Popular Bible Verses from Jang 15

Deildu

Hei laa tơơm nho, bơl 'bei lah bling. 'Bơơn khang gôq knông Hei, u Hei gôq knông bnih nei lôh sot ơk play, đươm agaih Hei bơl 'bei 'bưn lơh ơơn kươt.

Phrui khang gôq knông Hei nei Hei a kươi gôq knông bơl 'bei. Bei bling nho, mơq 'bưn gôq knông tơơm nho nei êêng bu 'bưn geh lôh play kươt. Mơq bơl 'bei 'bưn khang gôq knông Hei nei kot bei nei.

Mơq bơl 'bei khang gôq knông Hei u baak Hei khang gôq knông bơl 'bei, phrui r'bon dan paich ntil ơơn bơn êch, bơl 'bei a kươi pơih kươt ntil nei.

'Bưn geh bơl 'bei ja sach Hei, dôh Hei ja sach u maanh top bơl 'bei, jah bơl 'bei han, kươt play kao, u play bơl 'bei nha ơơm nggan; jah paich ntil ơơn bơl 'bei tơmoh chhak Hei r'bon dan Bươp nei Pang ươn bơl 'bei.

'Bưn geh baak srlanh ơơn ttih huôih baak srlanh đươm gnasaal baah teq lơi chhak nơơm.

Paich bling êch knông Hei 'bưn play kao nei Pang gôt teq, nha bling êch play kao nei Pang khwaih ei jah kươt ơk play huôih.

Au laa baak ch'bap Hei ri: Bơl 'bei phrui ta srlanh, bei Hei ja srlanh bơl 'bei.

Đươm ntil au Bươp Hei kươt tư wơơl, nei laa bơl 'bei play kao ơk u but jơrnơ Hei.

“Hei laa tơơm nho ngan, Bươp Hei laa bnih tam nho.

Mơq 'bơơn 'bưn khang gôq knông Hei nei bei bling nho bu jang teq a gaaih u bu ranh, bu nday pơih, jang teq u ôinh nei bu sơơr.

Hei mor n'hai bơl 'bei pal ntil au jah broh Hei ri gôq knông bơl 'bei, u broh bơl 'bei ri kươt sơp grơp.

Mơq bơl 'bei prap ơn pal baak ch'bap Hei ri nei a kươi gôq knông baak srlanh Hei ri, kot bei Hei ja prap ơn pal baak ch'bap Bươp Hei ri u khang gôq knông baak srlanh Pang ri.

Hei tơmbơh tti ntil au aan bơl 'bei jah bơl 'bei ta srlanh.”

Mơq bơl 'bei pơơn teq u swich teh nei swich teh srlanh bơl bnih pơơn teq u nơơm. Dôh đươm bơl 'bei 'bưn pơơn teq u swich teh, u Hei ja sach bơl 'bei a klung swich teh, mơ swich teh a kiêr bơl 'bei.