I. Korinito 11
11
1ÛCÛCÛBINGI nya ju öbun, helâ me inya ka Keriso.
2Ke inya oge me haisoi öbun, anyin a öbun e ûnykûmi nya hnyi ta je ûnyi hia thithö, kʼ öbun e kât hmâ ta je hna ûne, helâji me hnok hna ham köbun. 3Ke wek e me khanʼ öbun a haba Keriso, me ban obaga hia; ke haba obaga, me ban omomo; ke haba Khong, me ban Keriso. 4Haba baga ame hic me perofeta kʼ ame tube ban, me e ame okongoâ ban. 5Ke haba momo ame hic me perofeta kʼ ame ca binybak bi, me e ame okongoâ ban: anyin a haba e me helâke a giâ. 6Anyin a haba momo ame ca binybak, me so e ame subâ leûnen ban; ke ame ne hnân ohmehma momo he ka subâ leûnen ban, me giâ minya, e so he ka binybak. 7Anyin ae ca ûcû baga he ka binybak, anyin a e we me hmanenanginy Khong: ke haba momo, me hmanenangin baga. 8Anyin a haba baga me ca ûnyi bi ge momo, ke so bi momo ûnyi ge baga: 9anyin adre me ca op baga hobi kâu momo, ke so bi momo hobi kâu baga: 10waleling me me ûcû momo he ka hu haten musi hnyi hon ban, can ta je angela. 11Ke so bi, e ba momo unyin Than, e ka ba baga, ke ba baga, e ka ba momo. 12Anyin a haba momo, me ûnyi ge baga, ke helâe baga, a ûnyi ge momo, ke haba ta je ûnyi hia thithö, me ûnyi ge Khong. 13Ûnykûme ju öbun: hawa, e ûcû momo he ka hic ka Khong kʼ ame ca binybak bi? 14Hawa, adre ca nʼ öbun ge hwakecin hnyi unyin a hnân okongoâ baga e ka beû leunen ban? 15Ke hnân ohmanenangâ momo e ka beû leûnen ban: anyin adre ham kâu leûnen me hnân hnabinybak. 16Ke a ne ke at ame weny he ka ivinö, me ba hwakecin helâe gahmun, me ta je ekalesia anyin Khong.
17Ke oge me ca haisoi öbun hnyi ûnyi eang oge me he ka hûna, a öbun e ca ûkhacaköu hobi kâu so, ke hobi kâu bi monu. 18Anyin a walang ûnyi a bân, ka habe, oge long ut, öbun ka he ka ûkhacaköu hnyi ekalesia me öbun e imouköu; ke oge me ûnykûme me hnathu ke je hofuc. 19Anyin ama he ka hu je imouköu unyibun, me me manen dut tavat ae hnathu gabun. 20Anyin a wale hnyi ûen öbun e ûkhacaköu, e pason he ka han jeû hnyi sahac anyin Than: 21anyin a ödra ka han, öbun e ve hobun ka hom an jeû bi hnyi sahac; ke mekihnânem ke at, ke a ic monu ke at. 22Hawa? e ba umöbun je uma he ka han me ic hnyin? ke hawa, öbun e oûnyibâûâ ekalesia anyin Khong, me ohmehma ta je theduoc? Ieû oge me he ka ha köbun? oge me he ka haisoi öbun hnyin e? Oge me ca haisoi öbun. 23Anyin oge me hna köbun waleji hnok hna kap ûnyi ge Than, waleji hnen Than Iesu hna hom areto hnyi lit adre alecuâ e hnyin; 24ke a hia but oleâ, e ame susubâ, me ha, ka habe, Hom dö, an ju, walang unyik hobi köbun: ânyâ thö e hnân he ka ûnykûme könya. 25Ke helâe minya me kaia, hwaban hna han, ame ha, ka habe, Haba kaia eang, me ûhihinyköu a teb ûnyi hnyi drök: ânyâ thö e he ka ûnykûme könya hnyi ta je ûen öbun e ijem hnyin. 26Anyin a haba ta je ûen öbun e an hnyin areto eang, me ijem hnyin kaia, me öbun e omanenâ mok anyin Than, ke ne o but ûen e ame he ka o hnyin. 27Anyin a wale, haba at ame he ka an areto, me ijem kaia anyin Than, ke ka ca ûcû bi, me ka joniny bi unyin me dren Than. 28E so e he at ka bân ka elâm wia e bi, ke helâe e ame he ka an areto me ijem kaia. 29Anyin a haba at ame han me ic, ke ame ca wâhmakhmeto bi unyin Than, ame han me ijem hnaûhango hobi kâu e bi. 30Anyin a wale, at se hia gabun ae sēnyin me mok, ke at se hia minya adre me mokut. 31Ke ate ne hamöta ka wâhmakhmetu öta, me adre me ca he ka owisʼ öta. 32Ke at ka owisʼ öta, me ame kuc öta Than, mʼ ate me ca tha hnaûhango bi me hmeledrany. 33Anyin a wale, hnyat me lakeiny mönya lö, öbun ka ûkhacaköu he ka han, me ûlu-bahingköu öbun. 34A ne mekihnânem ke at, me so e ame han hnyi hnyaban; me me ca joniny bi anyibun ûkhacaköu. Ke oge me he ka owisa ke ta je ûnyi, iny ka o but.
Valið núna:
I. Korinito 11: IAAI
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society
I. Korinito 11
11
1ÛCÛCÛBINGI nya ju öbun, helâ me inya ka Keriso.
2Ke inya oge me haisoi öbun, anyin a öbun e ûnykûmi nya hnyi ta je ûnyi hia thithö, kʼ öbun e kât hmâ ta je hna ûne, helâji me hnok hna ham köbun. 3Ke wek e me khanʼ öbun a haba Keriso, me ban obaga hia; ke haba obaga, me ban omomo; ke haba Khong, me ban Keriso. 4Haba baga ame hic me perofeta kʼ ame tube ban, me e ame okongoâ ban. 5Ke haba momo ame hic me perofeta kʼ ame ca binybak bi, me e ame okongoâ ban: anyin a haba e me helâke a giâ. 6Anyin a haba momo ame ca binybak, me so e ame subâ leûnen ban; ke ame ne hnân ohmehma momo he ka subâ leûnen ban, me giâ minya, e so he ka binybak. 7Anyin ae ca ûcû baga he ka binybak, anyin a e we me hmanenanginy Khong: ke haba momo, me hmanenangin baga. 8Anyin a haba baga me ca ûnyi bi ge momo, ke so bi momo ûnyi ge baga: 9anyin adre me ca op baga hobi kâu momo, ke so bi momo hobi kâu baga: 10waleling me me ûcû momo he ka hu haten musi hnyi hon ban, can ta je angela. 11Ke so bi, e ba momo unyin Than, e ka ba baga, ke ba baga, e ka ba momo. 12Anyin a haba momo, me ûnyi ge baga, ke helâe baga, a ûnyi ge momo, ke haba ta je ûnyi hia thithö, me ûnyi ge Khong. 13Ûnykûme ju öbun: hawa, e ûcû momo he ka hic ka Khong kʼ ame ca binybak bi? 14Hawa, adre ca nʼ öbun ge hwakecin hnyi unyin a hnân okongoâ baga e ka beû leunen ban? 15Ke hnân ohmanenangâ momo e ka beû leûnen ban: anyin adre ham kâu leûnen me hnân hnabinybak. 16Ke a ne ke at ame weny he ka ivinö, me ba hwakecin helâe gahmun, me ta je ekalesia anyin Khong.
17Ke oge me ca haisoi öbun hnyi ûnyi eang oge me he ka hûna, a öbun e ca ûkhacaköu hobi kâu so, ke hobi kâu bi monu. 18Anyin a walang ûnyi a bân, ka habe, oge long ut, öbun ka he ka ûkhacaköu hnyi ekalesia me öbun e imouköu; ke oge me ûnykûme me hnathu ke je hofuc. 19Anyin ama he ka hu je imouköu unyibun, me me manen dut tavat ae hnathu gabun. 20Anyin a wale hnyi ûen öbun e ûkhacaköu, e pason he ka han jeû hnyi sahac anyin Than: 21anyin a ödra ka han, öbun e ve hobun ka hom an jeû bi hnyi sahac; ke mekihnânem ke at, ke a ic monu ke at. 22Hawa? e ba umöbun je uma he ka han me ic hnyin? ke hawa, öbun e oûnyibâûâ ekalesia anyin Khong, me ohmehma ta je theduoc? Ieû oge me he ka ha köbun? oge me he ka haisoi öbun hnyin e? Oge me ca haisoi öbun. 23Anyin oge me hna köbun waleji hnok hna kap ûnyi ge Than, waleji hnen Than Iesu hna hom areto hnyi lit adre alecuâ e hnyin; 24ke a hia but oleâ, e ame susubâ, me ha, ka habe, Hom dö, an ju, walang unyik hobi köbun: ânyâ thö e hnân he ka ûnykûme könya. 25Ke helâe minya me kaia, hwaban hna han, ame ha, ka habe, Haba kaia eang, me ûhihinyköu a teb ûnyi hnyi drök: ânyâ thö e he ka ûnykûme könya hnyi ta je ûen öbun e ijem hnyin. 26Anyin a haba ta je ûen öbun e an hnyin areto eang, me ijem hnyin kaia, me öbun e omanenâ mok anyin Than, ke ne o but ûen e ame he ka o hnyin. 27Anyin a wale, haba at ame he ka an areto, me ijem kaia anyin Than, ke ka ca ûcû bi, me ka joniny bi unyin me dren Than. 28E so e he at ka bân ka elâm wia e bi, ke helâe e ame he ka an areto me ijem kaia. 29Anyin a haba at ame han me ic, ke ame ca wâhmakhmeto bi unyin Than, ame han me ijem hnaûhango hobi kâu e bi. 30Anyin a wale, at se hia gabun ae sēnyin me mok, ke at se hia minya adre me mokut. 31Ke ate ne hamöta ka wâhmakhmetu öta, me adre me ca he ka owisʼ öta. 32Ke at ka owisʼ öta, me ame kuc öta Than, mʼ ate me ca tha hnaûhango bi me hmeledrany. 33Anyin a wale, hnyat me lakeiny mönya lö, öbun ka ûkhacaköu he ka han, me ûlu-bahingköu öbun. 34A ne mekihnânem ke at, me so e ame han hnyi hnyaban; me me ca joniny bi anyibun ûkhacaköu. Ke oge me he ka owisa ke ta je ûnyi, iny ka o but.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society