Valevi 23
23
Mikonu Miniini
1Naasa Nndumi Iruva karera na Mose, kammbia, 2“Rera na vana va Israeli kuvavie, mikonu ya Nndumi Iruva musheivambisaa ive ni miindye myeele, ni sukukuu takwa. 3Rundeny mashora mikonu irindaru nsi, kyeendi nkonu wa mfungare ni nkonu wa yiimuya deny ni nkonu wa yiindya Iruva, mulasheerunda nta ishora lyimwi-fo, n sabato ya Nndumi Iruva fyeeri fyany fyoose” 4Sukukuu ta Nndumi Iruva nto eti, ni miindye myeele, yeyo musheivambisaa fyeeri fyoose.
Pasaka na Nkate Ulatiri Ntarang'u
(Mee 28:16-25)
5Mwiiri wa mbee, nkonu wa ikumi na kaana kyeeri kya nkwaany, ni pasaka ya Nndumi Iruva. 6Na nkonu wa ikumi na karaanu ya mwiiri yeto mweni ni sukukuu ya Nndumi Iruva ya nkate ulatiri ntarang'u; neeni mulye nkate yeto ando a mikonu mfungare. 7Nkonu wa mbee ni wa miindye myeele, mularundaa nta ishora lyimwi. 8Lyo mmbo musheserisyaa Nndumi Iruva kiraso muro ando a mikonu mfungare, nkonu wa mfungare m miindye yeele mularunda nta ishora lyimwi-fo.
9Naasa Nndumi Iruva karera na Mose kammbia, 10“Rera na vana va Israeli, kuvavie, kyeeri ekyo mushaangaa urukeny yelo nshemuniingaa, na yuulula fimu fya vayo, llyo musheengye nkohani waavi lwa fimu fyany fya mbee; 11nawe narinyise kiraso ekyo mbee ya Nndumi Iruva naambo kiwaryo mmbwe, nkonu wa kavii numa ya sabato llyo ashevikaa-u kiraso ekyo. 12Na kyeeri mushendee firaso fya fimu, musheseserisya-u na ngurana ya suva shisha ya mwaaka umwi ive kiraso kwa Nndumi Iruva kyeekora na muro. 13Na kiraso kyakwe kya nswa n fyenga fivii fya ikumi fya kibaba kya nswa nsiise, ukeensande na mafura ni kiraso kyakwe kyeena ni mfinyo lita imwi (shupa ivii). 14Neeni mulalye nkate, nta piisi-fo, nta fyaa fikoo, kufike nkonu yeto mweni, elyi musheendee kiraso kya Iruva waany; elyi ni ivavasyo lya llung'anu fyeeri fyany fyoose.”
Nkonu wa Fimu
(Mee 28:26-31)
15“Neeni uka nkonu wa kavii elyi sabato yamiira, uka nkonu yeto muleende kiraso ekyo kya fimu kwa Nndumi Iruva, kutani takooya sabato mfungare; 16elyi nkonu wa kavii wa sabato yeyo ya mfungare mweekene mikonu makumi araanu; llyo musheserisya Nndumi Iruva kiraso kya nswa mwiiya. 17Muveuta mikate ivii ive fyenga fya ikumi fivii fya kibaba ive ya nswa nsiise, usongosyo utiri ntarang'o kive kiraso kya mbee kwa Nndumi Iruva. 18Neeni lyo, ando amwi na mikate yeyo, muserisye-u ngurana mfungare ta suva, shisha ta mwaaka umwi, na shau imwi, na suva ivii, five kiraso kwa Nndumi Iruva kyeekora na muro, ando amwi na kiraso kyawo kya nswa, kyeena, nkiraso kya nrungo nsha kwa Nndumi Iruva kyeekora na muro. 19Neeni muserisye-u mburu imwi ive kiraso kya ulyamari, na ngurana ta suva ivii ta mwaaka umwi, shisha nkirasso kya ufoo. 20Naasa nkohani narambikye-u mikate yeyo ya kiraso kya mbee kwa Nndumi Iruva, ando amwi na ngurana tilya ivii ta suva fivikwa fyeele kwa Nndumi Iruva, five fya nkohani yeto. 21Neeni mmbo mushekapaa weele nkonu yeto mweni, vandu vasheyiindya, mularundaa nta ishora lyimwi; elyi ni ivavaso lya llung'anu lyikee lya marika any moose. 22Na elyi musheilulaa fimu fyany, kulailule kumae-fo piny-fo nta filya fiwaa si mularorwe-fo, mmbo kuraa-fo kimaruma kya nndu yeto nkiva, na muny, yeny ni Nndumi Iruva, Iruva waany.”
Mwaaka Mwiiya
(Mee 29:1-6)
23Naasa Nndumi Iruva karera na Mose, kammbia, 24“Rera na vana va Israeli, kuvavie, nkonu wa mbee a mwiiri wa mfungare, mmbo musheemuyaa deny, ni nkonu weekapa maranda m miindye myeele. 25Mularunde nta ishora lyimwi-fo, mmbo musheserisyaa Nndumi Iruva firaso fyeekora na muro.”
Nkonu va Ifwaayo
(Mee 29:7-11)
26Numa Nndumi Iruva karera na Mose, kammbia, 27“Lyo nkonu usandi; uve nkonu mweele kwany, mukuvinise, muserisye Nndumi Iruva firaso fyeekora na muro. 28Mularunde nta ishora, lyimwi nkonu yeto-fo, mashika ni nkonu wa usandi, mukooye mbee ya Nndumi Iruva, Iruva waany. 29Mashika kwakooya nndu nalakotoya nkonu yeto, mmbo ashuumbutyoo kwaasha na vandu vakwe. 30Na nndu moose yeto asherundaa ishora nkonu yeto, nndu yeto mmbo nshenrumataa nooke efo vanduny vakwe. 31Mulasheerunda nta ishora lyimwi-fo; ni ivavasyo lya llung'anu efo marikeny any moose. 32Ni sabato yaany ya yiimuya deny, mukootoye, nkonu wa keenda wa mwiiri, nkwaany, pookya nkwaany fika nkwaany, muringe sabato yaany.”
Nkonu wa Matengo
(Mee 29:12-40)
33Nndumi Iruva kawuya irera na Mose, kammbia, 34“Rera na vana va Israeli, uvavie, ‘Nkonu wa ikumi na karaanu wa mwiiri yeto wa mfungare, n sukukuu ya matengo muvikye Nndumi Iruva ando a mikonu mfungare. 35Nkonu wa mbee ni miindye; mularunde nta ishora lyimwi-fo. 36Mmbo musheserisyaa Nndumi Iruva kiraso na muro ando a mikonu mfungare mfiraso fyany, na firaso fya kyaasa, na firaso fya pya, efyo mukundye yuutya Nndumi Iruva.’
37“Sukukuu ta Nndumi Iruva nto yeti, nato mushetivambisya vandu vashe miindyeny, musheserisa Nndumi Iruva firaso na muro, firaso fyeekora na muro, firaso fya nswa, firaso fya fyeena, wo kiraso na nkonu wa vayo; 38mmwasi ya sabato eto ta Nndumi Iruva, na firaso fyany, na firaso fya pya efyo musheniingyaa Nndumi Iruva.
39“Lyo nkonu wa ikumi na karaanu ya mwiiri wa mfungare kyeeri mwammaa yiilula fimu, llyo muvikye Nndumi Iruva sukukuu ando a mikonu mfungare; nkonu wa mbee ni wa yiimuya deny, na nkonu wa nyanya ni wa yiimuya deny. 40Iboony ndunda ta miri misha, nkonu yeto wa mbee na marava a myaangashi, mufurye Nndumi Iruva, Iruva vaany, ando a mikonu mfungare. 41Mmbo mutira sukukuu ya Nndumi Iruva mikonu mfungare mwaakeny ni ivavaso lya llung'anu ngyeeri tany toose; nyiishaaluka mwiiriny mbwa mfungare. 42Kaeny efo matangilony ando a mikonu mfungare, vandu woose va Israeli; 43naambo marika moose a Israeli amanye mmbo shilemuvika matangilony, llya shilemuuta Misri, yeny ni Nndumi Iruva, Iruva waany.” 44Nawe Mose kavia vana va Israeli kya sukukuu yeto ta Nndumi Iruva.
Pilihan Saat Ini:
Valevi 23: MAS2
Sorotan
Bagikan
Salin
Ingin menyimpan sorotan di semua perangkat Anda? Daftar atau masuk
The Holy Bible in Kimashami © Bible Society of Tanzania, 2016.
Valevi 23
23
Mikonu Miniini
1Naasa Nndumi Iruva karera na Mose, kammbia, 2“Rera na vana va Israeli kuvavie, mikonu ya Nndumi Iruva musheivambisaa ive ni miindye myeele, ni sukukuu takwa. 3Rundeny mashora mikonu irindaru nsi, kyeendi nkonu wa mfungare ni nkonu wa yiimuya deny ni nkonu wa yiindya Iruva, mulasheerunda nta ishora lyimwi-fo, n sabato ya Nndumi Iruva fyeeri fyany fyoose” 4Sukukuu ta Nndumi Iruva nto eti, ni miindye myeele, yeyo musheivambisaa fyeeri fyoose.
Pasaka na Nkate Ulatiri Ntarang'u
(Mee 28:16-25)
5Mwiiri wa mbee, nkonu wa ikumi na kaana kyeeri kya nkwaany, ni pasaka ya Nndumi Iruva. 6Na nkonu wa ikumi na karaanu ya mwiiri yeto mweni ni sukukuu ya Nndumi Iruva ya nkate ulatiri ntarang'u; neeni mulye nkate yeto ando a mikonu mfungare. 7Nkonu wa mbee ni wa miindye myeele, mularundaa nta ishora lyimwi. 8Lyo mmbo musheserisyaa Nndumi Iruva kiraso muro ando a mikonu mfungare, nkonu wa mfungare m miindye yeele mularunda nta ishora lyimwi-fo.
9Naasa Nndumi Iruva karera na Mose kammbia, 10“Rera na vana va Israeli, kuvavie, kyeeri ekyo mushaangaa urukeny yelo nshemuniingaa, na yuulula fimu fya vayo, llyo musheengye nkohani waavi lwa fimu fyany fya mbee; 11nawe narinyise kiraso ekyo mbee ya Nndumi Iruva naambo kiwaryo mmbwe, nkonu wa kavii numa ya sabato llyo ashevikaa-u kiraso ekyo. 12Na kyeeri mushendee firaso fya fimu, musheseserisya-u na ngurana ya suva shisha ya mwaaka umwi ive kiraso kwa Nndumi Iruva kyeekora na muro. 13Na kiraso kyakwe kya nswa n fyenga fivii fya ikumi fya kibaba kya nswa nsiise, ukeensande na mafura ni kiraso kyakwe kyeena ni mfinyo lita imwi (shupa ivii). 14Neeni mulalye nkate, nta piisi-fo, nta fyaa fikoo, kufike nkonu yeto mweni, elyi musheendee kiraso kya Iruva waany; elyi ni ivavasyo lya llung'anu fyeeri fyany fyoose.”
Nkonu wa Fimu
(Mee 28:26-31)
15“Neeni uka nkonu wa kavii elyi sabato yamiira, uka nkonu yeto muleende kiraso ekyo kya fimu kwa Nndumi Iruva, kutani takooya sabato mfungare; 16elyi nkonu wa kavii wa sabato yeyo ya mfungare mweekene mikonu makumi araanu; llyo musheserisya Nndumi Iruva kiraso kya nswa mwiiya. 17Muveuta mikate ivii ive fyenga fya ikumi fivii fya kibaba ive ya nswa nsiise, usongosyo utiri ntarang'o kive kiraso kya mbee kwa Nndumi Iruva. 18Neeni lyo, ando amwi na mikate yeyo, muserisye-u ngurana mfungare ta suva, shisha ta mwaaka umwi, na shau imwi, na suva ivii, five kiraso kwa Nndumi Iruva kyeekora na muro, ando amwi na kiraso kyawo kya nswa, kyeena, nkiraso kya nrungo nsha kwa Nndumi Iruva kyeekora na muro. 19Neeni muserisye-u mburu imwi ive kiraso kya ulyamari, na ngurana ta suva ivii ta mwaaka umwi, shisha nkirasso kya ufoo. 20Naasa nkohani narambikye-u mikate yeyo ya kiraso kya mbee kwa Nndumi Iruva, ando amwi na ngurana tilya ivii ta suva fivikwa fyeele kwa Nndumi Iruva, five fya nkohani yeto. 21Neeni mmbo mushekapaa weele nkonu yeto mweni, vandu vasheyiindya, mularundaa nta ishora lyimwi; elyi ni ivavaso lya llung'anu lyikee lya marika any moose. 22Na elyi musheilulaa fimu fyany, kulailule kumae-fo piny-fo nta filya fiwaa si mularorwe-fo, mmbo kuraa-fo kimaruma kya nndu yeto nkiva, na muny, yeny ni Nndumi Iruva, Iruva waany.”
Mwaaka Mwiiya
(Mee 29:1-6)
23Naasa Nndumi Iruva karera na Mose, kammbia, 24“Rera na vana va Israeli, kuvavie, nkonu wa mbee a mwiiri wa mfungare, mmbo musheemuyaa deny, ni nkonu weekapa maranda m miindye myeele. 25Mularunde nta ishora lyimwi-fo, mmbo musheserisyaa Nndumi Iruva firaso fyeekora na muro.”
Nkonu va Ifwaayo
(Mee 29:7-11)
26Numa Nndumi Iruva karera na Mose, kammbia, 27“Lyo nkonu usandi; uve nkonu mweele kwany, mukuvinise, muserisye Nndumi Iruva firaso fyeekora na muro. 28Mularunde nta ishora, lyimwi nkonu yeto-fo, mashika ni nkonu wa usandi, mukooye mbee ya Nndumi Iruva, Iruva waany. 29Mashika kwakooya nndu nalakotoya nkonu yeto, mmbo ashuumbutyoo kwaasha na vandu vakwe. 30Na nndu moose yeto asherundaa ishora nkonu yeto, nndu yeto mmbo nshenrumataa nooke efo vanduny vakwe. 31Mulasheerunda nta ishora lyimwi-fo; ni ivavasyo lya llung'anu efo marikeny any moose. 32Ni sabato yaany ya yiimuya deny, mukootoye, nkonu wa keenda wa mwiiri, nkwaany, pookya nkwaany fika nkwaany, muringe sabato yaany.”
Nkonu wa Matengo
(Mee 29:12-40)
33Nndumi Iruva kawuya irera na Mose, kammbia, 34“Rera na vana va Israeli, uvavie, ‘Nkonu wa ikumi na karaanu wa mwiiri yeto wa mfungare, n sukukuu ya matengo muvikye Nndumi Iruva ando a mikonu mfungare. 35Nkonu wa mbee ni miindye; mularunde nta ishora lyimwi-fo. 36Mmbo musheserisyaa Nndumi Iruva kiraso na muro ando a mikonu mfungare mfiraso fyany, na firaso fya kyaasa, na firaso fya pya, efyo mukundye yuutya Nndumi Iruva.’
37“Sukukuu ta Nndumi Iruva nto yeti, nato mushetivambisya vandu vashe miindyeny, musheserisa Nndumi Iruva firaso na muro, firaso fyeekora na muro, firaso fya nswa, firaso fya fyeena, wo kiraso na nkonu wa vayo; 38mmwasi ya sabato eto ta Nndumi Iruva, na firaso fyany, na firaso fya pya efyo musheniingyaa Nndumi Iruva.
39“Lyo nkonu wa ikumi na karaanu ya mwiiri wa mfungare kyeeri mwammaa yiilula fimu, llyo muvikye Nndumi Iruva sukukuu ando a mikonu mfungare; nkonu wa mbee ni wa yiimuya deny, na nkonu wa nyanya ni wa yiimuya deny. 40Iboony ndunda ta miri misha, nkonu yeto wa mbee na marava a myaangashi, mufurye Nndumi Iruva, Iruva vaany, ando a mikonu mfungare. 41Mmbo mutira sukukuu ya Nndumi Iruva mikonu mfungare mwaakeny ni ivavaso lya llung'anu ngyeeri tany toose; nyiishaaluka mwiiriny mbwa mfungare. 42Kaeny efo matangilony ando a mikonu mfungare, vandu woose va Israeli; 43naambo marika moose a Israeli amanye mmbo shilemuvika matangilony, llya shilemuuta Misri, yeny ni Nndumi Iruva, Iruva waany.” 44Nawe Mose kavia vana va Israeli kya sukukuu yeto ta Nndumi Iruva.
Pilihan Saat Ini:
:
Sorotan
Bagikan
Salin
Ingin menyimpan sorotan di semua perangkat Anda? Daftar atau masuk
The Holy Bible in Kimashami © Bible Society of Tanzania, 2016.