Vinsæl biblíuvers úr Matthieu 7

Deildu

«Mèèmaan Unimbɔti, u làá tīī-ni. Nyàab̀maan, u làá yàntī ní ká. Fáámaan, u làá pìitī-ni kipunyɔkɔ.

Kun puee sii un yaa mēē Unimbɔti tibee, see ú tīī-si kudɔŋu, ní sii un yaa nyàab̀ tibee, see á ká kudɔŋu, sii un yaa tí yú ki fátée, see bí pìitī-si.

«Míǹ ní un kamaa yaa gbìl̄ man bɔti tin m sòon̄ nee ní ki yaa kíǹ ki ŋáań mimmee, udaan náań nì uciŋfiti un máń u-diiku ki tɔ́kɔ́ǹ ditaŋkpal puee ní.

«Min ní ni yaa là bí ŋá kí tīī-nee, ŋámaan míǹ kí tīī bi mun. Mooyiisi marab nì Unimbɔti bɔnaatiliibi gbɔnti nín lì puee dee.»

Ama kipunyɔkɔwaai kin pɔ̄ɔ̄ dijitilee nì nsan ŋun kaa wāāyee di cáǹ binib dimaŋfal laŋki, binib fiii di kāntí-ŋu kí dī.»

«Dīmaan kipunyɔkɔwaai kí kɔ́. Kun puee kipunyɔkɔ nì nsan ŋun wāāyee di cáǹ binib diwaŋkilin, niin ní kunipaau nóó.

Nimbi binikpitib nyí kí tīī ni-biyaamu tiwammɔntiil, kin ataa aŋa pu ní ni-Baa un bí yilpuee kaa nín ŋūǹ kí dū tiwammɔntiil kí tīī bin mèé-uee?

«Taa nín̄ sòom̀maan tɔb bɔti, ní Unimbɔti ń taa sòoǹ ni mun yati. Min min ní a dì kí sòoǹ a-nabiki bɔtee, míǹ ní Unimbɔti làá dī kí sòoǹ si mun yati. A nín ŋmàntī min kí tīī a-jutee, míǹ ní u làá dāá ŋmàntī kí tīī si mun.

Ama un kamaa di yaa gbìl̄ man bɔti tin m sòon̄ nee ní kaa ŋáań mimmee náań nì ugbaan un máń u-diiku ki tɔ́kɔ́ǹ dibul puee ní.

Ba pu ní a wāĺ kimɔmbiki kin kā a-nabiki nimbilinee, ní kaa wāĺ didɔjal din kā sii a-ba yalinee? Mana ní a ŋūǹ kí lì yii: <M-nabiki, yàntī ḿ lēē-si kimɔmbiki a-nimbilin,> ŋyunti ŋun didɔjal kā sii nimbilinee?

«Ní nīn nyím̀maan ni-ba nì bin yíì bi-ba yii Unimbɔti bɔnaatiliibi kin kaa sée. Bi yaa dòoń ni-ceeyee, bi bí soooo kii apibilee, ama ní bi-pɔbiliŋ sá isaakpan yaŋ ki cútí. Bi-tuuŋŋi ní ni làá dūú béé-bi, kun puee baa tòó atùun abɔjanaakun pu, kaa tí kìtī kɔŋkib bukuŋkumbu pu.

Busumɔntiibu sá kamaa lòoǹ asubimɔnti ní, ní busukpitibu lòoǹ asubikpiti.

Busumɔntiibu kaa ŋūǹ kí lòoǹ asubikpiti, míǹ ní busukpitibu kaa tí ŋūǹ kí lòoǹ asubimɔnti.

Isufi in kɔkɔ kaa lòoǹ asubimɔntee, bi làá gāā-i ní kí tɔ̄ ŋŋmin.