I. Korinito 14
14
1HNU hoton ju ibetengiö; ke weny hwegiâ thʼ öbun ta je ûnyi anyin hanu, ke e so e webun he ha perofeta. 2Anyin a haba at ame hwen ke hnyei, e ame ca fuc ka at, ke ka Khong bi; anyin ae ba at ame wâ ûnykûme; ke e ame ha hnyi hanu ta je ûnyi ae iyong. 3Ke haba at ame perofeta ame fuc ka tavat hnân okahwa, me sihwege, me otubwelâ. 4Haba at ame hwen ke hnyei me ame okahwa e bi; ke haba at ame perofeta ame okahwa ekalesia. 5E wek öbun e he hia ka ha ta je hwen hnyei, ke nua bi wek a öbun e he ka perofeta: anyin ae nua at ame perofeta hon at ame hwen ke hnyei, at ka ca wia bi, mʼ adre me he ka okahwa ekalesia. 6Ke walang ang, hnyat me lakeiny lö, iny ka he ka o köbun, me fuc hnyi je hwen hnyei, ieû soik köbun, iny ka ca fuc köbun hnyi hna omanenâ, ame ne metâ ame ne hna perofeta, ame ne hna ûnö? 7Helâe minya ta je ûnyi ae ba möt gadra ame mea hwan, a ne kowi, a ne kitara e ka ca ve hwan bi, ame he ka hawa ka khanʼ öta hwan kowi me kitara? 8Ke a ne hnân loloâ hwan khoto, ie at ame he ka penapena ka hnyi vat? 9Ke helâe minya öbun, öbun ka ca ha ta je hofuc ae manen hnen bohmen, me ame he ka hawa ka manen hna ha? anyin a öbun e he ka fuc ka hnyi ang. 10E se hia ta je ifucin eang hmeledrany, ke ba la khaca ame ca oûco bi ke bongon. 11Anyin a wale, a ne ca khanö nya bongon ifucin, oge me he ka helâ me Aten ta je hnyei ka at ame fuc, ke haba at ame fuc, me helâ me Aten ta hnyei könya. 12Helâe minya öbun, öbun ka weny hmonyinâ ta je bwihlanyin hanu, elâm dʼ öbun me me beönua he ka okahwa ekalesia. 13Anyin a wale haba at ame ha hwen ke hnyei, sumâtâ thö me me he ka wia. 14Anyin oge ne he ka hic hnyi hwen ke hnyei bi, ame hic hanuk, ke ba troban ge oûnykûmik. 15Ke ame he ka hawa? Oge me he ka hic ge hanu, ke oge me he ka hic ge hna ûnykûme minya: oge me he ka khumöng ge hanu, ke oge me he ka khumöng ge hna ûnykûme minya. 16Ke u je ne he ka ole ge hanu, ame he ka kâmâu ka ha Amen ka ânyâm ole, hnen at adre ca nâ, anyin e ca khana hnâm hna ha? 17Ke so hnâm hna ole, ke ame ca okahwa bi ke at. 18Inya oge me ole ka Khong, anyin ae gan hnok hna fuc hnyi je hwen hnyei hubun hia: 19ke so bi, e wek oge me he ka ha ka ekalesia ta je hofuc a thabûng hnen ûnykûmenök mʼ oge me he ka nâ keihen, hon ta je hofuc a ten thauzan hnyi hwen ke hnyei.
20Hnyat me lakeiny lö, ca hnyok wainkong bi Öbun hnyi ûnykûme: ke so bi hnyok mendreng hnyi ûokonguny, ke hnyok at hnathu but hnyi ûnykûme. 21Adre sihnalimen hnyi hnanyibu, ka habe, Oge me he ka fuc ka hnyei ang deny tavat a hwen ke hnyei bi, me hnen esongodiny je atkanyua; ke so bi, adre me ca he ka ling nya bi, haingen Than. 22Anyin a wale hnân haten kodra adre me ca labageju bi hwen ke je hnyei, ke ca ka tavat bi adre me labageju: ke haba hna perofeta, me hobi kâu tavat adre me ca labageju ke ca hobi kâu tavat adre me labageju. 23Anyin a wale, a ne ûkhacaköu thö ekalesia hia, ke ödra hia adre me ve ha je hwen hnyei, ke ame didro tavat adre ca nâ, me tavat adre ca labageju, hawa, adre me ca he ka ha, ka habe, öbun e monu but? 24Ke so bi adre ne perofeta hia; ke ame didro ke at ame ca labageju, ame ne ke at adre ca nâ, me ödra hia adre me nâ e, me ödra hia adre me owisa e: 25adre omanenâ ta je ûnyi ae iyong hnyi hnyekon; me e ame he ka ta ju hnyimanan hnyikânâi me khudrung ka Khong me ha, ka habe, e hnathu e unyibun Khong.
26Hnyat me lakeiny lö, ame he ka hawa? Öbun ka ûkhacaköu, öbun e ve hom ke khumöng, me hna sihwege, me hna omanenâ, me hwen ke hnyei, me hna wia. E so he ka ânyâ ta je ûnyi hia hnân okahwa. 27A ne ke at ame fuc hnyi hwen ke hnyei, e so ödru me lo, ame ne kun, he ka ha gaga; ke hamen ke at he ka wia: 28ke a ne ba at ame he ka wia, awe, laba hnyibû ju e hnyin ekalesia; me ka fuc bi kâu, me ka Khong. 29E so ame he je perofeta ka fuc, ame ne ûsa lo, ame ne kun, ke ame he keihen ka lönghmakhmeto. 30Ke adre ne omanenâ ke ûnyi ka ke at ame laba eling, hamen at a bân he ka laba hnyibû. 31Anyin ae khanʼ öbun hia he ka ve perofeta, me me khanʼ ödra hia, me kahwa hia: 32haba ta je hanon je perofeta, me adre me long hoton ta je perofeta; 33anyin a ca ûnyi ge Khong imonumonu, ke so bi hnahic; helâe hnyi ta je ekalesia hia anyin wakap.
34Hamen omomo he ka laba hnyibû hnyi ekalesia: anyin adre me ca hnʼ ödra he ka fuc; ke so bi he ka long hoton helâ me hna ha hnyi hnanyibu. 35Ke a ne wedra he ka khanʼ ödra ke ûnyi, me so adre me hnö laöiödra hnyi hnyabadra: anyin a hnân ohmehma, e ka he momo ka fuc hnyi ekalesia. 36Hawa, a o but hofuc hwan Khong unyibun? hawa, ame o thibi köbun?
37A ne ke at ame ûnykûme a e perofeta, ke aten hanu, me so e ame wâhmakhmetoâ ta je ûnyi oge me sihnalimen köbun, a wale hnanyibu anyin Than. 38Ke a ne ca khana bi ke at, me so e ka ca khana bala ju.
39Anyin a wale, hnyat me lakeiny lö, e so e webun hwegiâ he ka perefota, ke ca thawâ bi he ka ha hwen ta je hnyei. 40Ke so bi, ânyâ ta je ûnyi hia hnyi wisa, me hna penapena wia.
Valið núna:
I. Korinito 14: IAAI
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society
I. Korinito 14
14
1HNU hoton ju ibetengiö; ke weny hwegiâ thʼ öbun ta je ûnyi anyin hanu, ke e so e webun he ha perofeta. 2Anyin a haba at ame hwen ke hnyei, e ame ca fuc ka at, ke ka Khong bi; anyin ae ba at ame wâ ûnykûme; ke e ame ha hnyi hanu ta je ûnyi ae iyong. 3Ke haba at ame perofeta ame fuc ka tavat hnân okahwa, me sihwege, me otubwelâ. 4Haba at ame hwen ke hnyei me ame okahwa e bi; ke haba at ame perofeta ame okahwa ekalesia. 5E wek öbun e he hia ka ha ta je hwen hnyei, ke nua bi wek a öbun e he ka perofeta: anyin ae nua at ame perofeta hon at ame hwen ke hnyei, at ka ca wia bi, mʼ adre me he ka okahwa ekalesia. 6Ke walang ang, hnyat me lakeiny lö, iny ka he ka o köbun, me fuc hnyi je hwen hnyei, ieû soik köbun, iny ka ca fuc köbun hnyi hna omanenâ, ame ne metâ ame ne hna perofeta, ame ne hna ûnö? 7Helâe minya ta je ûnyi ae ba möt gadra ame mea hwan, a ne kowi, a ne kitara e ka ca ve hwan bi, ame he ka hawa ka khanʼ öta hwan kowi me kitara? 8Ke a ne hnân loloâ hwan khoto, ie at ame he ka penapena ka hnyi vat? 9Ke helâe minya öbun, öbun ka ca ha ta je hofuc ae manen hnen bohmen, me ame he ka hawa ka manen hna ha? anyin a öbun e he ka fuc ka hnyi ang. 10E se hia ta je ifucin eang hmeledrany, ke ba la khaca ame ca oûco bi ke bongon. 11Anyin a wale, a ne ca khanö nya bongon ifucin, oge me he ka helâ me Aten ta je hnyei ka at ame fuc, ke haba at ame fuc, me helâ me Aten ta hnyei könya. 12Helâe minya öbun, öbun ka weny hmonyinâ ta je bwihlanyin hanu, elâm dʼ öbun me me beönua he ka okahwa ekalesia. 13Anyin a wale haba at ame ha hwen ke hnyei, sumâtâ thö me me he ka wia. 14Anyin oge ne he ka hic hnyi hwen ke hnyei bi, ame hic hanuk, ke ba troban ge oûnykûmik. 15Ke ame he ka hawa? Oge me he ka hic ge hanu, ke oge me he ka hic ge hna ûnykûme minya: oge me he ka khumöng ge hanu, ke oge me he ka khumöng ge hna ûnykûme minya. 16Ke u je ne he ka ole ge hanu, ame he ka kâmâu ka ha Amen ka ânyâm ole, hnen at adre ca nâ, anyin e ca khana hnâm hna ha? 17Ke so hnâm hna ole, ke ame ca okahwa bi ke at. 18Inya oge me ole ka Khong, anyin ae gan hnok hna fuc hnyi je hwen hnyei hubun hia: 19ke so bi, e wek oge me he ka ha ka ekalesia ta je hofuc a thabûng hnen ûnykûmenök mʼ oge me he ka nâ keihen, hon ta je hofuc a ten thauzan hnyi hwen ke hnyei.
20Hnyat me lakeiny lö, ca hnyok wainkong bi Öbun hnyi ûnykûme: ke so bi hnyok mendreng hnyi ûokonguny, ke hnyok at hnathu but hnyi ûnykûme. 21Adre sihnalimen hnyi hnanyibu, ka habe, Oge me he ka fuc ka hnyei ang deny tavat a hwen ke hnyei bi, me hnen esongodiny je atkanyua; ke so bi, adre me ca he ka ling nya bi, haingen Than. 22Anyin a wale hnân haten kodra adre me ca labageju bi hwen ke je hnyei, ke ca ka tavat bi adre me labageju: ke haba hna perofeta, me hobi kâu tavat adre me ca labageju ke ca hobi kâu tavat adre me labageju. 23Anyin a wale, a ne ûkhacaköu thö ekalesia hia, ke ödra hia adre me ve ha je hwen hnyei, ke ame didro tavat adre ca nâ, me tavat adre ca labageju, hawa, adre me ca he ka ha, ka habe, öbun e monu but? 24Ke so bi adre ne perofeta hia; ke ame didro ke at ame ca labageju, ame ne ke at adre ca nâ, me ödra hia adre me nâ e, me ödra hia adre me owisa e: 25adre omanenâ ta je ûnyi ae iyong hnyi hnyekon; me e ame he ka ta ju hnyimanan hnyikânâi me khudrung ka Khong me ha, ka habe, e hnathu e unyibun Khong.
26Hnyat me lakeiny lö, ame he ka hawa? Öbun ka ûkhacaköu, öbun e ve hom ke khumöng, me hna sihwege, me hna omanenâ, me hwen ke hnyei, me hna wia. E so he ka ânyâ ta je ûnyi hia hnân okahwa. 27A ne ke at ame fuc hnyi hwen ke hnyei, e so ödru me lo, ame ne kun, he ka ha gaga; ke hamen ke at he ka wia: 28ke a ne ba at ame he ka wia, awe, laba hnyibû ju e hnyin ekalesia; me ka fuc bi kâu, me ka Khong. 29E so ame he je perofeta ka fuc, ame ne ûsa lo, ame ne kun, ke ame he keihen ka lönghmakhmeto. 30Ke adre ne omanenâ ke ûnyi ka ke at ame laba eling, hamen at a bân he ka laba hnyibû. 31Anyin ae khanʼ öbun hia he ka ve perofeta, me me khanʼ ödra hia, me kahwa hia: 32haba ta je hanon je perofeta, me adre me long hoton ta je perofeta; 33anyin a ca ûnyi ge Khong imonumonu, ke so bi hnahic; helâe hnyi ta je ekalesia hia anyin wakap.
34Hamen omomo he ka laba hnyibû hnyi ekalesia: anyin adre me ca hnʼ ödra he ka fuc; ke so bi he ka long hoton helâ me hna ha hnyi hnanyibu. 35Ke a ne wedra he ka khanʼ ödra ke ûnyi, me so adre me hnö laöiödra hnyi hnyabadra: anyin a hnân ohmehma, e ka he momo ka fuc hnyi ekalesia. 36Hawa, a o but hofuc hwan Khong unyibun? hawa, ame o thibi köbun?
37A ne ke at ame ûnykûme a e perofeta, ke aten hanu, me so e ame wâhmakhmetoâ ta je ûnyi oge me sihnalimen köbun, a wale hnanyibu anyin Than. 38Ke a ne ca khana bi ke at, me so e ka ca khana bala ju.
39Anyin a wale, hnyat me lakeiny lö, e so e webun hwegiâ he ka perefota, ke ca thawâ bi he ka ha hwen ta je hnyei. 40Ke so bi, ânyâ ta je ûnyi hia hnyi wisa, me hna penapena wia.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society