Ta je huliwa 22
22
1HNYAT me lakeiny me lakamen lö, long ju öbun hnok hna ha wiso nya walang any köbun. 2Adre me long a gʼ ame fuc kodra hnyi hwen Heberu, me adre me tevehlöng wia; ke e ame ha, ka habe, 3Iny at Juda, adre hnöku nya hnyi Taraso hnyi Silikia, ke adre me hat nya hnyi taun ang, ke adre me nâ wisa könya hnanyibu anyin lakamöta hnyi ûca Gamaliela, ke oge me hnyok hwege ka Khong, helâ me öbun hnyi bong ang: 4ke oge me okongoâ hmi ang, me hlingʼ ödra, me cʼ ödra me ip ödra obaga me omomo hnyi uma ceat. 5Wale ae khana at bihut ae nua me wahingat hia he ka ohnathu nya; ke oge me kap je tusi gadra hnân hobi kâu je liamekeiny, me he but Damaseko ai, he ka cʼ ödra me hum ödra Jerusalema ai he ka bi hwaban kodra. 6Ke tiga inya eû hnyi gethen hakekenyâ Damaseko, ka jebigo but, me ame ie umumelam igigili nya melam ûnyi hnyi drany. 7Ke oge me ta but hnyikânâi, ʼ me long hofuc ame ha könya, ka habe, Saulo, Saulo lö, ieû gam u me okongu nya? 8Me oge me thu, ka habe, Than lö, u ia? Me e ame ha könya, ka habe, Inya Iesu at Nazareta at u me labö okongoâ. 9Haba hnyat ödrin e tha he mönya, me adre me wâ melam, kʼ adre me ca long bi ifucin at ame fuc könya. 10Ke haingök, ka habe, Than lö, ieû oge me he ka ânyâ? Haba Than ame ha könya, ka habe, Todrö, me he thö Damaseko ai; kʼ adre me he ka ha köu eling ta je ûnyi hia a hanymâm he ka ânyâ. 11Ke oge me ca bwele hmetu bi ûnyi ge ûhadedakiny melam eling, kʼ ame lelo beny ik hnen hnyat ödrin e tha he mönya, me oge me o but hnyi Damaseko. 12Ke haba Anania, at ame outen Khong ae ûcû me hnanyibu, kʼ ame haisoâ e hnen at Juda hia adre me laba eling, 13e ame o but könya, me tot unyik me ha, ka habe, Saulo lö, liamekeiny mönya, bwela hmetu but. Ke oge me wâ e hnyi ûen eling. 14Ke haingen ame ha, ka habe, Haba Khongon lakamöta a ûcö u me u me he ka wâhmakhmetoâ weny, me wâ At ae Wisa, me long hofuc ûnyi hnyi hnyimen. 15Anyin a u me he ka ohnathoâ e ka tavat hia, hnyi hnâm hna wâ me löng. 16Ke walang ang ieû gam u me bec? todrö, me adre me bapataisoi u, me hneû degecâ ânyâm ta je hulo, me hawâ thö ien. 17Ke oge me o hmetu but hnyi Jerusalema, me hic hnyi uma kap, me oge me wâ hna omanenâ, 18me wâ e wale at ame ha könya, ka habe, Logotö, ie he but ûhem Jerusalema: anyin adre me ca he ka kap hna ohnathu nya gam. 19Ke haingök, ka habe, Than lö, e khanʼ ödra hnok hna ca, me kot hnyi ta je sunago tavat adre me labageju köu: 20ke adre hingâlâ dro Setafano at ame ohnathu u, me oge me tot hakekenyâ, me hnyi hanen, me tuö je ûkhaûödrin hnyat ödrin e hlingâ e. 21Ke haingen ame ha könya, ka habe, He thö, anyin oge me he ka kunö u sâkâû ai ka aten ta je hnyei.
22Ke adre me long e ke ne o but hnyi uthofuc e: me adre me ha goranyai, ka habe, Ohia but e ûnyi eang hmeledrany; anyin ae ca so e ame he ka möt. 23Ke adre me tiga fuc goranyai me uny anyidra je ûkhaû, me iâ sesâiny kânâ goranyai, 24haba taben ae nua ame hûna he ka hom e ka hnyi hnabâ, me ha he ka hnö me kot e, me me khana thö hwân hnödra hna hongot gan helâe. 25Ke adre hia but ca e ge je tö, haba Paulo ame ha ka keneturio at ame tot eling, ka habe, Hawa, e ûcû hnyi hnanyibu, öbun e he ka kot at Roma, kʼ ödra tiga ca ûhnö? 26Ke a long ut keneturio, me e ame he me ha ka taben ae nua, ka habe, Ieû u me he ka ânyâ? anyin a at Roma at ang. 27Me ame o but taben ae nua me ha kâu, ka habe, Bethe ha könya, u at Roma? E ame ha, ka habe, E. 28Haba taben ae nua ame thu, ka habe, E gan hmâ tang mone o ge ham, mʼ inye he ka aten hnyei e. Ke haingö Paulo, Adre hnöku nya at Roma. 29Anyin a wale ame ie ûsâkâûö but mē tavat adre me he ka hnö e: ke ot minya but taben ae nua, anyin a e khana but a e at Roma, kʼ adre hia but minya ca e.
30Ke nyi e ame behe ka wâ wia hnathu a gʼ ame bi fuco e ge at Juda, me e ame thang e, ke e ame ûkhacaköuâ je taben tavat bihut me tavat ûhnenamö hia, kʼ ame hum Paulo but, me otilâ e hnyi hnyimakodra.
Valið núna:
Ta je huliwa 22: IAAI
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society
Ta je huliwa 22
22
1HNYAT me lakeiny me lakamen lö, long ju öbun hnok hna ha wiso nya walang any köbun. 2Adre me long a gʼ ame fuc kodra hnyi hwen Heberu, me adre me tevehlöng wia; ke e ame ha, ka habe, 3Iny at Juda, adre hnöku nya hnyi Taraso hnyi Silikia, ke adre me hat nya hnyi taun ang, ke adre me nâ wisa könya hnanyibu anyin lakamöta hnyi ûca Gamaliela, ke oge me hnyok hwege ka Khong, helâ me öbun hnyi bong ang: 4ke oge me okongoâ hmi ang, me hlingʼ ödra, me cʼ ödra me ip ödra obaga me omomo hnyi uma ceat. 5Wale ae khana at bihut ae nua me wahingat hia he ka ohnathu nya; ke oge me kap je tusi gadra hnân hobi kâu je liamekeiny, me he but Damaseko ai, he ka cʼ ödra me hum ödra Jerusalema ai he ka bi hwaban kodra. 6Ke tiga inya eû hnyi gethen hakekenyâ Damaseko, ka jebigo but, me ame ie umumelam igigili nya melam ûnyi hnyi drany. 7Ke oge me ta but hnyikânâi, ʼ me long hofuc ame ha könya, ka habe, Saulo, Saulo lö, ieû gam u me okongu nya? 8Me oge me thu, ka habe, Than lö, u ia? Me e ame ha könya, ka habe, Inya Iesu at Nazareta at u me labö okongoâ. 9Haba hnyat ödrin e tha he mönya, me adre me wâ melam, kʼ adre me ca long bi ifucin at ame fuc könya. 10Ke haingök, ka habe, Than lö, ieû oge me he ka ânyâ? Haba Than ame ha könya, ka habe, Todrö, me he thö Damaseko ai; kʼ adre me he ka ha köu eling ta je ûnyi hia a hanymâm he ka ânyâ. 11Ke oge me ca bwele hmetu bi ûnyi ge ûhadedakiny melam eling, kʼ ame lelo beny ik hnen hnyat ödrin e tha he mönya, me oge me o but hnyi Damaseko. 12Ke haba Anania, at ame outen Khong ae ûcû me hnanyibu, kʼ ame haisoâ e hnen at Juda hia adre me laba eling, 13e ame o but könya, me tot unyik me ha, ka habe, Saulo lö, liamekeiny mönya, bwela hmetu but. Ke oge me wâ e hnyi ûen eling. 14Ke haingen ame ha, ka habe, Haba Khongon lakamöta a ûcö u me u me he ka wâhmakhmetoâ weny, me wâ At ae Wisa, me long hofuc ûnyi hnyi hnyimen. 15Anyin a u me he ka ohnathoâ e ka tavat hia, hnyi hnâm hna wâ me löng. 16Ke walang ang ieû gam u me bec? todrö, me adre me bapataisoi u, me hneû degecâ ânyâm ta je hulo, me hawâ thö ien. 17Ke oge me o hmetu but hnyi Jerusalema, me hic hnyi uma kap, me oge me wâ hna omanenâ, 18me wâ e wale at ame ha könya, ka habe, Logotö, ie he but ûhem Jerusalema: anyin adre me ca he ka kap hna ohnathu nya gam. 19Ke haingök, ka habe, Than lö, e khanʼ ödra hnok hna ca, me kot hnyi ta je sunago tavat adre me labageju köu: 20ke adre hingâlâ dro Setafano at ame ohnathu u, me oge me tot hakekenyâ, me hnyi hanen, me tuö je ûkhaûödrin hnyat ödrin e hlingâ e. 21Ke haingen ame ha könya, ka habe, He thö, anyin oge me he ka kunö u sâkâû ai ka aten ta je hnyei.
22Ke adre me long e ke ne o but hnyi uthofuc e: me adre me ha goranyai, ka habe, Ohia but e ûnyi eang hmeledrany; anyin ae ca so e ame he ka möt. 23Ke adre me tiga fuc goranyai me uny anyidra je ûkhaû, me iâ sesâiny kânâ goranyai, 24haba taben ae nua ame hûna he ka hom e ka hnyi hnabâ, me ha he ka hnö me kot e, me me khana thö hwân hnödra hna hongot gan helâe. 25Ke adre hia but ca e ge je tö, haba Paulo ame ha ka keneturio at ame tot eling, ka habe, Hawa, e ûcû hnyi hnanyibu, öbun e he ka kot at Roma, kʼ ödra tiga ca ûhnö? 26Ke a long ut keneturio, me e ame he me ha ka taben ae nua, ka habe, Ieû u me he ka ânyâ? anyin a at Roma at ang. 27Me ame o but taben ae nua me ha kâu, ka habe, Bethe ha könya, u at Roma? E ame ha, ka habe, E. 28Haba taben ae nua ame thu, ka habe, E gan hmâ tang mone o ge ham, mʼ inye he ka aten hnyei e. Ke haingö Paulo, Adre hnöku nya at Roma. 29Anyin a wale ame ie ûsâkâûö but mē tavat adre me he ka hnö e: ke ot minya but taben ae nua, anyin a e khana but a e at Roma, kʼ adre hia but minya ca e.
30Ke nyi e ame behe ka wâ wia hnathu a gʼ ame bi fuco e ge at Juda, me e ame thang e, ke e ame ûkhacaköuâ je taben tavat bihut me tavat ûhnenamö hia, kʼ ame hum Paulo but, me otilâ e hnyi hnyimakodra.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society