Mapookyony 31
31
Yakobo Arisha Laban
1Naasa Yakobo keeta marero a vana va Laban veshaamba, “Yakobo mmbo aleipoo masaa moose a-nde weeru, na kyeendwa mmasaa a-nde weeru mmbo ammbonisa usuri elu loose.” 2Yakobo elyi alola kisangu kya Laban kakooya nnyakeekillola nisha sha ukwa-u na isho-fo. 3Nndumi Iruva karera na Yakobo kammbia, “Wuya na kulya urukeny lwa vandoo na lwa vandu vafo, neeny nshekaa neewe.” 4Yakobo karuma vandu, Raheli na Lea vandevaangwa vashe kulya wureny akai na findo fyakwe. Kavavia, 5“Shilollye kisangu kya nde waany, ulaalu nyakeeshilola nisha sha ukwa-u na isho-fo. Lyo Iruva wa nde-yaakwa akee neeny.” 6Neeni lyo mwiishi mmbo shilerunndya nde-waany na finya takwa toose. 7Na nde-waay mmbo aleshilemba, kaalasha weesi lwakwa kalunyiisa kamaa ikumi, kya indi Iruva nnyalenra nashivavise-fo. 8Llya aleamba, yeto ta maparanga mmbo tisheva weesi lwafo, findo fyoose fikafyaa ta mabooboo. Na llya aleamba yeto ta mishira toose tishevaa weesi lwafo lyo na findo fyoose fikafyaa ta mishira. 9Ni indo Iruva alesoka nde-waany kashiniinga yeny, 10Mmbo kileva indi, kyeeri findo efyo filewata, mmbo shilelollya efo yooryeny, woro eto tilesaamya mburu eto mmbo teetiri maboo-boo na mavaru-varu na mishira. 11Na nsu wa Iruva kashivia efo yooryeny, Yakobo! Shammbia, “Eka-u yeny mmbee”, 12Kashivia, “Ipoony miso afo te kulole, woro toose eto tikesaamya mburu mmbo titiri mishira na maboo-boo na mavaru-varu, mashika shilelollya fyoose Laban alekutannya; 13Yeny mmbo shikee Iruva wa Beteli alya kuleletya ngo ilya mafura, kwaashivikya kyaasa. Ulaalu kwipoo, kuuke kunu urukeny elu, kuwuye na kulya urukeny lulya kuleonikya.” 14Raheli na Lea vakanndouwa vakammbia, “Kwiifo kindo kilelusaaya kya waavi ao ding'u efo mmba kwa nde-weeru? 15Nyaleluallwa sha veny-fo, mmbo alelukumba, nawe mmbo alemaa fesa teru den? 16Mashika masaa yoo moose Iruva alesoka nde-weeru, masaa yoo meni ni eru na vana veru. Kyasiany, ekyo kyoose Iruva alekuvia, ekyo kitani.”
17Llyo Yakobo alekupoo kasaamisa vaka vakwe na vana vakwe efo ngamuleny. 18Kaipoo findo fyakwe fyoose fyeevikkya, na masaa akwe moose yoo ellyima, na findo filya ewonisa kulya Padan-aramu, naambo nandefika kwa ndeye Isaki kulya Kanaani, 19Naasa na Laban endesema moonri akwe mafwaa, na Raheli keeva findo fyeeke maruva a ndeye we Laban. 20Yakobo keeta Laban ntambo, mashika nnyalemmbia sheelyi akeerisha-fo. 21Naasa karisha we na fiilya fyoose ekee nafyo. Kakwiipoo kakillya mura, keenda alella ifumbu lya Gileadi.
Laban Alelemba Yakobo
22Kufike nkonu wa kararu Laban kashevio Yakobo alemmaa irisha. 23Kaipoo vana-va-mae keenda nawo emmbingyaa ando a mikonu mfungare. Kashenkooya ifumbuny lya Gileadi. 24Iruva kasheya Laban Mshami efo yooryeny kammbia, “Lola kukwiise. Kulashevia Yakobo irero lyoose lyikava isha ao ikasha.”
25Laban kakooya Yakobo, na Yakobo mmbo ereiye meema yoo mbai ya ifumbu lya Gileadi. 26Laban kavia Yakobo, “Nkyoki-ro kuletana?” Mmbo kuleshiita ntambo kwaipoo vefu vakwa sha mifungwa valeendwa wootwa fireny. 27Nkyiki elyi kuleshiita ntambo kwarisha, nta nkuleshivia naambo shikuvie nakwafo-fo, kukweengye na ifura, na fiimbo, na mbasa, na fivale? 28Nta nkuleshira shimiminde vashuku vakwa-fo, na vefu vakwa; mmbo kuletana utondo. 29Lyo shitiri wiidimi wokony lwakwa shikuvavise, kya indi Iruva wa ndoo kio ekyi mmbo aleshivia, “Lola, kwiise, kulasheevia Yakobo nta irero lyimwi-fo, lyive isha ao lyive ikasha. 30Naasa ulaalu yewe mmbo kulekwipoo mashika elyi kukunndye nnu kyeny kwa ndoo. A mmbo kileva indaany kwaiva maruva akwa?”
31Yakobo karouwa kammbia, “Mmbo shileirya shaamba, kulakooye kusheshisokaa vefu vafo.” 32Nndu yeto ashekooywaa na maruva afo nalakae na muu-fo. Kisanguny kya vana-va-mae, veru eva, ruuya yekyo kyikee kyafo kukyipoo. Mashika Yakobo lyo nnyalemanya sheelyi ni Raheli aleiiva maruva a Laban-fo.
33Laban kaanga yeemeny lya Yakobo, na yeemeny lya Lea na yeemeny lya fishinga fivii, nta nalafilollye. Kasomuka yeemeny lya Lea, kaanga yeemeny lya Raheli. 34Nawe Raheli emmipoo maruva alya a wongo kaasuruma efo findony fya mishungu fyeekaya, kafikaya. Laban kasallwa efo yeemeny koose nta nalafilollye. 35Nawe Raheli kavia ndeye, “Nde-yaakwa kulasue elyi shalemwa isalala-fo, mmbo shilwee ndwari ya kyika, Karuuya nta nalalollye findo efyo.”
36Yakobo kasua, kasakkya na Laban. Yakobo karouwa kavia Laban, “Ukasha lwakwa llo-ki? Na ulyamari lwakwa llo ki, kutani kwashifinngya indo?” 37Mmbo kwawara-wara findo fyakwa fyoose; nkyokyiny kwakooya-fo kya kyeny kwafo? Kukyivike yaa mbee ya vandu vakwa na mbee ya vandu vafo, valulete yese. 38Myaaka yei makumi avii mmbo shilekaa kwafo, moonri afo na mburu tafo nta ntilefuna uryo-fo, nta eto ta woro nkwiiyo shileishisha-fo. 39Ekyo kileratuwa ni ifisi nta nshilekyikweengye-fo, ni yeny shimuni shileipoo iryo lya vayo, yewe mmbo kuleshivesa kyuuke maakony akwa, kwakooya mmbo kilereka nsanyiny ao kwakooya mmbo kilereka kio. 40Shakukaya indo, mwi ukashikora nsanyiny, na mbeo kio, rwe tikashisia misony. 41Myaaka yei makumi avii mmbo shilekaa kwafo, shakurunndya myaaka ikumi na yiina shiwoni vefu vafo vavii, na myaaka ingyi irindaru sharunndya findo fyafo fyeevikkya, neewe kwaalasha weesi lwakwa kyamaa ikumi. 42Kulaore ni elyi Iruva nde-yaakwa, Iruva wa Abrahamu na Isaki, ekee neeny ulaalu mmbo kweshuumbutaa na maako aruu. Ngatara yakwa na mashora a maako akwa Iruva mmbo alollye, nkyo kakwiikyimba kio ekyi.
Mma Nnang'ani a Yakobo na Laban
43Laban karoua kavia Yakobo, “Vefu yewo ni vefu vakwa, na vana yewo ni vana vakwa, na findo efyo fyeevikkya ni findo fyakwa, neefyo fyoose kulollye ni fyakwa; a inu nkyoki-dwa shishidimaa itannya vefu vakwa na vana vawo valeveera?” 44Kyasia, ulaalu luvikyane kyaasa, yeny na yewe, kive nkyo ukureeki nnang'ani yakwa neewe.
45Yakobo kaipoo iwe kalyisaleesa sha ngo. 46Yakobo kavia vandu vakwe, “Sang'iryeny mawe, vakaipoo mawe vakaishura mbillya, vakalyiiya-u shoonga yoo kufii na mbillya ilya ya mawe.” 47Laban kavaanga-u Yegarsahadutha, kyeendi Yakobo kavaanga-u ni Kaledi. 48Laban kaamba, “mbillya yei ni ukureekyi inu nnang'ani yakwa neewe. Kweekyo kukavaangwa Kaledi,” 49Laban kaamba, Iruva namanyi kyeru kyeri yekyi lukee kwaasha noongyi. Ando yoondo kukavaangwa Mispa. 50Laban keengera yaamba, “Kwakooya kwenda kwasisya vefu vakwa ao koora vaka vengyi, lla yelyi shilamanyaa, indi Iruva alulollye.” 51Lola mbillya yei ya mawe na ngo yei shaisaleesa nnang'ani yafo neeny. 52Efo fi fivii ni fya ilukumbura. Nshikillyaa mbillya yei shishekapana fira neewe-fo, neewe nkushekillyaa mbillya yei na ngo yei isheshikapa fira-fo. 53Iruva wa Abrahamu na Iruva wa Nahori, Iruva wa vande veeru asheluuta
Naasa Yakobo kalya mboo na irina lya Iruva yeto nde wakwe Isaki emwinndyaa. 54Yakobo kashisha ng'umbe kaniingya kiraso efo ifumbuu, kavaanga vana vakwe vashelya shoonga, vekimaa ilya vakakaa rembo efo ifumbuu kio tara-raa alya mbai ya ifumbu. 55Laban kakwiipoo ngama nraasi kamiminda vashuku vakwe na vefu vakwe kavavikkya mbora. Laban akimaa kawuya kyeny kwakwe.
Valið núna:
Mapookyony 31: MAS2
Áherslumerki
Deildu
Afrita
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
Mapookyony 31
31
Yakobo Arisha Laban
1Naasa Yakobo keeta marero a vana va Laban veshaamba, “Yakobo mmbo aleipoo masaa moose a-nde weeru, na kyeendwa mmasaa a-nde weeru mmbo ammbonisa usuri elu loose.” 2Yakobo elyi alola kisangu kya Laban kakooya nnyakeekillola nisha sha ukwa-u na isho-fo. 3Nndumi Iruva karera na Yakobo kammbia, “Wuya na kulya urukeny lwa vandoo na lwa vandu vafo, neeny nshekaa neewe.” 4Yakobo karuma vandu, Raheli na Lea vandevaangwa vashe kulya wureny akai na findo fyakwe. Kavavia, 5“Shilollye kisangu kya nde waany, ulaalu nyakeeshilola nisha sha ukwa-u na isho-fo. Lyo Iruva wa nde-yaakwa akee neeny.” 6Neeni lyo mwiishi mmbo shilerunndya nde-waany na finya takwa toose. 7Na nde-waay mmbo aleshilemba, kaalasha weesi lwakwa kalunyiisa kamaa ikumi, kya indi Iruva nnyalenra nashivavise-fo. 8Llya aleamba, yeto ta maparanga mmbo tisheva weesi lwafo, findo fyoose fikafyaa ta mabooboo. Na llya aleamba yeto ta mishira toose tishevaa weesi lwafo lyo na findo fyoose fikafyaa ta mishira. 9Ni indo Iruva alesoka nde-waany kashiniinga yeny, 10Mmbo kileva indi, kyeeri findo efyo filewata, mmbo shilelollya efo yooryeny, woro eto tilesaamya mburu eto mmbo teetiri maboo-boo na mavaru-varu na mishira. 11Na nsu wa Iruva kashivia efo yooryeny, Yakobo! Shammbia, “Eka-u yeny mmbee”, 12Kashivia, “Ipoony miso afo te kulole, woro toose eto tikesaamya mburu mmbo titiri mishira na maboo-boo na mavaru-varu, mashika shilelollya fyoose Laban alekutannya; 13Yeny mmbo shikee Iruva wa Beteli alya kuleletya ngo ilya mafura, kwaashivikya kyaasa. Ulaalu kwipoo, kuuke kunu urukeny elu, kuwuye na kulya urukeny lulya kuleonikya.” 14Raheli na Lea vakanndouwa vakammbia, “Kwiifo kindo kilelusaaya kya waavi ao ding'u efo mmba kwa nde-weeru? 15Nyaleluallwa sha veny-fo, mmbo alelukumba, nawe mmbo alemaa fesa teru den? 16Mashika masaa yoo moose Iruva alesoka nde-weeru, masaa yoo meni ni eru na vana veru. Kyasiany, ekyo kyoose Iruva alekuvia, ekyo kitani.”
17Llyo Yakobo alekupoo kasaamisa vaka vakwe na vana vakwe efo ngamuleny. 18Kaipoo findo fyakwe fyoose fyeevikkya, na masaa akwe moose yoo ellyima, na findo filya ewonisa kulya Padan-aramu, naambo nandefika kwa ndeye Isaki kulya Kanaani, 19Naasa na Laban endesema moonri akwe mafwaa, na Raheli keeva findo fyeeke maruva a ndeye we Laban. 20Yakobo keeta Laban ntambo, mashika nnyalemmbia sheelyi akeerisha-fo. 21Naasa karisha we na fiilya fyoose ekee nafyo. Kakwiipoo kakillya mura, keenda alella ifumbu lya Gileadi.
Laban Alelemba Yakobo
22Kufike nkonu wa kararu Laban kashevio Yakobo alemmaa irisha. 23Kaipoo vana-va-mae keenda nawo emmbingyaa ando a mikonu mfungare. Kashenkooya ifumbuny lya Gileadi. 24Iruva kasheya Laban Mshami efo yooryeny kammbia, “Lola kukwiise. Kulashevia Yakobo irero lyoose lyikava isha ao ikasha.”
25Laban kakooya Yakobo, na Yakobo mmbo ereiye meema yoo mbai ya ifumbu lya Gileadi. 26Laban kavia Yakobo, “Nkyoki-ro kuletana?” Mmbo kuleshiita ntambo kwaipoo vefu vakwa sha mifungwa valeendwa wootwa fireny. 27Nkyiki elyi kuleshiita ntambo kwarisha, nta nkuleshivia naambo shikuvie nakwafo-fo, kukweengye na ifura, na fiimbo, na mbasa, na fivale? 28Nta nkuleshira shimiminde vashuku vakwa-fo, na vefu vakwa; mmbo kuletana utondo. 29Lyo shitiri wiidimi wokony lwakwa shikuvavise, kya indi Iruva wa ndoo kio ekyi mmbo aleshivia, “Lola, kwiise, kulasheevia Yakobo nta irero lyimwi-fo, lyive isha ao lyive ikasha. 30Naasa ulaalu yewe mmbo kulekwipoo mashika elyi kukunndye nnu kyeny kwa ndoo. A mmbo kileva indaany kwaiva maruva akwa?”
31Yakobo karouwa kammbia, “Mmbo shileirya shaamba, kulakooye kusheshisokaa vefu vafo.” 32Nndu yeto ashekooywaa na maruva afo nalakae na muu-fo. Kisanguny kya vana-va-mae, veru eva, ruuya yekyo kyikee kyafo kukyipoo. Mashika Yakobo lyo nnyalemanya sheelyi ni Raheli aleiiva maruva a Laban-fo.
33Laban kaanga yeemeny lya Yakobo, na yeemeny lya Lea na yeemeny lya fishinga fivii, nta nalafilollye. Kasomuka yeemeny lya Lea, kaanga yeemeny lya Raheli. 34Nawe Raheli emmipoo maruva alya a wongo kaasuruma efo findony fya mishungu fyeekaya, kafikaya. Laban kasallwa efo yeemeny koose nta nalafilollye. 35Nawe Raheli kavia ndeye, “Nde-yaakwa kulasue elyi shalemwa isalala-fo, mmbo shilwee ndwari ya kyika, Karuuya nta nalalollye findo efyo.”
36Yakobo kasua, kasakkya na Laban. Yakobo karouwa kavia Laban, “Ukasha lwakwa llo-ki? Na ulyamari lwakwa llo ki, kutani kwashifinngya indo?” 37Mmbo kwawara-wara findo fyakwa fyoose; nkyokyiny kwakooya-fo kya kyeny kwafo? Kukyivike yaa mbee ya vandu vakwa na mbee ya vandu vafo, valulete yese. 38Myaaka yei makumi avii mmbo shilekaa kwafo, moonri afo na mburu tafo nta ntilefuna uryo-fo, nta eto ta woro nkwiiyo shileishisha-fo. 39Ekyo kileratuwa ni ifisi nta nshilekyikweengye-fo, ni yeny shimuni shileipoo iryo lya vayo, yewe mmbo kuleshivesa kyuuke maakony akwa, kwakooya mmbo kilereka nsanyiny ao kwakooya mmbo kilereka kio. 40Shakukaya indo, mwi ukashikora nsanyiny, na mbeo kio, rwe tikashisia misony. 41Myaaka yei makumi avii mmbo shilekaa kwafo, shakurunndya myaaka ikumi na yiina shiwoni vefu vafo vavii, na myaaka ingyi irindaru sharunndya findo fyafo fyeevikkya, neewe kwaalasha weesi lwakwa kyamaa ikumi. 42Kulaore ni elyi Iruva nde-yaakwa, Iruva wa Abrahamu na Isaki, ekee neeny ulaalu mmbo kweshuumbutaa na maako aruu. Ngatara yakwa na mashora a maako akwa Iruva mmbo alollye, nkyo kakwiikyimba kio ekyi.
Mma Nnang'ani a Yakobo na Laban
43Laban karoua kavia Yakobo, “Vefu yewo ni vefu vakwa, na vana yewo ni vana vakwa, na findo efyo fyeevikkya ni findo fyakwa, neefyo fyoose kulollye ni fyakwa; a inu nkyoki-dwa shishidimaa itannya vefu vakwa na vana vawo valeveera?” 44Kyasia, ulaalu luvikyane kyaasa, yeny na yewe, kive nkyo ukureeki nnang'ani yakwa neewe.
45Yakobo kaipoo iwe kalyisaleesa sha ngo. 46Yakobo kavia vandu vakwe, “Sang'iryeny mawe, vakaipoo mawe vakaishura mbillya, vakalyiiya-u shoonga yoo kufii na mbillya ilya ya mawe.” 47Laban kavaanga-u Yegarsahadutha, kyeendi Yakobo kavaanga-u ni Kaledi. 48Laban kaamba, “mbillya yei ni ukureekyi inu nnang'ani yakwa neewe. Kweekyo kukavaangwa Kaledi,” 49Laban kaamba, Iruva namanyi kyeru kyeri yekyi lukee kwaasha noongyi. Ando yoondo kukavaangwa Mispa. 50Laban keengera yaamba, “Kwakooya kwenda kwasisya vefu vakwa ao koora vaka vengyi, lla yelyi shilamanyaa, indi Iruva alulollye.” 51Lola mbillya yei ya mawe na ngo yei shaisaleesa nnang'ani yafo neeny. 52Efo fi fivii ni fya ilukumbura. Nshikillyaa mbillya yei shishekapana fira neewe-fo, neewe nkushekillyaa mbillya yei na ngo yei isheshikapa fira-fo. 53Iruva wa Abrahamu na Iruva wa Nahori, Iruva wa vande veeru asheluuta
Naasa Yakobo kalya mboo na irina lya Iruva yeto nde wakwe Isaki emwinndyaa. 54Yakobo kashisha ng'umbe kaniingya kiraso efo ifumbuu, kavaanga vana vakwe vashelya shoonga, vekimaa ilya vakakaa rembo efo ifumbuu kio tara-raa alya mbai ya ifumbu. 55Laban kakwiipoo ngama nraasi kamiminda vashuku vakwe na vefu vakwe kavavikkya mbora. Laban akimaa kawuya kyeny kwakwe.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.