Жаратылыу 6
6
Аллах адам улун къурутургъа оюм этеди
1Адамла жер башында кёбейип башлагъандыла. Алагъа къызла да туугъандыла. 2Аллахны уланлары, адамланы къызлары#6:2 Аллахны уланлары – тюзлюклю Шетни туудукълары. Адамланы къызлары – гюняхлы Къабилни туудукълары. ариу болгъанларын кёрюп, кимни сайласала, кеслерине къатыннга ала эдиле.
3Сора Раббий:
– Мени Рухум адамла бла ёмюрге да кюреш этерик тюйюлдю, нек дегенде, ала – ёллюк чархдыла. Аланы ёмюрлери 120 жыл болсун, – дегенди.
4Ол заманда жер башында пелиуанла бар эдиле, бютюн да, Аллахны уланлары адамланы къызларын алып, ала сабийле тапхан заманда. Ол пелиуанла буруннгулу жигит, атлары айтылгъан адамла эдиле.
5Раббий жер башында адамланы халилери бек бузулгъанын, битеу оюмлары да дайым аманлыкъгъа тартыннганын кёргенди. 6Аны себепли, Раббий адамны жер башына жаратханына сокъураннганды, Аны жюреги бек къыйналгъанды.
7Сора Раббий:
– Мен жаратхан адамланы жер башындан къурутайым; адамланы, хайыуанланы, сюркелип жюрюген жаныуарланы эм кёкде учхан къанатлыланы – барын да къырып бошайым. Мен аланы жаратханыма сокъураннганма, – дегенди.
Нух файхамбар кеме ишлейди
8Нух Раббийни ыразылыгъын тапханды.
9Ма, Нухну жашаууну тарыхы.
Ол заманда жашагъан адамланы арасында Нух тюзлюклю, айыпсыз адам эди, ол Аллах бла жюрюгенди. 10Нухну юч уланы болгъанды: Шем, Хам эм Яфет.
11Аллахны кёз аллында дуния бузулгъан эди, жер башы зорлукъдан толгъан эди. 12Аллах жер башына къарагъанды да, дунияны бузулгъанын кёргенди. Жер башында адамланы бары да жолларын терсине бургъан эдиле.
13Сора Аллах Нухха былай айтханды:
– Адамланы барын да жояргъа бегим этдим, нек десенг, жер аланы зорлукъ этиулеринден толгъанды. Мен аланы да, битеу жер башын да жоярыкъма. 14Сен а кесинге гофер#6:14 Гофер – сарыуул (орус. кипарис) терекге ушагъан терек. агъачдан кеме ишле. Кемеде бёлюмле эт эмда аны ичине, тышына да чайыр жакъ. 15Кемени былай этериксе: узунлугъу 300 къары, кенглиги 50 къары, бийиклиги уа 30 къары#6:15 Къары – билекни жингирикден энишгеси, узунлукъну эрттегили ёлчеми, 0,5 метр чакълы. 300 къары = 150 метр, 50 къары = 25 метр, 30 къары = 15 метр. болсун. 16Кемени башын ишле, башы бла жанларыны арасында бир къарылыкъ бош жер болсун. Кемени эшигин къабыргъасына жерлешдир. Кемеде биринчи, экинчи эм ючюнчю къат мекямла жарашдыр. 17Ма, Мен жер башына суу къыяма келтирликме да, кёклени тюбюнде тылпыуу болгъан хар тюрлю жанлыны къырып бошарыкъма. Жер башында солуу алгъан хар зат ёллюкдю. 18Сени бла уа кесамат этерикме. Уланларынг, къатынынг эм келинлеринг бла бирге кемеге кир. 19Хар тюрлю жаны болгъан затдан экишерин, эркегин бла тишисин, ала сени бла сау къалыр ючюн, кемеге кийир. 20Къанатлыланы, хайыуанланы, жерде сюркелгенлени хар тюрлюсюнден, сен аланы сау къалдырыр ючюн, барындан да экишери санга келликдиле. 21Ашаргъа жарагъан хар тюрлю затны алып, кемеге жый. Ол санга да, алагъа да аш болур.
22Нух барын да, Аллах анга къалай буюргъан эсе да, алай этгенди.
Pilihan Saat Ini:
Жаратылыу 6: МалкъСК
Sorotan
Bagikan
Salin
Ingin menyimpan sorotan di semua perangkat Anda? Daftar atau masuk
© Институт перевода Библии, 2020-2024
Жаратылыу 6
6
Аллах адам улун къурутургъа оюм этеди
1Адамла жер башында кёбейип башлагъандыла. Алагъа къызла да туугъандыла. 2Аллахны уланлары, адамланы къызлары#6:2 Аллахны уланлары – тюзлюклю Шетни туудукълары. Адамланы къызлары – гюняхлы Къабилни туудукълары. ариу болгъанларын кёрюп, кимни сайласала, кеслерине къатыннга ала эдиле.
3Сора Раббий:
– Мени Рухум адамла бла ёмюрге да кюреш этерик тюйюлдю, нек дегенде, ала – ёллюк чархдыла. Аланы ёмюрлери 120 жыл болсун, – дегенди.
4Ол заманда жер башында пелиуанла бар эдиле, бютюн да, Аллахны уланлары адамланы къызларын алып, ала сабийле тапхан заманда. Ол пелиуанла буруннгулу жигит, атлары айтылгъан адамла эдиле.
5Раббий жер башында адамланы халилери бек бузулгъанын, битеу оюмлары да дайым аманлыкъгъа тартыннганын кёргенди. 6Аны себепли, Раббий адамны жер башына жаратханына сокъураннганды, Аны жюреги бек къыйналгъанды.
7Сора Раббий:
– Мен жаратхан адамланы жер башындан къурутайым; адамланы, хайыуанланы, сюркелип жюрюген жаныуарланы эм кёкде учхан къанатлыланы – барын да къырып бошайым. Мен аланы жаратханыма сокъураннганма, – дегенди.
Нух файхамбар кеме ишлейди
8Нух Раббийни ыразылыгъын тапханды.
9Ма, Нухну жашаууну тарыхы.
Ол заманда жашагъан адамланы арасында Нух тюзлюклю, айыпсыз адам эди, ол Аллах бла жюрюгенди. 10Нухну юч уланы болгъанды: Шем, Хам эм Яфет.
11Аллахны кёз аллында дуния бузулгъан эди, жер башы зорлукъдан толгъан эди. 12Аллах жер башына къарагъанды да, дунияны бузулгъанын кёргенди. Жер башында адамланы бары да жолларын терсине бургъан эдиле.
13Сора Аллах Нухха былай айтханды:
– Адамланы барын да жояргъа бегим этдим, нек десенг, жер аланы зорлукъ этиулеринден толгъанды. Мен аланы да, битеу жер башын да жоярыкъма. 14Сен а кесинге гофер#6:14 Гофер – сарыуул (орус. кипарис) терекге ушагъан терек. агъачдан кеме ишле. Кемеде бёлюмле эт эмда аны ичине, тышына да чайыр жакъ. 15Кемени былай этериксе: узунлугъу 300 къары, кенглиги 50 къары, бийиклиги уа 30 къары#6:15 Къары – билекни жингирикден энишгеси, узунлукъну эрттегили ёлчеми, 0,5 метр чакълы. 300 къары = 150 метр, 50 къары = 25 метр, 30 къары = 15 метр. болсун. 16Кемени башын ишле, башы бла жанларыны арасында бир къарылыкъ бош жер болсун. Кемени эшигин къабыргъасына жерлешдир. Кемеде биринчи, экинчи эм ючюнчю къат мекямла жарашдыр. 17Ма, Мен жер башына суу къыяма келтирликме да, кёклени тюбюнде тылпыуу болгъан хар тюрлю жанлыны къырып бошарыкъма. Жер башында солуу алгъан хар зат ёллюкдю. 18Сени бла уа кесамат этерикме. Уланларынг, къатынынг эм келинлеринг бла бирге кемеге кир. 19Хар тюрлю жаны болгъан затдан экишерин, эркегин бла тишисин, ала сени бла сау къалыр ючюн, кемеге кийир. 20Къанатлыланы, хайыуанланы, жерде сюркелгенлени хар тюрлюсюнден, сен аланы сау къалдырыр ючюн, барындан да экишери санга келликдиле. 21Ашаргъа жарагъан хар тюрлю затны алып, кемеге жый. Ол санга да, алагъа да аш болур.
22Нух барын да, Аллах анга къалай буюргъан эсе да, алай этгенди.
Pilihan Saat Ini:
:
Sorotan
Bagikan
Salin
Ingin menyimpan sorotan di semua perangkat Anda? Daftar atau masuk
© Институт перевода Библии, 2020-2024