Ụkpụrụ nchịkwa oge sitere n'Okwu ChinekeIhe Nhụchatụ

Chịkọta Nkwa Gị Gasị

Jizọs nyere iwu ka “Ee” anyị bụrụ “Ee,” n'ezie ma ọtụtụ mgbe, “Ee” nke Onye Kraịst pụtara “Mba.” Oge ọbụla anyị na-emezughị nkwa ahụ anyị kwere, anyị apụtaghị n'oge, anyị arụchaghị ọrụ anyị n'oge, ma ọ bụ anyị emezughị nkwa ozi olu anyị na anyị "ga-akpọghachi gị n'ekwenti ngwa ngwa," anyị na-enupụrụ Jizọs isi n'iwu Ọ nyere ka “Ee” anyị bụrụ “Ee.” N'ndụ nke anyị na-ebi ọsọ ọsọ, anyị na-ekwu "Ee" karịa mgbe ọ bụla, ebe ọtụtụ mgbe ọ na-adaba na anyị adịghị edebe okwu anyị. Ihe a hụrụ anya bụ na mmehie a dị ka ihe na-adịghị njọ kwesịrị ịbụ nke akpachapụrụ anya n'ime Nzukọ-Kraịst. Anyị bụ ihe oyiyi nke Chineke, ihe nnọchianya nke Jizọs Kraịst nye ụwa nke furu efu. Iji gosipụta onwe anyị nke ọma dịka ihe oyiyi Onye Nzọpụta anyị, anyị ga-aburiri ndị na-edebe okwu anyị.

Mana kedu ka anyị ga-esi eme nke a n'ezie? Ọ na-amalite site n'inwe usoro iji nakọta nkwa anyị niile nke ọma. Nke a nwere ike ịdị mfe dị ka ide ha n'mpempe akwụkwọ ma ọ bụ ịchịkọta ha n'ụzọ tara akpụ jiri dijital sistemụ njikwa ọrụ dị ka OmniFocus. Ngwá eji arụ ọrụ adịghị nnukwu mkpa karịa usoro eji arụ ya. Ọ bụrụ na anyị ga-agbaso iwu Jizọs bụ́ ka “Ee” anyị bụrụ “Ee,” anyị ga-enweriri ụzọ anyị ga-esi na-edebe ihe nile anyị na-asị “Ee” nye. Ọ dị ka ihe ọgụgụ isi zuru ezu, ọ kwa ya? N'ezie! Mana ọ dị nwute na mmadụ ole na ole na-eme nke a nke ọma. Ozi ọma dị bụ na, nke a bụ nsogbu dị ezigbo mfe idozinwu.

N'ime oge gị taa, were nkeji iri atọ mee “mwụpụta-uche” nke nkwa ọ bụla i meworo nye onwe gị, nye ndị enyi gị, nye di gị ma ọ bụ nye nwunye gị, nye ụmụ gị, nye ndị ọrụ ibe gị, wee dịrị gawa. Ozugbo ndepụta gị zuru ezu, chọọ nkwa ndị ị ga-akpagharị n'ụka ka isi wee kwee ha ma ọ bụ ndị ị ga-emezu ngwa ngwa. Dịka ọmụmaatụ, ikekwe ị kwere nne nne gị nkwa na ị ga-akpọ ya n'izu gara aga ma ị ka kpọbeghị ya. Were nkeji ise jiri kpọọ nne nne gị ma mezuo nkwa a. Ka "Ee" gị bụrụ "Ee" ọbụlagodi na ị gburu oge n'mmezu nkwa gị. Ana m ekwe gị nkwa, ozugbo ị mechara mgbatị uche a ma nwee ntụkwasị obi na nkwa niile ị kwere esila n'echiche gị pụọ, ị ga-enwe nnukwu nda jụụ na udo dị ukwuu.

Akwụkwọ David Allen dere, Ime Ihe Ka A Hụrụ Anya, bụ ihe kacha mma m chọtara iji nyere gị aka idebe nkwa gị niile ị kwere. Pịa ebe a iji budata mkpirisi nkọwa nke akwụkwọ a na ndụmọdụ ndị ọzọ gbasara otu esi eme ị hụ na "Ee" gị mgbe niile pụtara "Ee” n'ezie.