I. Korinito 10
10
1HNYAT me lakeiny lö, e ca wek e me ca khanʼ öbun a ga mwi hia laka-möta hnyi hmelen ûlâ, ke adre me gethen hia hnyi köiö; 2ke adre bapataisoi ödra hia kö Mose hnyi ûlâ me hnyi köiö; 3ke ödra hia adre me tha han jeûiny hanu; 4ke ödra hia adre me tha ijem belen hanu: anyin adre me ic ûnyi hnyi kiciny hanu ame ûhnûhnû: haba kic eling, me Keriso. 5Ke ame ca senyin Khong ka tavat gadra ae se hia: anyin adre me hudrin ju hnyi hnyebuba. 6Wale ta je ûnyi hnân haten köta, mʼ ate me ca he ka behnyekuta ta je ûnyi ae kong, helâji me hnödra hna behnyekon. 7Ke haba khaca, ca he öbun ka hmi ka je hnatheat, helâ me keihen gadra; helâ me hna sihnalimen, ka habe, Ame laba ju tavat he ka han me ic, me adre me tödra he ka mat. 8Ke ca he minya öta ka bi ûnyi monu, helâ me keihen gadra ame ânyâ, me ame mokcu twente theri thauzan hnyi bong a khaca. 9Ke ca he minya öta ka cubec Than, helâ me keihen gadra adre me cubec, me adre me mokcu ge ta je on. 10Ke ca he minya öbun ka ulit, helâ me keihen gadra adre me ulit, me adre me mokcu ge at ame ohia. 11Ke ame o but ta je ûnyi hia thithö e kodra me hnân haten; ke adre sihnalimen hnân nʼ öta, wale a o köta obiny ta je dö. 12Anyin a wale haba at ame ûnykûme a e ame tethmâ, wâ eâu, e nye û but. 13Ame ca o bi köbun ke ûcûbic, waleji ae ca ûcû ka at: ke e hnathu Khong, at ame ca he ka hnʼ öbun ka hnyi ûcûbic hon hnobun hna khana; ke so bi e ame he ka bi deny kec ûheny hnyi ûcûbic, me me khanʼ öbun he ka hokhnyokâ.
14Anyin a wale hnyat a oûnykûmik lö, kec ut ge hmi ka je hnatheat. 15Inya oge me fuc ka tavat ae metâ; ûnykûme ju öbun hnok hna ha. 16Haba utköiöiny ole otin e oleâ, hawa ca e bi hnyi hnötin hna tha hu hnyi dren Keriso? Haba areto otin e susubâ, hawa, ca e bi ate me tha hu hnyi unyin Keriso? 17anyin a öta se hia, ke khaca thibi areto me khaca unyin: anyin a öta hia ate me ve hu ûnyi hnyi areto a khaca. 18Wâ bi at Isaraela hoton unyin; hawa, haba tavat adre me han hnyi taben hut, e ca tha hu kodra me taben hut? 19Ieû oge me he ka ha? Hawa, e ûnyi hnathu ûnyi adre bi hut ka hnatheat? ke ûnyi hnathu hnatheat? 20Ke oge me ha, ka habe, haba ta je ûnyi ame hudo Aten ta je hnyei, adre me hudo ka ta je demoni, ke ca bi ka Khong: ke ca wek e me tha öbun me ta je demoni. 21E ca khanʼ öbun he ka ijem kaia belen Than me kaia belen ta je demoni: e ca khanʼ öbun he ka ve hu ûnyi hnyi laulau anyin Than, me laulau anyin ta je demoni. 22Hawa, ate me cubic Than he ka ciâ? hawa, öta hwege hon e?
23E ûcû ta je ûnyi hia thithö, ke ca ûnyi hnathu bi ta je ûnyi hia thithö. E ûcû ta je ûnyi bia thithö; ke haba ta je ûnyi hia thithö, me ca hnân okahwa. 24Ca he bi ke at ka elâm soiny bi, ke so bi soiny ke at bi. 25Haba ta je ûnyi hia adre uco hnyi hna ûcû, an ju, ke ca hnei can bi ûnyi hnyi ûnykûm sah; 26anyin a anyin Than hmeledrany me unöngötiny hia. 27A ne hawʼ öbun ke at ame ca labageju bi, ke webun he ka he; an ju ta je ûnyi adre ip hnyi hnyimaköbun, ke ca ûhnei bi, can ûnyi hnyi ûnykûm sah. 28Ke e ka ba köbun ke at, ka habe, Adre hia but hudo ûnyi ang ka hnatheat, awe, ca an bi, can at a omanenâ, ke ûnyi hnyi ûnykûm sah: 29oge me ha ge ûnykûm sah anyin ke at, ke ca ânyâm bi; anyin a ieû ame he ûnykûm sah anyin ke at ka ûnykûme hnok hna he baû? 30Ke oge ne han me ole, ieû adre me he ka haikongu nya gan hnyi ûnyi oge me oleâ? 31Anyin a wale, öbun ka he ka han, me ic, me ânyâ ke ta je ûnyi bi, ânyâ hia thö hnân ogânâ Khong. 32Ca he öbun ka bi joniny ka at Juda, me at Heleni, me ekalesia anyin Khong: 33helâ me inya oge me osenyinâ tavat hia hnyi ta je ûnyi hia, oge me ca elâm bi soik, ke so bi soiny tavat ae se hia, mʼ adre me möt ut.
Valið núna:
I. Korinito 10: IAAI
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society
I. Korinito 10
10
1HNYAT me lakeiny lö, e ca wek e me ca khanʼ öbun a ga mwi hia laka-möta hnyi hmelen ûlâ, ke adre me gethen hia hnyi köiö; 2ke adre bapataisoi ödra hia kö Mose hnyi ûlâ me hnyi köiö; 3ke ödra hia adre me tha han jeûiny hanu; 4ke ödra hia adre me tha ijem belen hanu: anyin adre me ic ûnyi hnyi kiciny hanu ame ûhnûhnû: haba kic eling, me Keriso. 5Ke ame ca senyin Khong ka tavat gadra ae se hia: anyin adre me hudrin ju hnyi hnyebuba. 6Wale ta je ûnyi hnân haten köta, mʼ ate me ca he ka behnyekuta ta je ûnyi ae kong, helâji me hnödra hna behnyekon. 7Ke haba khaca, ca he öbun ka hmi ka je hnatheat, helâ me keihen gadra; helâ me hna sihnalimen, ka habe, Ame laba ju tavat he ka han me ic, me adre me tödra he ka mat. 8Ke ca he minya öta ka bi ûnyi monu, helâ me keihen gadra ame ânyâ, me ame mokcu twente theri thauzan hnyi bong a khaca. 9Ke ca he minya öta ka cubec Than, helâ me keihen gadra adre me cubec, me adre me mokcu ge ta je on. 10Ke ca he minya öbun ka ulit, helâ me keihen gadra adre me ulit, me adre me mokcu ge at ame ohia. 11Ke ame o but ta je ûnyi hia thithö e kodra me hnân haten; ke adre sihnalimen hnân nʼ öta, wale a o köta obiny ta je dö. 12Anyin a wale haba at ame ûnykûme a e ame tethmâ, wâ eâu, e nye û but. 13Ame ca o bi köbun ke ûcûbic, waleji ae ca ûcû ka at: ke e hnathu Khong, at ame ca he ka hnʼ öbun ka hnyi ûcûbic hon hnobun hna khana; ke so bi e ame he ka bi deny kec ûheny hnyi ûcûbic, me me khanʼ öbun he ka hokhnyokâ.
14Anyin a wale hnyat a oûnykûmik lö, kec ut ge hmi ka je hnatheat. 15Inya oge me fuc ka tavat ae metâ; ûnykûme ju öbun hnok hna ha. 16Haba utköiöiny ole otin e oleâ, hawa ca e bi hnyi hnötin hna tha hu hnyi dren Keriso? Haba areto otin e susubâ, hawa, ca e bi ate me tha hu hnyi unyin Keriso? 17anyin a öta se hia, ke khaca thibi areto me khaca unyin: anyin a öta hia ate me ve hu ûnyi hnyi areto a khaca. 18Wâ bi at Isaraela hoton unyin; hawa, haba tavat adre me han hnyi taben hut, e ca tha hu kodra me taben hut? 19Ieû oge me he ka ha? Hawa, e ûnyi hnathu ûnyi adre bi hut ka hnatheat? ke ûnyi hnathu hnatheat? 20Ke oge me ha, ka habe, haba ta je ûnyi ame hudo Aten ta je hnyei, adre me hudo ka ta je demoni, ke ca bi ka Khong: ke ca wek e me tha öbun me ta je demoni. 21E ca khanʼ öbun he ka ijem kaia belen Than me kaia belen ta je demoni: e ca khanʼ öbun he ka ve hu ûnyi hnyi laulau anyin Than, me laulau anyin ta je demoni. 22Hawa, ate me cubic Than he ka ciâ? hawa, öta hwege hon e?
23E ûcû ta je ûnyi hia thithö, ke ca ûnyi hnathu bi ta je ûnyi hia thithö. E ûcû ta je ûnyi bia thithö; ke haba ta je ûnyi hia thithö, me ca hnân okahwa. 24Ca he bi ke at ka elâm soiny bi, ke so bi soiny ke at bi. 25Haba ta je ûnyi hia adre uco hnyi hna ûcû, an ju, ke ca hnei can bi ûnyi hnyi ûnykûm sah; 26anyin a anyin Than hmeledrany me unöngötiny hia. 27A ne hawʼ öbun ke at ame ca labageju bi, ke webun he ka he; an ju ta je ûnyi adre ip hnyi hnyimaköbun, ke ca ûhnei bi, can ûnyi hnyi ûnykûm sah. 28Ke e ka ba köbun ke at, ka habe, Adre hia but hudo ûnyi ang ka hnatheat, awe, ca an bi, can at a omanenâ, ke ûnyi hnyi ûnykûm sah: 29oge me ha ge ûnykûm sah anyin ke at, ke ca ânyâm bi; anyin a ieû ame he ûnykûm sah anyin ke at ka ûnykûme hnok hna he baû? 30Ke oge ne han me ole, ieû adre me he ka haikongu nya gan hnyi ûnyi oge me oleâ? 31Anyin a wale, öbun ka he ka han, me ic, me ânyâ ke ta je ûnyi bi, ânyâ hia thö hnân ogânâ Khong. 32Ca he öbun ka bi joniny ka at Juda, me at Heleni, me ekalesia anyin Khong: 33helâ me inya oge me osenyinâ tavat hia hnyi ta je ûnyi hia, oge me ca elâm bi soik, ke so bi soiny tavat ae se hia, mʼ adre me möt ut.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society