मत्ती 28
28
ईसु को जी उठबो
(मरकुस 16:1–10; लूका 24:1–12; यहून्ना 20:1–10)
1अरामहाळा दिन क पाछै सपता का पेला दिन दितबारनै, सुआरै मरीयम मगदलिनी अर बा दुसरी मरीयम बी ईसुनै कबर म देखबा ताँई गई। 2अर चाणचुकई एक जोरको भूचाळ आयो अर बि टेमई ईस्बर नगरी दुत धरती प आयो बो कबर प जार बिका मुंडापै लागेड़ा भाठानै हटार बिपै बेठगो। 3बिको मुंडो अकास की बिजळी जंय्यां भळका मारै हो अर बिका गाबा बी बरफ जंय्यां धोळा धप हा। 4बे सिपाईड़ा जखा पेरो देर्या हा बे डर क मारै धुजबा लाग्या अर मरेड़ा समान होगा। 5जणा बो ईस्बर नगरी दुत जखो बठै बेठ्यो हो बा लूगायानै ओडायो, “डरो मना म जाणू हूँ क थे ईसुनै ढुंढो हो जिनै सुळी प चढायो गयो हो। 6बो अठै कोनी। परमेसर बिनै ओज्यु जिंदो कर दिओ ह। जंय्यां क बो थारूँ बोल्या करतो हो। आओ अर देखो जठै बिकी लास धरेड़ी ही। 7जणा इब तावळिसी जार बिका चेलानै ओ समचार सुणाओ क बो मरेड़ा मऊँ जी उठ्यो ह। अर बो थारै अगाऊ गलिल जासी, अर थे बिनै बठैई देखस्यो, म जखो थानै खयो हूँ बिपै गोर करो।” 8बे लूगाया तावळिसी कबरऊँ निकळी बे डररी अर राजी बी होरी ही अर चेलानै ओ समचार देबा ताँई भागरी ही। 9जणा चाणचुकई ईसु बानै मिल्यो अर खेयो, “नमस्कार” अर बे बिकै पगा म धोक खार बाकै पगानै पकड़ लिनी। 10जणा ईसु बाऊँ बोल्यो, “डरो मना थे मेरा भाई-भाणाऊँ बोलो क गलिल जाबा ताँई रवानगी करो अर बे मनै बठैई देखसी।”
पेरेदार रिस्वत खाई
11जद बे लूगाया गेला मई ही, जणा बे सिपाईड़ा जखा पेरो देर्या हा नगरी म गया। अर जोक्यु बठै होयो बिकै बारां म परधान याजकानै खे सुणाया। 12बे परधान याजक यहूदि नेता क सागै मिलर साजिस घड़ी। अर बा सिपाईड़ानै घणासारा पिसा देर, 13बाऊँ खया, “थे लोगानै खिज्यो क रातनै जद म्हें सोर्या हा जणा ईसु का चेला आर बिकी लासनै चुरा लेग्या। 14अर ज थारी आ बात राजपाल ताँई जासी जणा म्हें बिनै समजा देस्यां। थे बेफिकर रह्यो, म्हें थारो बाळई बाको कोनी होबा देवां।” 15पेरेदार पिसा लेर बंय्यांई कर्या जंय्यां बाऊँ खयो गयो हो। अर इ बातनै यहूदि मिनख आज ताँई मानै।
चेला ताँई बडो हुकम
(मरकुस 16:14–18; लूका 24:36–49; यहून्ना 20:19–23; काम 1:6–8)
16 #
मत्त 26:32; मर 14:28 ग्यारा चेला गलिल की बि डूँगरी प गया जठै जाबा ताँई ईसु बानै खयो हो। 17अर जद बे बिनै बठै देख्या जणा बे बिकै आगै धोक खाई। पण कया क हिया म सक बी हो। 18जणा ईसु बाकन आर खेयो, “ईस्बर नगरी अर धरती को सगळो अधिकार मनै दिओ गयो ह। 19#काम 1:8इ ताँई थे जाओ अर धरती का सगळा कूणबा का मिनखानै मेरा चेला बणाओ अर परम-पिता, बेटा अर पबितर आत्मा क नाम म बतिस्मो द्यो। 20म थानै जखो हुकम दिओ हूँ बे सगळी बाता बानै मानबो सीखाओ। अर याद राखज्यो इ दुनिया की अंत घड़ी ताँई सदाई म थारै सागै रेहस्युं।”
Pilihan Saat Ini:
मत्ती 28: एस डब्लु वी
Sorotan
Bagikan
Salin
Ingin menyimpan sorotan di semua perangkat Anda? Daftar atau masuk
(c) 2010-2017, New Life Computer Institute. All rights reserved
मत्ती 28
28
ईसु को जी उठबो
(मरकुस 16:1–10; लूका 24:1–12; यहून्ना 20:1–10)
1अरामहाळा दिन क पाछै सपता का पेला दिन दितबारनै, सुआरै मरीयम मगदलिनी अर बा दुसरी मरीयम बी ईसुनै कबर म देखबा ताँई गई। 2अर चाणचुकई एक जोरको भूचाळ आयो अर बि टेमई ईस्बर नगरी दुत धरती प आयो बो कबर प जार बिका मुंडापै लागेड़ा भाठानै हटार बिपै बेठगो। 3बिको मुंडो अकास की बिजळी जंय्यां भळका मारै हो अर बिका गाबा बी बरफ जंय्यां धोळा धप हा। 4बे सिपाईड़ा जखा पेरो देर्या हा बे डर क मारै धुजबा लाग्या अर मरेड़ा समान होगा। 5जणा बो ईस्बर नगरी दुत जखो बठै बेठ्यो हो बा लूगायानै ओडायो, “डरो मना म जाणू हूँ क थे ईसुनै ढुंढो हो जिनै सुळी प चढायो गयो हो। 6बो अठै कोनी। परमेसर बिनै ओज्यु जिंदो कर दिओ ह। जंय्यां क बो थारूँ बोल्या करतो हो। आओ अर देखो जठै बिकी लास धरेड़ी ही। 7जणा इब तावळिसी जार बिका चेलानै ओ समचार सुणाओ क बो मरेड़ा मऊँ जी उठ्यो ह। अर बो थारै अगाऊ गलिल जासी, अर थे बिनै बठैई देखस्यो, म जखो थानै खयो हूँ बिपै गोर करो।” 8बे लूगाया तावळिसी कबरऊँ निकळी बे डररी अर राजी बी होरी ही अर चेलानै ओ समचार देबा ताँई भागरी ही। 9जणा चाणचुकई ईसु बानै मिल्यो अर खेयो, “नमस्कार” अर बे बिकै पगा म धोक खार बाकै पगानै पकड़ लिनी। 10जणा ईसु बाऊँ बोल्यो, “डरो मना थे मेरा भाई-भाणाऊँ बोलो क गलिल जाबा ताँई रवानगी करो अर बे मनै बठैई देखसी।”
पेरेदार रिस्वत खाई
11जद बे लूगाया गेला मई ही, जणा बे सिपाईड़ा जखा पेरो देर्या हा नगरी म गया। अर जोक्यु बठै होयो बिकै बारां म परधान याजकानै खे सुणाया। 12बे परधान याजक यहूदि नेता क सागै मिलर साजिस घड़ी। अर बा सिपाईड़ानै घणासारा पिसा देर, 13बाऊँ खया, “थे लोगानै खिज्यो क रातनै जद म्हें सोर्या हा जणा ईसु का चेला आर बिकी लासनै चुरा लेग्या। 14अर ज थारी आ बात राजपाल ताँई जासी जणा म्हें बिनै समजा देस्यां। थे बेफिकर रह्यो, म्हें थारो बाळई बाको कोनी होबा देवां।” 15पेरेदार पिसा लेर बंय्यांई कर्या जंय्यां बाऊँ खयो गयो हो। अर इ बातनै यहूदि मिनख आज ताँई मानै।
चेला ताँई बडो हुकम
(मरकुस 16:14–18; लूका 24:36–49; यहून्ना 20:19–23; काम 1:6–8)
16 #
मत्त 26:32; मर 14:28 ग्यारा चेला गलिल की बि डूँगरी प गया जठै जाबा ताँई ईसु बानै खयो हो। 17अर जद बे बिनै बठै देख्या जणा बे बिकै आगै धोक खाई। पण कया क हिया म सक बी हो। 18जणा ईसु बाकन आर खेयो, “ईस्बर नगरी अर धरती को सगळो अधिकार मनै दिओ गयो ह। 19#काम 1:8इ ताँई थे जाओ अर धरती का सगळा कूणबा का मिनखानै मेरा चेला बणाओ अर परम-पिता, बेटा अर पबितर आत्मा क नाम म बतिस्मो द्यो। 20म थानै जखो हुकम दिओ हूँ बे सगळी बाता बानै मानबो सीखाओ। अर याद राखज्यो इ दुनिया की अंत घड़ी ताँई सदाई म थारै सागै रेहस्युं।”
Pilihan Saat Ini:
:
Sorotan
Bagikan
Salin
Ingin menyimpan sorotan di semua perangkat Anda? Daftar atau masuk
(c) 2010-2017, New Life Computer Institute. All rights reserved