I. Korinito 12
12
1HNYAT me lakeiny lö, e ca bewek e me ca khanʼ öbun bongon bwihlany anyin hanu. 2E khanʼ öbun, ka habe, habaji öbun tiga Aten ta je hnyei, me adre me lili öbun ka ta je hnatheat ae hum, kʼ adre me lili öbun monu öbun. 3Anyin a wale, inya oge me thumetu öbun a gʼ ame ca fuc ûnyi ge Hanon Khong at ame ha, ka habe, anathema Iesu; ke ba at ae khana he ka ha, ka habe, Iesu thibi Than, ke so bi ûnyi ge Hanu Kap.
4E ve bongon ta je bwihlany ke khaca thibi Hanu. 5Ke ve bongon ta je hanymen, ke khaca thibi Than. 6Ke ve bongon ta je huliwa, ke khaca thibi Khong, at ame huliwan ta je ûnyi hia unyita hia. 7Ke adre me ve ham ka tavat hia hna omanenâ hnen Hanu, me me hu troban bi. 8Anyin adre ham ka ke at hofuc ae metâ a deny Hanu; ke ka ke at hofucin wâ ûnykûme hoton Hanu a khaca: 9ke ka ke at labageju ûnyi ge Hanu a khaca; ke ka ke at man he ka omelö ta je komok ûnyi ge Hanu a khaca; 10ke ka ke at he ka ânyâ je ûöman; ke ka ke at he ka perofeta; ke ka ke at he ka wâ ûnykûme ta je hanu; ke ka ke at he ka ha je hwen hnyei; ke ka ke at he ka wia hwan hnyei: 11ke adre me ânyâ hia e ûnyi ge Hanu a khaca, kʼ ame ve khenâ ka tavat helâ me weny.
12Anyin a khaca thibi unyin, ke se hia bi ta je ong outhunyin, ke haba ta je outhunyin hia, me se hia, ke so bi khaca thibi unyin; helâe minya Keriso. 13Anyin adre bapataisoi öta hia hnân unyin a khaca ûnyi ge Hanu a khaca, a ne at Juda a ne at Heleni, a ne aten hwenbâ, a ne at adre hna bâûâ; ke adre kunʼ öta hia ka ijem ûnyi hnyi Hanu a khaca. 14Anyin a ca khaca thibi outhunyin hnyi unyin, ke se hia bi. 15A ne ha can, ka habe, Iny ca hanen bi nya unyin, anyin a iny ca benyin bi nya; me ca hnathu bi ae ca hanen bi unyin. 16Ke a ne ha hnyiköny, ka habe, Iny ca hanen bi nya unyin, anyin a ca ecmak bi nya; me ca hnathu bi ae ca hanen unyin. 17A ne ecmak hia unyin, ewa ûnyi hnân long? Ke a ne hnân long hia, ewa ûnyi hnân bubune? 18Ke a hia but Khong ve ip ta je ong outhunyin hnyi unyin, helâ me weny. 19A ne khaca thibi je outhunyin hia, ewa biju unyin? 20Awe, e se hia je outhunyin ke khaca thibi bi unyin. 21E ca khana bi ecmak he ka ha ka hnyam, ka habe, U ca ûnyi hnathu könya: ke haba khaca, e ca khana bi ban he ka ba ka li can, ka habe, O bu ca ûnyi hnathu könya. 22Ohe, ke so bi, haba je ong outhunyin, wale a helâke me sēnyin, me e ûnyi hnathu hmonyin: 23ke haba je ong outhunyin ate me oûnyibâûâ, me wale ate me ti oûnyihnathoâ; ke adre ohmanenangâ ûnyi ae ca hmanenang bi; 24ke haba ta je outhunyin ae hmanenang, me ba ûnyi ae hia hnyin: ke haba Khong ame ûtretraoköuâ unyin hia, ke e ame ogânâ outhunyin ae ba soiny; 25me me ba imouköu hnyi unyin; ke so bi me me ûtuököuâ je ong outhunyin. 26Ke a ne vec dö ke ong outhunyin, me ame he ka tha vec hia je ong outhunyin, ke adre ne otheibâ ke outhunyin, me ame he ka tha senyin hia je outhunyin. 27Ke haba öbun a unyin Keriso öbun, ke ve je outhunyin bi. 28Ke haba Khong ame otilâ keihen hnyi ekalesia, a bân ta je aposetolo, ke loiny ta je perofeta, ke kuniny tavat ûne, ke hwaban e, tavat huliwa ae man, me je bwihlanyiny hna omelö tavat ae hu mok, me tavat ûhadruo, me tavat ae metâ hnyi ûhnenamö, me ta je hwen hnyei. 29Hawa, ta je aposetolo hia bi? ta je perofeta hia bi? tavat ûne hia bi? tavat huliwa hia bi ae man? 30hawa, e hu gadra hia bi ta je bwihlanyin hna omelö tavat ae hu mok? adre me ve ha hia ta je hwen hnyei? tavat wia hwen hnyei hia? 31Ke weny hwegiâ thʼ öbun ta je bwihlany ae nua. Ke inya oge me omanenâ köbun gethen ae beönua.
Valið núna:
I. Korinito 12: IAAI
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society
I. Korinito 12
12
1HNYAT me lakeiny lö, e ca bewek e me ca khanʼ öbun bongon bwihlany anyin hanu. 2E khanʼ öbun, ka habe, habaji öbun tiga Aten ta je hnyei, me adre me lili öbun ka ta je hnatheat ae hum, kʼ adre me lili öbun monu öbun. 3Anyin a wale, inya oge me thumetu öbun a gʼ ame ca fuc ûnyi ge Hanon Khong at ame ha, ka habe, anathema Iesu; ke ba at ae khana he ka ha, ka habe, Iesu thibi Than, ke so bi ûnyi ge Hanu Kap.
4E ve bongon ta je bwihlany ke khaca thibi Hanu. 5Ke ve bongon ta je hanymen, ke khaca thibi Than. 6Ke ve bongon ta je huliwa, ke khaca thibi Khong, at ame huliwan ta je ûnyi hia unyita hia. 7Ke adre me ve ham ka tavat hia hna omanenâ hnen Hanu, me me hu troban bi. 8Anyin adre ham ka ke at hofuc ae metâ a deny Hanu; ke ka ke at hofucin wâ ûnykûme hoton Hanu a khaca: 9ke ka ke at labageju ûnyi ge Hanu a khaca; ke ka ke at man he ka omelö ta je komok ûnyi ge Hanu a khaca; 10ke ka ke at he ka ânyâ je ûöman; ke ka ke at he ka perofeta; ke ka ke at he ka wâ ûnykûme ta je hanu; ke ka ke at he ka ha je hwen hnyei; ke ka ke at he ka wia hwan hnyei: 11ke adre me ânyâ hia e ûnyi ge Hanu a khaca, kʼ ame ve khenâ ka tavat helâ me weny.
12Anyin a khaca thibi unyin, ke se hia bi ta je ong outhunyin, ke haba ta je outhunyin hia, me se hia, ke so bi khaca thibi unyin; helâe minya Keriso. 13Anyin adre bapataisoi öta hia hnân unyin a khaca ûnyi ge Hanu a khaca, a ne at Juda a ne at Heleni, a ne aten hwenbâ, a ne at adre hna bâûâ; ke adre kunʼ öta hia ka ijem ûnyi hnyi Hanu a khaca. 14Anyin a ca khaca thibi outhunyin hnyi unyin, ke se hia bi. 15A ne ha can, ka habe, Iny ca hanen bi nya unyin, anyin a iny ca benyin bi nya; me ca hnathu bi ae ca hanen bi unyin. 16Ke a ne ha hnyiköny, ka habe, Iny ca hanen bi nya unyin, anyin a ca ecmak bi nya; me ca hnathu bi ae ca hanen unyin. 17A ne ecmak hia unyin, ewa ûnyi hnân long? Ke a ne hnân long hia, ewa ûnyi hnân bubune? 18Ke a hia but Khong ve ip ta je ong outhunyin hnyi unyin, helâ me weny. 19A ne khaca thibi je outhunyin hia, ewa biju unyin? 20Awe, e se hia je outhunyin ke khaca thibi bi unyin. 21E ca khana bi ecmak he ka ha ka hnyam, ka habe, U ca ûnyi hnathu könya: ke haba khaca, e ca khana bi ban he ka ba ka li can, ka habe, O bu ca ûnyi hnathu könya. 22Ohe, ke so bi, haba je ong outhunyin, wale a helâke me sēnyin, me e ûnyi hnathu hmonyin: 23ke haba je ong outhunyin ate me oûnyibâûâ, me wale ate me ti oûnyihnathoâ; ke adre ohmanenangâ ûnyi ae ca hmanenang bi; 24ke haba ta je outhunyin ae hmanenang, me ba ûnyi ae hia hnyin: ke haba Khong ame ûtretraoköuâ unyin hia, ke e ame ogânâ outhunyin ae ba soiny; 25me me ba imouköu hnyi unyin; ke so bi me me ûtuököuâ je ong outhunyin. 26Ke a ne vec dö ke ong outhunyin, me ame he ka tha vec hia je ong outhunyin, ke adre ne otheibâ ke outhunyin, me ame he ka tha senyin hia je outhunyin. 27Ke haba öbun a unyin Keriso öbun, ke ve je outhunyin bi. 28Ke haba Khong ame otilâ keihen hnyi ekalesia, a bân ta je aposetolo, ke loiny ta je perofeta, ke kuniny tavat ûne, ke hwaban e, tavat huliwa ae man, me je bwihlanyiny hna omelö tavat ae hu mok, me tavat ûhadruo, me tavat ae metâ hnyi ûhnenamö, me ta je hwen hnyei. 29Hawa, ta je aposetolo hia bi? ta je perofeta hia bi? tavat ûne hia bi? tavat huliwa hia bi ae man? 30hawa, e hu gadra hia bi ta je bwihlanyin hna omelö tavat ae hu mok? adre me ve ha hia ta je hwen hnyei? tavat wia hwen hnyei hia? 31Ke weny hwegiâ thʼ öbun ta je bwihlany ae nua. Ke inya oge me omanenâ köbun gethen ae beönua.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society