Popular Bible Verses from Jang 14

Deildu

Hei teq baak sroong boong kơơi aan bơl 'bei. Hei ươn baak sroong boong Hei ri aan bơl 'bei. Baak sroong boong Hei aan bơl 'bei 'bưn bei swich teh aan. Chưt bơl 'bei khơơm rhơq rpơq u khơơm n'hông.

Brah Jê-sus ơh: “Hei laa troong han, song klanh u baak rêh. 'Bưn đươm Hei nei 'bưn 'bơơn kươt lôh n'hai Bươp.

“Chưt bơl 'bei khơơm rhơq rpơq. Phrui jơ Brah Ưn! kot phrui jơ Hei hih!

Dôh Yaang Nđum Nđiêng, nei laa Brah Wêêng baah Bươp a kươi tơmoh chhak Hei maanh lôh, Pang a kươi kne bơl 'bei jôm ntil, u krơơ aan bơl 'bei gênh leq sêch ntil ơơn Hei ja lah n'hai bơl 'bei.

'Bơơn geh pal baak ch'bap Hei ri u prap ơn, nei laa bnih srlanh Hei. Bnih êch srlanh Hei a kươi kươt Bươp Hei srlanh, Hei a kươi kot srlanh bu, u tơrsau nơơm Hei aan bu.”

Hei a kươi r'bon dan Bươp, Pang a kươi ươn bơl 'bei di mbu Yaang Nđum Nđiêng nday jah gôq n'hai bơl 'bei yoot yôw, nei laa Wêêng Soong Klanh pa swich teh 'bưn geh pơih kươt, đươm 'bưn sau u 'bưn gưt Pang. Dôh bơl 'bei gưt Pang đươm Pang plah gôq n'hai bơl 'bei, u a kươi gôq knông bơl 'bei.

Bơl 'bei tơmoh chhak Hei r'bon dan paich ntil ơơn, Hei a kươi lơh aan 'bei, jah Bươp kươt tư wơơl ktôk Koon. Mơq bơl 'bei tơmoh chhak Hei r'bon dan ntil ơơn đôôi, Hei a kươi lơh aan.”

“Mơq bơl 'bei srlanh Hei nei a kươi prap ơn pal baak ch'bap Hei.

Knông nhi Bươp Hei geh ơk ktôk gôq; mơq 'bưn geh bei nei, a hay Hei leet mor n'hai bơl 'bei laah Hei han riap aan bơl 'bei di ktôk?

Tơt Hei han u ja riap ktôk aan bơl 'bei hơơi, Hei a kươi plơq kơơi liêu bơl 'bei han n'hai Hei, jah Hei gôq a êch nei bơl 'bei kot a nei.

Thô-ma mor: “Ơi Brah, bơl hei 'bưn gưt Brah han đêch, lơh bei êch gưt troong kươt?”