Ta je huliwa 20
20
1KE hwaban imediököu, Paulo ame hawâ laten, me sihwegi ödra, me ûhûne mʼ ödra, me e ame he but Makedonia ai. 2Ke a hia but vheno je ke keihen hnyei eling, me sihwege gan hmâ kodra, me e ame o but hnyi Heleni. 3Ke kun ta tehiny ka laba eling, ke haba at Juda adre me ip hnân, hnyi ûen e ame he ka tabâ hu ka kec Suria ai, me e ame ûnykûme he ka hmetu Makedonia ai. 4Ke ame tha he mē ke ne o but hnyi Asia jia Sopatero at Berea; me Aretako, me Sekuno li at Thesalonika: me Gaio, at Derebe, me Timoteo; me Tukiko me Trofimo li at Asia. 5A bodrin hnyat e ka halubahing ohmun hnyi Troas. 6Ke hwaban ûen areto adre ca levenâ, ohmun e tabâ hu ûhehmun Filipi, me o ködrin hnyi Troas hnyi je bong a faiv; ke seven bonguhmun ka laba eling.
7Ke hnyi bong a bân hnyi seven, ohmun e ûkhacaköu he ka subâ areto, haba Paulo ame khet kodra, anyin ame he ka he but nyi; ke beû hnen hna khet ke ne o but huyi wanbenset. 8Ke se hia je lamepa hnyi hnyeule ethö, waleji ohmun e ûkhacaköu hnyin. 9Ke ame laba hnyi mamalama ke hidröu, Eutiko ien, e ame tamokut; ke beû bala hna khet hnö Paulo, me ame muso e hnen bemokot, me e ame kolu but ûnyi hnyi hnyeule a kuniny ethö, ke ödrin e kap e a mokcu. 10Haba Paulo ame utut me ta ju hon e, me delûâ, me ha, ka habe, Ca tenge bi; amyin a e bi möt eû hnyin. 11Ke e ame ölö hmetu thö kâ thö, me subâ areto me han, me ûhnenamö beû ke ne o but hnyi lany, me e ame he but. 12Me adre me hom hidröu a mödrut, me adre me senyin gan hmâ.
13Ke ohmun e hohmun ka hnyi hu, me kec Asoso ai, me ohmun e he ka haudin Paulo eling: anyin a wale hnen hna hûna, anyin a e ame weny he ka he hot. 14Ke ohmun e ûkhanö mē hnyi Asoso me hauden e, me ohmun e khop dö Mitulene. 15Me ohmun e kec ûhehmun e, ohmun e o nyi cicö Kios; ke nyi hmetu ohmun e khop dö hnyi Samo; ke nyi hmetu ohmun e khop dö hnyi Mileto. 16Anyin a Paulo ame ûnykûme he ka kec nulâ Efeso, wâ e nye he ka bec hnyi Asia; anyin a e ame he logot me me o hnyi Jerusalema hnyi ûen Penetekos, a ne ba vheliny.
17Ke e ame ûkhûnöng Efeso ai ûheny Mileto he ka hawâ wahingatiny ekalesia. 18Ke ödrin e o but kâu, me e ame ha ködrin, ka habe,
E khanʼ öbun hwakecik hnyi ta je ûen oge me laba unyibun hwân hnyi bong a bân waleji oge me o hnyi Asia, 19a oge me bi huliwa ka Than me hnyok ae hnyikânâ, ke li deköiök, ke ta je vec a o könya, waleji hnyi hna ip hnok ge at Juda: 20ke oge me ca ikhâlâ ke ûnyi ae ûnyi hnathu, ke oge me omanenâ köbun, me nʼ öbun hnyi hnyimakan tavat, me hnyi ke uma me ke uma, 21me ohnathoâ ka at Juda me at Heleni minya, a e so he ka ietra ka Khong me labageju ka Tuhöta a Iesu Keriso. 22Ke wâ bi, walang ang oge me he Jerusalema ai, kʼ ame ka musi nya hnyekuk, ke ca khanö nya ta je ûnyi ame he ka o könya e: 23ke so bi ame omanenâ könya Hanu Kap hnyi ta je taun hia, ka habe, ame halubahingʼ nya je hna cö nya me ta je vec bi. 24Ke oge me ca oûnyihnathoâ anyik möt, me me ûnyi hnathu könya, me inye he ka umo hnok hna ûölogot, me hanymök oge me kap ûnyi ge Than Iesu, wale he ka ohnathoâ ûthumetu ae so hnyi betenge baû anyin Khong. 25Ke wâ bi, walang ang e khanö nya a haba öbun hia, a hnyat oge me labö senâ he ka khetâ ûthumetu, me öbun e ca he hmetu ka wâ hnyimakök. 26Anyin a wale, inya oge me ohnathoâ köbun hnyi bong ang, ame ca taku nya dren tavat. 27Anyin oge me ca höcö omanenâ köbun ûnykûmânen hia Khong. 28Anyin a wale, o ʼbun âu, ke hnahat mamoe hia, wale hnen Hanu Kap hnaʼ otilʼ öbun he ka tuö, he ka hat ekalesia anyin Khong, waleji e ame ûco ge dren. 29E khanö nya a hwaban dö ûhek, ame he ka didro köbun ta je luko ûhûlû, kʼ ödrin e ca he ka ihulo hnahat mamoe; 30ke ame he ka o minya unyibun tavat adre me he ka ha ta je ûnyi ae hwali, he ka lelo ködra ta je laten. 31Anyin a wale hmâkâ ju, me ûnykûme thö, haba hnyi je huna a kun oge me ca menâ, waleji hnyi lit me lany he ka nʼ öbun hia, ke hu deköien li emakök. 32Ke walang ang inya oge me hnʼ öbun dut ka Khong, me hofucin anyin ibetengiö baû, at ae khana he ka up öbun goranyai, me ham köbun jekhoû mʼ ödra hia adre okabâ. 33E ba sileva, me gol, me ûkkaû anyin ke at oge behnyekon. 34E khanʼ öbun minya a oge me huliwa ge li hnyamok ang oûco unyik me tavat a tha ödrin mönya. 35Hnyi ta je ûnyi hia oge me tot hnân ûcûcûbongoâ köbun, a hamöbun he ka huliwa helâe he ka hadruâ tavat a ödra sënyin, me ûnykûme hofuc hwan Than Iesu, waleji e ame ha, ka habe, E beönua hnahic hnen at ame ham, hon at ame kap.
36Ke a hia but ha hofuc e, me e ame cibouca me tha hic mʼ ödra hia. 37Ke adre me tenge gan hmâ hia, me hibö nyi Paulo me ûcimhnyimak mē, 38e beönua anyidra hlöuhlöu hnyi ta je hofuc e ame ha, ka habe, adre me ca he bala hmetu ka wâ hnyimakan. Me adre me tha he mē ka hnyi hon hu.
Valið núna:
Ta je huliwa 20: IAAI
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society
Ta je huliwa 20
20
1KE hwaban imediököu, Paulo ame hawâ laten, me sihwegi ödra, me ûhûne mʼ ödra, me e ame he but Makedonia ai. 2Ke a hia but vheno je ke keihen hnyei eling, me sihwege gan hmâ kodra, me e ame o but hnyi Heleni. 3Ke kun ta tehiny ka laba eling, ke haba at Juda adre me ip hnân, hnyi ûen e ame he ka tabâ hu ka kec Suria ai, me e ame ûnykûme he ka hmetu Makedonia ai. 4Ke ame tha he mē ke ne o but hnyi Asia jia Sopatero at Berea; me Aretako, me Sekuno li at Thesalonika: me Gaio, at Derebe, me Timoteo; me Tukiko me Trofimo li at Asia. 5A bodrin hnyat e ka halubahing ohmun hnyi Troas. 6Ke hwaban ûen areto adre ca levenâ, ohmun e tabâ hu ûhehmun Filipi, me o ködrin hnyi Troas hnyi je bong a faiv; ke seven bonguhmun ka laba eling.
7Ke hnyi bong a bân hnyi seven, ohmun e ûkhacaköu he ka subâ areto, haba Paulo ame khet kodra, anyin ame he ka he but nyi; ke beû hnen hna khet ke ne o but huyi wanbenset. 8Ke se hia je lamepa hnyi hnyeule ethö, waleji ohmun e ûkhacaköu hnyin. 9Ke ame laba hnyi mamalama ke hidröu, Eutiko ien, e ame tamokut; ke beû bala hna khet hnö Paulo, me ame muso e hnen bemokot, me e ame kolu but ûnyi hnyi hnyeule a kuniny ethö, ke ödrin e kap e a mokcu. 10Haba Paulo ame utut me ta ju hon e, me delûâ, me ha, ka habe, Ca tenge bi; amyin a e bi möt eû hnyin. 11Ke e ame ölö hmetu thö kâ thö, me subâ areto me han, me ûhnenamö beû ke ne o but hnyi lany, me e ame he but. 12Me adre me hom hidröu a mödrut, me adre me senyin gan hmâ.
13Ke ohmun e hohmun ka hnyi hu, me kec Asoso ai, me ohmun e he ka haudin Paulo eling: anyin a wale hnen hna hûna, anyin a e ame weny he ka he hot. 14Ke ohmun e ûkhanö mē hnyi Asoso me hauden e, me ohmun e khop dö Mitulene. 15Me ohmun e kec ûhehmun e, ohmun e o nyi cicö Kios; ke nyi hmetu ohmun e khop dö hnyi Samo; ke nyi hmetu ohmun e khop dö hnyi Mileto. 16Anyin a Paulo ame ûnykûme he ka kec nulâ Efeso, wâ e nye he ka bec hnyi Asia; anyin a e ame he logot me me o hnyi Jerusalema hnyi ûen Penetekos, a ne ba vheliny.
17Ke e ame ûkhûnöng Efeso ai ûheny Mileto he ka hawâ wahingatiny ekalesia. 18Ke ödrin e o but kâu, me e ame ha ködrin, ka habe,
E khanʼ öbun hwakecik hnyi ta je ûen oge me laba unyibun hwân hnyi bong a bân waleji oge me o hnyi Asia, 19a oge me bi huliwa ka Than me hnyok ae hnyikânâ, ke li deköiök, ke ta je vec a o könya, waleji hnyi hna ip hnok ge at Juda: 20ke oge me ca ikhâlâ ke ûnyi ae ûnyi hnathu, ke oge me omanenâ köbun, me nʼ öbun hnyi hnyimakan tavat, me hnyi ke uma me ke uma, 21me ohnathoâ ka at Juda me at Heleni minya, a e so he ka ietra ka Khong me labageju ka Tuhöta a Iesu Keriso. 22Ke wâ bi, walang ang oge me he Jerusalema ai, kʼ ame ka musi nya hnyekuk, ke ca khanö nya ta je ûnyi ame he ka o könya e: 23ke so bi ame omanenâ könya Hanu Kap hnyi ta je taun hia, ka habe, ame halubahingʼ nya je hna cö nya me ta je vec bi. 24Ke oge me ca oûnyihnathoâ anyik möt, me me ûnyi hnathu könya, me inye he ka umo hnok hna ûölogot, me hanymök oge me kap ûnyi ge Than Iesu, wale he ka ohnathoâ ûthumetu ae so hnyi betenge baû anyin Khong. 25Ke wâ bi, walang ang e khanö nya a haba öbun hia, a hnyat oge me labö senâ he ka khetâ ûthumetu, me öbun e ca he hmetu ka wâ hnyimakök. 26Anyin a wale, inya oge me ohnathoâ köbun hnyi bong ang, ame ca taku nya dren tavat. 27Anyin oge me ca höcö omanenâ köbun ûnykûmânen hia Khong. 28Anyin a wale, o ʼbun âu, ke hnahat mamoe hia, wale hnen Hanu Kap hnaʼ otilʼ öbun he ka tuö, he ka hat ekalesia anyin Khong, waleji e ame ûco ge dren. 29E khanö nya a hwaban dö ûhek, ame he ka didro köbun ta je luko ûhûlû, kʼ ödrin e ca he ka ihulo hnahat mamoe; 30ke ame he ka o minya unyibun tavat adre me he ka ha ta je ûnyi ae hwali, he ka lelo ködra ta je laten. 31Anyin a wale hmâkâ ju, me ûnykûme thö, haba hnyi je huna a kun oge me ca menâ, waleji hnyi lit me lany he ka nʼ öbun hia, ke hu deköien li emakök. 32Ke walang ang inya oge me hnʼ öbun dut ka Khong, me hofucin anyin ibetengiö baû, at ae khana he ka up öbun goranyai, me ham köbun jekhoû mʼ ödra hia adre okabâ. 33E ba sileva, me gol, me ûkkaû anyin ke at oge behnyekon. 34E khanʼ öbun minya a oge me huliwa ge li hnyamok ang oûco unyik me tavat a tha ödrin mönya. 35Hnyi ta je ûnyi hia oge me tot hnân ûcûcûbongoâ köbun, a hamöbun he ka huliwa helâe he ka hadruâ tavat a ödra sënyin, me ûnykûme hofuc hwan Than Iesu, waleji e ame ha, ka habe, E beönua hnahic hnen at ame ham, hon at ame kap.
36Ke a hia but ha hofuc e, me e ame cibouca me tha hic mʼ ödra hia. 37Ke adre me tenge gan hmâ hia, me hibö nyi Paulo me ûcimhnyimak mē, 38e beönua anyidra hlöuhlöu hnyi ta je hofuc e ame ha, ka habe, adre me ca he bala hmetu ka wâ hnyimakan. Me adre me tha he mē ka hnyi hon hu.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society