I. Korinito 16
16
1KE haba ge ûhnöhnö hobi kâu wakap, e so öbun e ânyâ helâ me hnok hna hûna ka ta je ekalesia hnyi Galatia. 2Hnyi bong a bâniny seven e so öbun e ve ip unyibun bi helâ me hna ve hu, me me ba ûhnöhnö iny ka o thö. 3Ke iny ka o thö, oge me he ka kunâ tavat, waleji öbun e ûca ge je tusi, he ka hom anyibun je bwihlany Jerusalema ai: 4ke ame ne ûcû könya he ka hnyi he, mʼ ödrin e he ka tha he mönya. 5Ke iny ka he ka vheno Makedonia, me oge me he ka o köbun; anyin oge me he ka gethen hnyi Makedonia; 6ke oge ne he la ka tha laba möbun, me tuö ûen ae megic, me öbun e he ka su nya ka hnyi getheniny dok oge me he ka hnyin. 7Anyin e ca wek he ka saû me ö ʼbun walang ang; anyin e wek bi he ka laba beû unyibun, e ka weny Than. 8Ke oge me he ka laba hnyi Efeso ke ne o but hnyi Penetekos; 9anyin adre hia but khong könya hwanuma ae lau, ke hu huliwa hnyin, ke se hia ta je iwahnaihmiony.
10A ne o köbun Timoteo, wâ eâu öbun me me ca he ka laba unyibun me ot; anyin a e ame ânyâ huliwa anyin Than helâ me inya: 11anyin a wale, ca he ke at ka oûnyibâûâ e. Ke su thö jem öbun hnyi hnahic, me me he ka o könya: anyin oge me halubahingen tha e me hnyat me lakeiny. 12Ke gan hmâ hnok hna ûjongi Apolo ke liamekeiny, me me he ka tha o köbun me je liamekeiny: kʼ ame ca weny he ka o hnyi ûen ang; ke e ame he ka o, e ka hu ûen ae ûcû.
13Hmâkâ thʼ öbun, tethmâ ju hnyi labageju, hnyok baga thö, hwege thö. 14Ânyâ thö hnobun hna ânyâ hia hnyi ibetengiö.
15Hnyat me lakeiny lö, (e khanʼ öbun lap anyi Setefana, a waleji wan a bân hnyi Akaia, ke ödrin e ka ham ödrin bi he ka bi athnyabainy wakap), inya oge me sumat öbun, ka habe, 16e so öbun e he ka long hoton tavat helâe, me ödra hia minya adre me ûhadruo me huliwa. 17Ke inya oge me senyin waleji ge ioi Setefana, me Fotunato, me Akaiko: anyin ödrin e ham ta je ûnyi ae hia gabun. 18Anyin ödrin e okahwa hanuk, ke je hanubun minya: anyin a wale, kap soi ödra ju tavat helâe.
19Ame italofa mʼ öbun ta je ekalesia hnyi Asia. Ame italofa gan hmâ mʼ öbun hnyi Than Akula me Perisila me ekalesia hnyi hnyabadru. 20Ame italofa mʼ öbun je liamekeiny hia thithö. Ûitalofaköu ju öbun ge ûcimhnyimak ae kap.
21Inya Paulo oge me italofa mʼ öbun ge hnyamok. 22A ne ca hnyok bi ke at ka Than Iesu Keriso, e so he ka anathema e. Maranatha. 23E so e unyibun ibete-ngiö baû anyin Than Iesu Keriso. 24E so e unyibun hia anyik ibetengiö hnyi Keriso Iesu. Amen.
Valið núna:
I. Korinito 16: IAAI
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society
I. Korinito 16
16
1KE haba ge ûhnöhnö hobi kâu wakap, e so öbun e ânyâ helâ me hnok hna hûna ka ta je ekalesia hnyi Galatia. 2Hnyi bong a bâniny seven e so öbun e ve ip unyibun bi helâ me hna ve hu, me me ba ûhnöhnö iny ka o thö. 3Ke iny ka o thö, oge me he ka kunâ tavat, waleji öbun e ûca ge je tusi, he ka hom anyibun je bwihlany Jerusalema ai: 4ke ame ne ûcû könya he ka hnyi he, mʼ ödrin e he ka tha he mönya. 5Ke iny ka he ka vheno Makedonia, me oge me he ka o köbun; anyin oge me he ka gethen hnyi Makedonia; 6ke oge ne he la ka tha laba möbun, me tuö ûen ae megic, me öbun e he ka su nya ka hnyi getheniny dok oge me he ka hnyin. 7Anyin e ca wek he ka saû me ö ʼbun walang ang; anyin e wek bi he ka laba beû unyibun, e ka weny Than. 8Ke oge me he ka laba hnyi Efeso ke ne o but hnyi Penetekos; 9anyin adre hia but khong könya hwanuma ae lau, ke hu huliwa hnyin, ke se hia ta je iwahnaihmiony.
10A ne o köbun Timoteo, wâ eâu öbun me me ca he ka laba unyibun me ot; anyin a e ame ânyâ huliwa anyin Than helâ me inya: 11anyin a wale, ca he ke at ka oûnyibâûâ e. Ke su thö jem öbun hnyi hnahic, me me he ka o könya: anyin oge me halubahingen tha e me hnyat me lakeiny. 12Ke gan hmâ hnok hna ûjongi Apolo ke liamekeiny, me me he ka tha o köbun me je liamekeiny: kʼ ame ca weny he ka o hnyi ûen ang; ke e ame he ka o, e ka hu ûen ae ûcû.
13Hmâkâ thʼ öbun, tethmâ ju hnyi labageju, hnyok baga thö, hwege thö. 14Ânyâ thö hnobun hna ânyâ hia hnyi ibetengiö.
15Hnyat me lakeiny lö, (e khanʼ öbun lap anyi Setefana, a waleji wan a bân hnyi Akaia, ke ödrin e ka ham ödrin bi he ka bi athnyabainy wakap), inya oge me sumat öbun, ka habe, 16e so öbun e he ka long hoton tavat helâe, me ödra hia minya adre me ûhadruo me huliwa. 17Ke inya oge me senyin waleji ge ioi Setefana, me Fotunato, me Akaiko: anyin ödrin e ham ta je ûnyi ae hia gabun. 18Anyin ödrin e okahwa hanuk, ke je hanubun minya: anyin a wale, kap soi ödra ju tavat helâe.
19Ame italofa mʼ öbun ta je ekalesia hnyi Asia. Ame italofa gan hmâ mʼ öbun hnyi Than Akula me Perisila me ekalesia hnyi hnyabadru. 20Ame italofa mʼ öbun je liamekeiny hia thithö. Ûitalofaköu ju öbun ge ûcimhnyimak ae kap.
21Inya Paulo oge me italofa mʼ öbun ge hnyamok. 22A ne ca hnyok bi ke at ka Than Iesu Keriso, e so he ka anathema e. Maranatha. 23E so e unyibun ibete-ngiö baû anyin Than Iesu Keriso. 24E so e unyibun hia anyik ibetengiö hnyi Keriso Iesu. Amen.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society