Ntụgharị Si N'ebe Nri-Ahụ Nọ PụọIhe Nhụchatụ

Mgbe i kwerè ka Mmụọ Nsọ jiri eziokwu nke Okwu Chineke na-achị echiche gị, ị ga-adị ndụ nnwere onwe. Dị ka Jizọs kwuru, “unu gà-amarakwa eziokwu ahụ, eziokwu ahụ gà-emekwa ka unu nwere onwe unu” (Jọn 8:32). Okwu ahụ bụ́ “mara” karịrị nanị ịmata ihe. Ọ pụtara inwe obi ike nke ukwuu n'enweghị obi abụọ ọbụla. Ị “mà na ị maarà” na ọ bụ eziokwu. Ọ bụ eziokwu n'ekwu okwu n'ime ime nke onye ị bụ̀. Nke ahụ bụ ihe ịmara eziokwu na ịbụ onye a tọhapụrụ n'agbụ pụtarà. 

Ụdị “ịmara” nke Jizọs na-ekwu maka ya nke gá-emé ka ị nwere onwe gị bụ ịmara na ịmaarà n’ezie. Ọ bụghị iche uche banyere ya. Ọ bụghị inwe olileanya. Ọ bụghị nwale, kama ọ bụ n'ịmaarà na ị mà n'ihi na ị gosipụtara ya dịka eziokwu. 

Mana site n’Okwu Chineke, ọ bụghị mgbe nile ka anyị na-enweta ihe àmà a nke ana-apụghị ịgbagha agbagha nke dị n’ihu okwukwe iji wepụta ọrụ eziokwu. Nke a merè okwukwe n’Okwu Chineke ji bụrụ ihe bụ isi ma dị oke mkpa maka usoro nke imeri omume ọbụla na-eri ahụ. Ị gà-ebu ụzọ kwere na Okwu Chineke bụ eziokwu, wee tinye Okwu Ya n'ọnọdụ gị dị ka eziokwu ka O we tụgharịa ma rụọ ọrụ ntọhapụ Ya na ndụ gị. Eziokwu nke Okwu Ya na-enyere gị aka imeri ihe ndị jidesiri gị ike, mana Ọ ga-arụ ọrụ a naanị mgbe ị na-ewere Ya dịka eziokwu. Ị gà-ahazirịrị uche gị, omume gị, obi gị, ako gị, n'Okwu Ya wee debe ha n'okpuru iwu nke Okwu Ya na ọchịchị Ya gbasara ọnọdụ ma ọ bụ usoro echiche ọbụla ị na-eche ihu ka Ọ dị ike tọhapụ gị n'agbụ. 

Gịnị ka ị maarà n’Okwu Chineke nke ga-enyere gị aka inweta nnwere onwe pụọ n’ihe nri-ahụ?

Ọ bụ olileanya anyị na atụmatụ ihe ọgụgụ a gbara gị ume. Maka ozi ndị ọzọ gbasara Ime Ntụgharị Na Ndụ Gị, pịa ebe a.