Ntụgharị Si N'ebe Nri-Ahụ Nọ PụọIhe Nhụchatụ

Otu n'ime ihe mere ndị mmadụ ji anọgide na nri-ahụ bụ n'ihi na ha na-adabere na usoro echiche ha nke bụ ụgha. Nnukwu ụgha nke n'akwado nri-ahụ bụ na ị nwere ike iji anụ ahụ dozie anụ ahụ. Mana Pọl na-agwa anyị na 2 Ndị Kọrịnt 10; anyị adịghị alụ agha n'ụzọ anụ ahụ. Anụ ahụ enweghị ike idozi anụ ahụ. Ee, ị nwere ike ịgbalị ijikwa ya, nke ahụ nwerè ike ịrụ ọrụ nwa oge. Mana ị nweghị ike iji anụ ahụ nke mmehie dozie nsogbu mmehie inye ya ọgwụgwọ. Ihe ị ga-emerịrị bụ ibu ụzọ gaa n’eziokwu nke Okwu Chineke. Ọ bụ eziokwu Ya gà-eme ka ị nwere onwe gị. Ọ bu ezi-okwu-Ya gà-egbuwapú mmehie ma weta ndụ. Eziokwu Ya na-ekpughe okwu ụgha ahụ e ji kee gị n'ime nkpagbu nke nhụjuanya nke mere ka i rapagidesí ike na mmehie gị na nsonaazụ ya.

Iji aka gị achọ ịwepụ onwe gị n'agbụ nke mmehie dịka ebe nne nne na-achọ iji bọọdụ nsacha we sachapụ uwe. Ọ ga-ewe ọtụtụ ụbọchị iji mee ya, ma n'agbanyeghị nke ahụ, uwe ahụ agaghị adịcha ọcha, ike gà-agwụkwa nne nne gị maka mbọ ya niile. Ọ gà-enwe ahụ mgbu, na nkụda mmụọ. Chineke ewepụtala ihe ngwọta maka nmehie anyị site na nsacha nzọpụta nke sitere n'aka Ọkpara Ya. Àjà Jizọs na-enye anyị ohere inweta ike nke Mmụọ Nsọ n'ime anyị. Mmụọ ahụ na-enyere anyị aka ịghọta na ịnata eziokwu (Jọn 16:7–11). Mmụọ Nsọ na-enyere anyị aka ime ihe Jizọs gwarà anyị ka anyị mee na Jọn 8, nke bụ́ “nọgide nụ̀ n’Okwu M”. Okwu a "nogide" pụtara itapagidesi ike, irapara—ịnọ chịm. Ị ghaghị ịnọgidesì ike n'eziokwu ahụ, ọ bụghị ịnọtú gị gbapụ. 

Olee otú mgbalị anụ ahụ́ gị siworo na-aga nke ọma maka imeri ihe nri-ahụ gị? Kedụ ụzọ ka mma?