I. Korinito 9
9
1HAWA, adre ca hna bâûö nya? ca aposetolo bi nya? oge me ca hnyi ō Iesu Keriso a Tuhöta? ke ca anyik huliwa öbun hnyi Than? 2Eja ke ne oge ne ca aposetolo ka keihen, me iny aposetolo bi köbun: anyin a haba öbun, me haten hnân ohmâ hnyi Than a iny aposetolo. 3Walang hnok hna thu ka tavat adre me hnei nya, 4ka habe, Hawa, e ca ûcû kohmun he ka han me ic? 5Hawa, e ca ûcû köhmun he ka tha he ehe me laöiöhmun a hnyat labageju, helâ me keihen je aposetolo, me je liamekeiny me Than, me Kefa? 6Hawa, hake inya me Banaba ae ûcû köhmu thibi he ka hamöhmu degecâ huliwa hnyi unyin? 7Ie ke at ame he ka vat me ka hamen bi he ka bi hwaban kâu? ie at ame belökâ hnyei vine, kʼame ca he ka hnyi ijem wan? ke ie at ame hān hnahat meno, kʼ ame ca he ka hnyi ijem debai ûnyi hnyin? 8Hawa, oge me ha ta je ûnyi e helâ me at? kʼ ame ca ha bi helâe hnen hnanyibu? 9Anyin adre hia but set hnyi hnanyibu anyi Mose, ka habe, Ca he ka ca hnyimen bolok ame ututo hwit. Hawa, Khong ame ûnykûme thibi ge ta je bolok, 10ke hawa, e ame ha e hobi köta thibi? Eke, adre sihnalimen hobi köta: anyin ae ûcû ka at ame trohnen he ka trohnen gejon, ke haba at ame ututo hwit he ka ututo gejon hnen hna he ka hu? 11Ohmun e ne hia but tä unyibun ta je ûnyi anyin hanu, hawa, e gan ohmun e ne he ka meno ta je ûnyi hnyi unyin gabun? 12A ne munyi ânyâ wisa eling gabun hnen keihen, hawa e ca ti ûcû kohmun he ka munyi ânyâ? Ke so bi ohmun e ca vheno wisa eling; ke ohmun e hokhnyokâ ta je ûnyi hia thithö, wâ ohmun nye ovhelâ ûthumetu ae so anyin Keriso. 13Ke ca khanʼ öbun a haba tavat adre me huliwan ta je ûnyi ae kap, me adre me an ta je ûnyi hnyin uma kap, ke haba tavat adre me bi athnyabainy taben hut, me adre me ve hu hwajekhöûdra me tahen hut? 14Ke helâ minya hna owisa hnen Than, a haba tavat adre me khetâ ûthumetu ae so, adre me he ka möt ûnyi hnyi ûthumetu ae so. 15Ke oge me ca hnyi ânyâ ke ûnyi hnyi ta je ûnyi e: ke oge me ca sihnalimen minya ta je ûnyi eang, mʼ adre me he ka ânyâ helâe könya: anyin ae so oge me he ka mok, ke kong e he ke at ka oûnyibâûâ hnok hna hobeluâ. 16Anyin oge ne khetâ ûthumetu ae so, e ba hnân ohobeluâ; anyin adre musi nya; anyin ekolö gak iny ka ca khetâ but ûthumetu ae so. 17Anyin oge ne ânyâ ûnyi e ge hnyekuk, e hu but könya hwaban: ke e ka ca ânyâ hnen hnyekuk, adre me hna könya hanymök. 18Ke ieû hwaban könya? Walang, iny ka he ka khetâ ûthumetu ae so, oge me he ka ham bâûâ ûthumetu ae so anyin Keriso, me oge me ca he ka musi hwege hnyi ûthumetu ae so. 19Eja ke ne oge ne he ka ba hanymök ka tavat hia thithö ehac, oge me ka hamök hnö nya bi ka athnyabaidra hia, me me se hia tavat adre me he ka hmehmelö nya. 20Oge helâ me at Juda, ka at Juda, me me hmehmelö nya at Juda; ke oge me helâ me at hmelen hnanyibu, ka tavat hmelen hnanyibu, ke ca hmelen hnanyibu bi nya, me me hmehmelö nya tavat hmelen hnanyibu; 21ke helâ me ba hnanyibu ka tavat ae ba hnanyibu, ke ca ba bi hnanyibu gak ge Khong, ke inya hmelen hnanyibu ge Keriso, me me hmehmelö nya tavat ae ba hnanyibu. 22Inya helâ me at ae sēnyin ka tavat a ödra sēnyin, me me hmehmelö nya tavat a ödrin sēnyin: oge me hnyi hom ta je hwakecin hia ka tavat hia, me inye hwege thö he ka omelö keihen. 23Ke oge me ânyâ ta je ûnyi hia can ûthumetu ae so, mʼ ate me he ka tha hu. 24E ca khanʼ öbun a haba tavat adre me wadring hnyi ûölogot, me adre me tha wadring hia, ke khaca thibi at ame he ka hok hwaban? E Wadring thʼ öbun helâe, mʼ öbun e he ka hu. 25Ame hokhnyokâ ta je ûnyi hia thithö hnen tavat adre me ve bi tudra hnyi je mat. Adre me ânyâ mʼ adre me he ka hu gadra korona ae bobot; ke haba öta me ame he ka hu gata korona ae ca bobot. 26Ke inya oge me wadring helâe, ca hnyi loloâ bi; inya oge me vat helâe, ca helâ me at ame kot ang: 27ke oge me hom ûhnyûkongo unyik, me thaluâ e: wâ oge nye hia but khetâ ka keihen, ke hwaban e adre me digic nya but.
Valið núna:
I. Korinito 9: IAAI
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society
I. Korinito 9
9
1HAWA, adre ca hna bâûö nya? ca aposetolo bi nya? oge me ca hnyi ō Iesu Keriso a Tuhöta? ke ca anyik huliwa öbun hnyi Than? 2Eja ke ne oge ne ca aposetolo ka keihen, me iny aposetolo bi köbun: anyin a haba öbun, me haten hnân ohmâ hnyi Than a iny aposetolo. 3Walang hnok hna thu ka tavat adre me hnei nya, 4ka habe, Hawa, e ca ûcû kohmun he ka han me ic? 5Hawa, e ca ûcû köhmun he ka tha he ehe me laöiöhmun a hnyat labageju, helâ me keihen je aposetolo, me je liamekeiny me Than, me Kefa? 6Hawa, hake inya me Banaba ae ûcû köhmu thibi he ka hamöhmu degecâ huliwa hnyi unyin? 7Ie ke at ame he ka vat me ka hamen bi he ka bi hwaban kâu? ie at ame belökâ hnyei vine, kʼame ca he ka hnyi ijem wan? ke ie at ame hān hnahat meno, kʼ ame ca he ka hnyi ijem debai ûnyi hnyin? 8Hawa, oge me ha ta je ûnyi e helâ me at? kʼ ame ca ha bi helâe hnen hnanyibu? 9Anyin adre hia but set hnyi hnanyibu anyi Mose, ka habe, Ca he ka ca hnyimen bolok ame ututo hwit. Hawa, Khong ame ûnykûme thibi ge ta je bolok, 10ke hawa, e ame ha e hobi köta thibi? Eke, adre sihnalimen hobi köta: anyin ae ûcû ka at ame trohnen he ka trohnen gejon, ke haba at ame ututo hwit he ka ututo gejon hnen hna he ka hu? 11Ohmun e ne hia but tä unyibun ta je ûnyi anyin hanu, hawa, e gan ohmun e ne he ka meno ta je ûnyi hnyi unyin gabun? 12A ne munyi ânyâ wisa eling gabun hnen keihen, hawa e ca ti ûcû kohmun he ka munyi ânyâ? Ke so bi ohmun e ca vheno wisa eling; ke ohmun e hokhnyokâ ta je ûnyi hia thithö, wâ ohmun nye ovhelâ ûthumetu ae so anyin Keriso. 13Ke ca khanʼ öbun a haba tavat adre me huliwan ta je ûnyi ae kap, me adre me an ta je ûnyi hnyin uma kap, ke haba tavat adre me bi athnyabainy taben hut, me adre me ve hu hwajekhöûdra me tahen hut? 14Ke helâ minya hna owisa hnen Than, a haba tavat adre me khetâ ûthumetu ae so, adre me he ka möt ûnyi hnyi ûthumetu ae so. 15Ke oge me ca hnyi ânyâ ke ûnyi hnyi ta je ûnyi e: ke oge me ca sihnalimen minya ta je ûnyi eang, mʼ adre me he ka ânyâ helâe könya: anyin ae so oge me he ka mok, ke kong e he ke at ka oûnyibâûâ hnok hna hobeluâ. 16Anyin oge ne khetâ ûthumetu ae so, e ba hnân ohobeluâ; anyin adre musi nya; anyin ekolö gak iny ka ca khetâ but ûthumetu ae so. 17Anyin oge ne ânyâ ûnyi e ge hnyekuk, e hu but könya hwaban: ke e ka ca ânyâ hnen hnyekuk, adre me hna könya hanymök. 18Ke ieû hwaban könya? Walang, iny ka he ka khetâ ûthumetu ae so, oge me he ka ham bâûâ ûthumetu ae so anyin Keriso, me oge me ca he ka musi hwege hnyi ûthumetu ae so. 19Eja ke ne oge ne he ka ba hanymök ka tavat hia thithö ehac, oge me ka hamök hnö nya bi ka athnyabaidra hia, me me se hia tavat adre me he ka hmehmelö nya. 20Oge helâ me at Juda, ka at Juda, me me hmehmelö nya at Juda; ke oge me helâ me at hmelen hnanyibu, ka tavat hmelen hnanyibu, ke ca hmelen hnanyibu bi nya, me me hmehmelö nya tavat hmelen hnanyibu; 21ke helâ me ba hnanyibu ka tavat ae ba hnanyibu, ke ca ba bi hnanyibu gak ge Khong, ke inya hmelen hnanyibu ge Keriso, me me hmehmelö nya tavat ae ba hnanyibu. 22Inya helâ me at ae sēnyin ka tavat a ödra sēnyin, me me hmehmelö nya tavat a ödrin sēnyin: oge me hnyi hom ta je hwakecin hia ka tavat hia, me inye hwege thö he ka omelö keihen. 23Ke oge me ânyâ ta je ûnyi hia can ûthumetu ae so, mʼ ate me he ka tha hu. 24E ca khanʼ öbun a haba tavat adre me wadring hnyi ûölogot, me adre me tha wadring hia, ke khaca thibi at ame he ka hok hwaban? E Wadring thʼ öbun helâe, mʼ öbun e he ka hu. 25Ame hokhnyokâ ta je ûnyi hia thithö hnen tavat adre me ve bi tudra hnyi je mat. Adre me ânyâ mʼ adre me he ka hu gadra korona ae bobot; ke haba öta me ame he ka hu gata korona ae ca bobot. 26Ke inya oge me wadring helâe, ca hnyi loloâ bi; inya oge me vat helâe, ca helâ me at ame kot ang: 27ke oge me hom ûhnyûkongo unyik, me thaluâ e: wâ oge nye hia but khetâ ka keihen, ke hwaban e adre me digic nya but.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society