Marko 12
12
Nkitanyanyukoto e lchampa loo lmusabibu o laturok
(Matayo 21:33–46; Luka 20:9–19)
1 #
Isa 5:1,2 Neng'asu airorie ninche too nkitanyanyukot nejo, <<Etuuno ltung'ani lchampa loo lmusabibu, neitamanaa wuata, netur ng'oji neironyunyie naichuo ee lolo ng'anayio lo lmusabibu, nechet ltalet oirritayie. Neitaaki laturok, nelo nkae kop. 2Kore pee ebau nkata e ndung'oto e lchampa, nereu laisiaayiani netii lolo aturok meyau lng'anayio lo lchampa lenye, oaara lenyena. 3Kake neibung ꞉ninche ninye, neidong nechuk ninye mechomo taa nkaik naarok. 4Neitoki airruaki ninche likae aisiaayiani lenye, nedany ninye nkue, neitam anyit. 5Neitoki ake aigil areu likae, kore ilo near metua. Nereu lkulie kumo, kore lbata loo lolo neidong, kore lkulikae near metuata. 6Kore ake lobo ong'or naa layieni lenye oacham. Kore tesiedi pooki nereu ilo ayieni lenye ejo, <Kebaki neanyit nkerai ai.> 7Kake nejokino laaduo aturok, <Lele taa lajung'oni. Wootu taa matar ninye metua, pee eaku njung'ore nanang.> 8Neibung ninye near metua, nenang'aki aulo e ilo champa.
9<<Amaa, kaa sa eas lopeny ilo champa lo lmusabibu? Kelotu naa, kemut lolo aturok, kore ilo champa lo lmusabibu neicho lkulie tung'ana. 10#SNk 118:22,23Amaa, eitu aikata isomsom ntae kulo kigerot,
<Kore soit oatanya ꞉lachetak,
ninye oataa soit le tipat oirichiu nkaji,
11Laitoriani eing'uaa ꞉ele soit,
naa le nking'asia too nkonyek ang>?>>
12Nenyok ninche aayiaya nkoitiei naibung'ie ninye, tankaraki keyielo aajo, kore ana kitanyanyukoto naa ninche eipirita. Kake neurie lturrur. Neroyie aaing'uaa ninye, nepuo.
Nkipara naipirita laare e kodi
(Matayo 22:15–22; Luka 20:20–26)
13Nerewakini Yeso lbata loo Lparisayo o lbata lo lturrur le Erode, meibung'a te rerei lenye. 14Kore pee epuonu netii ninye, nejoki, <<Laiteng'enani, ikiyielo aajo ira iyie ltung'ani loosipat, nimintaa toki mbaa naajo ltung'ana, amu mara nkitoo ee ltung'ana ing'or, kake inteng'en nkoitiei e Nkai te ndedei. Amaa! Keichiaakino tenelaakini Kaisari kodi tana meichiaakino? Ikilaaki tana mikilaaki?>> 15Kake kore amu keyielo Yeso ajo keitaakino ninche, nejoki, <<Aanyo pee kitemtem nanu? Eyakaaki ropiyia#12:15 Kore ropiyia naa dinari too nkutuk ee Lgirriki. Ng'ura aitoki mbaa naatilimuaki aaibalunyie te siedi e Bibilia. nabo matodua.>> 16Neyaki nabo, neipar ninche ajoki, <<Ne ng'ae ana omom? Oo lkigerot, keigero ajo ng'ae?>>
Nejo ninche, <<Ne Kaisari.>>
17Nejoki ꞉Yeso ninche, <<Enchoo naa Kaisari nenia naara ne Kaisari, ninchocho Nkai nenia naara ne Nkai.>>
Neing'asia ninche oleng tankaraki ninye.
Nkipara naipirita mpiunoto
(Matayo 22:23–33; Luka 20:27–40)
18 #
Asat 23:8
Nepuonu Sadukayo loochi oojo meatae mpiunoto, neti Yeso neiparichiere aajoki, 19#Nkit 25:5<<Laiteng'enani, keigeroka apa iyioo Musa ajoki, kore teneye ltung'ani neing'uaa mparratut meata nkera, naa keyiere neyem inia oiliai ꞉lalache lpayian lenye payie eiiki ilo alache lenye oitienye nkera. 20Keatae apa lalachera sapa, kore lekue, neyemicho neye meata nkera. 21Neyem le oare inia oiliai, neye aitoki ninye meata nkerai, neitoki le okuni aiko nejia. 22Neye pukura sapa meata lotung'ayie nkerai. Kore tesiedi, neye sii inia parratut. 23Amaa kenya ta mparri e mpiunoto, keaku inia parratut na ng'ae, amu keyema pukura sapa?>> 24Nejoki ꞉Yeso, <<Amaa, mara tankaraki inia payie itopong'ori ntae paa miyielolo Lkigerot tanaa sii ngolon e Nkai? 25Amu kore tenepiu ninche taatua lootuata, meyemicho, nemeyemi, kake ketuwuanai ana lmalaikani te chumata. 26#Nai 3:6Naa amaa naipirita mpiunoto ee lootuata, eitu isomsom ntae to mbuku e Musa inie ng'oji naipirita suur naiyupyup te nkima, neikuna Nkai pee ejoki ninye, <Nanu Nkai e Abraam o ne Isaka o ne Yakobo>? 27Mara ninye Nkai ee lootuata, kake noo looichu. Naaku ipong'oritata.>>
Nkitanapata naisul pooki
(Matayo 22:34–40; Luka 10:25–28)
28Kore laiteng'enani obo loo nkitanapat payie ening eikarnyasa ninche, netoduaa ajo ketoolika ꞉Yeso ninche aitibiraki, nelotu netii neipar ajoki, <<Aa kitanapata naisul pooki?>>
29 #
Nkit 6:4,5 Nejoki ꞉Yeso, <<Kore naisul naa ana, <Tining'o Isirael! Kore Laitoriani Nkai aang, naa Laitoriani obo. 30Naa tachama Laitoriani Nkai ino ta ltau lino pooki o to nkichui ino pooki o te ng'eno ino pooki o to ngolon ino pooki.> 31#Lal 19:18Kore ne are naa ana, <Tachama le latia ino ana koon.> Meatae nkae nkitanapata naisul kuna.>>
32 #
Nkit 4:35
Nejoki ꞉ilo aiteng'enani loo nkitanapat ninye, <<Itoolua aitibiraki! Kore inia nitejo naa sipata, nchere nabo Nkai nemeatae nkae mara Ninye. 33#Osea 6:6Naa kore tinicham Ninye ta ltau pooki o te ng'eno pooki o to ngolon pooki o sii, tinicham latia ana nicham koon, naa inia naata tipat alang suom pooki naapejori#12:33 Kore apa suom pooki naapejori naa nkichu o nkerra o nkutukurruki aitoki. Ng'urai mbuku e Lawi 1. o lkulie asarri pooki likintaki Nkai.>>
34 #
Luka 10:25–28
Kore pee edol Yeso ajo ketoolua ninye te ng'eno, nejoki ninye, <<Milakuaniki iyie Nkitoria e Nkai.>> Naaku meatae aitoki ltung'ani oitieu aipara ninye ntoki.
Kera Mesia Layieni le Daudi?
(Matayo 22:41–46; Luka 20:41–44)
35Kore eiteng'enicho Yeso taatua nkaji e Nkai neiparu ajo, <<Aji etiu paa kejo laiteng'enak loo nkitanapat <Kore Mesia#12:35 Kore Mesia naa keidimi sii aatejo Kristo. naa Layieni le Daudi>? 36#SNk 110:1Ketejo abaki Daudi koon, etuutaka ꞉Ltau Sinyati,
<Kore Laitoriani, naa ketiaka Laitoriani lai,
<<Towuana ta mbata ai e tetene,
ana maichoo lmang'ati linono ndacha murto.>> >
37<<Keipoto ꞉Daudi koon ninye ajo, <Laitoriani.> Aji naa eiko teneaku layieni lenye?>>
Neinining ꞉ilo turrur kitok ninye te ng'ida.
Entodol ate taa Laiteng'enak loo Nkitanapat
(Matayo 23:1–12; Luka 20:45–47)
38Kore eiteng'enita ꞉Yeso ninche, nejoki, <<Errita ate taa laiteng'enak loo nkitanapat. Kore ninche naa kecham aaisaba, eichopito nankan naadoo, necham teneirorokini tee nemirichiereki. 39Necham sii aatewuenie kue too lorikan supati le Sinagogi o too lorikan lekue laa latimi. 40Nemut ntokitin pooki taa nkajijik ee nkoilia. Neitoodor nkomono, eitaakino. Naa kore ninche, kedung'okini nkiguana nagol oleng.>>
Nkichooroto e nkoiliai
(Luka 21:1–4)
41Newuon Yeso eing'urare inie ng'oji neitainyieki nkichoorot, eing'orita ilo turrur neiko tenepik ropiyiani atua sanduku loo nkichoorot e nkaji e Nkai. Kore lparakuo kumo, nepik ropiyiani kumo inie. 42Nelotu nkoiliai nabo aitarani, neitai sintii oare laa keikini oleng ntoki nanya.
43Neipotu ꞉Yeso looiteng'eni lenyena, nejoki, <<Kedede kajoki ntae, kore ana oiliai aitarani, ninye natipika ntoki kitok alang ltung'ana pooki ootipika ropiyiani atua sanduku le nkichoorot. 44Amu kore kulo pooki naa keitaitua nkichoorot taatua parakuoicho enche. Kake kore ana oiliai aitarani, naa keitayia taatua menai enye ntoki pooki naichiwue ninye.>>
Valið núna:
Marko 12: saq
Áherslumerki
Deildu
Afrita
Want to have your highlights saved across all your devices? Sign up or sign in
© 2021, Bible Translation and Literacy
Marko 12
12
Nkitanyanyukoto e lchampa loo lmusabibu o laturok
(Matayo 21:33–46; Luka 20:9–19)
1 #
Isa 5:1,2 Neng'asu airorie ninche too nkitanyanyukot nejo, <<Etuuno ltung'ani lchampa loo lmusabibu, neitamanaa wuata, netur ng'oji neironyunyie naichuo ee lolo ng'anayio lo lmusabibu, nechet ltalet oirritayie. Neitaaki laturok, nelo nkae kop. 2Kore pee ebau nkata e ndung'oto e lchampa, nereu laisiaayiani netii lolo aturok meyau lng'anayio lo lchampa lenye, oaara lenyena. 3Kake neibung ꞉ninche ninye, neidong nechuk ninye mechomo taa nkaik naarok. 4Neitoki airruaki ninche likae aisiaayiani lenye, nedany ninye nkue, neitam anyit. 5Neitoki ake aigil areu likae, kore ilo near metua. Nereu lkulie kumo, kore lbata loo lolo neidong, kore lkulikae near metuata. 6Kore ake lobo ong'or naa layieni lenye oacham. Kore tesiedi pooki nereu ilo ayieni lenye ejo, <Kebaki neanyit nkerai ai.> 7Kake nejokino laaduo aturok, <Lele taa lajung'oni. Wootu taa matar ninye metua, pee eaku njung'ore nanang.> 8Neibung ninye near metua, nenang'aki aulo e ilo champa.
9<<Amaa, kaa sa eas lopeny ilo champa lo lmusabibu? Kelotu naa, kemut lolo aturok, kore ilo champa lo lmusabibu neicho lkulie tung'ana. 10#SNk 118:22,23Amaa, eitu aikata isomsom ntae kulo kigerot,
<Kore soit oatanya ꞉lachetak,
ninye oataa soit le tipat oirichiu nkaji,
11Laitoriani eing'uaa ꞉ele soit,
naa le nking'asia too nkonyek ang>?>>
12Nenyok ninche aayiaya nkoitiei naibung'ie ninye, tankaraki keyielo aajo, kore ana kitanyanyukoto naa ninche eipirita. Kake neurie lturrur. Neroyie aaing'uaa ninye, nepuo.
Nkipara naipirita laare e kodi
(Matayo 22:15–22; Luka 20:20–26)
13Nerewakini Yeso lbata loo Lparisayo o lbata lo lturrur le Erode, meibung'a te rerei lenye. 14Kore pee epuonu netii ninye, nejoki, <<Laiteng'enani, ikiyielo aajo ira iyie ltung'ani loosipat, nimintaa toki mbaa naajo ltung'ana, amu mara nkitoo ee ltung'ana ing'or, kake inteng'en nkoitiei e Nkai te ndedei. Amaa! Keichiaakino tenelaakini Kaisari kodi tana meichiaakino? Ikilaaki tana mikilaaki?>> 15Kake kore amu keyielo Yeso ajo keitaakino ninche, nejoki, <<Aanyo pee kitemtem nanu? Eyakaaki ropiyia#12:15 Kore ropiyia naa dinari too nkutuk ee Lgirriki. Ng'ura aitoki mbaa naatilimuaki aaibalunyie te siedi e Bibilia. nabo matodua.>> 16Neyaki nabo, neipar ninche ajoki, <<Ne ng'ae ana omom? Oo lkigerot, keigero ajo ng'ae?>>
Nejo ninche, <<Ne Kaisari.>>
17Nejoki ꞉Yeso ninche, <<Enchoo naa Kaisari nenia naara ne Kaisari, ninchocho Nkai nenia naara ne Nkai.>>
Neing'asia ninche oleng tankaraki ninye.
Nkipara naipirita mpiunoto
(Matayo 22:23–33; Luka 20:27–40)
18 #
Asat 23:8
Nepuonu Sadukayo loochi oojo meatae mpiunoto, neti Yeso neiparichiere aajoki, 19#Nkit 25:5<<Laiteng'enani, keigeroka apa iyioo Musa ajoki, kore teneye ltung'ani neing'uaa mparratut meata nkera, naa keyiere neyem inia oiliai ꞉lalache lpayian lenye payie eiiki ilo alache lenye oitienye nkera. 20Keatae apa lalachera sapa, kore lekue, neyemicho neye meata nkera. 21Neyem le oare inia oiliai, neye aitoki ninye meata nkerai, neitoki le okuni aiko nejia. 22Neye pukura sapa meata lotung'ayie nkerai. Kore tesiedi, neye sii inia parratut. 23Amaa kenya ta mparri e mpiunoto, keaku inia parratut na ng'ae, amu keyema pukura sapa?>> 24Nejoki ꞉Yeso, <<Amaa, mara tankaraki inia payie itopong'ori ntae paa miyielolo Lkigerot tanaa sii ngolon e Nkai? 25Amu kore tenepiu ninche taatua lootuata, meyemicho, nemeyemi, kake ketuwuanai ana lmalaikani te chumata. 26#Nai 3:6Naa amaa naipirita mpiunoto ee lootuata, eitu isomsom ntae to mbuku e Musa inie ng'oji naipirita suur naiyupyup te nkima, neikuna Nkai pee ejoki ninye, <Nanu Nkai e Abraam o ne Isaka o ne Yakobo>? 27Mara ninye Nkai ee lootuata, kake noo looichu. Naaku ipong'oritata.>>
Nkitanapata naisul pooki
(Matayo 22:34–40; Luka 10:25–28)
28Kore laiteng'enani obo loo nkitanapat payie ening eikarnyasa ninche, netoduaa ajo ketoolika ꞉Yeso ninche aitibiraki, nelotu netii neipar ajoki, <<Aa kitanapata naisul pooki?>>
29 #
Nkit 6:4,5 Nejoki ꞉Yeso, <<Kore naisul naa ana, <Tining'o Isirael! Kore Laitoriani Nkai aang, naa Laitoriani obo. 30Naa tachama Laitoriani Nkai ino ta ltau lino pooki o to nkichui ino pooki o te ng'eno ino pooki o to ngolon ino pooki.> 31#Lal 19:18Kore ne are naa ana, <Tachama le latia ino ana koon.> Meatae nkae nkitanapata naisul kuna.>>
32 #
Nkit 4:35
Nejoki ꞉ilo aiteng'enani loo nkitanapat ninye, <<Itoolua aitibiraki! Kore inia nitejo naa sipata, nchere nabo Nkai nemeatae nkae mara Ninye. 33#Osea 6:6Naa kore tinicham Ninye ta ltau pooki o te ng'eno pooki o to ngolon pooki o sii, tinicham latia ana nicham koon, naa inia naata tipat alang suom pooki naapejori#12:33 Kore apa suom pooki naapejori naa nkichu o nkerra o nkutukurruki aitoki. Ng'urai mbuku e Lawi 1. o lkulie asarri pooki likintaki Nkai.>>
34 #
Luka 10:25–28
Kore pee edol Yeso ajo ketoolua ninye te ng'eno, nejoki ninye, <<Milakuaniki iyie Nkitoria e Nkai.>> Naaku meatae aitoki ltung'ani oitieu aipara ninye ntoki.
Kera Mesia Layieni le Daudi?
(Matayo 22:41–46; Luka 20:41–44)
35Kore eiteng'enicho Yeso taatua nkaji e Nkai neiparu ajo, <<Aji etiu paa kejo laiteng'enak loo nkitanapat <Kore Mesia#12:35 Kore Mesia naa keidimi sii aatejo Kristo. naa Layieni le Daudi>? 36#SNk 110:1Ketejo abaki Daudi koon, etuutaka ꞉Ltau Sinyati,
<Kore Laitoriani, naa ketiaka Laitoriani lai,
<<Towuana ta mbata ai e tetene,
ana maichoo lmang'ati linono ndacha murto.>> >
37<<Keipoto ꞉Daudi koon ninye ajo, <Laitoriani.> Aji naa eiko teneaku layieni lenye?>>
Neinining ꞉ilo turrur kitok ninye te ng'ida.
Entodol ate taa Laiteng'enak loo Nkitanapat
(Matayo 23:1–12; Luka 20:45–47)
38Kore eiteng'enita ꞉Yeso ninche, nejoki, <<Errita ate taa laiteng'enak loo nkitanapat. Kore ninche naa kecham aaisaba, eichopito nankan naadoo, necham teneirorokini tee nemirichiereki. 39Necham sii aatewuenie kue too lorikan supati le Sinagogi o too lorikan lekue laa latimi. 40Nemut ntokitin pooki taa nkajijik ee nkoilia. Neitoodor nkomono, eitaakino. Naa kore ninche, kedung'okini nkiguana nagol oleng.>>
Nkichooroto e nkoiliai
(Luka 21:1–4)
41Newuon Yeso eing'urare inie ng'oji neitainyieki nkichoorot, eing'orita ilo turrur neiko tenepik ropiyiani atua sanduku loo nkichoorot e nkaji e Nkai. Kore lparakuo kumo, nepik ropiyiani kumo inie. 42Nelotu nkoiliai nabo aitarani, neitai sintii oare laa keikini oleng ntoki nanya.
43Neipotu ꞉Yeso looiteng'eni lenyena, nejoki, <<Kedede kajoki ntae, kore ana oiliai aitarani, ninye natipika ntoki kitok alang ltung'ana pooki ootipika ropiyiani atua sanduku le nkichoorot. 44Amu kore kulo pooki naa keitaitua nkichoorot taatua parakuoicho enche. Kake kore ana oiliai aitarani, naa keitayia taatua menai enye ntoki pooki naichiwue ninye.>>
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
© 2021, Bible Translation and Literacy