Marko 10
10
Nkiteng'ena naipirita arata e nkauti
(Matayo 19:1–12; Luka 16:18)
1Neinyuototo Yeso alo te inie, nebaki mbata e Yudea, natii teidialo sere e Yordan. Neigil lturrurri loo ltung'ana aapuonu netii ninye, neiteng'en ninche ana neiko chiaake.
2Nchoo lbata loo Lparisayo, nepuonu aatem ninye, neipar aajoki, <<Amaa, keichiaakino tenear ꞉lpayian nkauti e mparratut enye?>>
3Newoliki ajoki, <<Nyo apa eitanapa ntae Musa?>>
4 #
Nkit 24:1–4; Mat 5:31 Nejoki, <<Eichoo apa ꞉Musa lpayian mpaach naigerie mpalai naarie nkauti e mparratut enye, nemiraa.>>
5Nejoki ꞉Yeso ninche, <<Kore tankaraki nagol ltauja linchi, neigeroki ntae Musa kuna kitanapat. 6#Ng'as 1:27, 5:2Kake kore ta ng'asunoto payie eitai Nkai nkop, neitibir Nkai ninche, lee o lipong. 7#Ng'as 2:24Kore tankaraki inia, naa keing'uaa lee menye o ng'otonye, neibung'are mparratut enye, 8neaku pukura sesen obo, metaa merekure era seseni oare, kake sesen obo. 9Neaku kore inia naitutumo ꞉Nkai, mincho ltung'ani eor.>>
10Kore ake etii ninche nkaji, neipar aitoki ꞉looiteng'eni lenyena ninye inia bae naipirita arata e nkauti. 11#Mat 5:32; 1Lkor 7:10,11Nejoki ninche, <<Kajoki ntae nchere, kore pooki ng'ae oar nkauti e mparratut enye, neigil ayemicho, naa etaasa loloito o ninye. 12Naa teneiturraa ꞉mparratut lpayian lenye, metari nkauti, neyem ꞉likae, naa etaasa ninye loloito.>>
Etamayiana ꞉Yeso nkera kunini
(Matayo 19:13–15; Luka 18:15–17)
13Neyaki ltung'ana ꞉Yeso nkera kunini meiteleki nkaik, kake nekusakan ninche ꞉looiteng'eni lenyena aaing'ode. 14Kore pee edol Yeso inia, negoro. Nejoki ninche, <<Enchoo nkera meotu natii! Emimbooyo, amu kore nkitoria e Nkai naa noo ltung'ana ootuwuana nkera. 15#Mat 18:3Kedede kajoki ntae, kore lemeng'amaa nkitoria e Nkai tana nkerai kini, naa mejing katukul.>> 16Nerrapu ꞉ninye nkera aibung, neiteleki nkaik amayian.
Ltung'ani parakuoni
(Matayo 19:16–30; Luka 18:18–30)
17Kore eibung'uta ꞉Yeso nkoitiei alo te inie, nekuetiki ninye ltung'ani obo negilaki kung, neipar ajoki, <<Laiteng'enani supat, kaa aas payie ajung nkichon ee ntarasi?>>
18Nejoki ꞉Yeso, <<Aanyo payie kimpot ajo supat? Meatae hoo supat mara Nkai apeny. 19#Nai 20:13; Nkit 5:17, Nai 20:14; Nkit 5:18, Nai 20:15; Nkit 5:19, Nai 20:16; Nkit 5:20, Nai 20:12; Nkit 5:16Iyielo nkitanapat naajo, <Miar metua, miloloito, mipurrucho, minteeniki likae sapare, miyayie likae ropiyiani to loseg, ianyita papa lino o ng'utunyi.> >>
20Nejoki ninye, <<Laiteng'enani, kaibung'a kuna pooki ang'asu te lelero ai.>>
21Kore pee eing'or ꞉Yeso ninye naaku kecham, nejoki ninye, <<Iking'oriki naa ntoki nabo, chomo timira ntoki pooki niata nincho laisinak, naa itum parakuoicho te chumata. Nikilotu taa airukurukore nanu.>>
22Kore pee ening ꞉ilo tung'ani inia, nesub nkomom, nelo etanyamala amu keata apa ninye parakuoicho kitok oleng.
23Neitamanaa ꞉Yeso nkue nejoki looiteng'eni lenyena, <<Kebaa sa egol njing'ata e nkitoria e Nkai taa lparakuo.>>
24Neing'asia looiteng'eni lenyena too lolo rereii lenyena. Kake nejoki ꞉Yeso aitoki ninche, <<Nakera, kegol oleng njing'ata e Nkitoria e Nkai! 25Kelelek pee eim ntames udoto e ltudu alang ltung'ani parakuoni tenejing atua Nkitoria e Nkai.>> 26Neing'asia katukul looiteng'eni lenyena, nejokino maate, <<Naa ng'ae sa oidim nejeu?>>
27Neing'or ꞉Yeso ninche nejoki, <<Kore too ltung'ana naa meidimai ana, kake kore ta Nkai naa keidimai ntokitin pooki.>>
28Neng'asu ꞉Petero airorie ninye ajoki, <<Ng'ura, ikitung'aitie iyioo ntokitin pooki, nikipuonu aairukurukore iyie!>>
29-30Nejoki ꞉Yeso ninche, <<Kedede kajoki ntae, meatae ilo otung'ayie nkang tanaa lalachera tanaa nkanachera tanaa ng'otonye tanaa menye tanaa nkera tanaa lchampai, tankaraki nanu o tankaraki Lomon Supati, lemeichori nkatitin ip tana ng'amata e taata, nkajijik o lalachera o nkanachera o noo yieyio o nkera o lchampai tenebo o sinaitin ooitami, naa kore ta ng'amata nalotu, netum nkichon ee ntarasi. 31#Mat 20:16; Luka 13:30Kake kore lkumo oaara lekue neaku le siedi, naa kore le siedi neaku lekue.>>
Eigila Yeso alimu lkiye o mpiunoto enye nkata e uni
(Matayo 20:17–19; Luka 18:31–34)
32Kore to nkoitiei eiliep aapuo Yerusalem, netii Yeso tekue ninche, neing'asia looiteng'eni lenyena, neiputukuny lolo ooijipita ninche. Neitoki aiwuang'ie loochi tomon oare, neng'asu aliki nenia ꞉mbaa naaipung'oki kenya ninye. 33Nejoki, <<Entining! Ikiliepita aapuo Yerusalem, naa kepiki Nkerai e Ltung'ani nkaik ee lkutuaa laa laitainok la lasar o naa laiteng'enak loo nkitanapat. Nedung'oki nkiguana e lkiye, neicho ltung'ana loo lkulie oreren, 34neikordod ninye, nenataki nkamlak, neidong te liche, near metua, kake kore eicha mperot uni, nepiu.>>
Nkomono e Yakobo o Yoana
(Matayo 20:20–28)
35Kore layiok le Sebedayo, Yakobo o Yoana, nepuo netii ninye, nejoki, <<Laiteng'enani, ikiyieu payie intaas iyioo inia nikimparu.>>
36Neipar ninche, ajoki, <<Nyo duo iyieuu naasaki ntae?>>
37Nejoki ninye, <<Nchoo metaa kewuenie lobo te iyioo nkaina ino e tetene, newuenie likae ne kidienye taatua nkitoo ino.>> 38#Luka 12:50Kake nejoki ꞉Yeso ninche, <<Miyielolo hoo ntoki niomonutata. Amaa, indimdim aatamat lkikompe le mion lamat nanu kenya, tanaa eipatisi ntae nkipatisare e mion naipatisi nanu?>>
39Nejoki, <<Ee ikindim.>> Kake nejoki ꞉ninye ninche, <<Imatmat ilo lkikompe lamat neipatisi ntae nkipatisare naaibatisi, 40kake kore wuanata nawuenie tetene anaa kidienye ai, naa maitore nanu amu noo lolo ooitibirakaki.>>
41Kore pee ening ꞉lolo kulie ooiteng'eni lenyena tomon inia, negoro ninche tankaraki Yakobo o Yoana. 42#Luka 22:25,26Neipotu ꞉Yeso ninche nejoki, <<Iyielolo aajo, kore lolo ooji laitoriak loo loreren naa keibooki ninche nkop, naa kore lkutuaa lenche nebuaaki. 43#Mat 23:11; Mrk 9:35; Luka 22:26Kake metiu nejia taa ntae. Amu kore loyieu neaku kitok taa ntae naa keyiere pee eaku laisiaayiani linchi, 44naa kore loyieu neaku lekue, naa keyiere neaku rrindik loo pooki. 45Amu eitu abaki elotu Nkerai e Ltung'ani meisiaai, kake keyewuo aisiaaicho, neitai nkichui enye alakunyie lkumo.>>
Eichiunyie ꞉Yeso Bartimayo modooni
(Matayo 20:29–34; Luka 18:35–43)
46Nebaki ꞉ninche lkerenket le Yeriko. Kore eipung'uto Yeso o looiteng'eni lenyena o lturrur kitok teinie, netii ltung'ani modooni oomonicho ewuon tabata nkoitiei. Kore nkarna enye naa keji Bartimayo oara layieni le Timayo. 47Kore pee ening ajo Yeso le Nasaret ilo, neng'asu abuak aichiraki ajo, <<Yeso, Layieni le Daudi, ng'erruaaki nanu!>> 48Nekusakan aaing'ode ꞉ltung'ana kumo ninye metigirai, kake neitoki ninye abuak aichiraki oleng ajo, <<Layieni le Daudi, ng'erruaaki!>> 49Neitache Yeso nejoki ninche, <<Empoto ninye.>> Neipotu ꞉ninche ilo tung'ani modooni, nejoki, <<Tonyuaa! Inyuo ntacho amu ikimpotito.>> 50Nenang'aa ꞉ninye nkila enye e oriong nejo chut aipirri alo netii Yeso. 51Nejoki ꞉Yeso ninye, <<Nyo iyieu iyie naaitaas?>>
Nejoki ꞉ilo modooni, <<Rrabuni#10:51 Kore kipirte e Rrabuni naa Laiteng'enani lai., kayieu payie adolichoi aitoki.>> 52Nejoki ꞉Yeso, <<Chomo, amu /ikinchiunyie ꞉nkurukoto ino.>> Nedolichoi ninye nabokata, neinyuototo airukurukore Yeso to nkoitiei.
Valið núna:
Marko 10: saq
Áherslumerki
Deildu
Afrita
Want to have your highlights saved across all your devices? Sign up or sign in
© 2021, Bible Translation and Literacy
Marko 10
10
Nkiteng'ena naipirita arata e nkauti
(Matayo 19:1–12; Luka 16:18)
1Neinyuototo Yeso alo te inie, nebaki mbata e Yudea, natii teidialo sere e Yordan. Neigil lturrurri loo ltung'ana aapuonu netii ninye, neiteng'en ninche ana neiko chiaake.
2Nchoo lbata loo Lparisayo, nepuonu aatem ninye, neipar aajoki, <<Amaa, keichiaakino tenear ꞉lpayian nkauti e mparratut enye?>>
3Newoliki ajoki, <<Nyo apa eitanapa ntae Musa?>>
4 #
Nkit 24:1–4; Mat 5:31 Nejoki, <<Eichoo apa ꞉Musa lpayian mpaach naigerie mpalai naarie nkauti e mparratut enye, nemiraa.>>
5Nejoki ꞉Yeso ninche, <<Kore tankaraki nagol ltauja linchi, neigeroki ntae Musa kuna kitanapat. 6#Ng'as 1:27, 5:2Kake kore ta ng'asunoto payie eitai Nkai nkop, neitibir Nkai ninche, lee o lipong. 7#Ng'as 2:24Kore tankaraki inia, naa keing'uaa lee menye o ng'otonye, neibung'are mparratut enye, 8neaku pukura sesen obo, metaa merekure era seseni oare, kake sesen obo. 9Neaku kore inia naitutumo ꞉Nkai, mincho ltung'ani eor.>>
10Kore ake etii ninche nkaji, neipar aitoki ꞉looiteng'eni lenyena ninye inia bae naipirita arata e nkauti. 11#Mat 5:32; 1Lkor 7:10,11Nejoki ninche, <<Kajoki ntae nchere, kore pooki ng'ae oar nkauti e mparratut enye, neigil ayemicho, naa etaasa loloito o ninye. 12Naa teneiturraa ꞉mparratut lpayian lenye, metari nkauti, neyem ꞉likae, naa etaasa ninye loloito.>>
Etamayiana ꞉Yeso nkera kunini
(Matayo 19:13–15; Luka 18:15–17)
13Neyaki ltung'ana ꞉Yeso nkera kunini meiteleki nkaik, kake nekusakan ninche ꞉looiteng'eni lenyena aaing'ode. 14Kore pee edol Yeso inia, negoro. Nejoki ninche, <<Enchoo nkera meotu natii! Emimbooyo, amu kore nkitoria e Nkai naa noo ltung'ana ootuwuana nkera. 15#Mat 18:3Kedede kajoki ntae, kore lemeng'amaa nkitoria e Nkai tana nkerai kini, naa mejing katukul.>> 16Nerrapu ꞉ninye nkera aibung, neiteleki nkaik amayian.
Ltung'ani parakuoni
(Matayo 19:16–30; Luka 18:18–30)
17Kore eibung'uta ꞉Yeso nkoitiei alo te inie, nekuetiki ninye ltung'ani obo negilaki kung, neipar ajoki, <<Laiteng'enani supat, kaa aas payie ajung nkichon ee ntarasi?>>
18Nejoki ꞉Yeso, <<Aanyo payie kimpot ajo supat? Meatae hoo supat mara Nkai apeny. 19#Nai 20:13; Nkit 5:17, Nai 20:14; Nkit 5:18, Nai 20:15; Nkit 5:19, Nai 20:16; Nkit 5:20, Nai 20:12; Nkit 5:16Iyielo nkitanapat naajo, <Miar metua, miloloito, mipurrucho, minteeniki likae sapare, miyayie likae ropiyiani to loseg, ianyita papa lino o ng'utunyi.> >>
20Nejoki ninye, <<Laiteng'enani, kaibung'a kuna pooki ang'asu te lelero ai.>>
21Kore pee eing'or ꞉Yeso ninye naaku kecham, nejoki ninye, <<Iking'oriki naa ntoki nabo, chomo timira ntoki pooki niata nincho laisinak, naa itum parakuoicho te chumata. Nikilotu taa airukurukore nanu.>>
22Kore pee ening ꞉ilo tung'ani inia, nesub nkomom, nelo etanyamala amu keata apa ninye parakuoicho kitok oleng.
23Neitamanaa ꞉Yeso nkue nejoki looiteng'eni lenyena, <<Kebaa sa egol njing'ata e nkitoria e Nkai taa lparakuo.>>
24Neing'asia looiteng'eni lenyena too lolo rereii lenyena. Kake nejoki ꞉Yeso aitoki ninche, <<Nakera, kegol oleng njing'ata e Nkitoria e Nkai! 25Kelelek pee eim ntames udoto e ltudu alang ltung'ani parakuoni tenejing atua Nkitoria e Nkai.>> 26Neing'asia katukul looiteng'eni lenyena, nejokino maate, <<Naa ng'ae sa oidim nejeu?>>
27Neing'or ꞉Yeso ninche nejoki, <<Kore too ltung'ana naa meidimai ana, kake kore ta Nkai naa keidimai ntokitin pooki.>>
28Neng'asu ꞉Petero airorie ninye ajoki, <<Ng'ura, ikitung'aitie iyioo ntokitin pooki, nikipuonu aairukurukore iyie!>>
29-30Nejoki ꞉Yeso ninche, <<Kedede kajoki ntae, meatae ilo otung'ayie nkang tanaa lalachera tanaa nkanachera tanaa ng'otonye tanaa menye tanaa nkera tanaa lchampai, tankaraki nanu o tankaraki Lomon Supati, lemeichori nkatitin ip tana ng'amata e taata, nkajijik o lalachera o nkanachera o noo yieyio o nkera o lchampai tenebo o sinaitin ooitami, naa kore ta ng'amata nalotu, netum nkichon ee ntarasi. 31#Mat 20:16; Luka 13:30Kake kore lkumo oaara lekue neaku le siedi, naa kore le siedi neaku lekue.>>
Eigila Yeso alimu lkiye o mpiunoto enye nkata e uni
(Matayo 20:17–19; Luka 18:31–34)
32Kore to nkoitiei eiliep aapuo Yerusalem, netii Yeso tekue ninche, neing'asia looiteng'eni lenyena, neiputukuny lolo ooijipita ninche. Neitoki aiwuang'ie loochi tomon oare, neng'asu aliki nenia ꞉mbaa naaipung'oki kenya ninye. 33Nejoki, <<Entining! Ikiliepita aapuo Yerusalem, naa kepiki Nkerai e Ltung'ani nkaik ee lkutuaa laa laitainok la lasar o naa laiteng'enak loo nkitanapat. Nedung'oki nkiguana e lkiye, neicho ltung'ana loo lkulie oreren, 34neikordod ninye, nenataki nkamlak, neidong te liche, near metua, kake kore eicha mperot uni, nepiu.>>
Nkomono e Yakobo o Yoana
(Matayo 20:20–28)
35Kore layiok le Sebedayo, Yakobo o Yoana, nepuo netii ninye, nejoki, <<Laiteng'enani, ikiyieu payie intaas iyioo inia nikimparu.>>
36Neipar ninche, ajoki, <<Nyo duo iyieuu naasaki ntae?>>
37Nejoki ninye, <<Nchoo metaa kewuenie lobo te iyioo nkaina ino e tetene, newuenie likae ne kidienye taatua nkitoo ino.>> 38#Luka 12:50Kake nejoki ꞉Yeso ninche, <<Miyielolo hoo ntoki niomonutata. Amaa, indimdim aatamat lkikompe le mion lamat nanu kenya, tanaa eipatisi ntae nkipatisare e mion naipatisi nanu?>>
39Nejoki, <<Ee ikindim.>> Kake nejoki ꞉ninye ninche, <<Imatmat ilo lkikompe lamat neipatisi ntae nkipatisare naaibatisi, 40kake kore wuanata nawuenie tetene anaa kidienye ai, naa maitore nanu amu noo lolo ooitibirakaki.>>
41Kore pee ening ꞉lolo kulie ooiteng'eni lenyena tomon inia, negoro ninche tankaraki Yakobo o Yoana. 42#Luka 22:25,26Neipotu ꞉Yeso ninche nejoki, <<Iyielolo aajo, kore lolo ooji laitoriak loo loreren naa keibooki ninche nkop, naa kore lkutuaa lenche nebuaaki. 43#Mat 23:11; Mrk 9:35; Luka 22:26Kake metiu nejia taa ntae. Amu kore loyieu neaku kitok taa ntae naa keyiere pee eaku laisiaayiani linchi, 44naa kore loyieu neaku lekue, naa keyiere neaku rrindik loo pooki. 45Amu eitu abaki elotu Nkerai e Ltung'ani meisiaai, kake keyewuo aisiaaicho, neitai nkichui enye alakunyie lkumo.>>
Eichiunyie ꞉Yeso Bartimayo modooni
(Matayo 20:29–34; Luka 18:35–43)
46Nebaki ꞉ninche lkerenket le Yeriko. Kore eipung'uto Yeso o looiteng'eni lenyena o lturrur kitok teinie, netii ltung'ani modooni oomonicho ewuon tabata nkoitiei. Kore nkarna enye naa keji Bartimayo oara layieni le Timayo. 47Kore pee ening ajo Yeso le Nasaret ilo, neng'asu abuak aichiraki ajo, <<Yeso, Layieni le Daudi, ng'erruaaki nanu!>> 48Nekusakan aaing'ode ꞉ltung'ana kumo ninye metigirai, kake neitoki ninye abuak aichiraki oleng ajo, <<Layieni le Daudi, ng'erruaaki!>> 49Neitache Yeso nejoki ninche, <<Empoto ninye.>> Neipotu ꞉ninche ilo tung'ani modooni, nejoki, <<Tonyuaa! Inyuo ntacho amu ikimpotito.>> 50Nenang'aa ꞉ninye nkila enye e oriong nejo chut aipirri alo netii Yeso. 51Nejoki ꞉Yeso ninye, <<Nyo iyieu iyie naaitaas?>>
Nejoki ꞉ilo modooni, <<Rrabuni#10:51 Kore kipirte e Rrabuni naa Laiteng'enani lai., kayieu payie adolichoi aitoki.>> 52Nejoki ꞉Yeso, <<Chomo, amu /ikinchiunyie ꞉nkurukoto ino.>> Nedolichoi ninye nabokata, neinyuototo airukurukore Yeso to nkoitiei.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
© 2021, Bible Translation and Literacy