ᑎᐱᑦ ᐅᓂᑭᒧᐅᓇ 148
148
Psalm 148 (Christmas-1 Year A, B, C; Easter-5 Year C)
1ᒪᒥᒋᒥᐧᒄ ᑎᐸᔨᒋᒐᓱᐤ !
ᒪᒥᒋᒥᐧᒄ ᑎᐸᔨᒋᒐᓱᐤ ᒋᓯᑯᒡ ᐅᒡ:
ᒪᒥᒋᒥᐧᒄ ᐃᔅᐱᒥᒡ᙮
2ᒪᒥᒋᒥᐧᒄ, ᒥᓯᐛ ᒋᔨᐛᐤ ᐅᑦ ᐊᓐᒋᓂᒪ:
ᒪᒥᒋᒥᐧᒄ ᒥᓯᐛ ᒋᔨᐛᐤ ᐅᒪᐅᒋᐃᑐᒪ᙮
3ᒪᒥᒋᒥᐧᒄ, ᒋᔨᐛᐤ ᐱᓯᒻ ᑭᔭ ᑎᐱᔅᑲᐤ ᐱᓯᒻ:
ᒪᒥᒋᒥᐧᒄ ᒥᓯᐛ ᒋᔨᐛᐤ ᑲ ᐛᓯᓱᔭᒄ ᐅᒐᑭᑕᐧᑯᒡ᙮
4ᒪᒥᒋᒥᐧᒄ, ᒋᔨᐛᐤ ᒋᒋᒋᓯᑯᑐᒄ,
ᑭᔭ ᒋᔨᐛᐤ ᓂᐱᔭ ᑲ ᐸᔅᒋᐱᔨᒋ ᒋᓯᑯᒡ᙮
5ᐊᑯᔅ ᒋᑭ ᒪᒥᒋᑕᒺᐅᒡ ᑎᐸᔨᒋᒐᓱᐛ ᐅᑦ ᐃᓯᓂᐧᑲᓱᐅᓂᔪᐤ:
ᐛᔅ ᒋ ᐃᑎᓱᐛᐤ, ᐊᑯ ᑲ ᐅᓯᐊᑭᓄᐅᒡ᙮
6ᑭᔭ ᒋ ᒥᔅᑯᐅᔅᑕᐤ ᑲᒋᒡ ᑭᔭ ᑲᒋᒡ:
ᒋ ᐎᔨᓱᐛᐤ ᒐ ᐊᑲ ᐎᒪᔅᑲᒐᐱᔨᔨᒋ᙮
7ᒪᒥᒋᒥᐧᒄ ᑎᐸᔨᒋᒐᓱᐤ ᐊᔅᒋᒡ ᐅᒋ,
ᒋᔨᐛᐤ ᒥᓯᒋᓇᐱᑯᑐᒄ, ᑭᔭ ᒥᓯᐛ ᒋᔅᑲᔨᐛᑐᒄ;
8ᐃᔅᑯᑕᐤ, ᑭᔭ ᐊ ᒂᑯᑲᐛᑕᒡ, ᑯᓐ ᑭᔭ ᐊ ᓂᐱᐛᐱᑕᒡ;
ᐊ ᔪᑎᒡ ᐊ ᑎᐱᐸᔨᑕᒧᒥᑭᓂᔨᒡ ᐅᑦ ᐃᔨᒧᐅᓐ;
9ᐱᔅᑯᑎᓇᐛ, ᑭᔭ ᒥᓯᐛ ᐱᔅᑯᑎᓇᓴ;
ᑲ ᒥᓂᓯᐅᒡ ᒥᔅᑎᑯᒡ, ᑭᔭ ᒥᓯᐛ ᒪᔅᒋᔅᑲᑎᑯᒡ;
10ᐊᐛᓯᓯᒡ ᓂᑐᐎᔾ ᑲ ᐱᐸᒥᐸᑕᒡ ᑭᔭ ᑲ ᑭᓄᐛᔨᒪᑭᓄᐅᒡ;
ᑲᐱᒥᑕᒋᒧᒡ, ᑭᔭ ᑲ ᐱᐸᒥᔭᒡ ᐱᔭᓱᐅᒡ;
11ᒋᓴᐅᒋᒪᐅᒡ ᐊᔅᒋᒡ, ᑭᔭ ᒥᓯᐛ ᐃᔪᒡ;
ᒋᓴᐅᒋᒪᓯᒡ, ᑭᔭ ᒥᓯᐛ ᐅᑎᐸᔅᑯᓂᒐᐅᒡ ᐊᔅᒋᒡ;
12ᒪᒧᐤ ᐅᔅᒋᓂᒋᓱᐅᒡ, ᑭᔭ ᐅᔅᒋᓂᒋᔎᐅᒡ;
ᒋᓴᐃᔪᒡ, ᑭᔭ ᐊᐛᓯᒡ᙮
13ᐊᑯᔅ ᒋᑭ ᒪᒥᒋᑕᒺᐅᒡ ᑎᐸᔨᒋᒐᓱᐛ ᐅᑦ ᐃᓯᓂᐧᑲᓱᐅᓂᔪᐤ:
ᐛᔅ ᐎᔾ ᐅᑦ ᐃᓯᓂᐧᑲᓱᐅᓐ ᒥᒄ ᐃᔅᐸᔨᑕᒂᓂᔪᐤ;
ᐅᒋᔅᑕᔨᑕᑯᓱᐅᓐ ᐊᔪᐛᒋᔅᑲᒧᒪᑭᓂᔪᐤ ᐊᔅᒋᔪᐤ ᑭᔭ ᒋᓯᑯᔪᐤ᙮
14ᐊᓯᒡ ᑭᔭ ᐃᔅᐸᔨᑕᑯᐃᒪᐤ ᐅᑦ ᐊᔅᑲᓂᔨᐛ ᐅᑦ ᐃᔨᒪ,
ᐅᒪᒪᑕᑯᒥᑯᓯᐅᓂᔪᐤ ᒥᓯᐛ ᐅᐸᔭᒋᓯᒪ;
ᐃᔅᕋᐃᓪ ᐅᑦ ᐃᔨᒪ ᐅᑦ, ᐃᔪᐛ ᑲ ᐸᔄᐱᒥᑯᑦ᙮
ᒪᒥᒋᒥᐧᒄ ᑎᐸᔨᒋᒐᓱᐤ !
Pilihan Saat Ini:
ᑎᐱᑦ ᐅᓂᑭᒧᐅᓇ 148: ᓇᔅᑲᐱ
Sorotan
Bagikan
Salin
Ingin menyimpan sorotan di semua perangkat Anda? Daftar atau masuk
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada