गलाति 5
5
ख्रिस्टता स्वतन्तरो
1ख्रिस्ट केलाइहेङ मोसाको व्यवस्थासो स्वतन्तरो बानाइहि, ओदोङ भाअ्सिङ नेलाइहेङ थाहा जेनाको नेलाइ स्वतन्तरो जेङका हिसुन्हा। कालाउ आरोङ ताइमिहेङ व्यवस्था केम्लि बान्धाइति माबानाइसु।
2का पावल नेलाइहेङ हाइ दोअ्लि भोखा ध्यान पितेङ हिङसु, नेलाइ परमेस्वरसो धर्मि जेङलि खाताना पासुन्हा पानु, ख्रिस्ट नेलाइको भाअ्सिङ पाका कामको हिदोइ बुङ फाइदा मान्थु। 3का नेलाइहेङ आरोङ चेताउनि पिखा, कि जेसापा हासु बुङ का परमेस्वर पाहासो धर्मि जेनाङका दोअ्तेङ खाताना पाका हि पानु, वा मोसाको व्यवस्थाहोइ दोअ्का गोताङ काथा केम्लि गोइखे। 4नेलाइ जाइ मोसाको व्यवस्था मानितेङ धर्मि जेङलि खाङसुखेना, नेलाइ ख्रिस्टसो खेङन्हाका हिसुन्हा। कालाउ परमेस्वरको आनुग्रहसो दुरे जेङका हिसुन्हा। 5का एसा दोअ्खा हाइपालिपानु केलाइहेङ पबित्तरो आत्मासो पुरा खाङधुरि हि, कि परमेस्वर केलाइहेङ धर्मि कोनिङ सुइकार पावा, हाइपालिपानु केलाइ ख्रिस्टता खाङधुरि पान्हाखे। 6जेसापा नेलाइ येसु ख्रिस्टको खान्धुराइगेलाइनु खाताना पालाउ बुङ मापालाउ बुङ हिदोइ बुङ फरक माजेङखे। कालाउ मुलि काथा या कि केलाइ ख्रिस्टता खाङधुरि पान्हाखे, कालाउ परमेस्वर कालाउ आरु द्याङहेङ बुङ प्रेम पान्हाखे।
7नेलाइ ख्रिस्टको खाङधुरिता रेम्कासो बाराकाताङ हानिघा सुखेना। एला हासु नेलाइहेङ सत्ये मानिलिसो रोकिदोङखे? 8इदोइ सिक्स्या ते नेलाइहेङ ताइको सान्तान जेङलि काइका परमेस्वरसो माको। 9चङख हिसु, हाइपालिपानु इदोइ भनाइ सत्ये हि कि, “आतुइसा साउरिहोइ गोताङ तोलेहेङ फुलिका बानाइखे।” 10का प्रभुता भोरोसा पाखा, कि वा नेलाइहेङ धाताइका सिक्स्यागेलाइसो फारापा ताअ्तावा। कालाउ नेलाइहेङ आवाइतुपाका हासुहेङ लाउ बुङ परमेस्वर वासेहेङ दन्ड प्याङ। 11खान्धुराइ ओनेगेलाइ, जेसापा का द्याङगेलाइको खाताना हिलि गोयाङ दोअ्तेङ प्राचार पाकानु, का समस्याता मापरिधाङका। कालाउ जेसापा का ख्रिस्टको क्रुसको बिसोइहेङ लाअ्तेङ द्याङगेलाइको खाताना हिलि गोयाङ दोअ्का बिसोइता प्राचार पाकानु, का यहुदिगेलाइहेङ चेर माताम्पापिधाङका। 12का चाहिखा कि नेलाइहेङ आवाइ तुपाकालाइ ते ताइको आङग पोलाबुङ जेङधावा।
13खान्धुराइ ओनेगेलाइ, परमेस्वर नेलाइहेङ स्वतन्तरो जेङलि काइका हि, ओदोङ भाअ्सिङ एला नेलाइहेङ मोसाको व्यवस्था मानितेङ हिलि मागोइयाङ। कालाउ इङको स्वतन्तरहेङ ताइको पापमय जिउको स्वभाव आन्सार काम पालि मापि, भरु ताइको स्वतन्तरोता एमिसो-भेनेङहेङ प्रेम पालि कालाउ साघाइलि प्रयोग पासु। 14हाइपालिपानु गोताङ व्यवस्था एनोङ आग्याता सान्तिका हि, “ताइमिहेङ भाइपा ताइको देरागेलाइहेङ बुङ प्रेम पासु।” 15कालाउ ता-ताइमिता चेरसुतेङ कालाउ दानाइसुतेङ हिसुना पानु, होस पासु, माकुनुते ता-ताइमिताङ नेलाइ नासास्वाना।
पबित्तरो आत्मा कालाउ द्याङको स्वभाव
16कालाउ का दोअ्खा, नेलाइ पबित्तरो आत्माको आगुवाइ आन्सार जियाइसु, कालाउ नेलाइ ताइको जिउको पापमय स्वभाबको इच्छा पुरा मापासु। 17हाइपालिपानु केलाइको जिउको पापमय स्वभाबको लान्छाहोइ पबित्तरो आत्माको बिरोध पाखे, एन्साङ दोङ पबित्तरो आत्मा चाहि केलाइको जिउको पापमय स्वभाबको लान्छाको बिरोध पाखे। हाइपालिपानु इङको न्हेमि दोङ एमिसो भेनेङको सतुरु दोङ हि, ओदोङ भाअ्सिङ जेदोङ आसल काम नेलाइ पालि भोसुखेना इङको काम पालि मादोसुखेना। 18कालाउ जेसापा नेलाइ पबित्तरो आत्माको आगुवाइ आन्सार जियाइसुन्हा पानु, नेलाइ मोसाको व्यवस्थाको आधिनता मान्थु सुन्हा।
19जिउको पापमय स्वभाबको कामगेलाइ इदोइ दोङ हि: कासिबिरि, मारेम्का काम, माएल्का बिचार, 20मुर्ति पुजा, जादु-तुना, दुस्मनि, दानाइसुका, मि तुपाका, चेरचुङ, ताइको खिनिङ भोलो सोचिका, खेङन्हाका, मारेम्का पालि जोम्का, 21डाहा, गोरा चि आम्तेङ म्हाका, मोजमाज्जा पाका, कालाउ इन्सिकाङ माएल्का काम पाका। इन्सिका काम पाकालाइ परमेस्वरको सासनको हकवाला जेङलि मानिनाङ दोअ्तेङ का लाम्फा बुङ चेताउनि पिका हिघाखा कालाउ एला बुङ पिदोङखा।
22कालाउ पबित्तरो आत्मा केलाइ लिता उब्जाइ पाका गुनगेलाइ इदोइ दोङ हि: प्रेम, आनान्द, सान्ति, धैर्य, दाया, भालाइ, खाङधुरि योग्य, 23मोनोइ कालाउ ताइमिहेङ काबुता ताअ्लि। इसिका काथागेलाइको बिरोधता पाका हिदोइ बुङ व्यवस्थाता मान्थु। 24कालाउ येसु ख्रिस्टता हिकालाइ ताइको इच्छा कालाउ ताइको जिउको पापमय स्वभाबगेलाइ क्रुस्टता सेअ्का हि।
25जेसापा पबित्तरो आत्मा पाहासो केलाइ नावा जिबन निङका हिनाहि पानु, वाकोङ दोअ्का आन्सार जियाइलि गोइखे। 26केलाइ घमन्डि माजेनाइने, एमिसो-भेनेङहेङ चेर मातामपा प्याइने कालाउ एमिसो-भेनेङको मि मातुपाइने।
Valið núna:
गलाति 5: DHINT
Áherslumerki
Afrita
Bera saman
Deildu
Viltu vista áherslurnar þínar í öllum tækjunum þínum? Skráðu þig eða skráðu þig inn
Dhimal New Testament, by The Love Fellowship is licensed under Creative Commons Attribution-ShareAlike 4.0 License.