انجیلِ یوحنا 5
5
شَفِی مِردِ علیل
1بعدَ یِچِی، عیسی سی یکی وَ عِیدَلِ یهود، رَت وَ اورشلیم. 2مِنِه اورشلیم، طِی «دروازۀ میش» حوضی هِسی که مِنِه زُوونِ آرامی که زُوونِ یهودی‌یَلِه وَش ایگُن «بِیت حِسدا» وِ پَنج اِیوون دارِه. 3وُچِه عدۀ زیادی وَ مَریضَل، مِی کورَل، شَلَل وِ فَلَجَل دِراز ایکَشییِن وِ بَندیرِ تکون خَردَنِ اُو بییِن. 4سی‌یِکِه گَمون ایکِردِن هَراَزگایی فرشته‌ای وَ طرفِ خداوند نازل ایابو وِ اُو نَه تَکون اییِه؛ وِ اَوَلین کسی که بعدَ تکون خَردَنِ اُو بِرَه مِنِه حوض، وَ هر مَرَضی که دارِه شفا ایگِرِه.
5مِنِه او بین، مِردی بی که سی‌وِهشت سال زمینگیر بی. 6وختی عیسی وِّ نَه دی که وُچِه دِراز کَشییَه وِ فَمِس که زمونِ زیادی یَه وَ ای حال گِرفتارِه، وَش پُرسی: «مَه ایخِی شفا بِگِری؟» 7مِردِ علیل گُت: «ای آقا، کسی نَه نَیارم که وختی اُو تَکون ایخَرِه، مِنَه بُویَرِه مِنِه حوض، وِ تا خِمَه ایرَسونُم وُچو، یِکیدَه نِهِی مِ رَتِه مِنِش.» 8عیسی وَش گُت: «وَری، جاتَه وَگِه وِ رَه بِرَه.» 9او مِرد هَمو دَقَه شفا گِرُت وِ جاشَه وَگِرُت، شروع کِه وَ رَه رَتَن.
او روز، شَبّات یعنی شنبۀ مقدس بی. 10پَ یَهودی‌یَل وَ مِردِ شفا گِرُتَه گُتِن: «اُمرو شَباتِه وُ وَ تِ جایز نی که جاتَه جَم کِنی بُویَری.» 11وِّ جواب دا: «وِّ که مِنَه شفا دا وَم گُت، "جاتَه وَگِه وِ رَه بِرَه".» 12وَش پُرسییِن: «وِّ که وَت گُت جاتَه وَگِری وِ رَه بِرِی، کی بی؟» 13امّا مِردِ شفا گِرُتَه نُونِس وِّ کیَه، سی‌یِکِه عیسی مِلِی جمعیت غِیبِش زَیَه بی.
14بعدَ یِچِی، عیسی وِّ نَه مِنِه معبد جُس وِ وَش گُت: «ایسِه که سلامتی خِتَه اُمبِلا وَ دَس آوُردی‌یِی، دَ گِنا مَکُ تا وَ حالِ بَتَر گرفتار نَوابِی.» 15او مِرد رَت وُ وَ یَهودی‌یَل گُت: «وِّ که مِنَه شفا دا، عیسی یَه.»
16سی هَمیِه بی که یَهودی‌یَل عیسی نَه اذیت ایکِردِن، سی‌یِکِه ای کارَلَه مِنِه روزِ شَبّات ایکِه. 17امّا جواب عیسی یِه بی که «بُو مِ هَنی کار ایکِنِه، مِ هَم کار ایکِنُم.» 18سی هَمیو، یَهودی‌یَل بیشتَرَ نَهاتَر ایخواسِن عیسی نَه بِکِشِن، سی‌یِکِه نَه تِنا شَبّاتَه ایشکَنا، بلکم خدا نَه هَم بُو خِش ایخُوند وِ خِشَه بِی خدا برابر ایکِه.
قدرت و اقتدار کِرِ خدا
19عیسی وَشون گُت: «وَراسی، وَ ایشا ایگُم که کُر نیتَرِه وَ خُوش کاری کِنِه غیرَ کارَلی که ایبینِه بُوش ایکِنِه؛ سی‌یِکِه هر چِه بُو ایکِنِه، کُر هَم ایکِنِه. 20سی‌یِکِه بُو، کِرَ دوس داره وِ هر کاری که ایکِنِه وَش نشون اییِه وِ کارَلِ گَپوتر وَ یِه هَم وَش نشون اییِه تا حیرت‌زَیَه وابِیت. 21سی‌یِکِه هَموطو که بُو مُردِه‌یَلَه زِندَه ایکِنِه وُ وَشون حیات ایبَخشِه، کُر هَم وَ هرکه بِخوا، حیات ایبَخشِه. 22بُو وَ کسی داوری نیکِنه، بلکم تمومِ کارِ داوری نَه دایه وَ دَسِ کُر. 23تا هَمَه کِرَ حرمت کِنِن، هَموطو که بُو نَه حرمت ایکِنِن. سی‌یِکِه کسی که وَ کُر حرمت نینِه، وَ بُویی که وِّ نَه بِسی کِردِه هَم حرمت نَنَهایِه. 24وَراسی، وَ ایشا ایگُم، هرکه کلامِ مِنَه گوش بِگِرِه وُ وَ کسی که مِنَه بِسی کِردِه ایمون بیارِه، حیات ابدی داره وُ وَ داوری نیایِه، بلکم وَ مرگ، رَتِه مِنِه حیات. 25وَراسی، وَ ایشا ایگُم، زمونی ایرَسِه، بلکم هَم ایسِنِه، که مُردِه‌یَل صییِی کِرِ خدا نَه ایشنِفِن وِ کَسَلی که بِشنِفِن، زندَه ایابون. 26سی‌یِکِه هَموطو که بُو مِنِه خُوش حیات دارِه، وَ کُر هَم عطا کِردِه که مِنِه خُوش حیات داشتَه بو، 27وِ وَش ای اقتدارَ بَخشییِه که داوری هم کِنِه، سی‌یِکِه کِرِ انسانِه. 28وَ ای گَپَل حیرت‌زَیَه نَوابِیت، سی‌یِکِه زمونی ایرَسِه که تَمومِ اونگَلی که مِنِه قبرِن، صییِی کِرَ ایشنِفِن وِ ایان وَدَر. 29اونگَلی که خوبی کِردَه بون، زندَه ایوِیسِن سی حیات. وِ اونگَلی که بَدی کِردَه بون، زندَه ایوِیسِن سی داوری. 30مِ وَ خُوم نیتَرُم کاری کِنُم، بلکم بنا وَ اوچیئی که ایشنِفُم داوری ایکِنُم وِ داوریِ مِ وَ ری عَدلِه، سی‌یِکِه نَه وَ دینِ اَنجومِ خواست خِمُم، بلکم ایخوام خواستِ کسی نَه اَنجوم بییُم که مِنَه بِسی کِردِه.
شهادَتَلِ عیسی
31«اَر مِ خُوم وَ خُوم شهادَت بییُم، شهادَتُم اعتباری نَیارِه. 32امّا یِکیدَه هِسی که وَ مِ شهادَت اییِه وِ دونُم شهادَتِش درموردِ مِ اعتبار دارِه. 33اَلبَتَه ایشا کَسَلی نَه بِسی کِردیت طِی یحیی وُ وِّ وَ حقیقت شهادَت دا. 34نَه یِکِه مِ شهادَتِ انسانَه قبول کِنُم، بلکم ای گَپَلَه ایگُم تا نجات بِجوریت. 35یحیی چراغی بُر وِ نورانی بی، وِ ایشا خواسیت یِچِی مِنِه نورش خَش بِیت. 36امّا مِ شهادتی گَپوتر وَ شهادَت یحیی دارُم، سی‌یِکِه کارَلی که بُو دایِه وَ دَسُم تا اَنجوم بییُم، یعنی هَمی کارَلی که ایکِنُم، خِشون وَ مِ شهادَت اییِن که مِنَه بُو بِسی کِردِه. 37وِ هَمو بُویی که مِنَه بِسی کِه، خُوش وَ مِ شهادَت اییِه. ایشا وَتَه صییِی وِّ نَه نَشنُفتیتِه وِ ری وِّ نَه نَدیتِه. 38وِ کلام وِّ مِنِه ایشا نیسی، سی‌یِکِه وَ بِسی کِردِۀ وِّ ایمون نَیاریت. 39ایشا نوشته‌یَلِ مقدّسَه ایجوریت، سی‌یِکِه گَمون ایکِنیت وَ واسطۀ اونگَل حیات ابدی داریت، دَر حالی که هَمی نوشته‌یَل وَ مِ شهادَت اییِن. 40امّا نیخِیت طِی مِ بی‌یِیت تا حیات بِجوریت.
41«مِ جلالَه وَ انسانَل قبول نیکِنُم، 42امّا ایشا نَه خوب ایشناسُم که محبت خدا نَه مِنِه دل نَیاریت. 43مِ وَ نومِ بُو خِم اومَمِه، امّا ایشا مِنَه قبول نیکِنیت. امّا اَر یِکیدَه وَ نومِ خُوش بیا، وِّ نَه قبول ایکِنیت. 44چطو ایتَریت ایمون بیاریت دَرحالی که جلالَه وَ یَک قبول ایکِنیت، امّا نَه وَ دینِ جلالی یِیت که وَ خِدِی یکتا بو؟ 45گمون نَکِنیت مِنُم که مِنِه حضور بُو، ایشا نَه متهم ایکِنُم؛ کسی که ایشا نَه متهم ایکِنِه، موسی یَه، هَموِه که وَش اِمید بَسیتِه. 46سی‌یِکِه اَر موسی نَه تصدیق ایکِردیت، مِنَه هَم تصدیق ایکِردیت، سی‌یِکِه وِّ درمورد مِ نوشته. 47امّا اَر نوشته‌یَلِ وِّ نَه باوَر نَیاریت، چطو گَپَلِ مِنَه باور ایکِنیت؟»
Valið núna:
انجیلِ یوحنا 5: SLB
Áherslumerki
Deildu
Afrita
Want to have your highlights saved across all your devices? Sign up or sign in
@ 2024 Korpu Company
انجیلِ یوحنا 5
5
شَفِی مِردِ علیل
1بعدَ یِچِی، عیسی سی یکی وَ عِیدَلِ یهود، رَت وَ اورشلیم. 2مِنِه اورشلیم، طِی «دروازۀ میش» حوضی هِسی که مِنِه زُوونِ آرامی که زُوونِ یهودی‌یَلِه وَش ایگُن «بِیت حِسدا» وِ پَنج اِیوون دارِه. 3وُچِه عدۀ زیادی وَ مَریضَل، مِی کورَل، شَلَل وِ فَلَجَل دِراز ایکَشییِن وِ بَندیرِ تکون خَردَنِ اُو بییِن. 4سی‌یِکِه گَمون ایکِردِن هَراَزگایی فرشته‌ای وَ طرفِ خداوند نازل ایابو وِ اُو نَه تَکون اییِه؛ وِ اَوَلین کسی که بعدَ تکون خَردَنِ اُو بِرَه مِنِه حوض، وَ هر مَرَضی که دارِه شفا ایگِرِه.
5مِنِه او بین، مِردی بی که سی‌وِهشت سال زمینگیر بی. 6وختی عیسی وِّ نَه دی که وُچِه دِراز کَشییَه وِ فَمِس که زمونِ زیادی یَه وَ ای حال گِرفتارِه، وَش پُرسی: «مَه ایخِی شفا بِگِری؟» 7مِردِ علیل گُت: «ای آقا، کسی نَه نَیارم که وختی اُو تَکون ایخَرِه، مِنَه بُویَرِه مِنِه حوض، وِ تا خِمَه ایرَسونُم وُچو، یِکیدَه نِهِی مِ رَتِه مِنِش.» 8عیسی وَش گُت: «وَری، جاتَه وَگِه وِ رَه بِرَه.» 9او مِرد هَمو دَقَه شفا گِرُت وِ جاشَه وَگِرُت، شروع کِه وَ رَه رَتَن.
او روز، شَبّات یعنی شنبۀ مقدس بی. 10پَ یَهودی‌یَل وَ مِردِ شفا گِرُتَه گُتِن: «اُمرو شَباتِه وُ وَ تِ جایز نی که جاتَه جَم کِنی بُویَری.» 11وِّ جواب دا: «وِّ که مِنَه شفا دا وَم گُت، "جاتَه وَگِه وِ رَه بِرَه".» 12وَش پُرسییِن: «وِّ که وَت گُت جاتَه وَگِری وِ رَه بِرِی، کی بی؟» 13امّا مِردِ شفا گِرُتَه نُونِس وِّ کیَه، سی‌یِکِه عیسی مِلِی جمعیت غِیبِش زَیَه بی.
14بعدَ یِچِی، عیسی وِّ نَه مِنِه معبد جُس وِ وَش گُت: «ایسِه که سلامتی خِتَه اُمبِلا وَ دَس آوُردی‌یِی، دَ گِنا مَکُ تا وَ حالِ بَتَر گرفتار نَوابِی.» 15او مِرد رَت وُ وَ یَهودی‌یَل گُت: «وِّ که مِنَه شفا دا، عیسی یَه.»
16سی هَمیِه بی که یَهودی‌یَل عیسی نَه اذیت ایکِردِن، سی‌یِکِه ای کارَلَه مِنِه روزِ شَبّات ایکِه. 17امّا جواب عیسی یِه بی که «بُو مِ هَنی کار ایکِنِه، مِ هَم کار ایکِنُم.» 18سی هَمیو، یَهودی‌یَل بیشتَرَ نَهاتَر ایخواسِن عیسی نَه بِکِشِن، سی‌یِکِه نَه تِنا شَبّاتَه ایشکَنا، بلکم خدا نَه هَم بُو خِش ایخُوند وِ خِشَه بِی خدا برابر ایکِه.
قدرت و اقتدار کِرِ خدا
19عیسی وَشون گُت: «وَراسی، وَ ایشا ایگُم که کُر نیتَرِه وَ خُوش کاری کِنِه غیرَ کارَلی که ایبینِه بُوش ایکِنِه؛ سی‌یِکِه هر چِه بُو ایکِنِه، کُر هَم ایکِنِه. 20سی‌یِکِه بُو، کِرَ دوس داره وِ هر کاری که ایکِنِه وَش نشون اییِه وِ کارَلِ گَپوتر وَ یِه هَم وَش نشون اییِه تا حیرت‌زَیَه وابِیت. 21سی‌یِکِه هَموطو که بُو مُردِه‌یَلَه زِندَه ایکِنِه وُ وَشون حیات ایبَخشِه، کُر هَم وَ هرکه بِخوا، حیات ایبَخشِه. 22بُو وَ کسی داوری نیکِنه، بلکم تمومِ کارِ داوری نَه دایه وَ دَسِ کُر. 23تا هَمَه کِرَ حرمت کِنِن، هَموطو که بُو نَه حرمت ایکِنِن. سی‌یِکِه کسی که وَ کُر حرمت نینِه، وَ بُویی که وِّ نَه بِسی کِردِه هَم حرمت نَنَهایِه. 24وَراسی، وَ ایشا ایگُم، هرکه کلامِ مِنَه گوش بِگِرِه وُ وَ کسی که مِنَه بِسی کِردِه ایمون بیارِه، حیات ابدی داره وُ وَ داوری نیایِه، بلکم وَ مرگ، رَتِه مِنِه حیات. 25وَراسی، وَ ایشا ایگُم، زمونی ایرَسِه، بلکم هَم ایسِنِه، که مُردِه‌یَل صییِی کِرِ خدا نَه ایشنِفِن وِ کَسَلی که بِشنِفِن، زندَه ایابون. 26سی‌یِکِه هَموطو که بُو مِنِه خُوش حیات دارِه، وَ کُر هَم عطا کِردِه که مِنِه خُوش حیات داشتَه بو، 27وِ وَش ای اقتدارَ بَخشییِه که داوری هم کِنِه، سی‌یِکِه کِرِ انسانِه. 28وَ ای گَپَل حیرت‌زَیَه نَوابِیت، سی‌یِکِه زمونی ایرَسِه که تَمومِ اونگَلی که مِنِه قبرِن، صییِی کِرَ ایشنِفِن وِ ایان وَدَر. 29اونگَلی که خوبی کِردَه بون، زندَه ایوِیسِن سی حیات. وِ اونگَلی که بَدی کِردَه بون، زندَه ایوِیسِن سی داوری. 30مِ وَ خُوم نیتَرُم کاری کِنُم، بلکم بنا وَ اوچیئی که ایشنِفُم داوری ایکِنُم وِ داوریِ مِ وَ ری عَدلِه، سی‌یِکِه نَه وَ دینِ اَنجومِ خواست خِمُم، بلکم ایخوام خواستِ کسی نَه اَنجوم بییُم که مِنَه بِسی کِردِه.
شهادَتَلِ عیسی
31«اَر مِ خُوم وَ خُوم شهادَت بییُم، شهادَتُم اعتباری نَیارِه. 32امّا یِکیدَه هِسی که وَ مِ شهادَت اییِه وِ دونُم شهادَتِش درموردِ مِ اعتبار دارِه. 33اَلبَتَه ایشا کَسَلی نَه بِسی کِردیت طِی یحیی وُ وِّ وَ حقیقت شهادَت دا. 34نَه یِکِه مِ شهادَتِ انسانَه قبول کِنُم، بلکم ای گَپَلَه ایگُم تا نجات بِجوریت. 35یحیی چراغی بُر وِ نورانی بی، وِ ایشا خواسیت یِچِی مِنِه نورش خَش بِیت. 36امّا مِ شهادتی گَپوتر وَ شهادَت یحیی دارُم، سی‌یِکِه کارَلی که بُو دایِه وَ دَسُم تا اَنجوم بییُم، یعنی هَمی کارَلی که ایکِنُم، خِشون وَ مِ شهادَت اییِن که مِنَه بُو بِسی کِردِه. 37وِ هَمو بُویی که مِنَه بِسی کِه، خُوش وَ مِ شهادَت اییِه. ایشا وَتَه صییِی وِّ نَه نَشنُفتیتِه وِ ری وِّ نَه نَدیتِه. 38وِ کلام وِّ مِنِه ایشا نیسی، سی‌یِکِه وَ بِسی کِردِۀ وِّ ایمون نَیاریت. 39ایشا نوشته‌یَلِ مقدّسَه ایجوریت، سی‌یِکِه گَمون ایکِنیت وَ واسطۀ اونگَل حیات ابدی داریت، دَر حالی که هَمی نوشته‌یَل وَ مِ شهادَت اییِن. 40امّا نیخِیت طِی مِ بی‌یِیت تا حیات بِجوریت.
41«مِ جلالَه وَ انسانَل قبول نیکِنُم، 42امّا ایشا نَه خوب ایشناسُم که محبت خدا نَه مِنِه دل نَیاریت. 43مِ وَ نومِ بُو خِم اومَمِه، امّا ایشا مِنَه قبول نیکِنیت. امّا اَر یِکیدَه وَ نومِ خُوش بیا، وِّ نَه قبول ایکِنیت. 44چطو ایتَریت ایمون بیاریت دَرحالی که جلالَه وَ یَک قبول ایکِنیت، امّا نَه وَ دینِ جلالی یِیت که وَ خِدِی یکتا بو؟ 45گمون نَکِنیت مِنُم که مِنِه حضور بُو، ایشا نَه متهم ایکِنُم؛ کسی که ایشا نَه متهم ایکِنِه، موسی یَه، هَموِه که وَش اِمید بَسیتِه. 46سی‌یِکِه اَر موسی نَه تصدیق ایکِردیت، مِنَه هَم تصدیق ایکِردیت، سی‌یِکِه وِّ درمورد مِ نوشته. 47امّا اَر نوشته‌یَلِ وِّ نَه باوَر نَیاریت، چطو گَپَلِ مِنَه باور ایکِنیت؟»
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
@ 2024 Korpu Company