मत्ती 5
5
येशूये डाँडाङ याछ उपदेश
(लूका ६:२०-२३)
1भर्मीकुङ बाड्को भीड डाङार येशू डाँडाङ नुङार ङुवा, र चेलाको र होसको लेठाङ नुङा। 2होटै होसकै होखुरीककी शिक्षा याखी ठाला:
3 “लाहाकी आत्माङ गरीब मन्डीचको कुडीक आशिष डुप्चको ले!
हीजैडेनाङ स्वर्गुङ राज्य होखुरीकुङ न हो।
4 शोक जाट्चको कुडीक आशिष डुप्चको ले!
हीजैडेनाङ होखुरीकै सान्त्वना डुप्ले।
5 नम्र छान्चको कुडीक आशिष डुप्चको ले!
हीजैडेनाङ होखुरीकै पृथ्वीयुङ अधिकार जाट्की डुप्ले।
6 कुडीक आशिष डुप्चको ले धार्मिकतौ लागि रन्छीचको र सोन्छको!
हीजैडेनाङ होखुरीक ह्रास्ले।
7 दया जाट्चको कुडीक आशिष डुप्चको ले!
हीजैडेनाङ होखुरीकै दया डुप्ले।
8 शुद्ध मीमन लेचको कुडीक आशिष डुप्चको ले!
हीजैडेनाङ होखुरीकै परमेश्वरकी डाङ्ले।
9 मेलमिलाप जाटाक्चको कुडीक आशिष डुप्चको ले!
हीजैडेनाङ होखुरीककी परमेश्वरौ मीजाको डेले।
10 धार्मिकतौ लागि दु:ख भोग्डीचको कुडीक आशिष डुप्चको ले!
हीजैडेनाङ स्वर्गुङ राज्य होखुरीकुङ न हो।
11 “नाखुरीक आशिष डुप्चको हो, जब ङाकी विश्वास जाट्च कारणै नाखुरीककी भर्मीकै निन्दा जाट्ले र सतडीले, र झूटो ङाकार नाखुरीकुङ विरुद्धाङ पट्ट न खालुङ मासेछ कुराको डेले। 12होडीक बेला नाखुरीक साप्फी माह्राङ्नी, हीजैडेनाङ स्वर्गाङ नाखुरीकुङ इनाम बाड्को ले। होटजाट्न न खायाकुङ अगमवक्ताकोलाक र होखुरीकै सतडीमन्या।
छा र ज्योतियो उदाहरण
(मर्कूस ९:५०; लूका १४:३४-३५; ११:३३)
13 “नाखुरीक च पृथ्वीयुङ छा हो। तर छओ स्वाद नुङा डेनाङ होसकी फेरि हीये सेस्च खास्की ह्योक्ले र? होसे हीयाङ र काम मालग्डीस्ले र होसकी बाहिर लोम्हकाले र भर्मीकुङ मीखुट्यै फेट्ले।
14 “नाखुरीक चहिँ संसारुङ ज्योति हो। डाँडाङ खास्च सहर आर्च्युखी माह्योक्ले। 15र भर्मीकै बत्ती ढाकार पाथीये माहुप्ले, तर सामदानाङ डाले होटबाटै इमाङ लेच पट्ट न भर्मीकुङ लागि होचे ट्याङ्छ याल्हे। 16होटजाट्न न नाखुरीकुङ ज्योति भर्मीकुङ म्याहासाङ चम्कडीस्ख्यो, र होखुरीकै नाखुरीकुङ सेछ कामको डाङ्ख्यो, अनि स्वर्गाङ लेच नाखुरीकुङ बोयो प्रशंसा जाट्ख्यो।
व्यवस्था मन्डीच बारेयाङ शिक्षा
(लूका १६:१७)
17 “मोशै याछ व्यवस्था र अगमवक्ताकै डेच वचन रद्द जाट्की डेम ङा राछ हो डेम माआर्मीट्नी तर ङा रद्द जाट्की होइन पूरा जाट्की डेम राछ हो। 18हीजैडेनाङ ङा साँच्ची न नाखुरीककी डेले, जबसम्म स्वर्ग र पृथ्वी म्हाटार मानुङ्ले तबसम्म व्यवस्थाङ लेच पट्ट न कुराको पूरा माछान्ठर कुसे किसिमै र व्यवस्था लकीङ मार्जा-मार्जा कुराको र म्हाटार मानुङ्ले। 19होटबाटै सुये व्यवस्थौ मार्जा डेनाङ मार्जा आज्ञा मामन्डीच र मामन्डीकी डेम पाहाक्च भर्मी स्वर्गौ राज्याङ पट्ट डेनाङ मार्जा ठहरीस्ले। तर सुये होसे आज्ञाको मन्डीले र अरुकी र मन्डीकी लैडीले होसे चहिँ स्वर्गौ राज्याङ बाड्को ठहरीस्ले। 20होटबाटै ङा नाखुरीककी डेले, व्यवस्थौ अगमवक्ताकोलाक धर्मगुरु र फरिसीकै डेनाङ सेम्ह मामन्डीया डेनाङ नाखुरीक स्वर्गौ राज्याङ पर्की माडुप्ले।
मीरीस र हत्या
21 “नाखुरीकै सेमने, खायाकुङ भर्मीकोलाक इट डेमन्या, ‘नाकै भर्मी मासाट्की, सुये साट्ले होचे दण्ड डुप्ले।’ #
प्रस्थान २०:१३
22तर ङा नाखुरीककी डेले, सुर भर्मी अरुखाटा होटन मीरीस ख्योल्हे डेनाङ होचे दण्ड डुप्ले। सुये अरु भर्मीयो अपमान जाट्ले, होचे महासभाङ जवाफ याखी पर्ले। सुये अरु भर्मीकी ‘नाङ मूर्ख’ डेले, होसे नरकौ म्हेयाङ पर्ले।
23 “होटबाटै नाकै वेदीयाङ भेटी चढडीच बेलाङ अरु भर्मीयो मीमनाङ नाकुङ विरुद्धाङ हीर ले डेम नाकै आर्मीटा डेनाङ, 24नाकुङ भेटी वेदीयो अगाडि डासार नुङ्नी। अनि पहिला नुङार होसे भर्मीखाटा खाट्नी र राहार लहो भेटी चढडीनी।
25 “नाकुङ झगडीयाखाटा अदालताङ टाखी डेनाङ अगाडि लामाङ न खाट्की क्योट्नी। नभा च होचे नाकोकी न्यायाधीशौ मीहुटाङ काम याल्हे, र न्यायाधीशै अधिकृतौ मीहुटाङ काम याल्हे, होटै नाको झ्यालखानाङ पर्ले। 26साँच्ची न, ङा नाखुरीककी डेले, होडीक बेला काट-काट जरिमानौ पैसा चुक्ता माजाट्ठर नाको होटै ख्योखी माढीन्ले।
व्यभिचारौ बारेयाङ शिक्षा
27 “‘नाखुरीकै व्यभिचार जाट्की माछान्ने’ #
प्रस्थान २०:१४
डेच कुरा च सेमने। 28तर ङा नाखुरीककी डेले, सुयेर कुसे मास्टोकी मासेछ विचारै ङोस्ले, होचे अघि लकीङ न लहो मीमनाङ होसेखाटा व्यभिचार जाट्न भ्याच छान्ने। 29इडीक नाकुङ डोर मीमीकै नाकोकी पाप जाट्की लैडीले डेनाङ होसकी डोनार लोम्हकानी। नाकुङ पट्ट न शरीर नरकाङ लोखी डेनाङ च बरु नाकुङ अङ्गको मध्याङ काट मालेनाङ नाकोकी सेम्ह छान्ने। 30होटजाट्न न इडीक नाकुङ मीहुटै नाकोकी पाप जाट्की लैडीले डेनाङ होसकी चेयार लोम्हकानी। नाकुङ पट्ट न शरीर नरकाङ नुङ्की डेनाङ च होसे मीहुट मालेनाङ न नाकुङ लागि सेम्ह छान्ने।
छोड पत्र बारे शिक्षा
(मत्ती १९:९; मर्कूस १०:११-१२; लूका १६:१८)
31 “इट डेमने, ‘सुये लहो मास्टोकी डास्ले, होचे होसकी छोड पत्र रीकार याख्यो।’ #
व्यवस्था २४:१
32तर ङा नाखुरीककी डेले, सुये लहो मास्टोकी व्यभिचारौ दोष बाहेक अरु न कारणै डास्ले, होचे होसकी व्यभिचार जाट्च खास्ले जब होसे मास्टोये फेरि ब्याहा जाट्ले। र सुये डास्च मास्टोखाटा ब्याहा जाट्ले, होचे र व्यभिचार जाट्ले।
शपथ माज्याच बारेयाङ शिक्षा
33 “नाखुरीकै सेमने, खायाकुङ भर्मीकोलाक र डेमन्या, ‘नाकै झूटो शपथ माज्याकी, तर परमप्रभुओ लागि जाट्च शपथ चहिँ नाकै पूरा जाट्की।’ #
गन्ती ३०:२
34तर ङा नाखुरीककी डेले, कुसे कुराङ र शपथ माज्याकी। झन् स्वर्गौ म्यार्मीनाङ च शपथ ज्यार माज्याकी, हीजैडेनाङ होसे परमेश्वरौ सिंहासन हो। 35र पृथ्वीयो म्यार्मीनाङ र शपथ माज्याकी, हीजैडेनाङ होसे परमेश्वरौ मीकु बाट्च ठाउँ हो। र यरूशलेमौ म्यार्मीनाङ र शपथ माज्यानी, होसे स्वर्गाङ लेच महाराजौ सहर हो। 36लहो मीटालु छुवार शपथ माज्यानी, हीजैडेनाङ नाकै काट मीछामकी र चीछ वा बोच खास्की माह्योक्ले। 37नाखुरीकै डेच कुरा चहिँ ‘हो’ डेनाङ ‘हो’ ‘होइन’ डेनाङ ‘होइन’ डेनी। इसे डेनाङ धेरै चहिँ शैतान लकीङ राल्हे।
बदला मालाकी डेच शिक्षा
(लूका ६:२९-३०)
38 “नाखुरीकै इट डेच सेमने, ‘मीमीकौ बदला मीमीक, र मीस्याकौ बदला मीस्याक।’ #
प्रस्थान २१:२४; लेवी २४:२०; व्यवस्था १९:२१ 39तर ङा नाखुरीककी डेले, दुष्ट भर्मीकी विरोध माजाट्नी। इडीक सुये नाकुङ डोर गालाङ हीर्कडीले, होसकी देब्रे गाला र ठोम्ह यान्ही। 40इडीक सुयेर मुद्दा याहार नाकुङ दौरा आल्खी पाले डेनाङ, होसकी नाकुङ कोट र यान्ही। 41र नाकोकी सिपाहीकै#५:४१ सिपाहीकै: होसे समयाङ, रोमी सिपाहीको अथवा सरकारी भर्मीकै लहो भारी सुकी बुसाक्की मीमन सेले होसकी बुसाक्न्या। काट किलोमिटर नुङ्की लैडीले डेनाङ, होसेखाटा नीस किलोमिटर नुङ्ङ यान्ही। 42नाकोखाटा ङेछकी यान्ही, र ऋण लाकी मीमन जाट्चकी माह्याले माडेकी।
शत्रुकी र माया जाट्की
(लूका ६:२७-२८,३२-३६)
43 “नाखुरीकै इट डेच सेमने, ‘नाकुङ छिमेकीकी माया जाट्की, अनि नाकुङ शत्रुकी घृणा#5:43 शत्रुकी घृणा: पुरानो कराराङ शत्रुकी घृणा जाट्की डेयार आज्ञा माह्यामने तर होसे समयाङ इसे कुरा चहिँ यहूदी धर्मगुरुकै पाहाक्च शिक्षा मट्टै हो। जाट्की।’ 44तर ङा नाखुरीककी डेले, लहो शत्रुकोलाक माया जाट्नी, र नाखुरीककी खेदो जाट्चकुङ लागि प्रार्थना जाट्नी। 45इडीक नाखुरीकै याङ्च जाटा डेनाङ नाखुरीक स्वर्गाङ लेच बोयो मीजाको छान्ने। हीजैडेनाङ होसकै दुष्ट र असल नीसकी न नाखानौ खान्छ याल्हे, अनि धर्मी र पापी नीसकी न नामास राहाक्ङ याल्हे। 46इडीक नाखुरीककी माया जाट्चकोलाक मट्टै माया जाटा डेनाङ च नाखुरीकै ही इनाम डुप्की ह्योक्ले र? ही होट च कर सोट्चकै र होटन माजाट्ले र? 47नाखुरीक लहो भर्मीकोलाक मट्टै स्वागत जाट्ले डेनाङ अरुकै डेनाङ ही बाड्को काम जाट्च छान्ने र? होङ्च च अन्यजातिकै र माजाट्ले र? 48कुटजाट्न नाखुरीकुङ स्वर्गाङ लेच बोइ सिद्ध ले, होटजाट्न न नाखुरीक र पट्ट न कुराङ सिद्ध छान्नी।”
Pilihan Saat Ini:
मत्ती 5: EMGP
Sorotan
Bagikan
Salin
Ingin menyimpan sorotan di semua perangkat Anda? Daftar atau masuk
© 2025 by Mother Tongue Translators Society and Wycliffe Bible Translators, Inc.
मत्ती 5
5
येशूये डाँडाङ याछ उपदेश
(लूका ६:२०-२३)
1भर्मीकुङ बाड्को भीड डाङार येशू डाँडाङ नुङार ङुवा, र चेलाको र होसको लेठाङ नुङा। 2होटै होसकै होखुरीककी शिक्षा याखी ठाला:
3 “लाहाकी आत्माङ गरीब मन्डीचको कुडीक आशिष डुप्चको ले!
हीजैडेनाङ स्वर्गुङ राज्य होखुरीकुङ न हो।
4 शोक जाट्चको कुडीक आशिष डुप्चको ले!
हीजैडेनाङ होखुरीकै सान्त्वना डुप्ले।
5 नम्र छान्चको कुडीक आशिष डुप्चको ले!
हीजैडेनाङ होखुरीकै पृथ्वीयुङ अधिकार जाट्की डुप्ले।
6 कुडीक आशिष डुप्चको ले धार्मिकतौ लागि रन्छीचको र सोन्छको!
हीजैडेनाङ होखुरीक ह्रास्ले।
7 दया जाट्चको कुडीक आशिष डुप्चको ले!
हीजैडेनाङ होखुरीकै दया डुप्ले।
8 शुद्ध मीमन लेचको कुडीक आशिष डुप्चको ले!
हीजैडेनाङ होखुरीकै परमेश्वरकी डाङ्ले।
9 मेलमिलाप जाटाक्चको कुडीक आशिष डुप्चको ले!
हीजैडेनाङ होखुरीककी परमेश्वरौ मीजाको डेले।
10 धार्मिकतौ लागि दु:ख भोग्डीचको कुडीक आशिष डुप्चको ले!
हीजैडेनाङ स्वर्गुङ राज्य होखुरीकुङ न हो।
11 “नाखुरीक आशिष डुप्चको हो, जब ङाकी विश्वास जाट्च कारणै नाखुरीककी भर्मीकै निन्दा जाट्ले र सतडीले, र झूटो ङाकार नाखुरीकुङ विरुद्धाङ पट्ट न खालुङ मासेछ कुराको डेले। 12होडीक बेला नाखुरीक साप्फी माह्राङ्नी, हीजैडेनाङ स्वर्गाङ नाखुरीकुङ इनाम बाड्को ले। होटजाट्न न खायाकुङ अगमवक्ताकोलाक र होखुरीकै सतडीमन्या।
छा र ज्योतियो उदाहरण
(मर्कूस ९:५०; लूका १४:३४-३५; ११:३३)
13 “नाखुरीक च पृथ्वीयुङ छा हो। तर छओ स्वाद नुङा डेनाङ होसकी फेरि हीये सेस्च खास्की ह्योक्ले र? होसे हीयाङ र काम मालग्डीस्ले र होसकी बाहिर लोम्हकाले र भर्मीकुङ मीखुट्यै फेट्ले।
14 “नाखुरीक चहिँ संसारुङ ज्योति हो। डाँडाङ खास्च सहर आर्च्युखी माह्योक्ले। 15र भर्मीकै बत्ती ढाकार पाथीये माहुप्ले, तर सामदानाङ डाले होटबाटै इमाङ लेच पट्ट न भर्मीकुङ लागि होचे ट्याङ्छ याल्हे। 16होटजाट्न न नाखुरीकुङ ज्योति भर्मीकुङ म्याहासाङ चम्कडीस्ख्यो, र होखुरीकै नाखुरीकुङ सेछ कामको डाङ्ख्यो, अनि स्वर्गाङ लेच नाखुरीकुङ बोयो प्रशंसा जाट्ख्यो।
व्यवस्था मन्डीच बारेयाङ शिक्षा
(लूका १६:१७)
17 “मोशै याछ व्यवस्था र अगमवक्ताकै डेच वचन रद्द जाट्की डेम ङा राछ हो डेम माआर्मीट्नी तर ङा रद्द जाट्की होइन पूरा जाट्की डेम राछ हो। 18हीजैडेनाङ ङा साँच्ची न नाखुरीककी डेले, जबसम्म स्वर्ग र पृथ्वी म्हाटार मानुङ्ले तबसम्म व्यवस्थाङ लेच पट्ट न कुराको पूरा माछान्ठर कुसे किसिमै र व्यवस्था लकीङ मार्जा-मार्जा कुराको र म्हाटार मानुङ्ले। 19होटबाटै सुये व्यवस्थौ मार्जा डेनाङ मार्जा आज्ञा मामन्डीच र मामन्डीकी डेम पाहाक्च भर्मी स्वर्गौ राज्याङ पट्ट डेनाङ मार्जा ठहरीस्ले। तर सुये होसे आज्ञाको मन्डीले र अरुकी र मन्डीकी लैडीले होसे चहिँ स्वर्गौ राज्याङ बाड्को ठहरीस्ले। 20होटबाटै ङा नाखुरीककी डेले, व्यवस्थौ अगमवक्ताकोलाक धर्मगुरु र फरिसीकै डेनाङ सेम्ह मामन्डीया डेनाङ नाखुरीक स्वर्गौ राज्याङ पर्की माडुप्ले।
मीरीस र हत्या
21 “नाखुरीकै सेमने, खायाकुङ भर्मीकोलाक इट डेमन्या, ‘नाकै भर्मी मासाट्की, सुये साट्ले होचे दण्ड डुप्ले।’ #
प्रस्थान २०:१३
22तर ङा नाखुरीककी डेले, सुर भर्मी अरुखाटा होटन मीरीस ख्योल्हे डेनाङ होचे दण्ड डुप्ले। सुये अरु भर्मीयो अपमान जाट्ले, होचे महासभाङ जवाफ याखी पर्ले। सुये अरु भर्मीकी ‘नाङ मूर्ख’ डेले, होसे नरकौ म्हेयाङ पर्ले।
23 “होटबाटै नाकै वेदीयाङ भेटी चढडीच बेलाङ अरु भर्मीयो मीमनाङ नाकुङ विरुद्धाङ हीर ले डेम नाकै आर्मीटा डेनाङ, 24नाकुङ भेटी वेदीयो अगाडि डासार नुङ्नी। अनि पहिला नुङार होसे भर्मीखाटा खाट्नी र राहार लहो भेटी चढडीनी।
25 “नाकुङ झगडीयाखाटा अदालताङ टाखी डेनाङ अगाडि लामाङ न खाट्की क्योट्नी। नभा च होचे नाकोकी न्यायाधीशौ मीहुटाङ काम याल्हे, र न्यायाधीशै अधिकृतौ मीहुटाङ काम याल्हे, होटै नाको झ्यालखानाङ पर्ले। 26साँच्ची न, ङा नाखुरीककी डेले, होडीक बेला काट-काट जरिमानौ पैसा चुक्ता माजाट्ठर नाको होटै ख्योखी माढीन्ले।
व्यभिचारौ बारेयाङ शिक्षा
27 “‘नाखुरीकै व्यभिचार जाट्की माछान्ने’ #
प्रस्थान २०:१४
डेच कुरा च सेमने। 28तर ङा नाखुरीककी डेले, सुयेर कुसे मास्टोकी मासेछ विचारै ङोस्ले, होचे अघि लकीङ न लहो मीमनाङ होसेखाटा व्यभिचार जाट्न भ्याच छान्ने। 29इडीक नाकुङ डोर मीमीकै नाकोकी पाप जाट्की लैडीले डेनाङ होसकी डोनार लोम्हकानी। नाकुङ पट्ट न शरीर नरकाङ लोखी डेनाङ च बरु नाकुङ अङ्गको मध्याङ काट मालेनाङ नाकोकी सेम्ह छान्ने। 30होटजाट्न न इडीक नाकुङ मीहुटै नाकोकी पाप जाट्की लैडीले डेनाङ होसकी चेयार लोम्हकानी। नाकुङ पट्ट न शरीर नरकाङ नुङ्की डेनाङ च होसे मीहुट मालेनाङ न नाकुङ लागि सेम्ह छान्ने।
छोड पत्र बारे शिक्षा
(मत्ती १९:९; मर्कूस १०:११-१२; लूका १६:१८)
31 “इट डेमने, ‘सुये लहो मास्टोकी डास्ले, होचे होसकी छोड पत्र रीकार याख्यो।’ #
व्यवस्था २४:१
32तर ङा नाखुरीककी डेले, सुये लहो मास्टोकी व्यभिचारौ दोष बाहेक अरु न कारणै डास्ले, होचे होसकी व्यभिचार जाट्च खास्ले जब होसे मास्टोये फेरि ब्याहा जाट्ले। र सुये डास्च मास्टोखाटा ब्याहा जाट्ले, होचे र व्यभिचार जाट्ले।
शपथ माज्याच बारेयाङ शिक्षा
33 “नाखुरीकै सेमने, खायाकुङ भर्मीकोलाक र डेमन्या, ‘नाकै झूटो शपथ माज्याकी, तर परमप्रभुओ लागि जाट्च शपथ चहिँ नाकै पूरा जाट्की।’ #
गन्ती ३०:२
34तर ङा नाखुरीककी डेले, कुसे कुराङ र शपथ माज्याकी। झन् स्वर्गौ म्यार्मीनाङ च शपथ ज्यार माज्याकी, हीजैडेनाङ होसे परमेश्वरौ सिंहासन हो। 35र पृथ्वीयो म्यार्मीनाङ र शपथ माज्याकी, हीजैडेनाङ होसे परमेश्वरौ मीकु बाट्च ठाउँ हो। र यरूशलेमौ म्यार्मीनाङ र शपथ माज्यानी, होसे स्वर्गाङ लेच महाराजौ सहर हो। 36लहो मीटालु छुवार शपथ माज्यानी, हीजैडेनाङ नाकै काट मीछामकी र चीछ वा बोच खास्की माह्योक्ले। 37नाखुरीकै डेच कुरा चहिँ ‘हो’ डेनाङ ‘हो’ ‘होइन’ डेनाङ ‘होइन’ डेनी। इसे डेनाङ धेरै चहिँ शैतान लकीङ राल्हे।
बदला मालाकी डेच शिक्षा
(लूका ६:२९-३०)
38 “नाखुरीकै इट डेच सेमने, ‘मीमीकौ बदला मीमीक, र मीस्याकौ बदला मीस्याक।’ #
प्रस्थान २१:२४; लेवी २४:२०; व्यवस्था १९:२१ 39तर ङा नाखुरीककी डेले, दुष्ट भर्मीकी विरोध माजाट्नी। इडीक सुये नाकुङ डोर गालाङ हीर्कडीले, होसकी देब्रे गाला र ठोम्ह यान्ही। 40इडीक सुयेर मुद्दा याहार नाकुङ दौरा आल्खी पाले डेनाङ, होसकी नाकुङ कोट र यान्ही। 41र नाकोकी सिपाहीकै#५:४१ सिपाहीकै: होसे समयाङ, रोमी सिपाहीको अथवा सरकारी भर्मीकै लहो भारी सुकी बुसाक्की मीमन सेले होसकी बुसाक्न्या। काट किलोमिटर नुङ्की लैडीले डेनाङ, होसेखाटा नीस किलोमिटर नुङ्ङ यान्ही। 42नाकोखाटा ङेछकी यान्ही, र ऋण लाकी मीमन जाट्चकी माह्याले माडेकी।
शत्रुकी र माया जाट्की
(लूका ६:२७-२८,३२-३६)
43 “नाखुरीकै इट डेच सेमने, ‘नाकुङ छिमेकीकी माया जाट्की, अनि नाकुङ शत्रुकी घृणा#5:43 शत्रुकी घृणा: पुरानो कराराङ शत्रुकी घृणा जाट्की डेयार आज्ञा माह्यामने तर होसे समयाङ इसे कुरा चहिँ यहूदी धर्मगुरुकै पाहाक्च शिक्षा मट्टै हो। जाट्की।’ 44तर ङा नाखुरीककी डेले, लहो शत्रुकोलाक माया जाट्नी, र नाखुरीककी खेदो जाट्चकुङ लागि प्रार्थना जाट्नी। 45इडीक नाखुरीकै याङ्च जाटा डेनाङ नाखुरीक स्वर्गाङ लेच बोयो मीजाको छान्ने। हीजैडेनाङ होसकै दुष्ट र असल नीसकी न नाखानौ खान्छ याल्हे, अनि धर्मी र पापी नीसकी न नामास राहाक्ङ याल्हे। 46इडीक नाखुरीककी माया जाट्चकोलाक मट्टै माया जाटा डेनाङ च नाखुरीकै ही इनाम डुप्की ह्योक्ले र? ही होट च कर सोट्चकै र होटन माजाट्ले र? 47नाखुरीक लहो भर्मीकोलाक मट्टै स्वागत जाट्ले डेनाङ अरुकै डेनाङ ही बाड्को काम जाट्च छान्ने र? होङ्च च अन्यजातिकै र माजाट्ले र? 48कुटजाट्न नाखुरीकुङ स्वर्गाङ लेच बोइ सिद्ध ले, होटजाट्न न नाखुरीक र पट्ट न कुराङ सिद्ध छान्नी।”
Pilihan Saat Ini:
:
Sorotan
Bagikan
Salin
Ingin menyimpan sorotan di semua perangkat Anda? Daftar atau masuk
© 2025 by Mother Tongue Translators Society and Wycliffe Bible Translators, Inc.