ಲೂಕ ಮುನ್ನುಡಿ
ಮುನ್ನುಡಿ
ಒರ್ ರಕ್ಷಕ ಬಪ್ಪಾಂದ್ ಇಸ್ರಾಯೇಲ್ ಜನ ಪಾರಕಾತಂಡಿಂಜ ರಕ್ಷಕನಾಯಿತು, ಈ ಲೋಕತ್‍ರ ಎಲ್ಲಾ ಜನಳ ಕಾಪಾಡ್‌ವ ರಕ್ಷಕನಾಯಿತು, ಲೂಕ, ಯೇಸುರ ವಿಷಯತ್ ಈ ಪುಸ್ತಕತ್‍ಲ್ ಒಳ್‍ದ್‍ಚಿ. ಪಾಪತ್‍ಲ್ ಉಳ್ಳ ಜನಕೆಲ್ಲ ನಲ್ಲ ಸುದ್ದಿನ ಎಣ್ಣ್‌ವಕಾಯಿತ್ ದೇವಡ ಆತ್ಮ ಯೇಸುನ ಅಯಿಚತ್‍ೕಂದ್ ಲೂಕ ಎಣ್ಣಿಯಂಡುಂಡ್. ಅದಲ್ಲತೆ, ಯೇಸು ಜನಕ್ ಕಾಟ್‍ನ ಕನಿಕರತ್‍ನ ಚಾಯಿ ಕಾಟಿತಪ್ಪ. ಈ ಪುಸ್ತಕತ್‍ಲ್, ಯೇಸು ಎನ್ನನೆ ಈ ಲೋಕತ್‍ಲ್ ಪುಟ್ಟ್‌ಚಿ, ಎನ್ನನೆ ಬೊಳ್‌ಂದ್‍ಚಿ, ಅಂವೊ ಎನ್ನನೆ ಸೇವೆ ಮಾಡ್‍ಚೀಂದ್ ಕ್ರಮವಾಯಿತ್ ಒಳ್‍ದಿ ಬೆಚ್ಚಿತುಂಡ್. ಯೇಸು ಜನಡ ಪಾಪಕಾಯಿತ್ ಎನ್ನನೆ ತಾಂಡ ಜೀವತ್‍ನ ಶಿಲುಬೇಲ್ ಒಪ್ಪ್‌ಚಿಟ್ಟತ್, ಎನ್ನನೆ ಪುನಃ ಜೀವವಾಯಿತ್ ಬಾತ್‍ೕಂದ್ ಪಿಂಞ ಪರಲೋಕಕ್ ಪೋಚೀಂದುಳ್ಳದ್‍ನ ಈ ಪುಸ್ತಕತ್‍ಲ್ ನೋಟ್‍ವಕ್ ಕಯ್ಯು. ಯೇಸು ಈ ಲೋಕಕ್ ಬಂದ ವಿಷಯ, ಪಿಂಞ ಜನಕ್ ಅಂವೊ ಸೇವೆ ಮಾಡ್‍ನದೆಲ್ಲಾ ಕ್ರಮತ್‍ಲ್ ಗೊತ್ತಾಪನೆಕೆ ಲೂಕ ಒಳ್‍ದಿಯತ್.
ಮುನ್ನುಡಿ 1.1–4
ಯೇಸು ಪುಟ್ಟ್‌ನ ವಿವರ 1.5–2.52
ನೀರ್‌ಕ್ ಮುಕ್ಕುವ ಯೋಹಾನಂಡ ಸೇವೆ 3.1–20
ಯೇಸುರ ದೀಕ್ಷಾಸ್ನಾನ ಪಿಂಞ ಅಂವೊಂಗ್ ಬಂದ ಸೋದನೆ 3.21–4.13
ಗಲಿಲಾಯತ್‍ಲ್ ಯೇಸುರ ಸೇವೆ 4.14–9.50
ಯೇಸುರ ಯೆರೂಸಲೇಮ್ ಪ್ರಯಾಣ 9.51–19.27
ಯೆರೂಸಲೇಮ್‍ರ ಸುತ್ತ್‌ಮುತ್ತ್‌ಲ್ ಯೇಸುರ ಕಡೆ ವಾರತ್‍ರ ಸೇವೆ 19.28–23.56
ಯೇಸುರ ಚಾವ್, ಪುನಃ ಜೀವವಾಯಿತ್ ಬಪ್ಪದ್, ಶಿಷ್ಯಂಗಕ್ ಕಾಂಬ್‍ಚಿಟ್ಟದ್ ಪಿಂಞ ಪರಲೋಕಕ್ ಪೋನದ್ 24.1–53
Pilihan Saat Ini:
ಲೂಕ ಮುನ್ನುಡಿ: ಕೊಡವ
Sorotan
Bagikan
Salin
Ingin menyimpan sorotan di semua perangkat Anda? Daftar atau masuk
© 2017, New Life Literature (NLL)