Vinsæl biblíuvers úr गलाति 5

Deildu

कालाउ पबित्तरो आत्मा केलाइ लिता उब्जाइ पाका गुनगेलाइ इदोइ दोङ हि: प्रेम, आनान्द, सान्ति, धैर्य, दाया, भालाइ, खाङधुरि योग्य, मोनोइ कालाउ ताइमिहेङ काबुता ताअ्लि। इसिका काथागेलाइको बिरोधता पाका हिदोइ बुङ व्यवस्थाता मान्थु।

कालाउ का दोअ्खा, नेलाइ पबित्तरो आत्माको आगुवाइ आन्सार जियाइसु, कालाउ नेलाइ ताइको जिउको पापमय स्वभाबको इच्छा पुरा मापासु।

जेसापा पबित्तरो आत्मा पाहासो केलाइ नावा जिबन निङका हिनाहि पानु, वाकोङ दोअ्का आन्सार जियाइलि गोइखे।

कालाउ येसु ख्रिस्टता हिकालाइ ताइको इच्छा कालाउ ताइको जिउको पापमय स्वभाबगेलाइ क्रुस्टता सेअ्का हि।

जिउको पापमय स्वभाबको कामगेलाइ इदोइ दोङ हि: कासिबिरि, मारेम्का काम, माएल्का बिचार, मुर्ति पुजा, जादु-तुना, दुस्मनि, दानाइसुका, मि तुपाका, चेरचुङ, ताइको खिनिङ भोलो सोचिका, खेङन्हाका, मारेम्का पालि जोम्का, डाहा, गोरा चि आम्तेङ म्हाका, मोजमाज्जा पाका, कालाउ इन्सिकाङ माएल्का काम पाका। इन्सिका काम पाकालाइ परमेस्वरको सासनको हकवाला जेङलि मानिनाङ दोअ्तेङ का लाम्फा बुङ चेताउनि पिका हिघाखा कालाउ एला बुङ पिदोङखा।

खान्धुराइ ओनेगेलाइ, परमेस्वर नेलाइहेङ स्वतन्तरो जेङलि काइका हि, ओदोङ भाअ्सिङ एला नेलाइहेङ मोसाको व्यवस्था मानितेङ हिलि मागोइयाङ। कालाउ इङको स्वतन्तरहेङ ताइको पापमय जिउको स्वभाव आन्सार काम पालि मापि, भरु ताइको स्वतन्तरोता एमिसो-भेनेङहेङ प्रेम पालि कालाउ साघाइलि प्रयोग पासु।

हाइपालिपानु केलाइको जिउको पापमय स्वभाबको लान्छाहोइ पबित्तरो आत्माको बिरोध पाखे, एन्साङ दोङ पबित्तरो आत्मा चाहि केलाइको जिउको पापमय स्वभाबको लान्छाको बिरोध पाखे। हाइपालिपानु इङको न्हेमि दोङ एमिसो भेनेङको सतुरु दोङ हि, ओदोङ भाअ्सिङ जेदोङ आसल काम नेलाइ पालि भोसुखेना इङको काम पालि मादोसुखेना।

हाइपालिपानु गोताङ व्यवस्था एनोङ आग्याता सान्तिका हि, “ताइमिहेङ भाइपा ताइको देरागेलाइहेङ बुङ प्रेम पासु।”

केलाइ घमन्डि माजेनाइने, एमिसो-भेनेङहेङ चेर मातामपा प्याइने कालाउ एमिसो-भेनेङको मि मातुपाइने।

ख्रिस्ट केलाइहेङ मोसाको व्यवस्थासो स्वतन्तरो बानाइहि, ओदोङ भाअ्सिङ नेलाइहेङ थाहा जेनाको नेलाइ स्वतन्तरो जेङका हिसुन्हा। कालाउ आरोङ ताइमिहेङ व्यवस्था केम्लि बान्धाइति माबानाइसु।