Vinsæl biblíuvers úr Matthieu 6

Deildu

Péé kí nyàab̀maan Unimbɔti Beel nì deedee un u bàlifī-ni yii ní nīn bée, ní Unimbɔti ń dū tin kíǹee kí kūtì-ni.

Míǹ puee ní kpèè díǹ yati, ní taa nín̄ yáliŋkímaan fool pu. Fool mun nì u-yati ní. Ŋwiin kamaa nì ŋu-gìńdi ní.»

«An pu ní m tùkù-ni yii: Ní taa nín̄ yáliŋkí kun ni làá jī ki làá nyɔ̀ kí nīn bée, nì tin ni làá pèen̄ee pu. Di sá yii dimaŋfal jítiǹ tijin, ní tiwun mun jítiǹ abɔkuti, àá an kaa sá míǹ?

Ama, sii yaa làá mèèyee, á kɔ́ a-diikun, kí dūú pìin̄ kí mèè, a-Baa bí niin dibalin. A-Baa un wāĺ tin bí dibalinee làá pà-si.

Nín̄ mèémaan yii: <Ti-Baa un bí yilpuee, yàntī bí nyɔ̄ŋkì a-yindi. Yàntī a-Beel ń dāan̄. Bí ŋá a nín là puee taapu doo, kii bi nín ŋáań yilpu puee.

Pɔ̄-ti díǹ jikaati.

Dū ti-kpitii in ti yīntiǹ-see kí pɔ̄-ti, kii ti mun nín cáá bin yìntīǹ-tee kpitii ki pūǹ-bi puee.

Taa pɔ̄ mpaan Sitaan ń kīil̀-ti, ama á nyāntí-ti u-ŋaan. [Kun puee sii di yì dibeel nì mpɔn nì tinyool kí nīn cá jaanjaan. Ameeni>.]

Di sá yii ni yaa cáá tin ni-jutiibi yìntīǹ-nee ki pūǹ-bee, ni-Baa un bí yilpuee làá dū tin ni mun yīntiǹ-uee kí pɔ̄-ni.

Kpèèmaan nnɔmbiyaamu mun ŋàaǹ kutaa puee, muaa būul̀aaa, kaa cēēyaaa, kaa cáá cakalaabi ki kpáafí tijikaal, ama ní ni-Baa un bí yilpuee kpīintí-mu. Kpèè, nimbi cáá kudapɔɔu ki jítiǹ-mu kpataaa!

«Ní taa nín̄ nyàab̀maan tigaajati ki sīintí ni-ba taapu doo laakin dikɔtuul ŋūǹ kí mɔ́, ní tì ŋūǹ kí tí dāmintì, ní binaayub mun ŋūǹ kí cíĺ kudii kí kɔ́ kí yɔ̀-tèe. Nín̄ ŋáaḿmaan min fáatì Unimbɔtee ní ú dū tipaal kí síiń-ni yilpu laakin dikɔtuul kpáaa, tiwan kaa dámintáaa, ní binaayub mun kaa tí ŋūǹ kí cíĺ kí kɔ́ kí yɔ̀ee. Kun puee laakin a-gaajati bée, niin ní a-landɔkɔŋu mun bí.»

«Unibaanti kaa ŋūǹ kí nīn sá bikpilib bili tɔntɔnliu: see ú nīn ná ubɔ kí nīn néeń un kíǹee, àá ú dū u-ba kí yā kí nákáǹ ubɔ ní kí nīn kpèé un béeyee fám. Naa ŋūǹ kí nīn sá Unimbɔti tɔntɔnliibi kí nīn sá animbil mun tɔntɔnliibi.»

Unimbɔti yaa nyāantí míǹ timool tin bí tisatin díǹ, fool ŋŋmi ń dāá wà-tèe, mimmee waa làá ŋá án jītíǹ míǹ ki tīī-naaa? Ba pu ní ni-fookiiu kaa náaǹ míǹ?

Ama sii yaa làá pɔ̄ uwɔfi tibee, á tīī a-ŋaŋgan ń taa nín̄ nyí a-ŋaŋgiil nín ŋá tiŋyee. Á ŋá dibalin, ní a-Baa un wāĺ dibalinee ń téeǹ-si.»

«Ní nīn nyí nì ni-ba kí taa nín̄ nyāntí ni-deedeebítam ki dàkà binib yii bí ká-ni. Ni yaa ŋáań tiŋan ki dàkà binibee, naa tin gíti kāntí tipaal tiba ni-Baa un bí yilpuee cee.

«Ni yaa bóob́ kinyɔkɔee ní taa bīil̀ ni-nimbiiŋyi kii ipoonnyoondambi nín ŋáań puee. Bíǹ bíiĺ bi-nimbiiŋyi binib ń béé yii bi bóob́ kinyɔkɔ ní. Ibaamɔn ní m tùkù-ni, bi fōō bi-paati ki dóò. Ama sii yaa bóob́ kinyɔkɔee, fíntí a-nimbiin kí càatī a-yikpiti, án nín làá ŋá pu báà ubɔ ń taa béé yii a bóob́ kinyɔkɔee. A-Baa un bí dibalinee baba ń nīn nyí, ní úǹ un wāĺ dibalinee ń tīī-si a-paati.»