Marko 11
11
Etijing'a Yeso Yerusalem te nkisisa
(Matayo 21:1–11; Luka 19:28–40; Yoana 12:12–19)
1Kore pee enyikaki ꞉ninche Yerusalem, netabakita Betepage o Betania naatii Lowua loo Lng'erriyio, neirruaaya ꞉Yeso looiteng'eni lenyena oare, 2nejoki ninche, <<Enchom lkerenket otii tekue ntae naa kore ake nijing'ieng'ie, itumtum lkurrarru oena leitu aikata ewuenie ꞉ltung'ani nkeper. Entalaku nirikuku ene. 3Teneipara ntae ltung'ani ajoki, <Aanyo pee iasias ana?> Entejo, <Laitoriani oyieu, naa kereu ltung'ana oochuku tanakata.> >>
4Nepuo netum lkurrarru otii tabata nkoitiei oena to ltim le nkang le ilo kerenket, nelaku ninye. 5Kore lbata loo ltung'ana ooitachoo teinie, nejoki ninche, <<Nyo iasitata? Aanyo pee ilakuku ele kurrarru?>> 6Nejoki ninche ana duaake netiaka Yeso metiaaki, nepalaa ꞉ltung'ana ninche mechomo. 7Neyaki Yeso ilo kurrarru, neiteleki nkilani enche, nedir awuenie nkeper. 8Kore ltung'ana kumo, nesapan nkilani enche to nkoitiei, neitoki lkulie aadung'u mbene ee lkeek too lchampai nesapan. 9#SNk 118:25,26Kore lolo tung'ana otii tekue ninye o lolo ooirukurukore tesiedi, nebuak aajo,
<<Hosana!#11:9 Kore Hosana naa nkisisa.>>
<<Emayiana ilo olotu ta nkarna e Laitoriani!>>
10<<Emayiana nkitoria nalotu e papa lang Daudi!>>
<<Hosana te idie te chumata!>>
11Nejing Yeso Yerusalem nelo atua nkaji e Nkai. Kore pee eidip aaing'ura ntoki pooki natii, neipung alo Betania tenebo o lolo tomon oare tankaraki kemuto.
Etedia ꞉Yeso lng'aboli
(Matayo 21:18–19)
12Kore pee eikienyu eing'uaa ninche Betania, neisumachu Yeso. 13Nedol te nelakua lng'aboli obore mbene, nelo aing'uraa tanaa ketum lng'anayio. Kore pee ebaki ilo cheni, netum aa mbene aapeny, amu mara ng'amata ee lng'abolo. 14Nejoki ꞉Yeso ilo ng'aboli, <<Nchoo paa mikinyiayie aikata ꞉ltung'ani lng'anayio.>> Nening looiteng'eni lenyena inia natejo ninye.
Etimirayie ꞉Yeso ltung'ana oomiricho o looinyiang'icho taatua nkaji e Nkai meeipung'o
(Matayo 21:12–17; Luka 19:45–48; Yoana 2:13–22)
15Nebaki ꞉ninche Yerusalem, naa kore pee ejing Yeso atua boo e nkaji e Nkai, neng'asu amiraa lolo oomiricho o looinyiang'icho meeipung'o te inie. Neuroki nkop misaii ee lolo apa ooibelekeny ropiyiani o lorikan loo lolo apa oomirita nkutukurruki, 16nemitiki pooki ng'ae eim atua nkaji e Nkai enapita abaki ntoki nabo. 17#Isa 56:7, Yer 7:11Neiteng'en ninche nejoki, <<Aa meigero ajo, <Kore Nkaji ai naa keji nkaji e nkomono too loreren pooki>? Kake intaa ntae <nkapune ee lapurrok.> >>
18Nening ꞉laitainok kutuaa la lasar o laiteng'enak loo nkitanapat inia, neng'asu aaing'oru nkoitiei naarie ninye metua, amu keurie ninye, tankaraki naing'asia nkiteng'ena enye lturrur pooki.
19Kore pee eaku teipa, neipung ninche#11:19 Kore ninche naa kejo nkulie mpala ninye. aaing'uaa ilo kerenket.
Nkiteng'ena e lng'aboli otoyio
(Matayo 21:20–22)
20Kore epuoito ninche tasiran, nedol lang'ole ng'aboli etoyio ng'oji pooki, ang'asu taa ntana. 21Neparru Petero nejoki Yeso, <<Laiteng'enani, ng'ura! Kore lang'ole ng'aboli litediaa, etoyio!>> 22Nejoki ꞉Yeso ninche, <<Entaa loata nkurukoto ta Nkai. 23#Mat 17:20; 1Lkor 13:2Kedede kajoki ntae kore tenejoki ꞉ltung'ani ele donyuo, <Oi kidotuni nikintodokini mpaso,> nemeata lng'ach ta ltau lenye, kake keiruk ajo keasai inia najoito, naa keasakini ninye inia. 24Naaku naa kajoki ntae kore pooki niomonunu to nkomono, eruko aajo itumo, neaku ninchi. 25#Mat 6:14,15Naa kore nkata nintachoo aaomon, niatata mbae nimenmen te likae, entapaliki payie epaliki sii ntae Papa linchi otii chumata ntorrok inchi.#11:25 Kore ntorrok inchi naa kejo nkulie pala ng'ok inchi. 26Kake kore tanaa mipalikiki lkulikae, mepaliki sii Papa linchi otii chumata ntae ng'ok.>>#11:26 Kore apa mpala mbata, naa meata ele kereri le tikitam o ile.
Nkitoria e Yeso
(Matayo 21:23–27; Luka 20:1–8)
27Neitoki ninche aapuonu Yerusalem, naa kore ake emanaa Yeso taatua boo e nkaji e Nkai, nepuonu netii ninye ꞉laitainok kutuaa la lasar, o laiteng'enak loo nkitanapat o lpayiani. 28Neipar ninye aajoki, <<Taa kitoria iasita kuna baa? Anaa ng'ae likinchoo nkitoria niasie ana?>>
29Newoliki ꞉Yeso ajoki, <<Kaipar nanu ntae nkipara nabo, entowolikaaki naa kaliki sii nanu ntae ajo taa kitoria aasita kuna baa. 30Amaa apa nkipatisare e Yoana, chumata eing'uaa ana ltung'ana? Entilikaaki!>>
31Nenyakino ninche maate nejo, <<Kore tinikijo, <Chumata eing'uaa,> naa kejoki iyioo, <Oo pee eitu irukruk ninye?> 32Naa ikijo sa, <Ltung'ana eing'uaa?> >> Kake neurieii ꞉ninche ltung'ana amu keiken apa pooki aajo, kore Yoana naa kesipa ajo loiboni le Nkai.
33Nejoki ꞉ninche Yeso, <<Mikiyielo iyioo.>> Newoliki sii ꞉Yeso ninche ajoki, <<Maliki abaki nanu ntae ajo taa kitoria aas kuna baa.>>
Valið núna:
Marko 11: saq
Áherslumerki
Deildu
Afrita
Want to have your highlights saved across all your devices? Sign up or sign in
© 2021, Bible Translation and Literacy
Marko 11
11
Etijing'a Yeso Yerusalem te nkisisa
(Matayo 21:1–11; Luka 19:28–40; Yoana 12:12–19)
1Kore pee enyikaki ꞉ninche Yerusalem, netabakita Betepage o Betania naatii Lowua loo Lng'erriyio, neirruaaya ꞉Yeso looiteng'eni lenyena oare, 2nejoki ninche, <<Enchom lkerenket otii tekue ntae naa kore ake nijing'ieng'ie, itumtum lkurrarru oena leitu aikata ewuenie ꞉ltung'ani nkeper. Entalaku nirikuku ene. 3Teneipara ntae ltung'ani ajoki, <Aanyo pee iasias ana?> Entejo, <Laitoriani oyieu, naa kereu ltung'ana oochuku tanakata.> >>
4Nepuo netum lkurrarru otii tabata nkoitiei oena to ltim le nkang le ilo kerenket, nelaku ninye. 5Kore lbata loo ltung'ana ooitachoo teinie, nejoki ninche, <<Nyo iasitata? Aanyo pee ilakuku ele kurrarru?>> 6Nejoki ninche ana duaake netiaka Yeso metiaaki, nepalaa ꞉ltung'ana ninche mechomo. 7Neyaki Yeso ilo kurrarru, neiteleki nkilani enche, nedir awuenie nkeper. 8Kore ltung'ana kumo, nesapan nkilani enche to nkoitiei, neitoki lkulie aadung'u mbene ee lkeek too lchampai nesapan. 9#SNk 118:25,26Kore lolo tung'ana otii tekue ninye o lolo ooirukurukore tesiedi, nebuak aajo,
<<Hosana!#11:9 Kore Hosana naa nkisisa.>>
<<Emayiana ilo olotu ta nkarna e Laitoriani!>>
10<<Emayiana nkitoria nalotu e papa lang Daudi!>>
<<Hosana te idie te chumata!>>
11Nejing Yeso Yerusalem nelo atua nkaji e Nkai. Kore pee eidip aaing'ura ntoki pooki natii, neipung alo Betania tenebo o lolo tomon oare tankaraki kemuto.
Etedia ꞉Yeso lng'aboli
(Matayo 21:18–19)
12Kore pee eikienyu eing'uaa ninche Betania, neisumachu Yeso. 13Nedol te nelakua lng'aboli obore mbene, nelo aing'uraa tanaa ketum lng'anayio. Kore pee ebaki ilo cheni, netum aa mbene aapeny, amu mara ng'amata ee lng'abolo. 14Nejoki ꞉Yeso ilo ng'aboli, <<Nchoo paa mikinyiayie aikata ꞉ltung'ani lng'anayio.>> Nening looiteng'eni lenyena inia natejo ninye.
Etimirayie ꞉Yeso ltung'ana oomiricho o looinyiang'icho taatua nkaji e Nkai meeipung'o
(Matayo 21:12–17; Luka 19:45–48; Yoana 2:13–22)
15Nebaki ꞉ninche Yerusalem, naa kore pee ejing Yeso atua boo e nkaji e Nkai, neng'asu amiraa lolo oomiricho o looinyiang'icho meeipung'o te inie. Neuroki nkop misaii ee lolo apa ooibelekeny ropiyiani o lorikan loo lolo apa oomirita nkutukurruki, 16nemitiki pooki ng'ae eim atua nkaji e Nkai enapita abaki ntoki nabo. 17#Isa 56:7, Yer 7:11Neiteng'en ninche nejoki, <<Aa meigero ajo, <Kore Nkaji ai naa keji nkaji e nkomono too loreren pooki>? Kake intaa ntae <nkapune ee lapurrok.> >>
18Nening ꞉laitainok kutuaa la lasar o laiteng'enak loo nkitanapat inia, neng'asu aaing'oru nkoitiei naarie ninye metua, amu keurie ninye, tankaraki naing'asia nkiteng'ena enye lturrur pooki.
19Kore pee eaku teipa, neipung ninche#11:19 Kore ninche naa kejo nkulie mpala ninye. aaing'uaa ilo kerenket.
Nkiteng'ena e lng'aboli otoyio
(Matayo 21:20–22)
20Kore epuoito ninche tasiran, nedol lang'ole ng'aboli etoyio ng'oji pooki, ang'asu taa ntana. 21Neparru Petero nejoki Yeso, <<Laiteng'enani, ng'ura! Kore lang'ole ng'aboli litediaa, etoyio!>> 22Nejoki ꞉Yeso ninche, <<Entaa loata nkurukoto ta Nkai. 23#Mat 17:20; 1Lkor 13:2Kedede kajoki ntae kore tenejoki ꞉ltung'ani ele donyuo, <Oi kidotuni nikintodokini mpaso,> nemeata lng'ach ta ltau lenye, kake keiruk ajo keasai inia najoito, naa keasakini ninye inia. 24Naaku naa kajoki ntae kore pooki niomonunu to nkomono, eruko aajo itumo, neaku ninchi. 25#Mat 6:14,15Naa kore nkata nintachoo aaomon, niatata mbae nimenmen te likae, entapaliki payie epaliki sii ntae Papa linchi otii chumata ntorrok inchi.#11:25 Kore ntorrok inchi naa kejo nkulie pala ng'ok inchi. 26Kake kore tanaa mipalikiki lkulikae, mepaliki sii Papa linchi otii chumata ntae ng'ok.>>#11:26 Kore apa mpala mbata, naa meata ele kereri le tikitam o ile.
Nkitoria e Yeso
(Matayo 21:23–27; Luka 20:1–8)
27Neitoki ninche aapuonu Yerusalem, naa kore ake emanaa Yeso taatua boo e nkaji e Nkai, nepuonu netii ninye ꞉laitainok kutuaa la lasar, o laiteng'enak loo nkitanapat o lpayiani. 28Neipar ninye aajoki, <<Taa kitoria iasita kuna baa? Anaa ng'ae likinchoo nkitoria niasie ana?>>
29Newoliki ꞉Yeso ajoki, <<Kaipar nanu ntae nkipara nabo, entowolikaaki naa kaliki sii nanu ntae ajo taa kitoria aasita kuna baa. 30Amaa apa nkipatisare e Yoana, chumata eing'uaa ana ltung'ana? Entilikaaki!>>
31Nenyakino ninche maate nejo, <<Kore tinikijo, <Chumata eing'uaa,> naa kejoki iyioo, <Oo pee eitu irukruk ninye?> 32Naa ikijo sa, <Ltung'ana eing'uaa?> >> Kake neurieii ꞉ninche ltung'ana amu keiken apa pooki aajo, kore Yoana naa kesipa ajo loiboni le Nkai.
33Nejoki ꞉ninche Yeso, <<Mikiyielo iyioo.>> Newoliki sii ꞉Yeso ninche ajoki, <<Maliki abaki nanu ntae ajo taa kitoria aas kuna baa.>>
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
© 2021, Bible Translation and Literacy