ၸႃႇၶရီႉ 6
6
ရူႇပႃႇရူင်ႇလူၺ်ႈလွင်ႈလေႃႉမႃႉသိုၵ်းသီႇလင်
1လႆႈသမ်ႉ ၵဝ်ဢဝ်တႃၵဝ် ႁႅၼ်တူၺ်းလႄႈ ႁၼ်လေႃႉရထႃး သီႇလင် ဢွၵ်ႇသေၵႃႈၼႂ်း ၵႄႈလွႆ သွင်လုၵ်ႈ မႃးလႄႈ လွႆၸိူဝ်းၼၼ်ႉ ပဵၼ်လွႆတွင်းလိူင်ဢေႃႈ။- 2တီႈလေႃႉရထႃးပထမႃႉ မီးမႃႉလႅင်၊ တီႈလေႃႉရထႃးတူႉတီႉယႃႉ မီးမႃႉၵႃ၊- 3တီႈလေႃႉရထႃးတႃႉတီႉယႃႉ မီးမႃႉၽိူၵ်ႇ၊ တီႈလေႃႉရထႃးၸတုၵ်ႉထႃႉ မီးမႃႉလၢႆး ဢၼ်ႁႅင်းယႂ်ႇၼႃႇၼၼ်ႉ ၸိူဝ်းၼၼ်ႉဢေႃႈ။- 4ၵဝ်ထၢမ်တီႈတမၢၼ်ႇၵၢင်ႁၢဝ် ဢၼ်လၢတ်ႈတေႃႇၵၼ်တင်းၵဝ်ၼၼ်ႉလႄႈဝႃႈ၊ ၸဝ်ႈၵဝ်ၶႃႈဢိူၺ်း၊ ဢၼ်ၸိူဝ်းၼႆႉၸမ်ႉ၊ ပဵၼ်ၵႃႈသင်ၶႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊- 5တမၢၼ်ႇၵၢင်ႁၢဝ်ၼၼ်ႉ ၶိုၼ်းလၢတ်ႈလႄႈဝႃႈ၊ ဢၼ်ၸိူဝ်းၼႆႉ ပဵၼ်ဝီႉၺိၺ်ႇၵၢင်ႁၢဝ် သီႇပႃး ဢၼ်ဢွၵ်ႇသေၵႃႈတီႈဢၼ်ၸုၵ်းယူႇ ၵႃႈတီႈၽၢႆႇၼႃႈၸဝ်ႈ ဢၼ်ဢုပ်ႉပိူင်ႇၼႃႈလိၼ်မိူင်းတင်းၼႃႈ ၼၼ်ႉမႃးဢေႃႈ။- 6မႃႉၵႃႈ ဢၼ်ႁၢင်ႈသႂ်ႇဝႆႉၸိူဝ်းၼၼ်ႉ ဢွၼ်ၵၼ်ဢွၵ်ႇၸူး ၵႃႈတီႈမိူင်းၼႃႈတၢင်းႁွင်ႇလႄႈ၊ မႃႉၽိူၵ်ႇၸိူဝ်းၼၼ်ႉ ဢွၼ်ၵၼ်ၸွမ်းလင်မႃႉၵႃႈ ၸိူဝ်းၼၼ်ႉဢေႃႈ။ မႃႉလၢႆးၸိူဝ်းၼၼ်ႉ ဢွၼ်ၵၼ်ဢွၵ်ႇၸူး ၵႃႈတီႈမိူင်းၼႃႈတၢင်းၸၢၼ်းဢေႃႈ၊ ဝႃႈၼင်ႇၼႆဢေႃႈ။- 7မႃႉဢၼ်ႁႅင်းယႂ်ႇၼႃႇၸိူဝ်းၼၼ်ႉ ဢွၵ်ႇလႄႈယွၼ်းဢၶႂၢင်ႉ ဢၼ်လႆႈလႄႇၵႂႃႇလႄႇမႃး ၵႃႈၼိူဝ်လိၼ်မိူင်း ၵူႈတီႈၵူႈလႅၼ်ဢေႃႈ။ မၼ်းၼၼ်ႉ သင်ႇလၢတ်ႈလႄႈဝႃႈ၊ လႄႇၵႂႃႇလႄႇမႃး ၵႃႈၼိူဝ်လိၼ်မိူင်း ၵူႈတီႈၵူႈလႅၼ် ၸွမ်းၵႃႈၼင်ႇဢၼ် သင်ႇလၢတ်ႈၼၼ်ႉဢေႃႈ။- 8မၼ်းၼၼ်ႉ ႁွင်ႉဢဝ်ၵဝ်လႄႈ လၢတ်ႈလႄႈဝႃႈ၊ တူၺ်းလူး။ မႃႉဢၼ်ၵႂႃႇ ၵႃႈတီႈမိူင်းၼႃႈတၢင်းႁွင်ႇ ၸိူဝ်းၼၼ်ႉ ႁႂ်ႈတၢင်းၸႂ်မႆႈၶႆႈၸႃႉၵဝ် တႄႇယူႇၵႃႈတီႈမိူင်းၼႃႈတၢင်းႁွင်ႇ ၼၼ်ႉယဝ်ႉ၊ ဝႃႈၼင်ႇၼႆဢေႃႈ။
ဢမိင်ႉတၢင်းဢၼ်ႁႂ်ႈတိုဝ်းသရၽူႇပၼ်ယိတ်ႈပရေႃးႁဵၵ်ႈယေႃးသူႉ
9လႆႈသမ်ႉ ၼုၵ်ႈၵပၢတ်ႈထႃႇဝရႃႉၽြႃး ႁွတ်ႈမႃးတီႈၵဝ် လႄႈဝႃႈၸမ်ႉ၊- 10မႂ်းႁွင်ႉဢဝ်မဵဝ်းႁေႇလတေး၊ မဵဝ်းတေႃႇၽီႉယႃႉ၊ မဵဝ်းယေႇတႃႇယႃႉ ဢၼ်လႆႈၶၢမ်ႇ တၢင်းဢၼ်သိမ်းဢဝ်ၵႂႃႇ မိူဝ်ႈၼၼ်ႉၼၼ်ႉလႄႈ မိူဝ်ႈလဵဝ်ၼႆႉ လုၵ်ႉသေၵႃႈတီႈဝဵင်းပႃႇပူႉလုၼ်ႇ ၶိုၼ်းမႃးၼၼ်ႉၵမ်ႈၽွင်ႈလႄႈ ၼႂ်းဝၼ်းလဵဝ်ၵူၺ်း ၵႂႃႇၶဝ်ႈ ၵႃႈၼႂ်းႁိူၼ်း ယူဝ်းသီႉယႃႉ လုၵ်ႈၸၢႆးၸေႇၽၼီႉၼၼ်ႉသေလႄႈ၊- 11ဢဝ်ငိုၼ်းၶမ်းလႄႈ ႁဵတ်းမွၵ်ႇႁူဝ်သရၽူႇ သေယဝ်ႉ၊ ဢဝ်တိုဝ်းသႂ်ႇပၼ် ၵႃႈၼိူဝ်ႁူဝ်ၶုၼ်ယိတ်ႈပရေႃးႁဵၵ်ႈ ယေႃးသူႉ လုၵ်ႈၸၢႆးယေႃးၸတိၵ်ႉၼၼ်ႉတႃႉ။- 12လၢတ်ႈတီႈမၼ်းလႄႈဝႃႈ၊ ၸဝ်ႈပူဝ်ႇပႃႇၵၢင်ႁၢဝ် ထႃႇဝရႃႉၽြႃး မီးဢမိင်ႉၸမ်ႉ၊ လူတူၺ်းၵေႃႉဢၼ်လႆႈၸိုဝ်ႈ ယွတ်ႈ ၼၼ်ႉတႃႉ။ မၼ်းတၵ်းယႂ်ႇမႃးၵႃႈၼႂ်းထႃႇၼႃႉတီႈမၼ်းလႄႈ တႄႇႁဵတ်းပိၵ်ႈမၢၼ်ႇထႃႇဝရႃႉၽြႃးဢေႃႈ။- 13မၼ်းတၵ်း တႄႇႁဵတ်းပိၵ်ႈမၢၼ်ႇ ထႃႇဝရႃႉၽြႃးသေလႄႈ မုၼ်ၽုင်းမၼ်းယႂ်ႇလႄႈ ၼင်ႈၵႃႈၼိူဝ် ရႃႇၸႃႉပလၢင်ႇမၼ်းယူႇ သေလႄႈ ဢုပ်ႉပိူင်ႇၸၢမ်ႇၸႃးဢေႃႈ။ ယိတ်ႈပရေႃးႁဵၵ်ႈ ၵႃႈၼိူဝ်ရႃႇၸႃႉပလၢင်ႇၸဝ်ႈၵေႃႈ မၼ်းတၵ်းပဵၼ်လႄႈ တင်းသွင်ၸိူဝ်ႉသွင်မဵဝ်း တၵ်းႁဵတ်းပတီႉၺိၺ်ႇ မိၵ်ႉသႃႇႁႃယႃႉလူၺ်ႈၵၼ်ဢေႃႈ။- 14မွၵ်ႇႁူဝ်သရၽူႇ ၸိူဝ်းၼၼ်ႉ တၵ်းလႆႈပဵၼ် ပုၼ်ႈသၢၵ်ႈသေႇဝႆႉ ၵႃႈၼႂ်းပိၵ်ႈမၢၼ်ႇ ထႃႇဝရႃႉၽြႃး တီႈႁေႇလိမ်ႇ၊ တေႃႇၽီႉယႃႉ၊ ယေႇတႃႇယႃႉ တင်းႁႅၼ်ႇလုၵ်ႈၸၢႆး ၸေႇၽၼီႉၼၼ်ႉ ၸိူဝ်းၼၼ်ႉဢေႃႈ။- 15ၶဝ်ၸိူဝ်းဢၼ် မီးတီႈၵႆၸိူဝ်းၼၼ်ႉၵေႃႈ တၵ်းဢွၼ်ၵၼ်မႃးလႄႈ တႄႇႁဵတ်း ၵႃႈၼႂ်းပိၵ်ႈမၢၼ်ႇ ထႃႇဝရႃႉၽြႃးလႄႈ သူတၵ်းလႆႈႁူႉ လွင်ႈဢၼ် ၸဝ်ႈပူဝ်ႇပႃႇၵၢင်ႁၢဝ် ထႃႇဝရႃႉၽြႃး ပွႆႇၸႂ်ႉၵဝ်မႃးၸူး တီႈသူၼၼ်ႉဢေႃႈ။ ပေႃးသူထွမ်ႇဢဝ်ဢမိင်ႉထႃႇဝရႃႉၽြႃး ၽြႃးပဵၼ်ၸဝ်ႈသူ ၸေးၸေးၸွတ်ႇၸွတ်ႇၸိုင်၊ တၵ်းပဵၼ်ၸိူဝ်ႉၼႆဢေႃႈ၊ ဝႃႈၼင်ႇၼႆဢေႃႈ။
Valið núna:
ၸႃႇၶရီႉ 6: CBMS
Áherslumerki
Deildu
Afrita
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship