E Nyefewo M Chineke Ihe Niile: Ihe Òfùfè Gasị N'eme Mkpali Ndị Nọ Na Mkpọrọ DerèIhe Nhụchatụ

ONYE-NWE-ANYỊ HỤRỤ M N'ANYA

“Atụrụ M na-anụ olu M. Amaarà M ha, ha na-esokwa M. Ana M enye ha ndụ ebighị ebi. Ha agaghị ala nʼiyi. Mmadụ ọbụla enwekwaghị ike ịpụnarị ha nʼaka M.” —JỌN 10:27-28

Anà bù m ebi ndụ kà Onye N'eso Ụzọ Kraịst, mana e mecharà m si n'ụzọ eziokwu ahụ pụọ. Ruo ọtụtụ afọ esi m n'otu nsogbu dabà na nsogbu ọzọ, mana marakwá n'ime ime obi m na enyemaka Chineke na nzọpụta Ya dị m mkpa mana m nọ na-alụso eziokwu a ọgụ n'ihi na egwù Chineke n'atụ m. Mana n'agbanyeghị ihe ndị ahụ, otu ihe atụ dị ezigbo mfe chetaarà m na Chineke nọ n'akpọ m òkù n'ụzọ dị nrọ̀ ka m lọghachi na ogige-atụrụ Ya. Agwaghị m ụmụ m maka ọnọdụ m oge m nọ na mkpọrọ. Mgbe ọbụla m kpọrọ ha ma ọ bụ degaará ha akwụkwọ-ozi, ana m asị ha na “anọ m ebe dị anya”, na ihe niile “dị mma.” Mana e mecharà, otu nwaanyị má Chineke bụ́kwá ezigbo enyi m n'ụlọ mkpọrọ gwarà m ka m gwa ụmụ m eziokwu.

Agwarà m ha wee mee nchere ịnụ n'olu ha ruo ọnwa abụọ, nke nchegbu chọrọ ihikpọ obi m. N'ikpeazụ, enwetarà m nnukwu ngọzi—akwụkwọ ozi nke mbụ siteré n'aka nwa m nwaanyị. N'elu peeji akwụkwọ-ozi ahụ, o ji nnukwute mkpụrụ edemede dee, “BIKO DÈTÁRÁ ANYỊ AKWỤKWỌ OZI NGWA NGWA” na “NNE M, AGA M AHUGIDE GỊ N'ANYA RUO MGBE EBIGHỊ EBI.”

Okwu ndị ahụ nwa m nwaanyị detarà m megherè anya m ka hụ eziokwu dị ukwuu: ọ dịghị mgbe Chineke n'adịghị ahụ m n'anya. Ọ bụ ekpere m na m ga-adị ntụkwasị obi nye Ya wee bụrụ ihe ọbụla Ọ chọrọ ka m bụrụ.

—Nina

EKPERE: Ezigbo Onye-nwe-M, biko nyèré m aka ka m bie ndụ Ị chọrọ ka m biri site n'ugbu a gaa n'ihu, nwaayọ nwaayọ kwa ụbọchị kwa oge. Daalụ maka obi ndidi Gị n'ebe m nọ. Nyèré m aka inwekwa obi ndidi n'ebe ndị ọzọ nọ. Amen.