Mapookyony 30
30
1Nawe Raheli eekilollya nnyakeyiirya Yakobo mwana, Raheli kalollya mfwamaye kififi. Kavia Yakobo, “Shiwonisya vana; kilammba indo, nkuti shifwe,” 2Yakobo katirwa ni unyafi kimaruma kya Raheli kaamba, “a yeny mmbo shikee ando a Iruva, yeto alekwiima vana?” 3Kammbia, “Yaa kwiiyo kishinga kyakwa Bilha, kaa nawe naambo nashiirye mwana, neeny shioni mwana ooka kwakwe.” 4Naasa kanningya Bilha kishinga kyakwe kava nkaakwe. Yakobo kakaa nawe. 5Nawe Bilha kakufinga kairya Yakobo mwana.
6Raheli kaamba, “Iruva mmbo ashiniinga usumanu lakwa, kashaaranya unyanga lwakwa kashiniinga mwana;” Naasa kambaanga irina lyakwe n'Dani.” 7Bilha kishinga kya Reheli kakufinga keerya Yakobo mwana wa kavii. 8Raheli kaamba, “Yei ni fira shuumu shikeekapana na mfwama, neeny shavinga.” Kammbaanga irina lyakwe Naftali.
9Lea ekilollya ammanda iwona, kaipoo Silpa kishinga ekyo kyakwe, kanningya Yakobo, nakee nawe. 10Silpa kishinga kya Lea kamwirya mwana. 11Lea kaamba, “Ni pule shisha! Kammbaanga Kati.” 12Silpa kishinga kya Lea kairya Yakobo mwana wa kavii. 13Lea kaamba, “Nkyeni yeny, mashika vaka vengyi vasheshivia shikee wa ngoma.” Kambaanga Aseri. 14Ruben kakupoo kyeeri kya fimu kalollya ndunda ta matungusha efo nreminy, keengye maye we Lea, Naasa Reheli kavia Lea, “Shiningan matungusha maangu yoo a mwana wafo.” 15Nawe kammbia, “Mmbo kwiishi ni kindo kidu ishisoka mmi wakwa, na ulaalu mmbo kuvekundye ishisoka matungusha a mwana?” Raheli kammbia, “Kimmba ni indo mmbo ashelalany kwafo na matungusha a mwana wafo.” 16Yakobo kasha nkwaany auka efo mbuveny, Lea kandemwaambya, kaamba, “Nkuti kwaange kwakwa mashika shandeesya na matungusha a mwana wakwa, kalallya kwakwe kio kilya. 17Iruva kaarannya Lea, nawe kakufinga kairya Yakobo mwana wa karaanu.” 18Lea kaamba, “Iruva mmbo ashiniinga weesi lwakwa. Mashika mmbo shileniingya mmi wakwa kishinga kyakwa. Kammbaanga Isakari. 19Lea kakufinga-se, nawe kairya Yakobo mwana wa karindaru.” 20Lea kaamba, “Iruva mmbo asheengye mbony shisha, ulaalu mmi wakwa ashesamyaa kwakwa kimmba shammwirya vana varindaru.” Kammbaanga Zabulon. 21Numa kaira mwana wa kyika, kammbaanga irina lyakwe Dina
22Iruva kakummbwa Reheli; Iruva kamwarannya, kamwelelisya ndeu. 23Kakufinga kaira mwana, kaamba, Iruva ammuta usutu lwakwa. 24Kammbaanga Yosefu, kaamba, “Nndumi Iruva nasheengerye mwana ungyi.”
Yakobo Aankana na Laban
25Naasa kyeeri Raheli aleira Yosefu, Yakobo kavia Laban, “Shilekeya sheende kweru, mfo urukeny lwakwa.” 26Shiningya vaka vakwa na vana vakwa, mashika kulelollya urundi lwakwa shaasa shilekurunndya. 27Laban kammbia, “Kwakooya shileva nsha misony afo, kaa-u, mashika yeny shammemanya Iruva mmbo aleluvikya mbora kimaruma kyafo.” 28Kaamba, “Amba weesi lwafo elo kukunndye neeny nshekutaa.” 29Kammbia, “Kulelollya shaasa shilekurunndya na shaasa findo fyafo fyevikkya filekaa kwakwa.” 30Mashika umasi lwafo llwekee udu shilandesha kwafo, nalo ulaalu lwang'ana, Nndumi kakuvikkya mbora wo ando shileenda. Naasany ulaalu, niindii shisalallyany mbony ta mmba yakwa shimuni? 31Kammbesa, “A shakuniinga-kyi ndesa? Yakobo kaamba, ‘Kulashiniinge nta kindo-fo, kwashitannya kindo mmbo nsheesa lyingyi findo fyafo neefiwutisa neefiringa, 32Ra shiire efo findony fyafo fyoose fyeevikkya inu, shisauwe-fo efyo fya mapoo-poo na fya mavaru-varu, na moonri yoo afwani muu, na fya maparanga na mavaru-varu efo mburuny, nafyo five mfyo weesi lwakwa.’ 33Na usumanu lwakwa lushekooraa efo mbee, kyeeri kushesha kya weesi lwakwa elo lukee kwafo. “Wo mburu shoose yeyo ilatiri maparanga ao mavaruvaru, ao yoonri lyilafwani yuu, ikallolyo kwakwa, ive sheelyi mmbo ikee shiive.” 34Laban kammbia, “Na kikuviyeny indo shaasa kwaamba,” 35Naasa kauta-fo mburu ta woro na suveny ta maparanga na ta mavaru-varu, shoose titiri ivara yeelwa, na moonri muu moose, katirambikya vana vakwe, 36keenda kwaasha na Yakobo ando a mikonu iraru; nawe Yakobo keesa findo fya Laban filya filesaa-u.
37Yakobo karuuya rungo shivisi ta miri, katouwa makanda a vayo, nrungo eto tikatira mishira myaa. 38Kasaleesa rungo eto yoo ando findo finiiyaa mura. 39Findo efyo fikawata mbee ya rungo tilya, fikafyaa ngurana ta maparanga na ta mavaru-varu.
40Na Yakobo karauwa moonri alya asore tilya teetiri mishira na tilya toose teeke shuu efo findony fya Laban. Filya fyeeke fyakwe muni kafiviira mbai, nta nnyalekifisanda na findo fya Laban-fo. 41Na wo kyeeri findo filya fyeetiri finya filewata, kavesaleesa rungo tilya mbee ya vayo alya tisheniiyaa mura naambo tivake mishira ya rungo tilya. 42Kyeendi findo filya fifwafwa nnyalefyeende alya rungony tilya-fo. Naasa filya fifwa-fwa fikasaa kwa Laban, na filya fitiri finya fikava fya Yakobo. 43Naasa nndu yeto kaingifywa nnu, katira findo fiingyi na mashinga, a kyuumi na a kyika na ngamula na mishungu miingyi.
Valið núna:
Mapookyony 30: MAS2
Áherslumerki
Deildu
Afrita
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
Mapookyony 30
30
1Nawe Raheli eekilollya nnyakeyiirya Yakobo mwana, Raheli kalollya mfwamaye kififi. Kavia Yakobo, “Shiwonisya vana; kilammba indo, nkuti shifwe,” 2Yakobo katirwa ni unyafi kimaruma kya Raheli kaamba, “a yeny mmbo shikee ando a Iruva, yeto alekwiima vana?” 3Kammbia, “Yaa kwiiyo kishinga kyakwa Bilha, kaa nawe naambo nashiirye mwana, neeny shioni mwana ooka kwakwe.” 4Naasa kanningya Bilha kishinga kyakwe kava nkaakwe. Yakobo kakaa nawe. 5Nawe Bilha kakufinga kairya Yakobo mwana.
6Raheli kaamba, “Iruva mmbo ashiniinga usumanu lakwa, kashaaranya unyanga lwakwa kashiniinga mwana;” Naasa kambaanga irina lyakwe n'Dani.” 7Bilha kishinga kya Reheli kakufinga keerya Yakobo mwana wa kavii. 8Raheli kaamba, “Yei ni fira shuumu shikeekapana na mfwama, neeny shavinga.” Kammbaanga irina lyakwe Naftali.
9Lea ekilollya ammanda iwona, kaipoo Silpa kishinga ekyo kyakwe, kanningya Yakobo, nakee nawe. 10Silpa kishinga kya Lea kamwirya mwana. 11Lea kaamba, “Ni pule shisha! Kammbaanga Kati.” 12Silpa kishinga kya Lea kairya Yakobo mwana wa kavii. 13Lea kaamba, “Nkyeni yeny, mashika vaka vengyi vasheshivia shikee wa ngoma.” Kambaanga Aseri. 14Ruben kakupoo kyeeri kya fimu kalollya ndunda ta matungusha efo nreminy, keengye maye we Lea, Naasa Reheli kavia Lea, “Shiningan matungusha maangu yoo a mwana wafo.” 15Nawe kammbia, “Mmbo kwiishi ni kindo kidu ishisoka mmi wakwa, na ulaalu mmbo kuvekundye ishisoka matungusha a mwana?” Raheli kammbia, “Kimmba ni indo mmbo ashelalany kwafo na matungusha a mwana wafo.” 16Yakobo kasha nkwaany auka efo mbuveny, Lea kandemwaambya, kaamba, “Nkuti kwaange kwakwa mashika shandeesya na matungusha a mwana wakwa, kalallya kwakwe kio kilya. 17Iruva kaarannya Lea, nawe kakufinga kairya Yakobo mwana wa karaanu.” 18Lea kaamba, “Iruva mmbo ashiniinga weesi lwakwa. Mashika mmbo shileniingya mmi wakwa kishinga kyakwa. Kammbaanga Isakari. 19Lea kakufinga-se, nawe kairya Yakobo mwana wa karindaru.” 20Lea kaamba, “Iruva mmbo asheengye mbony shisha, ulaalu mmi wakwa ashesamyaa kwakwa kimmba shammwirya vana varindaru.” Kammbaanga Zabulon. 21Numa kaira mwana wa kyika, kammbaanga irina lyakwe Dina
22Iruva kakummbwa Reheli; Iruva kamwarannya, kamwelelisya ndeu. 23Kakufinga kaira mwana, kaamba, Iruva ammuta usutu lwakwa. 24Kammbaanga Yosefu, kaamba, “Nndumi Iruva nasheengerye mwana ungyi.”
Yakobo Aankana na Laban
25Naasa kyeeri Raheli aleira Yosefu, Yakobo kavia Laban, “Shilekeya sheende kweru, mfo urukeny lwakwa.” 26Shiningya vaka vakwa na vana vakwa, mashika kulelollya urundi lwakwa shaasa shilekurunndya. 27Laban kammbia, “Kwakooya shileva nsha misony afo, kaa-u, mashika yeny shammemanya Iruva mmbo aleluvikya mbora kimaruma kyafo.” 28Kaamba, “Amba weesi lwafo elo kukunndye neeny nshekutaa.” 29Kammbia, “Kulelollya shaasa shilekurunndya na shaasa findo fyafo fyevikkya filekaa kwakwa.” 30Mashika umasi lwafo llwekee udu shilandesha kwafo, nalo ulaalu lwang'ana, Nndumi kakuvikkya mbora wo ando shileenda. Naasany ulaalu, niindii shisalallyany mbony ta mmba yakwa shimuni? 31Kammbesa, “A shakuniinga-kyi ndesa? Yakobo kaamba, ‘Kulashiniinge nta kindo-fo, kwashitannya kindo mmbo nsheesa lyingyi findo fyafo neefiwutisa neefiringa, 32Ra shiire efo findony fyafo fyoose fyeevikkya inu, shisauwe-fo efyo fya mapoo-poo na fya mavaru-varu, na moonri yoo afwani muu, na fya maparanga na mavaru-varu efo mburuny, nafyo five mfyo weesi lwakwa.’ 33Na usumanu lwakwa lushekooraa efo mbee, kyeeri kushesha kya weesi lwakwa elo lukee kwafo. “Wo mburu shoose yeyo ilatiri maparanga ao mavaruvaru, ao yoonri lyilafwani yuu, ikallolyo kwakwa, ive sheelyi mmbo ikee shiive.” 34Laban kammbia, “Na kikuviyeny indo shaasa kwaamba,” 35Naasa kauta-fo mburu ta woro na suveny ta maparanga na ta mavaru-varu, shoose titiri ivara yeelwa, na moonri muu moose, katirambikya vana vakwe, 36keenda kwaasha na Yakobo ando a mikonu iraru; nawe Yakobo keesa findo fya Laban filya filesaa-u.
37Yakobo karuuya rungo shivisi ta miri, katouwa makanda a vayo, nrungo eto tikatira mishira myaa. 38Kasaleesa rungo eto yoo ando findo finiiyaa mura. 39Findo efyo fikawata mbee ya rungo tilya, fikafyaa ngurana ta maparanga na ta mavaru-varu.
40Na Yakobo karauwa moonri alya asore tilya teetiri mishira na tilya toose teeke shuu efo findony fya Laban. Filya fyeeke fyakwe muni kafiviira mbai, nta nnyalekifisanda na findo fya Laban-fo. 41Na wo kyeeri findo filya fyeetiri finya filewata, kavesaleesa rungo tilya mbee ya vayo alya tisheniiyaa mura naambo tivake mishira ya rungo tilya. 42Kyeendi findo filya fifwafwa nnyalefyeende alya rungony tilya-fo. Naasa filya fifwa-fwa fikasaa kwa Laban, na filya fitiri finya fikava fya Yakobo. 43Naasa nndu yeto kaingifywa nnu, katira findo fiingyi na mashinga, a kyuumi na a kyika na ngamula na mishungu miingyi.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.