Ta je huliwa 21
21
1OHMUN e hia but hnʼ ödra, me ohmun e kec ut, me kec wisa Koso ai, ke nyi ohmun e he Rodo ai, ke ûhehmun e ohmun e he Patara ai: 2ke ohmun e wâ ke hu ame he ka hnehne Foinike ai, me ohmun e tabâ e, me kec ut. 3Ke ohmun e wâ thö Kupero, me ohmun e hna but e hnyi ke keihen me, me ohmun e kec Suria ai, me khop dö hnyi Turo: anyin adre me he ka thigâ e onyen hu. 4Ke ohmun e wâ je laten, me ohmun e laba eling hnyi seven je bong: ke ödrin e ha kö Paulo ûnyi hnyi Hanu, ka habe, ca he Jerusalema ai. 5Ke ame um dö ta je bong e, me ohmun e didrut me he but; ke ödrin hia adre me su ohmun tha ödrin me lâiödrin me lakudrin, ke ne o but hnyi hoton taun: me ohmun e cibouca eû göny me hic, 6me ûhûne; ke ohmun e ölö thö hon hu ai, ke ödra adre me hmetu ka hnyi ta je hnyabadra.
7Ke ohmun e o but hnyi Tolemai, ûhehmun Turo; me ohmun e talofa me je liamekeiny, ke khaca bonguhmun ka tha laba mʼ ödra. 8Ke nyi ohmun e he me o hnyi Kaisaria: ke ohmun e didro ka hnyi uma umo Filipo at ame khetâ ûthumetu ae so, ke at hnyi hnyat a seven, me laba unyin. 9Ke haba at eling me vak lakon ta hlu, ke ödrin je perofeta. 10Ke se hia je bong ohmun e laba eling, me ame o but ke perofeta ûheny Juda, Agabo ien. 11Ke e ame o but kohmun, ke e ame hom weikö Paulo, me ame ka ca bi kâu li can me li benyin, me ha, ka habe, Haingen Hanu Kap, a gʼ ame he at Juda hnyi Jerusalema ka helâng hna ca at a weiken ang, me he ka hna ka hnyi hnyamen Aten ta je hnyei. 12Ohmun e long hofuc e, me ohmun me tavat adre me laba eling, ohmun e thawâ e, ka habe, ca he bi Jerusalema ai. 13Haba Paulo ame thu me ha, ka habe, Ieû gabun öbun e tenge me ohluhluâ hnyekuk? anyin a oge hia but penapena, ca ka hnyi ûceat thibi, ke so minya he ka mok hnyi Jerusalema can iö Iesu a Than. 14Me e ame ca long bala kohmun, me ohmun e laba hnyibû ju, me ha, ka habe, E so he ka mâdrâ weny Than.
15Hwaban je bong e, ohmun e kât anyihmun je thatûnyi me he but Jerusalema ai. 16Ke ame tha he möhmun ke je laten ûhedrin Kaisaria, tha ödrin me ke at Nasona ien, a at Kupero, wale aten kâû adrem, ke ohmun e he ka laba unyin.
17Ohmun e o but hnyi Jerusalema, me haba je liamekeiny adre me kap senyini ohmun. 18Ke nyi ame tha he möhmun Paulo kö Iakobo; ke eling wahingat hia. 19Ke ame italofa mʼ ödra, me e ame omanenâ gaga ta je ûnyi ame ânyâ Khong unyin Aten ta je hnyei hnen anyin huliwa. 20Ke adre me long ut, me adre me ogânâ Khong; me adre me ha kâu, ka habe, Liamekeiny möhmun lö, u me wâ ta je thauzan anyin at Juda adre me labageju; ke ödra hia adre me ti hnyokâ hnanyibu; 21ke adre me long gam a u je nâ at Juda hia, a ödra unyin Aten ta je hnyei, he ka hna degeci Mose, ke u je ha kodra, ka habe, ca he bi ka peritomonâ je lakubun, ke ca he minya ka vheno ta je bongon. 22Anyin a wale, ama kâmâu? anyin adre me he ka long a u je o thö. 23Anyin a wale, mâdrâ thö hnöhmun hna he ka ha köu: Habe e unyihmun hnyat a vak, ödrin e bi khöbi; 24e so he ka tha u mʼ ödrin, ke tha obosoi u mʼ ödrin, me tha bi hwaban mʼ ödrin, mʼ adre me he bi ka subâ je leûnen bodrin: me me khana thö tavat hia ae ca hnathu bi ke ûnyi adre long gam; ke so bi a u je vheno so, me tuö hnanyibu. 25Ke haba Aten ta je hnyei adre me labageju, me ohmun e hia but sisit kodra, me owisa a adre me he ka ûsâkâûö me je hna hudo ka je hnatheat, me dra, me je ûnyi adre noc nyin, me bi ûnyi monu. 26Haba Paulo ame hawâ je hnyat, ke nyi e ame tha obosoâ e bi mödrin, me didro ka hnyi uma kap, he ka omanenâ, ka habe, e bekhöt ut ta je bonginy obosoâ, ke ne o but adre me ve hudo ta je hut hobi kodra.
27Ke ame he but ka um je bong a seven, me ame wâ e hnyin uma kap hnen at Juda a ödrin ûheny Asia, me adre me omonumonoâ tavat ae se hia, me kât e, 28me hongot, ka habe, At Isaraela lö, ûhadruo: Wale bi ang at ame ûne ûö bi ûnyi me tavat, me hnanyibu, me dok ang: ke haba khaca, e ame hom but jem at Heleni ka hnyi uma kap, me okongoâ dok ang ae kap. 29Anyin adre me ō Trofimo ehac, at Efeso unyin hnyi taun, ke adre me ûnykûme a e ame hom e ka hnyi uma kap. 30Ke ame bwebwet taun hia, ke ame tha wadring do tavat me kot Paulo, me lelo e ûheny hnyin uma kap: me adre me ie hlöng ut je hwanuma. 31Ke adre me tiga heleû deny he ka hlingâ e, me ame o but ûthumetu ka taben ae nua anyin deö soja, ka habe, e monumonu thö Jerusalema hia. 32Me e ame ie hom je soja me je keneturio, me wadring kodra: ke adre me wâ taben ae nua me je soja, me adre me hna ju kuc Paulo. 33Ke ame hakekeny dö taben ae nua, me kât e, me hûna he ka ca e ge li tö fao; me hnei, ka habe, e ia? ke ieû a ânyâ? 34Ke haba keihen adre me hawâ ke ûnyi, ke keihen ke ûnyi bi unyin tavat ae se hia: ke ca khana bi he ka wâhmakhmeto wisa, anyin adre me imediököu, me e ame hûna he ka hom e ka hnyi hnabâ. 35Ke e ame o but hnyi wacûat, me ame kap tilâ e hnen je soja, anyin ae hwege tavat; 36ke ame ûhnûhnû hotudrin tavat, me fuc hwege, ka habe, Ohia but e. 37Ke adre me he ka hum Paulo ka hnyi hnabâ, me e ame ha ka taben ae nua, ka habe, E so la oge me he ka fuc köu? Ke e ame ha, ka habe, Ae khanö u hwen Heleni? 38Hawa, u ca at Aigupito waleji ehac ame okûâ imonumonuny, me hom tavat a foa thauzan ka hnyi hnyebuba a tavat Ûhlingö? 39Ke haba Paulo ame ha, ka habe, Iny at Juda ûhek Taraso hnyi Silikia, aten taun ae lung: ke inya oge me sumatö u he ka hnö nya he ka fuc ka tavat. 40Ke ame hna e, me ame tot Paulo hnyi wacûat me hinôbeny hon tavat; ke adre bia but ohnyibö but, me e ame fuc hnyi hwen Heberu, ka habe,
Valið núna:
Ta je huliwa 21: IAAI
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society
Ta je huliwa 21
21
1OHMUN e hia but hnʼ ödra, me ohmun e kec ut, me kec wisa Koso ai, ke nyi ohmun e he Rodo ai, ke ûhehmun e ohmun e he Patara ai: 2ke ohmun e wâ ke hu ame he ka hnehne Foinike ai, me ohmun e tabâ e, me kec ut. 3Ke ohmun e wâ thö Kupero, me ohmun e hna but e hnyi ke keihen me, me ohmun e kec Suria ai, me khop dö hnyi Turo: anyin adre me he ka thigâ e onyen hu. 4Ke ohmun e wâ je laten, me ohmun e laba eling hnyi seven je bong: ke ödrin e ha kö Paulo ûnyi hnyi Hanu, ka habe, ca he Jerusalema ai. 5Ke ame um dö ta je bong e, me ohmun e didrut me he but; ke ödrin hia adre me su ohmun tha ödrin me lâiödrin me lakudrin, ke ne o but hnyi hoton taun: me ohmun e cibouca eû göny me hic, 6me ûhûne; ke ohmun e ölö thö hon hu ai, ke ödra adre me hmetu ka hnyi ta je hnyabadra.
7Ke ohmun e o but hnyi Tolemai, ûhehmun Turo; me ohmun e talofa me je liamekeiny, ke khaca bonguhmun ka tha laba mʼ ödra. 8Ke nyi ohmun e he me o hnyi Kaisaria: ke ohmun e didro ka hnyi uma umo Filipo at ame khetâ ûthumetu ae so, ke at hnyi hnyat a seven, me laba unyin. 9Ke haba at eling me vak lakon ta hlu, ke ödrin je perofeta. 10Ke se hia je bong ohmun e laba eling, me ame o but ke perofeta ûheny Juda, Agabo ien. 11Ke e ame o but kohmun, ke e ame hom weikö Paulo, me ame ka ca bi kâu li can me li benyin, me ha, ka habe, Haingen Hanu Kap, a gʼ ame he at Juda hnyi Jerusalema ka helâng hna ca at a weiken ang, me he ka hna ka hnyi hnyamen Aten ta je hnyei. 12Ohmun e long hofuc e, me ohmun me tavat adre me laba eling, ohmun e thawâ e, ka habe, ca he bi Jerusalema ai. 13Haba Paulo ame thu me ha, ka habe, Ieû gabun öbun e tenge me ohluhluâ hnyekuk? anyin a oge hia but penapena, ca ka hnyi ûceat thibi, ke so minya he ka mok hnyi Jerusalema can iö Iesu a Than. 14Me e ame ca long bala kohmun, me ohmun e laba hnyibû ju, me ha, ka habe, E so he ka mâdrâ weny Than.
15Hwaban je bong e, ohmun e kât anyihmun je thatûnyi me he but Jerusalema ai. 16Ke ame tha he möhmun ke je laten ûhedrin Kaisaria, tha ödrin me ke at Nasona ien, a at Kupero, wale aten kâû adrem, ke ohmun e he ka laba unyin.
17Ohmun e o but hnyi Jerusalema, me haba je liamekeiny adre me kap senyini ohmun. 18Ke nyi ame tha he möhmun Paulo kö Iakobo; ke eling wahingat hia. 19Ke ame italofa mʼ ödra, me e ame omanenâ gaga ta je ûnyi ame ânyâ Khong unyin Aten ta je hnyei hnen anyin huliwa. 20Ke adre me long ut, me adre me ogânâ Khong; me adre me ha kâu, ka habe, Liamekeiny möhmun lö, u me wâ ta je thauzan anyin at Juda adre me labageju; ke ödra hia adre me ti hnyokâ hnanyibu; 21ke adre me long gam a u je nâ at Juda hia, a ödra unyin Aten ta je hnyei, he ka hna degeci Mose, ke u je ha kodra, ka habe, ca he bi ka peritomonâ je lakubun, ke ca he minya ka vheno ta je bongon. 22Anyin a wale, ama kâmâu? anyin adre me he ka long a u je o thö. 23Anyin a wale, mâdrâ thö hnöhmun hna he ka ha köu: Habe e unyihmun hnyat a vak, ödrin e bi khöbi; 24e so he ka tha u mʼ ödrin, ke tha obosoi u mʼ ödrin, me tha bi hwaban mʼ ödrin, mʼ adre me he bi ka subâ je leûnen bodrin: me me khana thö tavat hia ae ca hnathu bi ke ûnyi adre long gam; ke so bi a u je vheno so, me tuö hnanyibu. 25Ke haba Aten ta je hnyei adre me labageju, me ohmun e hia but sisit kodra, me owisa a adre me he ka ûsâkâûö me je hna hudo ka je hnatheat, me dra, me je ûnyi adre noc nyin, me bi ûnyi monu. 26Haba Paulo ame hawâ je hnyat, ke nyi e ame tha obosoâ e bi mödrin, me didro ka hnyi uma kap, he ka omanenâ, ka habe, e bekhöt ut ta je bonginy obosoâ, ke ne o but adre me ve hudo ta je hut hobi kodra.
27Ke ame he but ka um je bong a seven, me ame wâ e hnyin uma kap hnen at Juda a ödrin ûheny Asia, me adre me omonumonoâ tavat ae se hia, me kât e, 28me hongot, ka habe, At Isaraela lö, ûhadruo: Wale bi ang at ame ûne ûö bi ûnyi me tavat, me hnanyibu, me dok ang: ke haba khaca, e ame hom but jem at Heleni ka hnyi uma kap, me okongoâ dok ang ae kap. 29Anyin adre me ō Trofimo ehac, at Efeso unyin hnyi taun, ke adre me ûnykûme a e ame hom e ka hnyi uma kap. 30Ke ame bwebwet taun hia, ke ame tha wadring do tavat me kot Paulo, me lelo e ûheny hnyin uma kap: me adre me ie hlöng ut je hwanuma. 31Ke adre me tiga heleû deny he ka hlingâ e, me ame o but ûthumetu ka taben ae nua anyin deö soja, ka habe, e monumonu thö Jerusalema hia. 32Me e ame ie hom je soja me je keneturio, me wadring kodra: ke adre me wâ taben ae nua me je soja, me adre me hna ju kuc Paulo. 33Ke ame hakekeny dö taben ae nua, me kât e, me hûna he ka ca e ge li tö fao; me hnei, ka habe, e ia? ke ieû a ânyâ? 34Ke haba keihen adre me hawâ ke ûnyi, ke keihen ke ûnyi bi unyin tavat ae se hia: ke ca khana bi he ka wâhmakhmeto wisa, anyin adre me imediököu, me e ame hûna he ka hom e ka hnyi hnabâ. 35Ke e ame o but hnyi wacûat, me ame kap tilâ e hnen je soja, anyin ae hwege tavat; 36ke ame ûhnûhnû hotudrin tavat, me fuc hwege, ka habe, Ohia but e. 37Ke adre me he ka hum Paulo ka hnyi hnabâ, me e ame ha ka taben ae nua, ka habe, E so la oge me he ka fuc köu? Ke e ame ha, ka habe, Ae khanö u hwen Heleni? 38Hawa, u ca at Aigupito waleji ehac ame okûâ imonumonuny, me hom tavat a foa thauzan ka hnyi hnyebuba a tavat Ûhlingö? 39Ke haba Paulo ame ha, ka habe, Iny at Juda ûhek Taraso hnyi Silikia, aten taun ae lung: ke inya oge me sumatö u he ka hnö nya he ka fuc ka tavat. 40Ke ame hna e, me ame tot Paulo hnyi wacûat me hinôbeny hon tavat; ke adre bia but ohnyibö but, me e ame fuc hnyi hwen Heberu, ka habe,
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society