سالِ دَ هم ویسِه. دورِشَه ایکَنُم وِ کوتِش اییُم. 9اَر سالِ دَ میوه آوُرد که هیچ؛ اَر نَاوُرد اوسِه وِه نَه بوئور."»
شَفِی زن علیل
10مِنِه یکی وَ روزَلِ شَبات، عیسی مِنه یِکی وَ کَنیسه‌یَل تعلیم ایدا. 11وُچِه زنی بی که روحِ ناپاکی وِّ نَه هیجده سال علیل کِردَه بی. پشتِش خَل وابی‌یَه بی وُ وَتَه جونِ راس وِیسایَن نیاشت. 12وختی عیسی وِّ نَه دی، صیاش کِه طی خُوش وِ گُت: «ای زن، وَ علیل بییَنِت، شفا گِرُتی!» 13اوسِه دَس نَها وَ ریش وِ زن فوراً شَق وِیسا وِ خدا نَه ستایش کِه. 14امّا رئیسِ کَنیسَه وَ یِکِه عیسی مِنِه روز شَبات شفا دایَه بی، تَش گِرُت وُ وَ مردم گُت: «شیش رو سی کار کِردَن داریت. مِنِه یکی وَ او روزَل بی‌یِیت وِ شفا بِگریت، نَه مِنِه روز شَبات.» 15عیسِیِ خداوند مِنِه جواب گُت: «ای ریاکارَل! مَه هیچ کویَکی وَ ایشا مِنِه روز شَبات گا یا خَرِ خِشَه وَ طویلَه واز نیکِنه تا بویَرِه وَدَر، سی اُو دایَن؟ 16پَ ای زن که دویَرِ ابراهیمِه وِ شِیطون هیجدَه سال ایطو اسیرِش کِردَه بی، مَه نیبایِس مِنِه روز شَبات وَ ای بَند آزاد وابو؟ 17وختی عیسی یِنَه گُت، تَمومِ اونگَلی که وَ ضِدِش بییِن، شَرمُندَه وابی‌یِن، امّا تمومیِ جمعیت وَ ای هَمه کارَلِ باشکوهِ عیسی شایمون بییِن.
مَثَل دونۀ خردل وِ مَثَل خمیرمایَه
18اوسِه عیسی گُت: «پادشایی خدا مِی چِنِه؟ بِگُم شَبی چِنِه؟ 19مِی دونۀ خردلی یَه که مردی وِه نَه وَگِرُت وِ کاشت مِنِه باغِش. او دونَه سُوز کِه وِ داری وابی، طوری که باهِندِه‌‌یلِ آسمون اومَن وِ ری کِلغِه‌یَلِش چال کِردِن.»
20عیسی اُمبِلا گُت: «بِگُم پادشایی خدا شَبی چِنِه؟ 21مِی خمیرمایه‌ای یَه که زنی وِه نَه وَگِرُت وِ بِی سه گِنی آرد قاطی کِه تا تَمومِ خمیر وَراومَه.»
درِ تنگ
22عیسی مِنِه رَه اورشلیم، ایرَت وَ شهرَل وِ دهاتَل وِ تعلیم ایدا. 23مِنِه ای بین، یکی وَش پُرسی: «آقا، مَه اونگَلی که نجات ایگِرِن عِدَه‌شون کَمِه؟» عیسی وَشون گُت: 24«سخت تلاش کنیت تا وَ درِ تنگ بی‌یِیت داخل، سی‌یِکِه وَ ایشا ایگُم، خیلی‌یَل تلاش ایکِنِن تا بیان داخل، امّا نیتَرن. 25وختی صابحونَه وَریسه وِ دَرَ بویَندِه، ایوِیسیت پَسِ دَر، دَرَ ایزَنیت وِ ایگِیت: "آقا، درَ وَ ریمون واز کُ!" امّا وِّ جواب اییِه "مِ ایشا نَه نیشناسُم؛ نونُم وَ کوچِه اومِیتِه." 26اوسِه ایشا ایگِیت: "ایما بِی تِ سَرِ یِه سفرَه خَردیم وِ نوشیئیم وِ تِ مِنِه کوچِه‌یَل، ایما نَه تعلیم ایدِی." 27امّا وِّ وَتون ایگُ: "وَ ایشا ایگُم؛ نونُم وَ کوچِه اومِیتِه. ای ایشانَل که تَمومِتون گِناکاریت، وَ مِ دیر وابِیت!" 28اوسِه وُچه ایگِریویت وِ دِندون‌کِریچَه ایکِنیت، سی‌یِکِه ابراهیم وِ اِسحاق وِ یعقوب وِ تَمومِ پیغمبَرَلَه ایبینیت که نِشَسِنِه مِنِه پادشایی خدا، امّا خِتون مُندیتِه وَدَر. 29مردم وَ مشرق و مغرب و شمال و جنوب ایایِن وِ ایشینِن سرِ سفرۀ پادشایی خدا. 30بَلِه! هِسِن کَسَلی که آخِرِ سَر اومَنِه، اَوَل ایابون، وِ اونگَلی که اَوَل اومَنِه آخِر ایابون.»
ماتَمِ عیسی سی اورشلیم
31مِنِه او موقع، چَن نفر وَ عالِمَلِ فرقۀ فَریسی اومَن طی عیسی وِ گُتِن: «وَ وِیچِه بِزَه وَدَر وِ بِرَه وَ جِی دَ، سی‌یِکِه هیرودیسِ حاکم ایخوا تِنَه بِکِشِه.» 32عیسی وَشون جواب دا: «بِرِیت وُ وَ او رویَه بِگِیت: "یِنَه بِیون که، اُمرو وِ صَبا دیوَلَه ایکِنُم وَدَر وِ مردمَه شفا اییُم، وِ مِنِه روز سوم کارِ خِمَه تَموم ایکِنُم. 33وا ای حال مِ بایِس اُمرو وِ صبا وِ پَصبا وَ رَه خُوم ادامَه بییُم، سی‌یِکِه نیشِهِه پیغمبر صرا وَ اورشلیم کشتَه وابو." 34ای اورشلیم، ای اورشلیم، ای شهری که پیغمبرَلَه ایکِشی وِ رَسولَلی نَه که بِسی ایابون طِیت سَنگسار ایکِنی! چَن وِلا خواسُم مِی مرغی که جیجِه‌یَلِشَه جَم ایکِنِه زِرِ بالَلِش، اولادَلِتَه جَم کِنُم، امّا نَخواسی! 35ایسِه حونَتون، پیکِ پَتی چول ایوِیسِه سیتون. وُ وَ ایشا ایگُم که دَ مِنَه نیبینیت تا روزی که بِگِیت: "مبارکِه وِه که وَ نومِ خداوند ایایِه."»
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
@ 2024 Korpu Company