انجیلِ یوحنا 6
6
برکت دایَنِ پنج نون و دِ ماهی
1بعدَ یِچِی، عیسی رَت وَ اولَتِ دریاچۀ جلیل که هَمو دریاچۀ تیبِریه یَه. 2عِدِۀ زیادی وَ دینِ وِّ رونَه وابی‌یِن، سی‌یِکِه نِشونه‌یَل وِ معجزه‌یَلی نَه دییَه بییِن که عیسی بِی شَفِی مریضَل اَنجوم ایدا. 3پَ عیسی وَ یِه تُل رَت بالا وِ بِی شاگردَلِش نِشَس وُچو. 4عیدِ پِسَحِ یهود نِزِنگ بی. 5وختی عیسی سِیل کِه وِ دی که عِدۀ زیادی ایان وَ طَرَفِش، وَ فیلیپُس گُت: «وَ کوچِه نون بِسونیم تا اینگَل بِخَرِن؟» 6عیسی یِنَه گُت تا وِّ نَه امتحان کِنِه، سی‌یِکِه خُوش خوب دونِس ایخوا چه کِنِه؟ 7فیلیپُس جواب دا: «دَسمِزِه شیش ماهِ یِه کارگرَ هَم بِئیم نون بِسونیم، نَه بَسِشونِه، حتی اَر هر کویَکی یِچِی بِخَرِن.» 8یکی دَ وَ شاگردل وَ نومِ آندریاس، که کَکِی شمعونِ پطرس بی، وَش گُت: 9«کِری وِیچِنِه که پنج نونِ جو وِ دِ ماهی دارِه، امّا یِه کوچِه وَ ای جمعیت ایرَسِه؟» 10عیسی گُت: «مردمَه بِنشونیت.» وُچِه یِکِلی سوزَه بی. پَ اونگَل که نِشَسِن، حدودِ پنج هزار مِرد بییِن. 11اوسِه عیسی نونَلَه وَگِرُت، وِ بعدَ شکر کِردَن، بینِ کَسَلی که نِشَسَه بییِن بَهر کِه، وِ ماهی‌یَلَه هَم بَهر کِه، هَر چِقَه که خواسِن. 12وختی سیر وابی‌یِن، وَ شاگردَل گُت: «خُردَه‌نونَلِ باقی‌مُندَه نَه جَم کِنیت تا چیئی هَدَر نَرَه.» 13پَ اونگَلَه جَم کِردِن وُ وَ خُردِه‌یَلِ باقی‌مُندۀ او پنج نونِ جو که جماعت خَردَه بییِن، دوازَه سَلَه پِر وابی.
14مردم بِی دییَنِ ای نِشونَه وِ معجزَه که عیسی اَنجوم دا، گُتِن: «وَراسی که وِّ هَمو پیغمبرِه که موسی گُت ایبایِس بیا وَ جهان.» 15عیسی وختی فَمِس که ایخوان وِّ نَه بِگِرِن، وَ زور پادشاه کِنِن، وَ وُچِه زَه وَدَر وِ یِه دَف‌دَه تِنا رَت وَ کُو.
رَه رَتَن عیسی وَ ری اُو
16تَنگِ پَسین، شاگردَلِش بالازیر وابی‌یِن وَ طرفِ دریاچَه 17هوا تاریک وابی‌یَه بی، امّا عیسی هَنی نَیومَیَه بی طِیشون، پَ سُوارِ قایق وابی‌یِن و رونَه وابی‌یِن وَ طرفِ شهرِ کفرناحوم، وَ اولَتِ دریاچَه. 18مِنِه ای بِین، دریاچَه تیفونی وابی سی‌یِکِه بایِ سختی اییومَه. 19وختی وَ قَدِ یِه فرسخ وَ خشکی دیر وابی‌یِن، عیسی نَه دییِن که وَ ری اُو رَه ایرَه وُ وَ قایق نِزِنگ ایابو. هَمَشون زَلَه‌تَرَک وابی‌یِن. 20امّا عیسی وَشون گُت: «مِنُم؛ زَلَتون مَرَه.» 21اوسِه خواسِن وِّ نَه سُوارِ قایق کِنِن، که قایق هَمو موقَع رَسی وَ جِیئی که عازِمِش بییِن.
عیسی، نون حیات
22صَباش، جماعتی که اولَتِ دریاچَه مُندَه بییِن، فَمِسِن که غیرَ یِه قایق، قایقی دَ وُچِه نَبییِه، وِ هَم دونِسِن که عیسی بِی شاگردَلِش سُوارِ وِه نَوابی‌یَه بی، بلکم شاگردل وَ تِنایی رَتَه بییِن. 23اوسِه قایقلِ دییَه‌ای وَ تیبِریه اومَن وِ رَسییِن نِزِنگِ جِیئی که اونگَل بعدَ شکر کِردَنِ خداوند، نون خَردَه بییِن. 24وختی مردم فَمِسِن که نه عیسی وُچِنِه وِ نه شاگردلش، وَ او قایقَل سُوار وابی‌یِن وِ سی جُسَنِ عیسی رَتِن وَ کفرناحوم.
25وختی وِّ نَه اولَتِ دریاچَه جُسِن، وَش گُتِن: «استاد، کی اومِی وِیچو؟» 26عیسی جواب دا: «وَراسی، وَ ایشا ایگُم، مِنَه ایجوریت نَه وَ خاطرِ نِشونه‌یَل وِ معجزه‌یَلی که دیئیت، بلکم وَ خاطرِ او نون که خَردیت وِ سیر وابیئیت. 27کار کنیت، امّا نَه سی غَذِیی که وَ بِین ایرَه، بلکم سی غَذِیی که تا حیات ابدی باقی یَه، هَمو غَذِیی که کِرِ انسان وَ ایشا اییِه. سی‌یِکِه خِدِی بُو وَش مُهرِ تأیید زَیِه.» 28اوسِه وَش پُرسییِن: «چه کِنیم تا کارَلی نَه که خدا ایپَسَنده اَنجوم دایَه بِیم؟» 29عیسی مِنِه جواب گُت: «کاری که خدا ایپَسَنده یِنِه که وَ بِسی کِردَش ایمون بیاریت.» 30گُتِن: «چه نشونَه وِ معجزه‌ای وَ ایما نِشون ایئی تا بِی دییَنِش وَت ایمون بیاریم؟ چه ایکِنی؟ 31بُویَلِ ایما مِنِه بیابون مَنّا خَردِن، هَموطو که مِنِه نوشته‌یَلِ مقدس نوشتَه وابی‌یِه: "وِّ وَ آسمون وَشون نون دا تا بِخَرِن." 32عیسی جواب دا: «وَراسی، وَ ایشا ایگُم، موسی نَبی که او نونَه وَ آسمون دا وَ ایشا، بلکم بُو مِنِه که نونِ حقیقی نَه وَ آسمون اییِه وَ ایشا. 33سی‌یِکِه نونِ خدا هَموِنِه که وَ آسمون نازل وابی‌یِه، وُ وَ دنیا حیات ایبَخشِه.» 34پَ گُتِن: «ای نونَه همیشَه وَمون بییِه.» 35عیسی وَشون گُت: «نونی که حیات اییِه مِنُم. هرکه بیا طِیم، وَتَه گُسنَه نیابو، وِ هرکه وَم ایمون بیارِه وَتَه تشنَه نیابو. 36امّا هَموطو که وَ ایشا گُتُم، هَرچَن مِنَه دیئیتِه، امّا ایمون نیاریت. 37تَمومِ اوچیئی که بُو وَم بُویَخشِه، ایا طِیم، وِ کسی که بیا طِیم، وِّ نَه وَتَه وَ خُوم دیر نیکِنُم. 38سی‌یِکِه وَ آسمون نَیومَمِه دومِن تا وَ خواسِ خُوم عمل کِنُم، بلکم اومَمِه تا خواسِ کسی نَه که مِنَه بِسی کِردِه اَنجوم بییُم. 39وِ خواسِ کسی که مِنَه بِسی کِردِه یِنِه که وَ او کَسَلی که وِّ وَم بَخشییِه، هیچ کویَکی نَه وَ دَس نَیُم، بلکم اونگَلَه مِنِه روز قیامت زِندَه کِنُم. 40سی‌یِکِه ارادۀ بُو مِ یِنِه که هرکه وَ کُر سِیل کِنِه وِ وَش ایمون بیارِه، حیات ابدی نصیبش وابو، وِ مو مِنِه روزِ قیامت وِّ نَه زِندَه ایکِنُم.»
41اوسِه یَهودی‌یَل درموردِ وِّ شروع کِردِن وَ غُرَغُر، سی‌یِکِه گُتَه بی «مِ او نونی یَم که وَ آسمون نازل وابی‌یِه.» 42ایگُتِن: «مَه ای مِرد، عیسی کِرِ یوسف نی که ایما دِی‌بُوشَه ایشناسیم؟ پَ چطو ایگُ، "وَ آسمون نازل وابی‌یِمِه"؟» 43عیسی مِنِه جوابِشون گُت: «بِی یَک غُرَغُر مَکِنیت. 44هیشکَه نیتَرِه بیا طِیم، غیرَ یِکِه بُویی که مِنَه بِسی کِه وِّ نَه وَ طرفِ خُوش بِکَشِه، وِ مو مِنِه روزِ قیامت وِّ نَه زِندَه ایکِنُم. 45مِنِه نوشته‌یَلِ پیغمبرَل اومَیِه که "همَه وَ خدا تعلیم ایگِرِن." پَ هرکه وَ بُو بِشنِفِه وِ وَش تعلیم بِگِرِه، ایا طِیم. 46نَه یِکِه کسی بُو نَه دییَه بو، غیرَ او کسی که وَ جانبِ خدایَه؛ وِّ بُو نَه دییِه. 47وَراسی، وَ ایشا ایگُم، هرکه ایمون دارِه، حیات ابدی نَه دارِه. 48نونی که حیات اییِه مِنُم. 49بُویَلِ ایشا، مَنّا نَه که وَ آسمون اییومَه، مِنِه بیابون خَردِن، وِ بِی ای حال مُردِن. 50امّا یِنِه او نونی که وَ آسمون نازل ایابو تا هرکه وَش بِخَرِه، نَمیرِه. 51مِنُم او نونی که حیات ایبَخشِه، نونی که وَ آسمون نازل وابی. هرکه وَ ای نون بِخَرِه، تا ابد زندَه ایوِیسِه. نونی که مِ سی حیات دنیا اییُم، بَیَنِ مِنِه.»
52پَ مابِینِ یَهودی‌یَل جَرِبَحثِ سختی وابی که «ای مِرد چطو ایتَرِه بَیَنِ خِشَه وَمون بییِه تا بِخَریم؟» 53عیسی وَشون گُت: «وَراسی، وَ ایشا ایگُم، که تا بَیَنِ کِرِ انسانَه نَخَریت وِ خینِ وِّ نَه نَنوشیت، مِنِه خِتون حیات نَیاریت. 54هرکه بَیَنِ مِنَه بِخَرِه وِ خینِ مِنَه بِنوشه، حیاتِ ابدی دارِه، وِ مو، مِنِه روزِ قیامت وِّ نَه زِندَه ایکِنُم. 55سی‌یِکِه بَیَنِ مِ خَردَنیِ حقیقی وِ خینِ مِ نوشیدَنیِ حقیقی یَه. 56کسی که بَیَنِ مِنَه ایخَرِه وِ خینِ مِنَه اینوشِه، مِنُم ایوِیسِه وِ مو، مِنِه وُّ. 57هَموطو که بُو، بُویی که هَمیشَه زندَه یَه، مِنَه بِسی کِه وِ مِ وَ بُو زندَه یَم، هَموطو، هرکه مِنَه ایخَرِه هَم، وَ مِ زندَه ایوِیسِه. 58یِنِه نونی که وَ آسمون نازل وابی؛ نه مِی او نونی که بُویَلِ ایشا خَردِن، وِ بِی ای حال مُردِن؛ بلکم هرکه وَ ای نون بِخَرِه، تا ابد زندَه ایوِیسِه.» 59عیسی ای گَپَلَه زمونی گُت که مِنِه کنیسه‌ای که هَمو عبادتگاه یهودی‌یَلِه، مِنِه کفرناحوم تعلیم ایدا.
اعتراف پِطرُس
60یِکِلی وَ شاگردلِش بِی اِشنُفتَنِ ای گَپَل گُتِن: «ای تعلیم سختِه، کی ایتَرِه وِه نَه قبول کِنِه؟» 61عیسی، آگا بی وَ یِکِه شاگردَلِش در موردِ یِه غُرَغُر ایکِنِن، وَشون گُت: «مَه ای گَپُم، وَتون بَرخَه؟ 62پَ اَر کِرِ انسانَه بِوینیت که ایرَه بالا وَ جِی اَوَلِش، چه ایکِنیت؟ 63روحِ خدایَه که حیات اییِه؛ جِسم فِیدِه‌ای نَیارِه. گَپَلی که مِ وَ ایشا گُتُم، روح وِ حیاتِه. 64امّا یِه‌پاره‌ای وَ ایشا ایمون نیارِن.» سی‌یِکِه عیسی وَ اَوَل دونِس چه کَسَلی ایمون نیارِن وِ کیَه که وِّ نَه تسلیمِ دشمن ایکِنِه. 65اوسِه عیسی گُت: «سی هَمیِه وَ ایشا گُتُم که هیشکَه نیتَرِه بیا طِیم، غیرَ یِکِه وَ طرفِ بُو وَش عطا وابی‌یَه بو.»
66وَ یِه واپَس، یِکِلی وَ شاگردَلِش وَرگشتِن، وِ دَ باش نَوِیسان. 67پَ عیسی وَ او دوازَه نفر گُت: «مَه ایشا هَم ایخِیت بِرِیت؟» 68شمعونِ پطرس جواب دا: «ای آقا، بِرِیم طِی کی؟ گَپَلِ حیاتِ ابدی طِی تِنِه. 69وِ ایما ایمون آوُردیمِه وِ فَمِسیمِه که تِنی او قدّوسِ خدا.» 70عیسی وَشون جواب دا: «مَه ایشا دوازَه نفَرَ مِ جیا نَکِردِمِه؟ وا ای حال، یکی وَ ایشا اِبلیسی یَه.» 71منظورِ عیسی، یهودا، کِرِ شَمعونِ اَسخَریوطی بی، سی‌یِکِه وِّ که یکی وَ او دوازَه نفر بی، ایرَت که عیسی نَه تسلیمِ دشمن کِنِه.
Valið núna:
انجیلِ یوحنا 6: SLB
Áherslumerki
Deildu
Afrita
Want to have your highlights saved across all your devices? Sign up or sign in
@ 2024 Korpu Company
انجیلِ یوحنا 6
6
برکت دایَنِ پنج نون و دِ ماهی
1بعدَ یِچِی، عیسی رَت وَ اولَتِ دریاچۀ جلیل که هَمو دریاچۀ تیبِریه یَه. 2عِدِۀ زیادی وَ دینِ وِّ رونَه وابی‌یِن، سی‌یِکِه نِشونه‌یَل وِ معجزه‌یَلی نَه دییَه بییِن که عیسی بِی شَفِی مریضَل اَنجوم ایدا. 3پَ عیسی وَ یِه تُل رَت بالا وِ بِی شاگردَلِش نِشَس وُچو. 4عیدِ پِسَحِ یهود نِزِنگ بی. 5وختی عیسی سِیل کِه وِ دی که عِدۀ زیادی ایان وَ طَرَفِش، وَ فیلیپُس گُت: «وَ کوچِه نون بِسونیم تا اینگَل بِخَرِن؟» 6عیسی یِنَه گُت تا وِّ نَه امتحان کِنِه، سی‌یِکِه خُوش خوب دونِس ایخوا چه کِنِه؟ 7فیلیپُس جواب دا: «دَسمِزِه شیش ماهِ یِه کارگرَ هَم بِئیم نون بِسونیم، نَه بَسِشونِه، حتی اَر هر کویَکی یِچِی بِخَرِن.» 8یکی دَ وَ شاگردل وَ نومِ آندریاس، که کَکِی شمعونِ پطرس بی، وَش گُت: 9«کِری وِیچِنِه که پنج نونِ جو وِ دِ ماهی دارِه، امّا یِه کوچِه وَ ای جمعیت ایرَسِه؟» 10عیسی گُت: «مردمَه بِنشونیت.» وُچِه یِکِلی سوزَه بی. پَ اونگَل که نِشَسِن، حدودِ پنج هزار مِرد بییِن. 11اوسِه عیسی نونَلَه وَگِرُت، وِ بعدَ شکر کِردَن، بینِ کَسَلی که نِشَسَه بییِن بَهر کِه، وِ ماهی‌یَلَه هَم بَهر کِه، هَر چِقَه که خواسِن. 12وختی سیر وابی‌یِن، وَ شاگردَل گُت: «خُردَه‌نونَلِ باقی‌مُندَه نَه جَم کِنیت تا چیئی هَدَر نَرَه.» 13پَ اونگَلَه جَم کِردِن وُ وَ خُردِه‌یَلِ باقی‌مُندۀ او پنج نونِ جو که جماعت خَردَه بییِن، دوازَه سَلَه پِر وابی.
14مردم بِی دییَنِ ای نِشونَه وِ معجزَه که عیسی اَنجوم دا، گُتِن: «وَراسی که وِّ هَمو پیغمبرِه که موسی گُت ایبایِس بیا وَ جهان.» 15عیسی وختی فَمِس که ایخوان وِّ نَه بِگِرِن، وَ زور پادشاه کِنِن، وَ وُچِه زَه وَدَر وِ یِه دَف‌دَه تِنا رَت وَ کُو.
رَه رَتَن عیسی وَ ری اُو
16تَنگِ پَسین، شاگردَلِش بالازیر وابی‌یِن وَ طرفِ دریاچَه 17هوا تاریک وابی‌یَه بی، امّا عیسی هَنی نَیومَیَه بی طِیشون، پَ سُوارِ قایق وابی‌یِن و رونَه وابی‌یِن وَ طرفِ شهرِ کفرناحوم، وَ اولَتِ دریاچَه. 18مِنِه ای بِین، دریاچَه تیفونی وابی سی‌یِکِه بایِ سختی اییومَه. 19وختی وَ قَدِ یِه فرسخ وَ خشکی دیر وابی‌یِن، عیسی نَه دییِن که وَ ری اُو رَه ایرَه وُ وَ قایق نِزِنگ ایابو. هَمَشون زَلَه‌تَرَک وابی‌یِن. 20امّا عیسی وَشون گُت: «مِنُم؛ زَلَتون مَرَه.» 21اوسِه خواسِن وِّ نَه سُوارِ قایق کِنِن، که قایق هَمو موقَع رَسی وَ جِیئی که عازِمِش بییِن.
عیسی، نون حیات
22صَباش، جماعتی که اولَتِ دریاچَه مُندَه بییِن، فَمِسِن که غیرَ یِه قایق، قایقی دَ وُچِه نَبییِه، وِ هَم دونِسِن که عیسی بِی شاگردَلِش سُوارِ وِه نَوابی‌یَه بی، بلکم شاگردل وَ تِنایی رَتَه بییِن. 23اوسِه قایقلِ دییَه‌ای وَ تیبِریه اومَن وِ رَسییِن نِزِنگِ جِیئی که اونگَل بعدَ شکر کِردَنِ خداوند، نون خَردَه بییِن. 24وختی مردم فَمِسِن که نه عیسی وُچِنِه وِ نه شاگردلش، وَ او قایقَل سُوار وابی‌یِن وِ سی جُسَنِ عیسی رَتِن وَ کفرناحوم.
25وختی وِّ نَه اولَتِ دریاچَه جُسِن، وَش گُتِن: «استاد، کی اومِی وِیچو؟» 26عیسی جواب دا: «وَراسی، وَ ایشا ایگُم، مِنَه ایجوریت نَه وَ خاطرِ نِشونه‌یَل وِ معجزه‌یَلی که دیئیت، بلکم وَ خاطرِ او نون که خَردیت وِ سیر وابیئیت. 27کار کنیت، امّا نَه سی غَذِیی که وَ بِین ایرَه، بلکم سی غَذِیی که تا حیات ابدی باقی یَه، هَمو غَذِیی که کِرِ انسان وَ ایشا اییِه. سی‌یِکِه خِدِی بُو وَش مُهرِ تأیید زَیِه.» 28اوسِه وَش پُرسییِن: «چه کِنیم تا کارَلی نَه که خدا ایپَسَنده اَنجوم دایَه بِیم؟» 29عیسی مِنِه جواب گُت: «کاری که خدا ایپَسَنده یِنِه که وَ بِسی کِردَش ایمون بیاریت.» 30گُتِن: «چه نشونَه وِ معجزه‌ای وَ ایما نِشون ایئی تا بِی دییَنِش وَت ایمون بیاریم؟ چه ایکِنی؟ 31بُویَلِ ایما مِنِه بیابون مَنّا خَردِن، هَموطو که مِنِه نوشته‌یَلِ مقدس نوشتَه وابی‌یِه: "وِّ وَ آسمون وَشون نون دا تا بِخَرِن." 32عیسی جواب دا: «وَراسی، وَ ایشا ایگُم، موسی نَبی که او نونَه وَ آسمون دا وَ ایشا، بلکم بُو مِنِه که نونِ حقیقی نَه وَ آسمون اییِه وَ ایشا. 33سی‌یِکِه نونِ خدا هَموِنِه که وَ آسمون نازل وابی‌یِه، وُ وَ دنیا حیات ایبَخشِه.» 34پَ گُتِن: «ای نونَه همیشَه وَمون بییِه.» 35عیسی وَشون گُت: «نونی که حیات اییِه مِنُم. هرکه بیا طِیم، وَتَه گُسنَه نیابو، وِ هرکه وَم ایمون بیارِه وَتَه تشنَه نیابو. 36امّا هَموطو که وَ ایشا گُتُم، هَرچَن مِنَه دیئیتِه، امّا ایمون نیاریت. 37تَمومِ اوچیئی که بُو وَم بُویَخشِه، ایا طِیم، وِ کسی که بیا طِیم، وِّ نَه وَتَه وَ خُوم دیر نیکِنُم. 38سی‌یِکِه وَ آسمون نَیومَمِه دومِن تا وَ خواسِ خُوم عمل کِنُم، بلکم اومَمِه تا خواسِ کسی نَه که مِنَه بِسی کِردِه اَنجوم بییُم. 39وِ خواسِ کسی که مِنَه بِسی کِردِه یِنِه که وَ او کَسَلی که وِّ وَم بَخشییِه، هیچ کویَکی نَه وَ دَس نَیُم، بلکم اونگَلَه مِنِه روز قیامت زِندَه کِنُم. 40سی‌یِکِه ارادۀ بُو مِ یِنِه که هرکه وَ کُر سِیل کِنِه وِ وَش ایمون بیارِه، حیات ابدی نصیبش وابو، وِ مو مِنِه روزِ قیامت وِّ نَه زِندَه ایکِنُم.»
41اوسِه یَهودی‌یَل درموردِ وِّ شروع کِردِن وَ غُرَغُر، سی‌یِکِه گُتَه بی «مِ او نونی یَم که وَ آسمون نازل وابی‌یِه.» 42ایگُتِن: «مَه ای مِرد، عیسی کِرِ یوسف نی که ایما دِی‌بُوشَه ایشناسیم؟ پَ چطو ایگُ، "وَ آسمون نازل وابی‌یِمِه"؟» 43عیسی مِنِه جوابِشون گُت: «بِی یَک غُرَغُر مَکِنیت. 44هیشکَه نیتَرِه بیا طِیم، غیرَ یِکِه بُویی که مِنَه بِسی کِه وِّ نَه وَ طرفِ خُوش بِکَشِه، وِ مو مِنِه روزِ قیامت وِّ نَه زِندَه ایکِنُم. 45مِنِه نوشته‌یَلِ پیغمبرَل اومَیِه که "همَه وَ خدا تعلیم ایگِرِن." پَ هرکه وَ بُو بِشنِفِه وِ وَش تعلیم بِگِرِه، ایا طِیم. 46نَه یِکِه کسی بُو نَه دییَه بو، غیرَ او کسی که وَ جانبِ خدایَه؛ وِّ بُو نَه دییِه. 47وَراسی، وَ ایشا ایگُم، هرکه ایمون دارِه، حیات ابدی نَه دارِه. 48نونی که حیات اییِه مِنُم. 49بُویَلِ ایشا، مَنّا نَه که وَ آسمون اییومَه، مِنِه بیابون خَردِن، وِ بِی ای حال مُردِن. 50امّا یِنِه او نونی که وَ آسمون نازل ایابو تا هرکه وَش بِخَرِه، نَمیرِه. 51مِنُم او نونی که حیات ایبَخشِه، نونی که وَ آسمون نازل وابی. هرکه وَ ای نون بِخَرِه، تا ابد زندَه ایوِیسِه. نونی که مِ سی حیات دنیا اییُم، بَیَنِ مِنِه.»
52پَ مابِینِ یَهودی‌یَل جَرِبَحثِ سختی وابی که «ای مِرد چطو ایتَرِه بَیَنِ خِشَه وَمون بییِه تا بِخَریم؟» 53عیسی وَشون گُت: «وَراسی، وَ ایشا ایگُم، که تا بَیَنِ کِرِ انسانَه نَخَریت وِ خینِ وِّ نَه نَنوشیت، مِنِه خِتون حیات نَیاریت. 54هرکه بَیَنِ مِنَه بِخَرِه وِ خینِ مِنَه بِنوشه، حیاتِ ابدی دارِه، وِ مو، مِنِه روزِ قیامت وِّ نَه زِندَه ایکِنُم. 55سی‌یِکِه بَیَنِ مِ خَردَنیِ حقیقی وِ خینِ مِ نوشیدَنیِ حقیقی یَه. 56کسی که بَیَنِ مِنَه ایخَرِه وِ خینِ مِنَه اینوشِه، مِنُم ایوِیسِه وِ مو، مِنِه وُّ. 57هَموطو که بُو، بُویی که هَمیشَه زندَه یَه، مِنَه بِسی کِه وِ مِ وَ بُو زندَه یَم، هَموطو، هرکه مِنَه ایخَرِه هَم، وَ مِ زندَه ایوِیسِه. 58یِنِه نونی که وَ آسمون نازل وابی؛ نه مِی او نونی که بُویَلِ ایشا خَردِن، وِ بِی ای حال مُردِن؛ بلکم هرکه وَ ای نون بِخَرِه، تا ابد زندَه ایوِیسِه.» 59عیسی ای گَپَلَه زمونی گُت که مِنِه کنیسه‌ای که هَمو عبادتگاه یهودی‌یَلِه، مِنِه کفرناحوم تعلیم ایدا.
اعتراف پِطرُس
60یِکِلی وَ شاگردلِش بِی اِشنُفتَنِ ای گَپَل گُتِن: «ای تعلیم سختِه، کی ایتَرِه وِه نَه قبول کِنِه؟» 61عیسی، آگا بی وَ یِکِه شاگردَلِش در موردِ یِه غُرَغُر ایکِنِن، وَشون گُت: «مَه ای گَپُم، وَتون بَرخَه؟ 62پَ اَر کِرِ انسانَه بِوینیت که ایرَه بالا وَ جِی اَوَلِش، چه ایکِنیت؟ 63روحِ خدایَه که حیات اییِه؛ جِسم فِیدِه‌ای نَیارِه. گَپَلی که مِ وَ ایشا گُتُم، روح وِ حیاتِه. 64امّا یِه‌پاره‌ای وَ ایشا ایمون نیارِن.» سی‌یِکِه عیسی وَ اَوَل دونِس چه کَسَلی ایمون نیارِن وِ کیَه که وِّ نَه تسلیمِ دشمن ایکِنِه. 65اوسِه عیسی گُت: «سی هَمیِه وَ ایشا گُتُم که هیشکَه نیتَرِه بیا طِیم، غیرَ یِکِه وَ طرفِ بُو وَش عطا وابی‌یَه بو.»
66وَ یِه واپَس، یِکِلی وَ شاگردَلِش وَرگشتِن، وِ دَ باش نَوِیسان. 67پَ عیسی وَ او دوازَه نفر گُت: «مَه ایشا هَم ایخِیت بِرِیت؟» 68شمعونِ پطرس جواب دا: «ای آقا، بِرِیم طِی کی؟ گَپَلِ حیاتِ ابدی طِی تِنِه. 69وِ ایما ایمون آوُردیمِه وِ فَمِسیمِه که تِنی او قدّوسِ خدا.» 70عیسی وَشون جواب دا: «مَه ایشا دوازَه نفَرَ مِ جیا نَکِردِمِه؟ وا ای حال، یکی وَ ایشا اِبلیسی یَه.» 71منظورِ عیسی، یهودا، کِرِ شَمعونِ اَسخَریوطی بی، سی‌یِکِه وِّ که یکی وَ او دوازَه نفر بی، ایرَت که عیسی نَه تسلیمِ دشمن کِنِه.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
@ 2024 Korpu Company