Baroma 11
11
Shiisa sha Wele isi babaandu ba Isiraeli
1 #
Filp 3.5
Lekha indeebe shireebo shishindi: Shinyalikha Wele khukhwikaana babaandu beewe? Seshinyala shaaba shiryo ta. Khulwekhuba ise samweene indi mutweela khu ba Isiraeli babeene, ndi umwitsukhulu uwa Ibulayimu, nalundi ndi mutweela khu be mu shikuuka sha Benyamini. 2Wele siwayikaana babaandu beesi arobola khaale ta. Inywe si mumanya sheesi bibyaronebwa bikhosefu biloma khu Eliya, nga n'ekontselela Wele khulwe ba Isiraeli, nga aloma ari, 3#1 Bay 19.10,14“Umukasya, bamalile khukhwiira baŋoosi boowo, nalundi bafuniakile bibyeeso byoowo. Ise senyene niye uramilewo, ne akhaba ni nase balikho bakana khuurusawo bulamu bwase.”
4 #
1 Bay 19.18
Ne Wele amwiilamo aryeena? Amuloma ari, “Nayibikhila samweene babaandu biikana musaafu, babakhafukhama asi khu masikamo kabwe, besaaya Baali, wele uwe bubeeyi ta.” 5Shitweela busa, ni aluno ari iliwo babaramile bafwiiti beesi Wele amala khurobola khulwe bubweela bweewe. 6Ne khurobola khweesi Wele akhola khuli khulwe bubweela bweewe, ne s'ili khulwe bikholwa byeesi bakhola ta. Iba nga bari khurobola khweesi Wele akhola khwimikha khu byeesi babaandu bakhola, khali bubweela bwa Wele buba sibushiili bubweela ta, ne khali buli shishiindu shishindi busa.
7Shinaanu shishalooselakho? Babaandu ba Isiraeli bakhasikha khunyoola abe sheesi baweentsa. Bafwiti bari khu nibo babanyoola abe sheesi baweentsa, ne babaramile barama nga baminyaliile burume bwa Wele. 8#Maka 29.4; Isay 29.10Shaba nga bibyaronebwa bikhosefu ni biloma biri,
“Wele abawa kumwoyo kukukhamanya mangu ta,
ni tsimoni tsitsikhabona ta, ni kamaru kakakhawulila ta.
Ni khukhwolisa khu shifukhu she shaleelo, bali busa baryo.”
9 #
Zab 69.22,23 Ni Daudi naye aloma ari,
“Khali imeetsa iye kamayiiya kaabwe inyene yikyelile kumureko isi bawambikhila,
nio akile bakwe mu byonako, nalundi khali bafunile shitaambiso!
10Khali tsimoni tsaabwe tsimaliile nio balekha khubona ta,
nalundi khali balemaale befuumba kimikoongo kyabwe bulamu bwaabwe bwoosi.”
11Ari khandeebe shireebo shishindi: Bayudaaya ni betuya khu mureeko kukwabawo, bakwa asi bonakisibwa, namwe batalatala busa? Ni betuya si bakwa asi bonakisibwa ta, akhali indi khubirira mu khwoneka khwaabwe, Banaambo nabo bafuna buwonesi, nio akile liibuba liwambe ba Isiraeli. 12Bibyonako bye babaandu ba Isiraeli byakila byareera tsikhabi tsingali khu shiibala, nalundi khukhasikhana khwaabwe khwakila khwareera tsikhabi tsingali isi Banaambo. Nashiryo, tsikhabi tsiliba tsingali naabi nga bukali bwe Bayudaaya boosi bwongesebwile khu baandu bano.
Khuwonesebwa khwe Banaambo
13Ari khanganikhe isi inywe Banaambo. Khukhwaama nga ise n'indi umurume isi Banaambo, kane imbuyile naabi burume bwase, 14nio manya liibuba liwambe babaandu babaali Bayudaaya bashaase, nio musaambo iyo ise inyalise khuwonesakho batweela khu nibo. 15Khulwekhuba Wele n'abaloba nibo, shishamamo shaba busaale ni shiibala. Ne naanu umanya, oba Wele n'abafukiilisa nibo kane shimanyise shiina? Seshinyala shaaba shishiindu shishindi ta, akhali khulamukha khwe babaandu khukhwaama mu bafu. 16Umuundu n'abukula khu byaamo bikiboole wabiwanayo nga bikhosefu isi Wele, aba nga uwanileyo bibyaamo byoosi. Nalundi kusina kwe kusaala ni kuba kukhosefu, ni kusaala kwoosi nakwo kuba kulayi. 17Umuundu anyala wafuniaaka tsisakya tsye kusaala kweesi balyakho bibyaamo warusakho, wesakho tsisakya tsye kusaala kwe muusiru busa, nio bari nanywe mukabane khu buyiindifu bwe kusaala kweesi balyakho bibyaamo? 18Munyala mwebuyila muri inywe mufuura tsisakya tsye kusaala tsye khubweene? Ne abe noola mwibuyila, shebulila muri s'ali inywe nibo mumutikiya shisina ta, ne akhali shisina nisho shishibatikiya inywe. 19Munyala mwaloma muri, “Baafuniakakho tsisakya tsye khubweene nio akile ise nilekho.” 20Ilala, isho shili sha ŋali. Ne baatsifuna batsirusakho khulwe khulekha khuba ni khufukiilila ta. Ne inywe mwemikhile mu shifwo shabwe khulwe khufukiilila khweenywe. Nashiryo mukhaba ni khukhwibuyila ta, ne ni mube ni khukhwisanamo lukoosi khukali.
21Ne oba nga Wele s'alekha khuuwa ba Isiraeli shitaambiso ta, nibo babaali nga tsisakya tsye khubweene, mwambaasa muri alilekha khubawa inywe shitaambiso. 22Ari ni mubone shiisa ni burafu bya Wele nga ni bili; okesanisa burafu isi abo babakhola bibyonako, ne wabokesanisa inywe shiisa, khukhwaama n'ashiili uwe shiisa isi inywe. Ne busa ta, nanywe akhabakhalekho. 23Ne akhaba Bayudaaya nabo singa baba ni khufukiilila, Wele alibakobosa mu shifwo sheesi baabamo makiboole. Khulwekhuba Wele ali ni bunyala bwe khubakobosakho lundi. 24Khulwekhuba khulondekhana ni busaalikhana bwenywe, inywe Banaambo muli nga lusakya lulwama khu kusaala kwe muusiru. Ne mwareebwa khu kusaala kweesi balyakho bibyaamo. Seshiba shangu, nalundi she busaalikhana khukhwiisakho tsisakya tsisaalikhana tsinyene khu kusaala khweesi batsirema?
Shiisa sha Wele isi babaandu boosi
25Be buulebe, ingana mumanye bye shimoonyo shino. Khulwekhuba kane shibayeete inywe mulekhe khukhwambaasa nga ni muli bakyesi ta. Shimoonyo nisho shili indi: bumiinyi bwengiile mu luwande lutweela lwe ba Isiraeli. Ne bumiinyi buno kane bubewo khukhwolisa nga Banaambo boosi bamalile khukhwiitsa isi Wele. 26#Isay 59.20,21Ne lwanyuma lwabo, ba Isiraeli babaramile nabo nio bawonesebwe. Nga bibyaronebwa bikhosefu ni biloma biri, “Umuwonesi aliitsa khukhwaama i Sayuuni. Niye ulileekela babetsukhulu ba Yakobo khurya Wele. 27#Isay 27.9Iyino niyo iliba indakaano yase ni nabo nga namalile khurusawo bibyonako byabwe.” 28Khu bye Kamakhuuwa Kamalayi, Bayudaaya bali basiku isi Wele. Ne bali basiku isi Wele khulwenywe Banaambo. Ne khu biwamba khuuba barobole, Wele ashiikana ba Isiraeli; abakana khulwe bakuuka baabwe. 29Khulwekhuba nga Wele wamalile khurobola namwe nga Wele waweeleyo shiwaanwa, s'ashuusakho shishambaaso ta. 30Shili nga abe khaale inywe Banaambo ni mwaminyaalila Wele, ne ari wabawambila shiisa khulwe bumiinyi bwe Bayudaaya. 31Ni musaambo niyo ndweela, Bayudaaya ari bali bamiinyi isi Wele nio akile Wele mu khubawa inywe shiisa, nabo bafunilemo shiisa. 32Khulwekhuba Wele wakalusa babaandu boosi khuuba babowe asi e bumiinyi, nio akile okesanise babaandu boosi shiisa.
Khuruuya Wele
33 #
Isay 55.8; Makh 17.1 Nga buyiindifu bwa Wele bwe kamaani! Nga Wele ali ni kamakyesi nalundi wamanya bibiindu bikali! Naanu unyala wamanya sheesi Wele atsya khukhalawo? Naanu unyala wamanya isaambo yeesi Wele araambamo kimilimo kyeewe? 34#Isay 40.13Bibyaronebwa bikhosefu biloma biri, “Naanu unyala wamanya khukhwambaasa khw'Omukasya? Namwe iliwo umuundu yeesi uwawakho Wele kamakyesi? 35#Yob 41.11Namwe naanu uwawakho Wele shishiindu shoosi, ari manya nyaanga Wele ashimukobosele?” 36#1 Kor 8.6Bibiindu byoosi bibiliwo byaama isi Wele; nalundi byoosi biliwo khulweewe, nga bibyeewe. Shiriifwa shibe isi Wele biilo ni biilo. Amiina.
Pilihan Saat Ini:
Baroma 11: LCE
Sorotan
Salin
Bandingkan
Bagikan
Ingin menyimpan sorotan di semua perangkat Anda? Daftar atau masuk
Lumasaaba Catholic Bible © The Bible Society of Uganda, 2017.
Baroma 11
11
Shiisa sha Wele isi babaandu ba Isiraeli
1 #
Filp 3.5
Lekha indeebe shireebo shishindi: Shinyalikha Wele khukhwikaana babaandu beewe? Seshinyala shaaba shiryo ta. Khulwekhuba ise samweene indi mutweela khu ba Isiraeli babeene, ndi umwitsukhulu uwa Ibulayimu, nalundi ndi mutweela khu be mu shikuuka sha Benyamini. 2Wele siwayikaana babaandu beesi arobola khaale ta. Inywe si mumanya sheesi bibyaronebwa bikhosefu biloma khu Eliya, nga n'ekontselela Wele khulwe ba Isiraeli, nga aloma ari, 3#1 Bay 19.10,14“Umukasya, bamalile khukhwiira baŋoosi boowo, nalundi bafuniakile bibyeeso byoowo. Ise senyene niye uramilewo, ne akhaba ni nase balikho bakana khuurusawo bulamu bwase.”
4 #
1 Bay 19.18
Ne Wele amwiilamo aryeena? Amuloma ari, “Nayibikhila samweene babaandu biikana musaafu, babakhafukhama asi khu masikamo kabwe, besaaya Baali, wele uwe bubeeyi ta.” 5Shitweela busa, ni aluno ari iliwo babaramile bafwiiti beesi Wele amala khurobola khulwe bubweela bweewe. 6Ne khurobola khweesi Wele akhola khuli khulwe bubweela bweewe, ne s'ili khulwe bikholwa byeesi bakhola ta. Iba nga bari khurobola khweesi Wele akhola khwimikha khu byeesi babaandu bakhola, khali bubweela bwa Wele buba sibushiili bubweela ta, ne khali buli shishiindu shishindi busa.
7Shinaanu shishalooselakho? Babaandu ba Isiraeli bakhasikha khunyoola abe sheesi baweentsa. Bafwiti bari khu nibo babanyoola abe sheesi baweentsa, ne babaramile barama nga baminyaliile burume bwa Wele. 8#Maka 29.4; Isay 29.10Shaba nga bibyaronebwa bikhosefu ni biloma biri,
“Wele abawa kumwoyo kukukhamanya mangu ta,
ni tsimoni tsitsikhabona ta, ni kamaru kakakhawulila ta.
Ni khukhwolisa khu shifukhu she shaleelo, bali busa baryo.”
9 #
Zab 69.22,23 Ni Daudi naye aloma ari,
“Khali imeetsa iye kamayiiya kaabwe inyene yikyelile kumureko isi bawambikhila,
nio akile bakwe mu byonako, nalundi khali bafunile shitaambiso!
10Khali tsimoni tsaabwe tsimaliile nio balekha khubona ta,
nalundi khali balemaale befuumba kimikoongo kyabwe bulamu bwaabwe bwoosi.”
11Ari khandeebe shireebo shishindi: Bayudaaya ni betuya khu mureeko kukwabawo, bakwa asi bonakisibwa, namwe batalatala busa? Ni betuya si bakwa asi bonakisibwa ta, akhali indi khubirira mu khwoneka khwaabwe, Banaambo nabo bafuna buwonesi, nio akile liibuba liwambe ba Isiraeli. 12Bibyonako bye babaandu ba Isiraeli byakila byareera tsikhabi tsingali khu shiibala, nalundi khukhasikhana khwaabwe khwakila khwareera tsikhabi tsingali isi Banaambo. Nashiryo, tsikhabi tsiliba tsingali naabi nga bukali bwe Bayudaaya boosi bwongesebwile khu baandu bano.
Khuwonesebwa khwe Banaambo
13Ari khanganikhe isi inywe Banaambo. Khukhwaama nga ise n'indi umurume isi Banaambo, kane imbuyile naabi burume bwase, 14nio manya liibuba liwambe babaandu babaali Bayudaaya bashaase, nio musaambo iyo ise inyalise khuwonesakho batweela khu nibo. 15Khulwekhuba Wele n'abaloba nibo, shishamamo shaba busaale ni shiibala. Ne naanu umanya, oba Wele n'abafukiilisa nibo kane shimanyise shiina? Seshinyala shaaba shishiindu shishindi ta, akhali khulamukha khwe babaandu khukhwaama mu bafu. 16Umuundu n'abukula khu byaamo bikiboole wabiwanayo nga bikhosefu isi Wele, aba nga uwanileyo bibyaamo byoosi. Nalundi kusina kwe kusaala ni kuba kukhosefu, ni kusaala kwoosi nakwo kuba kulayi. 17Umuundu anyala wafuniaaka tsisakya tsye kusaala kweesi balyakho bibyaamo warusakho, wesakho tsisakya tsye kusaala kwe muusiru busa, nio bari nanywe mukabane khu buyiindifu bwe kusaala kweesi balyakho bibyaamo? 18Munyala mwebuyila muri inywe mufuura tsisakya tsye kusaala tsye khubweene? Ne abe noola mwibuyila, shebulila muri s'ali inywe nibo mumutikiya shisina ta, ne akhali shisina nisho shishibatikiya inywe. 19Munyala mwaloma muri, “Baafuniakakho tsisakya tsye khubweene nio akile ise nilekho.” 20Ilala, isho shili sha ŋali. Ne baatsifuna batsirusakho khulwe khulekha khuba ni khufukiilila ta. Ne inywe mwemikhile mu shifwo shabwe khulwe khufukiilila khweenywe. Nashiryo mukhaba ni khukhwibuyila ta, ne ni mube ni khukhwisanamo lukoosi khukali.
21Ne oba nga Wele s'alekha khuuwa ba Isiraeli shitaambiso ta, nibo babaali nga tsisakya tsye khubweene, mwambaasa muri alilekha khubawa inywe shitaambiso. 22Ari ni mubone shiisa ni burafu bya Wele nga ni bili; okesanisa burafu isi abo babakhola bibyonako, ne wabokesanisa inywe shiisa, khukhwaama n'ashiili uwe shiisa isi inywe. Ne busa ta, nanywe akhabakhalekho. 23Ne akhaba Bayudaaya nabo singa baba ni khufukiilila, Wele alibakobosa mu shifwo sheesi baabamo makiboole. Khulwekhuba Wele ali ni bunyala bwe khubakobosakho lundi. 24Khulwekhuba khulondekhana ni busaalikhana bwenywe, inywe Banaambo muli nga lusakya lulwama khu kusaala kwe muusiru. Ne mwareebwa khu kusaala kweesi balyakho bibyaamo. Seshiba shangu, nalundi she busaalikhana khukhwiisakho tsisakya tsisaalikhana tsinyene khu kusaala khweesi batsirema?
Shiisa sha Wele isi babaandu boosi
25Be buulebe, ingana mumanye bye shimoonyo shino. Khulwekhuba kane shibayeete inywe mulekhe khukhwambaasa nga ni muli bakyesi ta. Shimoonyo nisho shili indi: bumiinyi bwengiile mu luwande lutweela lwe ba Isiraeli. Ne bumiinyi buno kane bubewo khukhwolisa nga Banaambo boosi bamalile khukhwiitsa isi Wele. 26#Isay 59.20,21Ne lwanyuma lwabo, ba Isiraeli babaramile nabo nio bawonesebwe. Nga bibyaronebwa bikhosefu ni biloma biri, “Umuwonesi aliitsa khukhwaama i Sayuuni. Niye ulileekela babetsukhulu ba Yakobo khurya Wele. 27#Isay 27.9Iyino niyo iliba indakaano yase ni nabo nga namalile khurusawo bibyonako byabwe.” 28Khu bye Kamakhuuwa Kamalayi, Bayudaaya bali basiku isi Wele. Ne bali basiku isi Wele khulwenywe Banaambo. Ne khu biwamba khuuba barobole, Wele ashiikana ba Isiraeli; abakana khulwe bakuuka baabwe. 29Khulwekhuba nga Wele wamalile khurobola namwe nga Wele waweeleyo shiwaanwa, s'ashuusakho shishambaaso ta. 30Shili nga abe khaale inywe Banaambo ni mwaminyaalila Wele, ne ari wabawambila shiisa khulwe bumiinyi bwe Bayudaaya. 31Ni musaambo niyo ndweela, Bayudaaya ari bali bamiinyi isi Wele nio akile Wele mu khubawa inywe shiisa, nabo bafunilemo shiisa. 32Khulwekhuba Wele wakalusa babaandu boosi khuuba babowe asi e bumiinyi, nio akile okesanise babaandu boosi shiisa.
Khuruuya Wele
33 #
Isay 55.8; Makh 17.1 Nga buyiindifu bwa Wele bwe kamaani! Nga Wele ali ni kamakyesi nalundi wamanya bibiindu bikali! Naanu unyala wamanya sheesi Wele atsya khukhalawo? Naanu unyala wamanya isaambo yeesi Wele araambamo kimilimo kyeewe? 34#Isay 40.13Bibyaronebwa bikhosefu biloma biri, “Naanu unyala wamanya khukhwambaasa khw'Omukasya? Namwe iliwo umuundu yeesi uwawakho Wele kamakyesi? 35#Yob 41.11Namwe naanu uwawakho Wele shishiindu shoosi, ari manya nyaanga Wele ashimukobosele?” 36#1 Kor 8.6Bibiindu byoosi bibiliwo byaama isi Wele; nalundi byoosi biliwo khulweewe, nga bibyeewe. Shiriifwa shibe isi Wele biilo ni biilo. Amiina.
Pilihan Saat Ini:
:
Sorotan
Salin
Bandingkan
Bagikan
Ingin menyimpan sorotan di semua perangkat Anda? Daftar atau masuk
Lumasaaba Catholic Bible © The Bible Society of Uganda, 2017.