Josua 13
13
1KE a hingat ut Josua, ke se hia but hunainy; ke haba Iehova ame ha kâu, ka habe, U je hingat ut, ke se hia hunaiâm, ke se hia biju je hnyei öbun e tiga ca hûgûnâ. 2Ke walang je hnyei biju: a hnyei hia iny at Filisiti, me at Gesuri hia; 3hwân hnyi Sihora cicö Aigupito, ke ne o but hnyigöulen Ekerona ka hnyi hwadrö, kʼ adre me aû e, me hnyei iny at Kanana: ödrin thabûng je thaniny at Filisiti; ke at Gaza me at Asedoda, me at Asekelona, me at Giti, me at Ekerona, 4me at Avi minya, wale hnyi hwaiöu: hnyei hia iny at Kanana, me Meara hnyei iny at Zidona, ke ne o but Afeka, ke ne o but hnyi hnyigöulen at Amora: 5me hnyei iny at Gebali, me Lebanona hia, hnyi hna o hnen seûno, hwân hnyi Baala-gada hmelen bucen Heremona ke ne o but hnyi gethen ame didro ka hnyi Hamath: 6je aten hia adre me laba hnyi je bucen, hwân Lebanona ke ne o but Miserefa-maim, me at Zidona hia; oge me he ka obʼ ödra hnyi hnyimakan lakon Isaraela: ke so bi hamâm he ka khenâ e hnen ugleköb hnân iny at Isaraela, helâ me hnok hna hûna köu. 7Ke walang ang u me he ka khenâ hnyei ang ka je tribu a nain, me hafiny tribu Manase me idrin: 8ke haba e, a tha e me at Reubena me Gada ödrin e hia but kap idrin, wale a ham ködrin Mose hnyi hoton Joridano e deiö, helâji me a ham ködrin Mose athnyabai Iehova; 9hwân Aroera, hnyi baten hnyigöulen bucen e Arenona, me taun hnyi wanben e, me hnyei hia ae tha hon hnyi Medeba, ke ne o but Dibona; 10me je taun hia anyi Sihona than Amora, at ame musi hnyi Hesebona, ke ne o but hnyigöulen je laku Amona; 11me Gileada, me hnyigöulen at Gesuri, me at Maaka, me bucen Heremona hia, me Basana hia ke ne o but Saleka; 12me dok bu hia dökhu Oga hnyi Basana, at ame musi hnyi Aseterotha, me Ederei (wale ke je kolon tavat ao beû); anyin a Mose ame kuc ödrin me obʼ ödrin dut. 13Ke haba lakon Isaraela adre me ca obâ at Gesuri me Maaka: ke so bi at Gesuri me Maaka ödrin e tha laba me at Isaraela ke ne o but hnyi bong ang. 14Ke hake tribu Levi thiju adre ca khene iny; haba je hut a an hnen meic kö Iehova Khongon at Isaraela, me wale iny, helâ me hnen hna ha ködrin.
15Ke haba Mose ame khenâ ka tribuiny laku Reubena hoton anyidrin je lap. 16Ke haba hnyigöulödrin, hwân Aroera hnyi baten hnyigöulen bucen e Arenona, me taun hnyi wanben e, me hnyei hia ae tha hon hnyi Medeba; 17Hesebona me je tauniny hia thithö hnyi dok ae tha hon; Dibona me Bamotha-baala me Bethe-baalameon; 18me Jahaza, me Kademotha, me Mefat; 19me Kiriathaima, me Sibema, me Zereth-sahar hnyi bucen a e hnyi hnyigöulen bucen; 20me Bethe-peora, me Asedoda-pisega, me Bethe-jesimoth; 21me je taun hia thithö hnyi dok ae tha hon, me dökhu hia dökhu Sihona than at Amora, at ame musi Hesebona, at a hlingâ Mose tha e me je than at Midiana, jia Evi, me Rekem, me Zura, me Huro, me Reba, a je taben unyi Sihona, hnyat labā hnyei. 22Balaama minya nöku Beora, at ame bi khong, ame mokut unyin je komok a hlingâ hnen lakon Isaraela ge hele vat. 23Ke haba hnyigöulen laku Reubena, me Joridano me baten. Me wale iny laku Reubena hoton anyidrin je lap, me je tauniny, me je tauniny ae ûhnyûkong.
24Ke Mose ame khenâ ka tribu Gada, a je laku Gada, hoton anyidrin je lap. 25Ke haba hnyigöulödrin me Jazera me je taun hia hnyi Gileada, me hafiny hnyei iny laku Amona, ke ne o but Aroera cicö Raba; 26ke hwân Hesebona, ke ne o but Ramatha-mizepa, me Betonim; ke hwân Mahanaima ke ne o but hnyigöulen Debira; 27ke haba hnyi hnyegöuleny bucen, me Beth-arama, me Bethe-nimera, me Sukotha, me Zafon, kolon dökhu dökhu Sihona than Hesebona, ke haba hnyigöuleny me Joridano, ke ne o but hnyi obiny köien Kinereth, hnyi ke keihen e deiö Joridano. 28Ke wale hnyei iny laku Gada hoton anyidrin je lap, me je tauniny, me je tauniny ae ûhnyûkong.
29Ke Mose ame khenâ ka hafiny tribu Manase: a wale hobi kâu hafiny tribu Manase, hoton anyidrin je lap. 30Ke haba hnyigöulödrin, me, hwân hnyi Mahanaima, Basana hia, a je dökhu hia dökhu Oga than Basana, me je taun hia anyi Jaira, wale hnyi Basana, je taun a sikste: 31me hafiny Gileada, me Aseterotha, me Ederei, a je tauniny dökhu dökhu Oga hnyi Basana, hnân hobi kâu je laku Makir nöku Manase, hobi kâu ke hafiny laku Makir hoton anyidrin je lap.
32Wale je hnyei a khenâ Mose hnyi dok ae tha hon hnyi Moaba, hnyi ke keihen Joridano, Jeriko ke e deiö, 33Ke Mose ame ca khene iny tribu Levi: Iehova, Khongu Isaraela idrin, helâ me hnen hna ha ködrin.
maintained by the British and Foreign Bible Society