Meko 20
20
Vaũlo Aisyoka ĩngĩ Masendonia na Akaia
1Yĩla kĩtuu kĩu kyathelile, Vaũlo nĩwoombanisye aĩkĩĩi amathuthya na ndeto, na amina kũtianĩa ũvoo namo, auma kũu athi Masendonia. 2Nĩwesĩlile isionĩ isu athuthĩtye aĩkĩĩi na ndeto mbingĩ nginya esa kũvika Ũkiliki, 3vala wekalile vandũ va myei ĩtatũ. Eyũmbanĩtye kũlika melinĩ athi nthĩ ya Silia, nĩwamanyie kana ve Ayuti amwe mamũsamĩĩte mamũae, na kwoou avanga kũsyokela Masendonia. 4Vaũlo aendanĩtye na Sovatele mwana wa Vilũsi kuma Mbelea, Alisitaliko vamwe na Sekundo kuma Thesalonika, Kaio kuma Ndelive na Timotheo, na Tikiko vamwe na Telovimo kuma Asia. 5Andũ asu nĩmaendie mbee waitũ makatweteelae Tiloa. 6Ithyĩ naitũ nĩtwalikile melinĩ twauma Vilivi ĩtina wa mĩthenya ya Mboka ya Mũkate ũte Mbota, na ĩtina wa matukũ atano twavika kũu maĩ Tiloa. Kũu nĩtwekalile vandũ va kyumwa kĩima.
Vaũlo Ayũmbana na Aĩkĩĩi ma Tiloa Ĩvinda ya Mũthya
7Mũthenyanĩ wa thanthatũ wĩoo, tũmbene tũtile mũkate, Vaũlo nĩwaneenie na andũ nũndũ avangĩte kuma kũu ũnĩ ũsu. Nĩwaasavisye ũneeni wake avikya ũtukũ katĩ. 8Ngolovanĩ ĩsu twoombanĩe, kwakwatĩtw'e mataa maingĩ mũno. 9Mwanake ũmwe weetawa Eũtikũsi wailyĩ nthĩ ndĩlĩsyanĩ ĩvindanĩ yĩu Vaũlo waendee na kũneenaa, nĩwakwatiwe nĩ too mwingĩ na ambĩĩa kwombosya. Mwanake ũsu nĩwasindiwe nĩ too na akoloka ngolovanĩ ya katatũ, athi kwoswa naku nthĩ e mũkw'ũ. 10Vaũlo nĩwatheeie kũu nthĩ na amũmamĩĩa na amũkumbatĩlya kĩthũinĩ asya atĩĩ, “Mũikamake, e thayũ!” 11Nĩvo ĩndĩ wambatie ĩngĩ ngolovanĩ na ĩtina wa kũtila mũkate na kũya, aendeea na kũneena namo kũvika kwakya na ĩndĩ athi. 12Andũ asu nĩmenũkisye mwanake ũsu e thayũ, namo meew'a makiakiw'a mũno.
Vaũlo ayuma Tiloa Athi Mileto
13Ithyĩ nĩtwalikile melinĩ tũendae Asosi, navo nĩvo twaĩ tũkakuĩe Vaũlo nũndũ atwĩĩte nĩtwĩke ũu nawe akĩthi kũu na maũũ. 14Nĩwookie atwĩthĩa Asosi, na alika melinĩ vala twaĩ na twathi Mitilene. 15Kuma vau nĩtwaendeeie na kyalo twavĩtĩla ũnĩ ũsu vakuvĩ na kĩthama kĩtawa Kĩosi, na mũthenyanĩ wa katatũ twavika Samosi. Ĩtina wa mũthenya ũngĩ ũmwe nĩtwaendie twavika Mileto. 16Vaũlo avangĩte kũvĩta ĩmwe kwa ĩmwe na meli atekwĩsĩla Eveso, nĩ kana ndakanangĩe saa nthĩ ya Asia, nũndũ eekalaatĩte avike Yelũsalemu vatonyeka mbee wa mũthenya wa Vendekosito.
Vaũlo Aitianĩa Ũvoo na Atumĩa ma Eveso
17E kũu Mileto, Vaũlo nĩwatũmie andũ Eveso makete atumĩa ma ĩkanisa moke kũu ũĩ. 18Yĩla atumĩa asu mavikie, Vaũlo nĩwaneenie namo amea atĩĩ, “Inyw'ĩ nĩmwĩsĩ ũndũ nekalaa nĩ katĩ wenyu matukũ onthe, kuma mũthenya ũla wa mbee navikie Asia. 19Nĩnathũkũmaa Mwĩai na wĩnyivyo mwingĩ o vamwe na kũĩa na kũmĩĩsya mathĩna maito, kumana na kũsyĩmwa nĩ Ayuti. 20O ta ũu nĩmwĩsĩ kana vai kĩndũ kĩmũuna naalea kũmũtavya; nĩnĩmũmanyĩĩsye mbee wa andũ na mĩsyĩnĩ kwenyu; 21nĩnĩtavanĩtye kwa Ayuti na kwa Andũ-ma-mbaĩ-ingĩ melile kwondũ wa naĩ syoo, mamũsyokee Ngai na maimũĩkĩĩa Mwĩai waitũ Yesũ Klĩsto. 22Oyu tũĩ nĩendete Yelũsalemu nzukumĩtwe nĩ Veva Mũtheu, na ndyĩsĩ kĩla kĩkũthi kwĩkĩka kwakwa. 23Kĩla nĩsĩ nĩ kana nthĩnĩ wa kĩla ndũa, Veva Mũtheu nũndavĩtye kana ngakomana na kyovo na monyamao maingĩ. 24#2Tim 4.7 Ĩndĩ o vamwe na ũu, nyie ndiũtala thayũ wakwa ta kĩndũ kwakwa, kethĩwa nĩvatonyeka ngamina ũthũkũmi ũla nanengiwe nĩ Mwĩai Yesũ, naw'o nĩ kũtavany'a Ũvoo Mũseo ĩũlũ wa mumo wa Ngai.
25“Nĩnĩsĩ kana inyw'ĩ inyw'onthe ala nangangĩte katĩ wenyu, ngĩtavany'a Ũvoo ĩũlũ wa ũsumbĩ wa Ngai mũikambona ĩngĩ. 26Kwoou nyie nĩmũtavya twĩ ũmũnthĩ, ũmwe wenyu akesa kwaa methonĩ ma Ngai, nyie nditũlwa mũtĩ. 27Nũndũ ndyaalea o na ĩmwe kũmũtavya kyonthe kĩla Ngai ũtw'ĩte. 28Ĩsũvĩei ĩndĩ na mũisũvĩa ĩĩthya yonthe yĩla Veva Mũtheu ũmũtw'ĩte asyaaĩsya, mũĩthye ĩkanisa ya Ngai yĩla ũthooete na nthakame ya Mwana wake.#20.28 ya Ngai yĩla ũthooete na nthakame ya Mwana wake: Maandĩko amwe ma tene ma Ndeto ya Ngai maĩtye ya Mwĩai yĩla ũthooete na nthakame yake mwene 29Nĩnĩsĩ kana namina kũthi, nzũi mbai nikoka katĩ wenyu na iikew'ĩa ĩĩthya yĩu tei. 30O na kuma katĩ wenyu ene, vakookĩla andũ amwe matavany'e kĩla kĩte kya w'o, nĩ kana matave aĩkĩĩi mamaatĩĩe. 31Kwoou ĩkalaai mũsyaĩĩsye, na lilikanai kana vandũ va myaka ĩtatũ nĩnekalĩte ngĩmũtaa ũtukũ na mũthenya nĩ na kĩĩo kingĩ.
32“Nayu ĩndĩ nĩmũnengane kwa Ngai na kwa ndeto ya mumo wake, ĩla ĩtonya kũmwaka na kũtuma mũkwata ũtiĩwa vamwe na onthe ala matw'ĩtwe atheu. 33Nyie ndyaaĩw'ĩa silĩva, thaavu kana ngũa sya mũndũ ĩtomo. 34Inyw'ĩ ene nĩmwĩsĩ kana nĩnĩnatũmĩaa moko aa makwa mwene kũtethya wĩa kwondũ wa mavata makwa, na ma andũ ala meethĩawa nakwa. 35Maũndũnĩ onthe nĩnĩnamwonisye ngelekany'o kana kwa kũtethya wĩa kwa nzĩa ĩsu nĩtwaĩlĩte nĩ kũtethya ala onzu, tũililikana kana Mwĩai Yesũ mwene nĩwaisye, ‘Kũnengane kwĩ ũathimo mwingĩ kũte kũnengwa.’ ”
36Vaũlo amina kũneena ndeto isu, nĩwatulilye ndu vamwe na andũ asu onthe na mavoya. 37Onthe nĩmaĩie maitianĩa ũvoo nake kwa kũmũkumbatĩlya na kũmũkethya na ngethi ya wendo. 38Kĩla kyamekĩie kyeva mũno nĩ ndeto ila wamatavisye sya kana maikamwona ĩngĩ. Nĩmamumaaisye mamũtwaa melinĩ.
Pilihan Saat Ini:
Meko 20: KAMBA
Sorotan
Bagikan
Salin
Ingin menyimpan sorotan di semua perangkat Anda? Daftar atau masuk
BIBLE SOCIETY OF KENYA © 2011
Meko 20
20
Vaũlo Aisyoka ĩngĩ Masendonia na Akaia
1Yĩla kĩtuu kĩu kyathelile, Vaũlo nĩwoombanisye aĩkĩĩi amathuthya na ndeto, na amina kũtianĩa ũvoo namo, auma kũu athi Masendonia. 2Nĩwesĩlile isionĩ isu athuthĩtye aĩkĩĩi na ndeto mbingĩ nginya esa kũvika Ũkiliki, 3vala wekalile vandũ va myei ĩtatũ. Eyũmbanĩtye kũlika melinĩ athi nthĩ ya Silia, nĩwamanyie kana ve Ayuti amwe mamũsamĩĩte mamũae, na kwoou avanga kũsyokela Masendonia. 4Vaũlo aendanĩtye na Sovatele mwana wa Vilũsi kuma Mbelea, Alisitaliko vamwe na Sekundo kuma Thesalonika, Kaio kuma Ndelive na Timotheo, na Tikiko vamwe na Telovimo kuma Asia. 5Andũ asu nĩmaendie mbee waitũ makatweteelae Tiloa. 6Ithyĩ naitũ nĩtwalikile melinĩ twauma Vilivi ĩtina wa mĩthenya ya Mboka ya Mũkate ũte Mbota, na ĩtina wa matukũ atano twavika kũu maĩ Tiloa. Kũu nĩtwekalile vandũ va kyumwa kĩima.
Vaũlo Ayũmbana na Aĩkĩĩi ma Tiloa Ĩvinda ya Mũthya
7Mũthenyanĩ wa thanthatũ wĩoo, tũmbene tũtile mũkate, Vaũlo nĩwaneenie na andũ nũndũ avangĩte kuma kũu ũnĩ ũsu. Nĩwaasavisye ũneeni wake avikya ũtukũ katĩ. 8Ngolovanĩ ĩsu twoombanĩe, kwakwatĩtw'e mataa maingĩ mũno. 9Mwanake ũmwe weetawa Eũtikũsi wailyĩ nthĩ ndĩlĩsyanĩ ĩvindanĩ yĩu Vaũlo waendee na kũneenaa, nĩwakwatiwe nĩ too mwingĩ na ambĩĩa kwombosya. Mwanake ũsu nĩwasindiwe nĩ too na akoloka ngolovanĩ ya katatũ, athi kwoswa naku nthĩ e mũkw'ũ. 10Vaũlo nĩwatheeie kũu nthĩ na amũmamĩĩa na amũkumbatĩlya kĩthũinĩ asya atĩĩ, “Mũikamake, e thayũ!” 11Nĩvo ĩndĩ wambatie ĩngĩ ngolovanĩ na ĩtina wa kũtila mũkate na kũya, aendeea na kũneena namo kũvika kwakya na ĩndĩ athi. 12Andũ asu nĩmenũkisye mwanake ũsu e thayũ, namo meew'a makiakiw'a mũno.
Vaũlo ayuma Tiloa Athi Mileto
13Ithyĩ nĩtwalikile melinĩ tũendae Asosi, navo nĩvo twaĩ tũkakuĩe Vaũlo nũndũ atwĩĩte nĩtwĩke ũu nawe akĩthi kũu na maũũ. 14Nĩwookie atwĩthĩa Asosi, na alika melinĩ vala twaĩ na twathi Mitilene. 15Kuma vau nĩtwaendeeie na kyalo twavĩtĩla ũnĩ ũsu vakuvĩ na kĩthama kĩtawa Kĩosi, na mũthenyanĩ wa katatũ twavika Samosi. Ĩtina wa mũthenya ũngĩ ũmwe nĩtwaendie twavika Mileto. 16Vaũlo avangĩte kũvĩta ĩmwe kwa ĩmwe na meli atekwĩsĩla Eveso, nĩ kana ndakanangĩe saa nthĩ ya Asia, nũndũ eekalaatĩte avike Yelũsalemu vatonyeka mbee wa mũthenya wa Vendekosito.
Vaũlo Aitianĩa Ũvoo na Atumĩa ma Eveso
17E kũu Mileto, Vaũlo nĩwatũmie andũ Eveso makete atumĩa ma ĩkanisa moke kũu ũĩ. 18Yĩla atumĩa asu mavikie, Vaũlo nĩwaneenie namo amea atĩĩ, “Inyw'ĩ nĩmwĩsĩ ũndũ nekalaa nĩ katĩ wenyu matukũ onthe, kuma mũthenya ũla wa mbee navikie Asia. 19Nĩnathũkũmaa Mwĩai na wĩnyivyo mwingĩ o vamwe na kũĩa na kũmĩĩsya mathĩna maito, kumana na kũsyĩmwa nĩ Ayuti. 20O ta ũu nĩmwĩsĩ kana vai kĩndũ kĩmũuna naalea kũmũtavya; nĩnĩmũmanyĩĩsye mbee wa andũ na mĩsyĩnĩ kwenyu; 21nĩnĩtavanĩtye kwa Ayuti na kwa Andũ-ma-mbaĩ-ingĩ melile kwondũ wa naĩ syoo, mamũsyokee Ngai na maimũĩkĩĩa Mwĩai waitũ Yesũ Klĩsto. 22Oyu tũĩ nĩendete Yelũsalemu nzukumĩtwe nĩ Veva Mũtheu, na ndyĩsĩ kĩla kĩkũthi kwĩkĩka kwakwa. 23Kĩla nĩsĩ nĩ kana nthĩnĩ wa kĩla ndũa, Veva Mũtheu nũndavĩtye kana ngakomana na kyovo na monyamao maingĩ. 24#2Tim 4.7 Ĩndĩ o vamwe na ũu, nyie ndiũtala thayũ wakwa ta kĩndũ kwakwa, kethĩwa nĩvatonyeka ngamina ũthũkũmi ũla nanengiwe nĩ Mwĩai Yesũ, naw'o nĩ kũtavany'a Ũvoo Mũseo ĩũlũ wa mumo wa Ngai.
25“Nĩnĩsĩ kana inyw'ĩ inyw'onthe ala nangangĩte katĩ wenyu, ngĩtavany'a Ũvoo ĩũlũ wa ũsumbĩ wa Ngai mũikambona ĩngĩ. 26Kwoou nyie nĩmũtavya twĩ ũmũnthĩ, ũmwe wenyu akesa kwaa methonĩ ma Ngai, nyie nditũlwa mũtĩ. 27Nũndũ ndyaalea o na ĩmwe kũmũtavya kyonthe kĩla Ngai ũtw'ĩte. 28Ĩsũvĩei ĩndĩ na mũisũvĩa ĩĩthya yonthe yĩla Veva Mũtheu ũmũtw'ĩte asyaaĩsya, mũĩthye ĩkanisa ya Ngai yĩla ũthooete na nthakame ya Mwana wake.#20.28 ya Ngai yĩla ũthooete na nthakame ya Mwana wake: Maandĩko amwe ma tene ma Ndeto ya Ngai maĩtye ya Mwĩai yĩla ũthooete na nthakame yake mwene 29Nĩnĩsĩ kana namina kũthi, nzũi mbai nikoka katĩ wenyu na iikew'ĩa ĩĩthya yĩu tei. 30O na kuma katĩ wenyu ene, vakookĩla andũ amwe matavany'e kĩla kĩte kya w'o, nĩ kana matave aĩkĩĩi mamaatĩĩe. 31Kwoou ĩkalaai mũsyaĩĩsye, na lilikanai kana vandũ va myaka ĩtatũ nĩnekalĩte ngĩmũtaa ũtukũ na mũthenya nĩ na kĩĩo kingĩ.
32“Nayu ĩndĩ nĩmũnengane kwa Ngai na kwa ndeto ya mumo wake, ĩla ĩtonya kũmwaka na kũtuma mũkwata ũtiĩwa vamwe na onthe ala matw'ĩtwe atheu. 33Nyie ndyaaĩw'ĩa silĩva, thaavu kana ngũa sya mũndũ ĩtomo. 34Inyw'ĩ ene nĩmwĩsĩ kana nĩnĩnatũmĩaa moko aa makwa mwene kũtethya wĩa kwondũ wa mavata makwa, na ma andũ ala meethĩawa nakwa. 35Maũndũnĩ onthe nĩnĩnamwonisye ngelekany'o kana kwa kũtethya wĩa kwa nzĩa ĩsu nĩtwaĩlĩte nĩ kũtethya ala onzu, tũililikana kana Mwĩai Yesũ mwene nĩwaisye, ‘Kũnengane kwĩ ũathimo mwingĩ kũte kũnengwa.’ ”
36Vaũlo amina kũneena ndeto isu, nĩwatulilye ndu vamwe na andũ asu onthe na mavoya. 37Onthe nĩmaĩie maitianĩa ũvoo nake kwa kũmũkumbatĩlya na kũmũkethya na ngethi ya wendo. 38Kĩla kyamekĩie kyeva mũno nĩ ndeto ila wamatavisye sya kana maikamwona ĩngĩ. Nĩmamumaaisye mamũtwaa melinĩ.
Pilihan Saat Ini:
:
Sorotan
Bagikan
Salin
Ingin menyimpan sorotan di semua perangkat Anda? Daftar atau masuk
BIBLE SOCIETY OF KENYA © 2011