Buraambi 22
22
1“Be buulebe Bayudaaya bashaase ni ba paapa, ni muwulile tsilomo tsase, nga samweene ntsya khukhwiwotsakho isi muli.” 2Ne ni bawulila nga akanikha isi bali mu lulimi Luheburaniya, beloosela khusila.
Paulo weloosela nga aloma ari, 3#Bur 5.34-39“Ise ndi Umuyudaaya uwasaalikha i Taruso, shisiintsa she Kilikiya. Ne natsowesebwela mu shiriimba shino nga umuleekeli Gamalieli niye umuleekeli wase, khukhwiyika kamakaambila ke bakuuka beefwe, nga intsiinikhanila naabi bya Wele, nga nanywe ni muli ana ari. 4#Bur 8.3; 26.9-11Nakubyeengatsaka naabi babaandu be Intsila yino, naboolesa ni khubeera, nga imaamba basaani ni bakhasi boosi khubayila mu mapuusu. 5Umusaayi ufuura bukhulu ni basakhulu boosi banyala baawa bujulisi lwe shilomo isho. Nafuna tsi baluwa khukhwaama isi bali, tsitsinganikhakho khus'ise isi be buulebe be Damasiko, khuutsya khuwamba babaandu b'eyo, imbareere i Yerusalemu nga babowe khufuna shitaambiso.”
Paulo ekanikhakho khu khushuukha khweewe
(Bur 9.1-19; 26.12-18)
6“Ne ni naba nga ntsya, nga ndi ambi ni shiriimba Damasiko, saawa tsye mwihangilwe, khangu akho khumulikha khukali khwama mwikulu, khwamulikhila tsimbeka tsoosi. 7Ise nakwa asi, nawulila likono nga lindeeba liri, ‘Saulo, Saulo, lwashiina kila iwe ungubyeenga ise?’ 8Nase nilamo ndi, ‘Umukasya, Iwe naanu?’ Naye wanoma ari, ‘Ise Yezu we Nazareti, isi iwe ukubyeenga.’ 9Abo babaaba ni nase babona khumulikha, ne si bawulila likono ly'oyo uwakanikha ni nase ta. 10Ise namureeba ndi, ‘Umukasya, kane ise ikhole ndyeena?’ Umukasya wantsilamo ari, ‘Yinyukha utsye i Damasiko. Ibweeneyo, kane bakhuboolele she khukhola.’ 11Ne ise ni khanyala khubona lwe khumulikha khukali khwe buwaanga ta, ibo babaaba ni nase bamaamba kumukhono, bananjilila khukhwoola i Damasiko.
12“Abawo umusaani lisiina lyeewe bari Ananiya mu shiriimba isho, uwaba esaaya naabi Wele, nga kamakaambila ni kaloma, nalundi nga Bayudaaya b'eyo boosi bamwisamo naabi lukoosi. 13Umweeneyo weetsa wimikha ise isiindi wanoma ari, ‘Uwe buulebe Saulo, n'ubone lundi.’ Ni nase mu mbuka nyeneyo nabimbula tsimoni, namubona. 14Lwanyuma waloma ari, ‘Wele we bakuuka beefwe, wakhuroboole iwe umanye ibyo byeesi akana, ubone Umukhosefu weewe, lundi uwulile likono lilyaama mukhanwa mweewe. 15Lwekhuba uliiba umujulisi weewe isi babaandu boosi mwibyo byeesi uboone nalundi byeesi uwuliile. 16Aso, ari waliindile shiina? Yinyukha ubatisibwe, usingibwekho bibyonako byoowo, nga uloomba mu lisiina lya Wele.’
Paulo arumanibwa khuboolela Banaambo
17“Lulwoola ni naba nga nakobooleyo i Yerusalemu, nga ndi mu Lisaayilo Likhulu inoomba, nafwana nga uroora. 18Nabona Umukasya nga anoma ari, ‘Yuubakho khangu urure mu Yerusalemu, lwekhuba singene bafukiilise bujulisi bweesi ubawa khusiise ta.’ 19Nase nilamo ndi, ‘Umukasya, babaandu bano bamanya nga ni natsyatsaka mu ntsu tsye khukhwisaayilamo, nembowa lundi ne khupa ibo babafukiilila mwiiwe. 20#Bur 7.58Nalundi ni kamafuki k'omujulisi woowo Sitefano ni katsukhiwa, nase samweene nabawo, nga iŋaŋasa khukhwiribwa khweewe, lundi nga iniinda bikwaaro byaabo babamwiira.’
21“Lundi Umukasya wanoma ari, ‘N'utsye, lwekhuba ndikhurumana aleeyi mu Banaambo.’ ”
22Lituuli lye babaandu lyarekeeresa Paulo khukhwoolesa khu shilomo shino, lwanyuma benyusa kamakono kaawe angaaki nga baloma bari, “Murusewo, lwekhuba umuundu ufwana aryo sishimwakhila khuuba mulamu khu shiibala ta.” 23Ne ni baaba nga bashiyokesela angaaki, nga bawuutsa tsingubo tsaawe, lundi nga bahanyaka lifukhuulu mu ngaaki, 24umukhulu we liye umu Roma walakila ari Paulo bamuyile mu lumako, bamukhupe nga bamureebelesa, nio bamanye lwashiina babaandu baaba bayokesa naabi baryo. 25Ne ni baamala khumubowa tsikhoba nio bamukhupe, Paulo waloma umukhulu we liye uwaba wamwimilewo ambi ari, “Shifukiilisibwa mu makaambila khukhupa umuundu umu Roma nga bashiili khumukhalila kumusaango ta?”
26Ne umukhulu uyo n'awulila aryo, watsya isi umukhulu umweene uwe liye, wamuloma ari, “Ari, unakhola uryeena? Lwekhuba umusaani yuno ali umu Roma.”
27Umukhulu we liye wesyeenda ambi isi Paulo wamureeba ari, “Imboolele khubone, iwe uli umu Roma?”
Paulo naye welamo ari, “Ee!”
28Kila umukhulu we liye aloma ari, “Ise nasasula tsinusu tsingali busa khukhwikyela umu Roma.”
Ne Paulo wamwiilamo ari, “Ne ise ndi umusaalikhana umu Roma umweene.”
29Baryo ibo bababawo nga bakana khumureebelesa, barurawo khangu akho. N'umukhulu we liye umweene, naye warya naabi, nga n'amanya ari Paulo umu Roma, ate nga wamubowele.
30Ne ni bwasha khu shifukhu shishelakho, nga umukhulu we liye akana ekure buulayi ilomo yeesi Bayudaaya bawabila Paulo, wamukangulula, ne walakila basaayi bakhulu ni lukhobo lwoosi khubusana, wareera Paulo wamwiimisa mu moni tsaawe.
Pilihan Saat Ini:
Buraambi 22: LCE
Sorotan
Salin
Bandingkan
Bagikan
Ingin menyimpan sorotan di semua perangkat Anda? Daftar atau masuk
Lumasaaba Catholic Bible © The Bible Society of Uganda, 2017.
Buraambi 22
22
1“Be buulebe Bayudaaya bashaase ni ba paapa, ni muwulile tsilomo tsase, nga samweene ntsya khukhwiwotsakho isi muli.” 2Ne ni bawulila nga akanikha isi bali mu lulimi Luheburaniya, beloosela khusila.
Paulo weloosela nga aloma ari, 3#Bur 5.34-39“Ise ndi Umuyudaaya uwasaalikha i Taruso, shisiintsa she Kilikiya. Ne natsowesebwela mu shiriimba shino nga umuleekeli Gamalieli niye umuleekeli wase, khukhwiyika kamakaambila ke bakuuka beefwe, nga intsiinikhanila naabi bya Wele, nga nanywe ni muli ana ari. 4#Bur 8.3; 26.9-11Nakubyeengatsaka naabi babaandu be Intsila yino, naboolesa ni khubeera, nga imaamba basaani ni bakhasi boosi khubayila mu mapuusu. 5Umusaayi ufuura bukhulu ni basakhulu boosi banyala baawa bujulisi lwe shilomo isho. Nafuna tsi baluwa khukhwaama isi bali, tsitsinganikhakho khus'ise isi be buulebe be Damasiko, khuutsya khuwamba babaandu b'eyo, imbareere i Yerusalemu nga babowe khufuna shitaambiso.”
Paulo ekanikhakho khu khushuukha khweewe
(Bur 9.1-19; 26.12-18)
6“Ne ni naba nga ntsya, nga ndi ambi ni shiriimba Damasiko, saawa tsye mwihangilwe, khangu akho khumulikha khukali khwama mwikulu, khwamulikhila tsimbeka tsoosi. 7Ise nakwa asi, nawulila likono nga lindeeba liri, ‘Saulo, Saulo, lwashiina kila iwe ungubyeenga ise?’ 8Nase nilamo ndi, ‘Umukasya, Iwe naanu?’ Naye wanoma ari, ‘Ise Yezu we Nazareti, isi iwe ukubyeenga.’ 9Abo babaaba ni nase babona khumulikha, ne si bawulila likono ly'oyo uwakanikha ni nase ta. 10Ise namureeba ndi, ‘Umukasya, kane ise ikhole ndyeena?’ Umukasya wantsilamo ari, ‘Yinyukha utsye i Damasiko. Ibweeneyo, kane bakhuboolele she khukhola.’ 11Ne ise ni khanyala khubona lwe khumulikha khukali khwe buwaanga ta, ibo babaaba ni nase bamaamba kumukhono, bananjilila khukhwoola i Damasiko.
12“Abawo umusaani lisiina lyeewe bari Ananiya mu shiriimba isho, uwaba esaaya naabi Wele, nga kamakaambila ni kaloma, nalundi nga Bayudaaya b'eyo boosi bamwisamo naabi lukoosi. 13Umweeneyo weetsa wimikha ise isiindi wanoma ari, ‘Uwe buulebe Saulo, n'ubone lundi.’ Ni nase mu mbuka nyeneyo nabimbula tsimoni, namubona. 14Lwanyuma waloma ari, ‘Wele we bakuuka beefwe, wakhuroboole iwe umanye ibyo byeesi akana, ubone Umukhosefu weewe, lundi uwulile likono lilyaama mukhanwa mweewe. 15Lwekhuba uliiba umujulisi weewe isi babaandu boosi mwibyo byeesi uboone nalundi byeesi uwuliile. 16Aso, ari waliindile shiina? Yinyukha ubatisibwe, usingibwekho bibyonako byoowo, nga uloomba mu lisiina lya Wele.’
Paulo arumanibwa khuboolela Banaambo
17“Lulwoola ni naba nga nakobooleyo i Yerusalemu, nga ndi mu Lisaayilo Likhulu inoomba, nafwana nga uroora. 18Nabona Umukasya nga anoma ari, ‘Yuubakho khangu urure mu Yerusalemu, lwekhuba singene bafukiilise bujulisi bweesi ubawa khusiise ta.’ 19Nase nilamo ndi, ‘Umukasya, babaandu bano bamanya nga ni natsyatsaka mu ntsu tsye khukhwisaayilamo, nembowa lundi ne khupa ibo babafukiilila mwiiwe. 20#Bur 7.58Nalundi ni kamafuki k'omujulisi woowo Sitefano ni katsukhiwa, nase samweene nabawo, nga iŋaŋasa khukhwiribwa khweewe, lundi nga iniinda bikwaaro byaabo babamwiira.’
21“Lundi Umukasya wanoma ari, ‘N'utsye, lwekhuba ndikhurumana aleeyi mu Banaambo.’ ”
22Lituuli lye babaandu lyarekeeresa Paulo khukhwoolesa khu shilomo shino, lwanyuma benyusa kamakono kaawe angaaki nga baloma bari, “Murusewo, lwekhuba umuundu ufwana aryo sishimwakhila khuuba mulamu khu shiibala ta.” 23Ne ni baaba nga bashiyokesela angaaki, nga bawuutsa tsingubo tsaawe, lundi nga bahanyaka lifukhuulu mu ngaaki, 24umukhulu we liye umu Roma walakila ari Paulo bamuyile mu lumako, bamukhupe nga bamureebelesa, nio bamanye lwashiina babaandu baaba bayokesa naabi baryo. 25Ne ni baamala khumubowa tsikhoba nio bamukhupe, Paulo waloma umukhulu we liye uwaba wamwimilewo ambi ari, “Shifukiilisibwa mu makaambila khukhupa umuundu umu Roma nga bashiili khumukhalila kumusaango ta?”
26Ne umukhulu uyo n'awulila aryo, watsya isi umukhulu umweene uwe liye, wamuloma ari, “Ari, unakhola uryeena? Lwekhuba umusaani yuno ali umu Roma.”
27Umukhulu we liye wesyeenda ambi isi Paulo wamureeba ari, “Imboolele khubone, iwe uli umu Roma?”
Paulo naye welamo ari, “Ee!”
28Kila umukhulu we liye aloma ari, “Ise nasasula tsinusu tsingali busa khukhwikyela umu Roma.”
Ne Paulo wamwiilamo ari, “Ne ise ndi umusaalikhana umu Roma umweene.”
29Baryo ibo bababawo nga bakana khumureebelesa, barurawo khangu akho. N'umukhulu we liye umweene, naye warya naabi, nga n'amanya ari Paulo umu Roma, ate nga wamubowele.
30Ne ni bwasha khu shifukhu shishelakho, nga umukhulu we liye akana ekure buulayi ilomo yeesi Bayudaaya bawabila Paulo, wamukangulula, ne walakila basaayi bakhulu ni lukhobo lwoosi khubusana, wareera Paulo wamwiimisa mu moni tsaawe.
Pilihan Saat Ini:
:
Sorotan
Salin
Bandingkan
Bagikan
Ingin menyimpan sorotan di semua perangkat Anda? Daftar atau masuk
Lumasaaba Catholic Bible © The Bible Society of Uganda, 2017.