I. Korinito 15
15
1HNYAT me lakeiny lö, inya oge me omanenâ köbun ûthumetu ae so, waleji oge me omanenâ köbun, kʼ öbun e kap, me tethmâ hnyin, 2kʼ adre me omeli öbun kâu; oge me omanenâ ta je hofuc, waleji oge me khetâ köbun hnyin, ke öbun e ne kât hmâ, me ca labageju baû bi öbun. 3Anyin oge me bök ka ham köbun ûnyi oge me kap, a gʼ ame mok Keriso can anyita ta je hulo helâ me hna sihnalimen; 4ke adre me konâm e, kʼ adre me omelö hmetu thö hnyi bong a kuniny, helâ me je hna sihnalimen; 5ke e ame manen kö Kefa; ke hwaban e ka hnyat a twelv; 6kʼ ame manen hwaban e ka je liamekeiny ae se hia hon faiv haded, ke möt tavat ae se hia gadrin ke ne o but hnyi bong ang, ke a mokut keihen; 7hwaban e ame manen kö Iakobo, ke hwaban e ka je aposetolo hia; 8ke hwaban e, e ame manen minya könya, helâke me ke at a köluhabû. 9Anyin a inya ang at ae ti ûhnyûkong hnyi ta je aposetolo, ke ca ûcû he ka hawo nya me aposetolo, anyin a oge me ovecâ ekalesia anyin Khong. 10Ke haba inye helâng, me ûnyi ge ibetengiö baû anyin Khong: ke ca ûnyi baû bi anyin ibetengiö baû e ame omanenâ könya: ke nua anyik huliwa hon hnyat hia: ke ca ka ûnyi gak, ke so bi ûnyi ge ibetengiö baû anyin Khong wale a ham könya. 11Ke ame ne inya, kʼ ame ne ödrin, ohmun e khetâ helâe, ke öbun e kap minya helâe.
12Ke adre ne khetâ, ka habe, Adre me omeli Keriso hmetu ûnyi hnyi hna mok, ama hawa ka ha keihen gabun a e ba möt hmetu ûnyi hnyi hna mok? 13Ke a ne ba möt hmetu ûnyi hnyi hna mok, awe, adre ca hia but omeli Keriso hmetu bi: 14ke adre ne ca hia but omeli Keriso hmetu bi, me ûnyi baû hnöhmun hna khetâ, ke ûnyi baû minya bi anyihmun labageju. 15Eke, ke adre me wâ a ohmun ang hnyat ohmun e ohnathoâ thoiâ Khong; anyin a ohmun e ohnathoâ Khong a gʼ ame omeli Keriso hmetu; waleji e ame ca omeli hmetu, e ka hnathu a gʼ adre me ca omelö hmetu tavat adre mokcu. 16Anyin adre ne ca omelö hmetu tavat adre mokcu, awe, adre ca hia but omeli Keriso hmetu bi: 17ke adre ne ca omeli Keriso hmetu bi, me ûnyi bâu anyibun labageju; ke öbun bala hnyi anyibun ta je hulo. 18Ke hiʼ ödra but minya tavat adre me mokut unyi Keriso. 19Ate ne geju Keriso hnyi möt thibi ang, awe, öta tavat ae hmak hnyok hon tavat hia thithö. 20Ke so bi adre hia but omeli Keriso hmetu thö ûheny hnyi hua mok, ke e at a bân ka möt ge tavat adre me mokut. 21Anyin ame o but mok ûnyi ge at, kʼ ame o but möt hmetu ûnyi hnyi hna mok ûnyi ge at. 22Anyin adre mok hia ga Adamu, helâe adre me ke ha omelö hia hmetu ge Keriso. 23Adre me he ka ve tot gaga, a ban Keriso, hwaban e je laten Keriso, e ka o but. 24Me ame he ka o obiny, me e ame he ka hna dokhon dokhu ka Khong, wale Kamen: e ka hia but ohia ta je dokhu hia, ke ta je musi hia, ke ta je man hia. 25Anyin ae ûca kâu he ka musi ke ne o but a hia but ip hmelen li can ta je iwahnaihmiöny më hia. 26Haba iwahnaihmiöny a biliny e ame he; ka ohia, me mok. 27Anyin, E ame ip hnyi hmelen li can ta je ûnyi hia thithö. Ke hnyi hnen hna ha, ka habe, Adre ip ta je ûnyi hia thithö hnyi hmelen, me e manen a ca hâiâ e minya bi, waleji at ame ip ta je ûnyi hia thithö hnyi hmelen e. 28Ke a hia but ohnyikânâ ta je ûnyi hia thithö hnyi hmlcen e, me adre me he ka ohnyikânâ minya bi Nokon hmelen at ame öhnyikânâ ta je ûnyi hia thithö hmelen e me me Khong thibi ae ti beönua bon hia.
29Ke hawa gadra adre bapataisoi ödra hnân hwaban tavat adre mokcu? ödra ka ca omelö hmetu thö tavat adre mokcu, hnân eû adre bapataisoi ödra me hwaban tavat adre mokcu? 30ke hnân eû ohmun e laba hnyi je hwakecin hna ootâ hnyi je awa hia? 31Hnyat me lakeiny lö, inya oge me ha hwegiâ hnyi hnok hna hobeluâ gabun ûnyi ge Keriso Iesu a Tuhöta, a oge me mokcu hnyi je bong hia thibut 32Oge ne hia but vat me ta je meno ûkûc hnyi Efeso hoton hwakecin at, ieû troban könya? At ka ca omelö hmetu bi tavat adre mokcu, awe, e so ate me han me ic, anyin ate me he nyi ka mok. 33Ca iyâûʼ öbun bi: ûhnenamö ae monu, wale at ame okongoâ hwakecin ae so. 34Hmak dö ka hwakecin ae wisa, ke ca mâdrâ bi hulö anyin ae ca khana bi keihen Khong: inya oge me ha hnân ohmehmʼ öbun.
35Ke ame he ke at ka ha, ka habe, ame he ka hawa ka möt hmetu tavat adre mokcu? ke ie unyin adre me he ka o më? 36At monu, ame ca he ka möt hnâm hna tä, e ka ca bobot bi: 37ke haba hnâm hna tā, me u me ca tä bi unyin ame he ka manen, ke so bi wan thibi, ame ne hwit, ame ne ke wan bi; 38ke haba Khong ame ham unyin, helâ me hnen hna weny, ke ve unyin bi ka ta je wan. 39Haba ta je utiö me ca khaca bi bongon, e ke viny bi at, ke ke viny bi meno, ke ke viny bi je meno adre me gâ, ke ke viny bi wâ. 40E hu ta je unyin drany, me ta je unyin hmeledrany: ke ke hmanenanginy bi aten drany, ke ke hmanenanginy bi aten hmeledrany. 41E ke hmanenanginy bi seûno, ke ke hmanenanginy bi tehi, ke ke hmanenanginy bi ta je okhû; anyin ae ve bongon hmanenanginy ke okhû me ke okhû. 42Helâe ge möt hmetu anyin tavat adre mokcu. Adre me tā hnyi bobot; ke adre me otilâ hmetu hnyi ca bobot bi; 43adre me tä hnyi ca so; adre otilâ hmetu hnyi hmanenang: adre tä e hnyi sēnyin; adre otilâ hmetu e hnyi man: 44adre me tä e hnyi unyin hmeledrany; adre me otilâ hmetu e hnyi unyin hanu. A ne hu unyin hmeledrany, awe e hu minya unyin hanu. 45Ke helâ me hna sihnalimen, ka habe, Adre up Adamu at a bân hanu ae möt. Ke Adamu a biliny hanu at a ham möt. 46Ke a ca bân bi ûnyi a hanu, ke so bi ûnyi a unyin; ke hwaban e ûnyi a hanu. 47Ûnyi eang hmeledrany at a bân, aten kânâ: ke ûheny hnyi drany at a loiny. 48E ûcû tavat ûnyi hnyi kânâ, me at ûnyi hnyi kânâ; ke ûcû at ûnyi hnyi drany, me at ûnyi hnyi drany. 49Ate me hia but we aten kânâ, helâe ate me he ka we aten drany.
50Hnyat me lakeiny, oge me ha, ka habe, e ca khana viny me dren he ka hu dokhu dokhon Khong; ke ca khana minya bobot he ka hu hna ca bobot bi. 51Wâ bi, inya oge me ha köbun ûnyi ae iyong, ka habe, ate me ca he hia ka mokut, ke adre me he ka wiʼ öta, 52e ti logot, helâ me thuthubademak, hnyi hna tûâ khoto a biliny: anyin ame he ka fuc khoto, ke adre me he ka omelö hmetu thö tavat adre mokcu ka hnyi ca bobot bi; ke adre me he ka wiʼ öta. 53Anyin ae ûcû bi he ka khavâ hna bobot eang ge hna ca bobot bi, me hna mok eang ge hna ca mok bala bi. 54Ke at ka hia but khavâ hna bobot eang ge hna ca bobot bi, me hna mok eang ge hna ca mok bi, awe, ame he ka hwâdâ thö hna sihnalimen, ka habe, Ame utâ but mok hnen dokhu. 55Mok lö, ewa dokhom dokhu? Mok lö, ewa ûdö gam? 56Haba ûdöiny mok, me wale hulo; ke haba maniny hulo, me wale hnanyibu: 57Ke oleâ ka Khong at ame ham köta dokhu ûnyi ge Tuhöta Iesu Keriso. 58Anyin a wale, hnyat a oûnykûmik lö, tethmâ ju öbun, ca bwebwet, ke hwege bala thö hnyi huliwa anyin Than, anyin ae khanʼ öbun a gʼ ame ca ûnyi baû anyibun huliwa ka Than.
Valið núna:
I. Korinito 15: IAAI
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society
I. Korinito 15
15
1HNYAT me lakeiny lö, inya oge me omanenâ köbun ûthumetu ae so, waleji oge me omanenâ köbun, kʼ öbun e kap, me tethmâ hnyin, 2kʼ adre me omeli öbun kâu; oge me omanenâ ta je hofuc, waleji oge me khetâ köbun hnyin, ke öbun e ne kât hmâ, me ca labageju baû bi öbun. 3Anyin oge me bök ka ham köbun ûnyi oge me kap, a gʼ ame mok Keriso can anyita ta je hulo helâ me hna sihnalimen; 4ke adre me konâm e, kʼ adre me omelö hmetu thö hnyi bong a kuniny, helâ me je hna sihnalimen; 5ke e ame manen kö Kefa; ke hwaban e ka hnyat a twelv; 6kʼ ame manen hwaban e ka je liamekeiny ae se hia hon faiv haded, ke möt tavat ae se hia gadrin ke ne o but hnyi bong ang, ke a mokut keihen; 7hwaban e ame manen kö Iakobo, ke hwaban e ka je aposetolo hia; 8ke hwaban e, e ame manen minya könya, helâke me ke at a köluhabû. 9Anyin a inya ang at ae ti ûhnyûkong hnyi ta je aposetolo, ke ca ûcû he ka hawo nya me aposetolo, anyin a oge me ovecâ ekalesia anyin Khong. 10Ke haba inye helâng, me ûnyi ge ibetengiö baû anyin Khong: ke ca ûnyi baû bi anyin ibetengiö baû e ame omanenâ könya: ke nua anyik huliwa hon hnyat hia: ke ca ka ûnyi gak, ke so bi ûnyi ge ibetengiö baû anyin Khong wale a ham könya. 11Ke ame ne inya, kʼ ame ne ödrin, ohmun e khetâ helâe, ke öbun e kap minya helâe.
12Ke adre ne khetâ, ka habe, Adre me omeli Keriso hmetu ûnyi hnyi hna mok, ama hawa ka ha keihen gabun a e ba möt hmetu ûnyi hnyi hna mok? 13Ke a ne ba möt hmetu ûnyi hnyi hna mok, awe, adre ca hia but omeli Keriso hmetu bi: 14ke adre ne ca hia but omeli Keriso hmetu bi, me ûnyi baû hnöhmun hna khetâ, ke ûnyi baû minya bi anyihmun labageju. 15Eke, ke adre me wâ a ohmun ang hnyat ohmun e ohnathoâ thoiâ Khong; anyin a ohmun e ohnathoâ Khong a gʼ ame omeli Keriso hmetu; waleji e ame ca omeli hmetu, e ka hnathu a gʼ adre me ca omelö hmetu tavat adre mokcu. 16Anyin adre ne ca omelö hmetu tavat adre mokcu, awe, adre ca hia but omeli Keriso hmetu bi: 17ke adre ne ca omeli Keriso hmetu bi, me ûnyi bâu anyibun labageju; ke öbun bala hnyi anyibun ta je hulo. 18Ke hiʼ ödra but minya tavat adre me mokut unyi Keriso. 19Ate ne geju Keriso hnyi möt thibi ang, awe, öta tavat ae hmak hnyok hon tavat hia thithö. 20Ke so bi adre hia but omeli Keriso hmetu thö ûheny hnyi hua mok, ke e at a bân ka möt ge tavat adre me mokut. 21Anyin ame o but mok ûnyi ge at, kʼ ame o but möt hmetu ûnyi hnyi hna mok ûnyi ge at. 22Anyin adre mok hia ga Adamu, helâe adre me ke ha omelö hia hmetu ge Keriso. 23Adre me he ka ve tot gaga, a ban Keriso, hwaban e je laten Keriso, e ka o but. 24Me ame he ka o obiny, me e ame he ka hna dokhon dokhu ka Khong, wale Kamen: e ka hia but ohia ta je dokhu hia, ke ta je musi hia, ke ta je man hia. 25Anyin ae ûca kâu he ka musi ke ne o but a hia but ip hmelen li can ta je iwahnaihmiöny më hia. 26Haba iwahnaihmiöny a biliny e ame he; ka ohia, me mok. 27Anyin, E ame ip hnyi hmelen li can ta je ûnyi hia thithö. Ke hnyi hnen hna ha, ka habe, Adre ip ta je ûnyi hia thithö hnyi hmelen, me e manen a ca hâiâ e minya bi, waleji at ame ip ta je ûnyi hia thithö hnyi hmelen e. 28Ke a hia but ohnyikânâ ta je ûnyi hia thithö hnyi hmlcen e, me adre me he ka ohnyikânâ minya bi Nokon hmelen at ame öhnyikânâ ta je ûnyi hia thithö hmelen e me me Khong thibi ae ti beönua bon hia.
29Ke hawa gadra adre bapataisoi ödra hnân hwaban tavat adre mokcu? ödra ka ca omelö hmetu thö tavat adre mokcu, hnân eû adre bapataisoi ödra me hwaban tavat adre mokcu? 30ke hnân eû ohmun e laba hnyi je hwakecin hna ootâ hnyi je awa hia? 31Hnyat me lakeiny lö, inya oge me ha hwegiâ hnyi hnok hna hobeluâ gabun ûnyi ge Keriso Iesu a Tuhöta, a oge me mokcu hnyi je bong hia thibut 32Oge ne hia but vat me ta je meno ûkûc hnyi Efeso hoton hwakecin at, ieû troban könya? At ka ca omelö hmetu bi tavat adre mokcu, awe, e so ate me han me ic, anyin ate me he nyi ka mok. 33Ca iyâûʼ öbun bi: ûhnenamö ae monu, wale at ame okongoâ hwakecin ae so. 34Hmak dö ka hwakecin ae wisa, ke ca mâdrâ bi hulö anyin ae ca khana bi keihen Khong: inya oge me ha hnân ohmehmʼ öbun.
35Ke ame he ke at ka ha, ka habe, ame he ka hawa ka möt hmetu tavat adre mokcu? ke ie unyin adre me he ka o më? 36At monu, ame ca he ka möt hnâm hna tä, e ka ca bobot bi: 37ke haba hnâm hna tā, me u me ca tä bi unyin ame he ka manen, ke so bi wan thibi, ame ne hwit, ame ne ke wan bi; 38ke haba Khong ame ham unyin, helâ me hnen hna weny, ke ve unyin bi ka ta je wan. 39Haba ta je utiö me ca khaca bi bongon, e ke viny bi at, ke ke viny bi meno, ke ke viny bi je meno adre me gâ, ke ke viny bi wâ. 40E hu ta je unyin drany, me ta je unyin hmeledrany: ke ke hmanenanginy bi aten drany, ke ke hmanenanginy bi aten hmeledrany. 41E ke hmanenanginy bi seûno, ke ke hmanenanginy bi tehi, ke ke hmanenanginy bi ta je okhû; anyin ae ve bongon hmanenanginy ke okhû me ke okhû. 42Helâe ge möt hmetu anyin tavat adre mokcu. Adre me tā hnyi bobot; ke adre me otilâ hmetu hnyi ca bobot bi; 43adre me tä hnyi ca so; adre otilâ hmetu hnyi hmanenang: adre tä e hnyi sēnyin; adre otilâ hmetu e hnyi man: 44adre me tä e hnyi unyin hmeledrany; adre me otilâ hmetu e hnyi unyin hanu. A ne hu unyin hmeledrany, awe e hu minya unyin hanu. 45Ke helâ me hna sihnalimen, ka habe, Adre up Adamu at a bân hanu ae möt. Ke Adamu a biliny hanu at a ham möt. 46Ke a ca bân bi ûnyi a hanu, ke so bi ûnyi a unyin; ke hwaban e ûnyi a hanu. 47Ûnyi eang hmeledrany at a bân, aten kânâ: ke ûheny hnyi drany at a loiny. 48E ûcû tavat ûnyi hnyi kânâ, me at ûnyi hnyi kânâ; ke ûcû at ûnyi hnyi drany, me at ûnyi hnyi drany. 49Ate me hia but we aten kânâ, helâe ate me he ka we aten drany.
50Hnyat me lakeiny, oge me ha, ka habe, e ca khana viny me dren he ka hu dokhu dokhon Khong; ke ca khana minya bobot he ka hu hna ca bobot bi. 51Wâ bi, inya oge me ha köbun ûnyi ae iyong, ka habe, ate me ca he hia ka mokut, ke adre me he ka wiʼ öta, 52e ti logot, helâ me thuthubademak, hnyi hna tûâ khoto a biliny: anyin ame he ka fuc khoto, ke adre me he ka omelö hmetu thö tavat adre mokcu ka hnyi ca bobot bi; ke adre me he ka wiʼ öta. 53Anyin ae ûcû bi he ka khavâ hna bobot eang ge hna ca bobot bi, me hna mok eang ge hna ca mok bala bi. 54Ke at ka hia but khavâ hna bobot eang ge hna ca bobot bi, me hna mok eang ge hna ca mok bi, awe, ame he ka hwâdâ thö hna sihnalimen, ka habe, Ame utâ but mok hnen dokhu. 55Mok lö, ewa dokhom dokhu? Mok lö, ewa ûdö gam? 56Haba ûdöiny mok, me wale hulo; ke haba maniny hulo, me wale hnanyibu: 57Ke oleâ ka Khong at ame ham köta dokhu ûnyi ge Tuhöta Iesu Keriso. 58Anyin a wale, hnyat a oûnykûmik lö, tethmâ ju öbun, ca bwebwet, ke hwege bala thö hnyi huliwa anyin Than, anyin ae khanʼ öbun a gʼ ame ca ûnyi baû anyibun huliwa ka Than.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society