मत्ती 2
2
येशूकी दर्शन जाट्की राछ ज्योतिषीको
1येशूओ जन्म यहूदियुङ बेथलेहेम डेच लाङ्घाङ छान्नन्या। होडीक बेलुङ राजा चहिँ हेरोद लेया। तब पूर्वउङ ज्योतिषीको होसकोकी पाचै यरूशलेमाङ राहा। 2होखुरीकै इट डेयार गीना, “चाम-चाम यहूदीकुङ राजा छानार जन्मडीस्च कुला ले? हीजैडेनाङ कानै होसको जन्मडीस्च कुरा थाहा याछ टुगाकी पूर्वाङ फेर्च डाङा र होसकुङ दर्शन जाट्की राछ हो।”
3इसे कुरा सेयार हेरोद राजा आटडीसा, र होसकोखाटा यरूशलेमुङ पट्ट न भर्मीको र आटडीसा। 4होटै हेरोद राजै मुख्य पूजाहारीको र धर्मगुरुकोलाक आर्घा अनि भेला जाटार गीना, “मुक्ति याछ ख्रीष्टौ जन्म कुला छान्ने?” 5होखुरीकै डेया, “यहूदियुङ बेथलेहेम लाङ्घाङ, हीजैडेनाङ धर्मशास्त्राङ अगमवक्तै इसे बारेयाङ इट डेम रीक्ङने:
6‘ए यहूदियाङ लेच बेथलेहेम लाङ्घा,
नाङ कुसे किसिमै र यहूदियुङ शासककुङ मीघ्याङ कुसे डेनाङ र मार्जा माले
हीजैडेनाङ नाङ लकीङ काट जना शासक ख्योम्ह राल्हे,
होचे गोठ्लाकै लेखा न ङौ भर्मी इस्राएलीकुङ हेरचाह जाट्ले।’#मीका ५:२”
7इसे कुरा सेयार हेरोदै पूर्व लकीङ राछ ज्योतिषीकोलाक सुटुक्क आर्घार टुगा कुडीक बेला डाङ्च हो, डेम गीनार पत्ता लैडीया। 8हेरोदै होखुरीककी बेथलेहेमाङ इट डेम बीर्न्हका, “नाखुरीक नुङार होसे बालककी सेम्हजा पानी। होसकी डुप्रखीङ ङाकी खबर जाट्की, अनि ङा र नुङार होसकोकी दर्शन जाट्ले।”
9हेरोद राजौ कुरा सेयार ज्योतिषीको बेथलेहेम पट्टी ह्वा। लामाङ नुङ्चै जाट्नाङ होखुरीकै पहिला पूर्वाङ फेर्न ङुच होसे न टुगाकी फेरि डाङा। होसे टुगा होखुरीकुङ अघि-अघि नुङा र बालक लेच ठाऔ सीधा ढेनाम टाहा र होसे टुगा होला न अडडीसा। 10जब होखुरीकै होसे टुगा डाङा, र होखुरीक साह्रै न माह्राङा।
11ज्योतिषीको होसे इमाङ टाहा र होखुरीक भित्री पर्या, बालककी होसकुङ मोइ मरियमखाटा न डाङा, र होसकुङ मीकुवाङ घुकुरुक छानार होखुरीकै दर्शन जाटा। होटै न्हुइङ लाहा लहो कन्तुर खोलीयार सुन, बासना राछ धुप र मूर्रओ भेटी चढडीया।
12होटै न्हुइङ ज्योतिषीकै माङ्नामाङ “हेरोद लेठाङ ल्हेसार मानुङ्की” डेच परमेश्वरौ चेतावनी डुपार होखुरीक अर्को न लाम छानार लहो देशाङ ल्हेसा।
योसेफ लहो जहान लार मिश्राङ भोग्डीस्च
13होसे ज्योतिषीको नुङ्रखीङ योसेफै माङ्नामाङ परमप्रभुओ काट स्वर्गदूतकी डाङा र स्वर्गदूतै डेया, “सोना, तुरुन्तै बालक र होसकुङ मोइकी लार मिश्राङ भोग्डीस्की क्योटो। ङै ल्हेसार राखी माडेठर नाखुरीक होला न ङुकी हीजैडेनाङ हेरोदै बालककी साट्च विचार जाट्न न ले।”
14याङ्च माङ्नाम डाङ्रखीङ योसेफ सोवार बालक र होसकुङ मोइकी लार मिश्र देशाङ नाबीक न ह्वा। 15होटै हेरोद राजा मासीठर होखुरीक होला न ङुवा। इटजाट्न परमप्रभुये अगमवक्ता लकीङ ङाक्च वचन पूरा छाना, “ङै मिश्र देश लकीङ ङाल्हौ मीजाकी आर्घा।”#होशे ११:१
हेरोदै लेन्जा मीजाकोलाक साट्की लैडीच
16जब ज्योतिषीकै लाहाकी ढाँट्डीच कुरा हेरोदै थाहा डीन्हा, र होसे साप्फी मीरीस ख्योहा। ज्योतिषीको लकीङ टुगा कुसे समयाङ डाङ्ङन्या डेच कुरा थाहा छान्च अनुसार हेरोदै बेथलेहेम र होसे वार्लाक-पार्लकुङ लाङ्घुङ नीस वर्ष म्हाकुङ पट्ट न लेन्जा मीजाकोलाक साट्की लैडीया। 17तब होडीक बेला यर्मिया अगमवक्तै डेच वचन पूरा छाना,
18“रामा डेच ठावाङ काट स्वर सेया,
डाँको डास्न-डास्न राप्च र विलाप जाट्च बाड्को स्वर,
राहेल लहो मीजाकुङ लागि राप्म ङुच,
सान्त्वना यान्हाङ र होचे इन्कार जाटा,
हीजैडेनाङ होच्यो मीजाको सीमने।”#यर्मिया ३१:१५
19हेरोद सीरखीङ योसेफै परमप्रभुओ काट स्वर्गदूतकी मिश्र देशाङ माङ्नामाङ डाङा, 20र योसेफकी डेया, “सोना, बालक र होसकुङ मोइकी लार इस्राएल देशाङ ल्हेसो हीजैडेनाङ बालककी साट्की पाचको सीम भ्यामने।” 21होटै न्हुइङ योसेफै येशू र होसकुङ मोइकी लार इस्राएल देशाङ ल्हेसा।
22तर यहूदियाङ हेरोदौ मीजा अर्खीलाउसै बोयो ठावाङ राज्य जाट्न न ले डेच सेया र योसेफ होला नुङ्की बीह्रीया। फेरि परमप्रभु लकीङ माङ्नामाङ चेतावनी डुपार होसे गालीलाङ नुङा। 23होसे नुङार नासरत डेच ठावाङ ङुवा। इटजाट्न अगमवक्ताको लकीङ ङाक्च वचन पूरा छाना, “होसकोकी नासरी डेले।”
Pilihan Saat Ini:
मत्ती 2: EMGP
Sorotan
Bagikan
Salin
Ingin menyimpan sorotan di semua perangkat Anda? Daftar atau masuk
© 2025 by Mother Tongue Translators Society and Wycliffe Bible Translators, Inc.
मत्ती 2
2
येशूकी दर्शन जाट्की राछ ज्योतिषीको
1येशूओ जन्म यहूदियुङ बेथलेहेम डेच लाङ्घाङ छान्नन्या। होडीक बेलुङ राजा चहिँ हेरोद लेया। तब पूर्वउङ ज्योतिषीको होसकोकी पाचै यरूशलेमाङ राहा। 2होखुरीकै इट डेयार गीना, “चाम-चाम यहूदीकुङ राजा छानार जन्मडीस्च कुला ले? हीजैडेनाङ कानै होसको जन्मडीस्च कुरा थाहा याछ टुगाकी पूर्वाङ फेर्च डाङा र होसकुङ दर्शन जाट्की राछ हो।”
3इसे कुरा सेयार हेरोद राजा आटडीसा, र होसकोखाटा यरूशलेमुङ पट्ट न भर्मीको र आटडीसा। 4होटै हेरोद राजै मुख्य पूजाहारीको र धर्मगुरुकोलाक आर्घा अनि भेला जाटार गीना, “मुक्ति याछ ख्रीष्टौ जन्म कुला छान्ने?” 5होखुरीकै डेया, “यहूदियुङ बेथलेहेम लाङ्घाङ, हीजैडेनाङ धर्मशास्त्राङ अगमवक्तै इसे बारेयाङ इट डेम रीक्ङने:
6‘ए यहूदियाङ लेच बेथलेहेम लाङ्घा,
नाङ कुसे किसिमै र यहूदियुङ शासककुङ मीघ्याङ कुसे डेनाङ र मार्जा माले
हीजैडेनाङ नाङ लकीङ काट जना शासक ख्योम्ह राल्हे,
होचे गोठ्लाकै लेखा न ङौ भर्मी इस्राएलीकुङ हेरचाह जाट्ले।’#मीका ५:२”
7इसे कुरा सेयार हेरोदै पूर्व लकीङ राछ ज्योतिषीकोलाक सुटुक्क आर्घार टुगा कुडीक बेला डाङ्च हो, डेम गीनार पत्ता लैडीया। 8हेरोदै होखुरीककी बेथलेहेमाङ इट डेम बीर्न्हका, “नाखुरीक नुङार होसे बालककी सेम्हजा पानी। होसकी डुप्रखीङ ङाकी खबर जाट्की, अनि ङा र नुङार होसकोकी दर्शन जाट्ले।”
9हेरोद राजौ कुरा सेयार ज्योतिषीको बेथलेहेम पट्टी ह्वा। लामाङ नुङ्चै जाट्नाङ होखुरीकै पहिला पूर्वाङ फेर्न ङुच होसे न टुगाकी फेरि डाङा। होसे टुगा होखुरीकुङ अघि-अघि नुङा र बालक लेच ठाऔ सीधा ढेनाम टाहा र होसे टुगा होला न अडडीसा। 10जब होखुरीकै होसे टुगा डाङा, र होखुरीक साह्रै न माह्राङा।
11ज्योतिषीको होसे इमाङ टाहा र होखुरीक भित्री पर्या, बालककी होसकुङ मोइ मरियमखाटा न डाङा, र होसकुङ मीकुवाङ घुकुरुक छानार होखुरीकै दर्शन जाटा। होटै न्हुइङ लाहा लहो कन्तुर खोलीयार सुन, बासना राछ धुप र मूर्रओ भेटी चढडीया।
12होटै न्हुइङ ज्योतिषीकै माङ्नामाङ “हेरोद लेठाङ ल्हेसार मानुङ्की” डेच परमेश्वरौ चेतावनी डुपार होखुरीक अर्को न लाम छानार लहो देशाङ ल्हेसा।
योसेफ लहो जहान लार मिश्राङ भोग्डीस्च
13होसे ज्योतिषीको नुङ्रखीङ योसेफै माङ्नामाङ परमप्रभुओ काट स्वर्गदूतकी डाङा र स्वर्गदूतै डेया, “सोना, तुरुन्तै बालक र होसकुङ मोइकी लार मिश्राङ भोग्डीस्की क्योटो। ङै ल्हेसार राखी माडेठर नाखुरीक होला न ङुकी हीजैडेनाङ हेरोदै बालककी साट्च विचार जाट्न न ले।”
14याङ्च माङ्नाम डाङ्रखीङ योसेफ सोवार बालक र होसकुङ मोइकी लार मिश्र देशाङ नाबीक न ह्वा। 15होटै हेरोद राजा मासीठर होखुरीक होला न ङुवा। इटजाट्न परमप्रभुये अगमवक्ता लकीङ ङाक्च वचन पूरा छाना, “ङै मिश्र देश लकीङ ङाल्हौ मीजाकी आर्घा।”#होशे ११:१
हेरोदै लेन्जा मीजाकोलाक साट्की लैडीच
16जब ज्योतिषीकै लाहाकी ढाँट्डीच कुरा हेरोदै थाहा डीन्हा, र होसे साप्फी मीरीस ख्योहा। ज्योतिषीको लकीङ टुगा कुसे समयाङ डाङ्ङन्या डेच कुरा थाहा छान्च अनुसार हेरोदै बेथलेहेम र होसे वार्लाक-पार्लकुङ लाङ्घुङ नीस वर्ष म्हाकुङ पट्ट न लेन्जा मीजाकोलाक साट्की लैडीया। 17तब होडीक बेला यर्मिया अगमवक्तै डेच वचन पूरा छाना,
18“रामा डेच ठावाङ काट स्वर सेया,
डाँको डास्न-डास्न राप्च र विलाप जाट्च बाड्को स्वर,
राहेल लहो मीजाकुङ लागि राप्म ङुच,
सान्त्वना यान्हाङ र होचे इन्कार जाटा,
हीजैडेनाङ होच्यो मीजाको सीमने।”#यर्मिया ३१:१५
19हेरोद सीरखीङ योसेफै परमप्रभुओ काट स्वर्गदूतकी मिश्र देशाङ माङ्नामाङ डाङा, 20र योसेफकी डेया, “सोना, बालक र होसकुङ मोइकी लार इस्राएल देशाङ ल्हेसो हीजैडेनाङ बालककी साट्की पाचको सीम भ्यामने।” 21होटै न्हुइङ योसेफै येशू र होसकुङ मोइकी लार इस्राएल देशाङ ल्हेसा।
22तर यहूदियाङ हेरोदौ मीजा अर्खीलाउसै बोयो ठावाङ राज्य जाट्न न ले डेच सेया र योसेफ होला नुङ्की बीह्रीया। फेरि परमप्रभु लकीङ माङ्नामाङ चेतावनी डुपार होसे गालीलाङ नुङा। 23होसे नुङार नासरत डेच ठावाङ ङुवा। इटजाट्न अगमवक्ताको लकीङ ङाक्च वचन पूरा छाना, “होसकोकी नासरी डेले।”
Pilihan Saat Ini:
:
Sorotan
Bagikan
Salin
Ingin menyimpan sorotan di semua perangkat Anda? Daftar atau masuk
© 2025 by Mother Tongue Translators Society and Wycliffe Bible Translators, Inc.