Vinsæl biblíuvers úr Matthieu 5

Deildu

Baa tí tùutī fitila kí dū dibool kí cíkiń u-pu, asee bí dūú tɔ́kɔń dikɔl pu ní án nīn wāĺ bin kɔkɔ bí kudiinee. Míǹ mbaantiim ní ni mun walifiŋu ń nīn ŋmíntí binib, bí ká tiŋan tin ni ŋáańee, kí pàkà ni-Baa Unimbɔti un bí yilpuee.»

«Ni sá kii ŋwalifee ní ki tīī duulinya. Kitiŋ kin bi máń ki tɔ́kɔ́ǹ kigbantaŋ puee kaa lìkintí ki-ba pu.

Bin pɔbiliŋ bí diba nì Unimbɔtee bí mmɔnneeee, kun puee bi làá ká Unimbɔti!

Bin deedee kùm nì deedee nyinnyooŋu cááyee bí mmɔnneeee, kun puee Unimbɔti làá dāá tīī-bi tikɔkɔ!

Ama man tùkù-ni yii ní nīn néeń ni-nannanliibi kí nīn mèé Unimbɔti ki tìì bin sàantí-nee.

«Bin sīntiǹ bi-ba ki tīī Unimbɔtee bí mmɔnneeee, kun puee bi sá Unimbɔti Beelin yab!

Bin cāabìń ŋgbansɔŋfi bi-jutiibi kansikinee bí mmɔnneeee, kun puee Unimbɔti làá dāá yíiń-bi u-biyaamu!

Bin bí kunimbaaunee bí mmɔnneeee, kun puee Unimbɔti làá dāá ŋméeǹ-bi!

Bin ní bi sàantí bi-deedeeu puee bí mmɔnneeee, kun puee bi sá Unimbɔti Beelin yab!

Bin sūǹ binib saayee bí mmɔnneeee, kun puee Unimbɔti làá dāá sɔ̄ bi mun saai!

«Binib yaa bí ki sìí-ni ki sàantí-ni ki mɔ́ntí inyimɔn ki tūntí ni-pu ki sòoǹ tibɔkpitil kamaa ni-pu ni nín sá man yabee puee, ni bí mmɔnni. Nín̄ bímaan mmɔŋkpaan poon kí nīn fàal̀, kun puee tipaakpaandi dɔ̄ yilpu ki cí-ni. Míǹ mbaantiim ní bi nìn tí sāaǹ Unimbɔti bɔnaatiliibi bin nìn péé péé ki kāl̀ ní nimbi dāa nín páaǹní boonee.»

Binib bin mɔ̄ee bí mmɔnneeee, kun puee Unimbɔti làá dāá tīī-bi kutindaŋu!

Ní Yeesu kútì ki lī yii: «Nimbi di sá kii ŋyaam ki tīī duulinya. Ŋyaam yaa kpíìyee, mana ní bi gíti ŋūǹ kí ŋá ní mí fàtīí mɔ̄ɔkì? Mimmee maa ti bí tiban dee, see bí dū-mì kí fá mmɔŋki, ní binib jītí ki tà.

Míǹ puee ní nīn cáámaan mbimbimɔntiim tikɔkɔ poon kii ni-Baa un bí yilpuee nín cáá puee.»

An yaa sá á kíí iiiŋyee, kíí <iiin>, an yaa sá á kíí aayeeyee, kíí <aayee>. Tin a yaa gíti páaǹ ki lī boonee nyánní Sitaan cee ní.»

«Ni gbìl̄ bi síiǹ yii: <Un yaa lēē a-nimbilee, a mun ń lēē u-yal kí téeǹ, ní un yaa lēē a-nyindee, a mun ń lēē u-yal kí téeǹ.> Ama man tùkù-ni yii, a-juti yaa ŋá-si tikpitilee, á taa dū tikpitil kí tɔ̀-u ipɔntoon. Bi yaa fáá a-ŋaŋgiitaŋkpanjil ntampee, fàtī a-ŋaŋgan yal kí tīī bí fáá.

An puee a-nimbil ŋgiil yal di yaa làá yàntī á lítí ikpitinee, lúkutí-dì kí fá, kun puee an ŋān̄ ki tīī-si a-wunjandi diba ń nīn kpá, ki jítiǹ a-wunti ń nīn bí mmɔm á kɔ́ ŋŋmin. A-ŋaŋgiil di yaa làá tí yàntī á lítí ikpitinee, gùutī-ŋu kí fá, di sá yii an sɔ́ a-wunjandi diba ń nīn kpá, ki jítiǹ a-wunti ń nīn bí mmɔm á kɔ́ ŋŋmin.»