انجیلِ یوحنا 2
2
معجزه مِنِه عروسی
1روزِ سوم، مِنِه دهاتِ قانا مِنِه وِلاتِ جلیل عروسی بی وِ دِی عیسی هَم وُچِه بی. 2عیسی وِ شاگِردَلِش هَم دعوت بییِن وَ عروسی. 3وختی شراب تَموم وابی، دِی عیسی وَش گُت: «اونگَل شراب نَیارِن!» 4عیسی وَش گُت: «ای زن، ای کار وَ مِ چه؟ ساعت مِ هَنی نَرَسییِه.»
5دِیش وَ خذمَتکارَل گُت: «هر چه وَ ایشا ایگُ، بِکِنیت.» 6وُچِه شیش خمرۀ سنگی بی که یَهودی‌یَل وَ اُوش سی غسلِ پاکی استفایَه ایکِردِن، وِ هَر کویَکی حدودِ صدوبیس لیتر جا ایگِرُت. 7عیسی وَ خذمتکارَل گُت: «ای خمرِه‌یَلَه پُر کِنیت وَ اُو.» پَ اونگَلَه لبتالَب پُر کِردِن. 8اوسِه وَشون گُت: «ایسِه یِچِی وَشون وَگِریت وِ بویَریت طِی صاحاب مجلس.» وِ اونگل بُردِن. 9صاحاب مجلس اُو نَه که شراب وابی‌یَه بی مِزَه کِه. وِّ نُونِس وِه نَه وَ کوچِه آوُردِنِه، امّا خذمتکارَلی که اُو نَه کَشییَه بییِن، دونِسِن. صاحاب مجلس دومانَه صیا کِه 10وِ وَش گُت: «همه اَوَل بِی شراب ناب پذیرایی ایکِنِن وِ موقِی که مِمونَل مَهس وابی‌یِن، شرابِ اَرزونتَرَ ایارِن؛ امّا تِ شرابِ نابَه تا ایسِه نِگَه کِردی‌یِی!»
11یِه اَوَلین مُعجزَه وِ نِشونَه‌ای بی که عیسی مِنِه دهاتِ قانای جلیل اَنجوم دا وِ جلالِ خِشَه آشکار کِه وِ شاگردَلِش وَش ایمون آوُردِن.
12اوسِه بِی دِی وِ کَکایَل وِ شاگردَلِش رَت وَ شهرِ کفرناحوم، وِ چَن روزی وُچِه وِیسان.
عیسی مِنِه معبد
13وختی عیدِ پِسَح یهود نِزیک بی، عیسی رَت وَ اورشلیم. 14مِنِه صحنِ معبد، دی که یِه‌پاره‌ای وَ فِرُتَنِ گا وِ میش وِ کَموتَر مشغولِن، وِ صرّافَل هَم نِشَسِنِه وَ کسبِ کار. 15عیسی شِلاقی وَ بَند دِرُس کِه وِ تَمومِ اونگَلَه بِی میشَل وِ گایَل، وَ معبد وِردا وَدَر. وِ سکّه‌یَلِ صَرافَلَه رِت وَ ری زمین وِ تَختَلِشونَه دَمِری کِه، 16وُ وَ کَموترفروشَل گُت: «اینگَلَه وَ وِیچِه بویَریت وَدَر، وِ حونۀ بو مِنَه جِی کسبِ کار مَکِنیت!» 17اوسِه شاگردلِش وَ حوشِشون اومَه که مِنِه نِوِشته‌یَلِ مقدس نوشتَه وابی‌یِه: «غیرت سی حونِی تِ مِنَه ایسوزَنِه.» 18اوسِه یَهودی‌یَل در برابر ای کار وِّ گُتِن: «چه معجزَه وِ نِشونه‌ای وَمون نِشون ایئی تا بِیونیم اجازۀ ایطو کارَلی نَه داری؟» 19عیسی مِنِه جوابِشون گُت: «ای معبدَ خراب کِنیت که مِ سه روزَه وِه نَه اُمبِلا بَرپا ایکِنُم.» 20یَهودی‌یَل گُتِن: «بَنِی ای معبد چل‌وشیش سال طول کَشییِه، وِ ایسِه تِ ایخِی سه روزَه وِه نَه بَرپا کِنی؟» 21امّا معبدی که عیسی وَش گَپ ایزَه بَیَنِ خُوش بی. 22پَ موقِی که وَ مُردِه‌یَل زِندَه وابی، شاگردَلِش ای گُتۀ وِّ نَه وَ یای آوُردِن، وُ وَ نوشته‌یَلِ مقدس وِ گَپَلِ عیسی ایمون آوُردِن.
23مِنِه مِدَتی که عیسی سی عیدِ پِسَح مِنِه اورشلیم بی، خیلی‌یَل بِی دییَنِ معجزه‌یَل وِ نِشونِه‌یَلی که وِّ اَنجوم ایدا، وَ نومِ وِّ ایمون آوُردِن. 24امّا عیسی وَ ایمونِشون اعتماد نَیاشت، سی‌یِکِه هَمَه نَه ایشناخت 25وِ اِتیاجی نَیاشت کَسی درمورد انسان چیئی وَش بِگُ، سی‌یِکِه خُوش دونِس چِه مِنِه دلِ انسانِه.
Valið núna:
انجیلِ یوحنا 2: SLB
Áherslumerki
Deildu
Afrita
Want to have your highlights saved across all your devices? Sign up or sign in
@ 2024 Korpu Company