Josua 12
12
1WALANG li thaniny hnyei a kot ge lakon Isaraela, me hom idrin hnyei hnyi ke keihen Joridano hnyi hna o hnen seûno, hwân hnyi hnyigöulen bucen e Arenona ke ne o but hnyi bucen Heremona, me dok ae tha hon hia e deiö: 2Sihona thaniny at Amora, at ame laba Hesebona, at musi hwân Aroera hnyi baten hnyigöulen bucen e Arenona, me taun hnyi wanben e, me ke keihen Gileada a hafiny, ke ne o but hnyi wagewe Jaboka, hnyigöulen je laku Amona; 3ke hwân hnyi dok ae tha hon, ke ne o but hnyi köiö Kinereth, e deiö, ke ne o but hnyi köien dok ae tha hon, wale Köiö ae Hiny, e deiö, gethen ûheny Beth-jesimoth; me hnyi hwaiöu hmelen je hwatapkoluiny Pisega: 4me hnyigöulö Oga than Basana, hanen kolon tavat ae beû, at ame laba hnyi Aseterotha, me Ederei, 5me musi hnyi bucen Heremona, me hnyi Saleka, me Basana hia, ke ne o but hnyi hnyigöulen at Gesuri, me at Maaka, me ke keihen a hafiny Gileada, hnyigöulö Sihona thaniny Hesebona. 6A kuc ödra Mose athnyabai Iehova me je lakon Isaraela: ke haba Mose athnyabai Iehova ame ham e hnân iny at Reubena, me at Gada, me hafiny tribu Manase.
7Walang je thaniny hnyei a kot Josua me lakon Isaraela hnyi ke keihen Joridano ke e jio, hwân Baala-gada hnyi thopiny Lebanona, ke ne o but hnyi bucen Halaka, gethen ame ölö Seira ai; ke Josua ame ham e ka je tribuiny at Isaraela hnân idrin hoton hna khenâ ködrin; 8hnyi hnyei ae hut, me hnyei ae ca hut me je dok ae tha hon, me je hwatapkolu, me hnyebuba, me hnyi Hwaiöu; a at Heth, me Amora, me Kanana, me Perizi, me Hivi, me Jebusi: 9than Jeriko, khaca; thaniny Ai, wale hakekeny Beth-ela, khaca; 10than Jerusalema, khaca; than Heberona, khaca; 11than Jamuth, khaca; than Lakisa, khaca; 12than Egelona, khaca; than Gezera, khaca; 13than Debira, khaca; than Gedera, khaca; 14than Horema, khaca; than Arada, khaca; 15than Libena, khaca; than Adulama, khaca; 16than Makeda, khaca; than Beth-ela, khaca; 17than Tapua, khaca; than Hefera, khaca; 18than Afeka, khaca; than Lasarona, khaca; 19than Madon, khaca; than Hazora, khaca; 20than Simerona-merona, khaca; than Akesafa, khaca; 21than Tanaka, khaca; than Megido, khaca; 22than Kadesi, khaca; than Jokeneama hnyi Kara-mela, khaca; 23than Dora hnyi bucen Dora, khaca; than Goim hnyi Gilegala, khaca; 24than Tireza, khaca; habi je than hia thithö, me ödrin thote wan.
maintained by the British and Foreign Bible Society