Sɛɡla 5
5
Jwamane jae wa
1N bie, cheɡ deŋne,
dɛ́ no n wejema nɔ,
no waa aa dɛ tɛ waa mun
noe.
2Ásɛ dɛ che a ta dɔ dadɛɛɡe,
ásɛ he wobol baɡle kɛŋɔ
he dɔ wejema.
3Hanjwamane nyoa wobol
som kɛŋɔ tooh ken,
o taa pwɛre ɡwaa no,#Wej 7:26
4kɛ a habɔɔ la,
waa waa doe a ta la
kpeli kɛŋɔ ol kpela.
O nyoa wobol
dɛ do nɛn bol
kɛŋɔ naŋɡɔse ken.
5Wɛɛ kaa he ne seo taa,
lalabwɛɛ ŋwɛnɛɛ wɛɛ kpɔ.
6Waa ŋwɛnɛ waa
dɛ tɛ mkpa la ta kpɔ,
valaa o valɛ dɛɛ valɛ,
waa jemɛ anɔ la waa dɛ ɛ.
7N bii, hé berɛ no,
hɛɛ berɛ waa maa
dɛ bol he be nɔ soeh.
8Haah waa do ɡɛ la,
hé laa he te kpɔ o nɛ,
he bɛ o doonyoa kwaraa
fɛrɛ.
9Gɛ laa aa, hɛɛ paŋɛ
he bonɔɔne saŋ
jirima he fa aa dɔa la
nyubinikpeɡ tena nɔn taa.
10Ásɛ nɛŋhɔɔhra
ba kpɔ he kondɔɔh di,
ásɛ kwaa haa ɛ toma
dɛ dɔ la,
bɛ nomɛl kwaa ba berɛ.
11Haa ba hwɛɛh la,
he ba chɔ dɛɛ hime,
ɡɛ saŋ he bwadabii
bwa aa ɡwɛɡra la,
12ásɛ he ba ŋɔ,
“N deŋnekpeɡ ne n waa
bɛ noe,
ne n bambikpeɡii tɛ mɛ.
13N ta nɛra baa baɡ mɛ
waa la be noɛ,
n ta nɛra baa do mɛ
la waa ta teŋɛ.
14Asɛ buɡ nɔ ta
mɛɛ ba ncho dii,
nɛra bwa siwi ta nɔ.”
15He ne he haah ɡbo ɛɛ chɔ,
kɛŋɔ haa dɛ nyɔ
he dem nee ɡbo la.
16Bɛ fɔɡbaahna haahna
ka nyin.
Ba do kɛŋɔ nee aa
wola were ne nyɔe.
17Kpoŋe he haah ɡbo,
he ne nomɛlbwa kon laa.
18Gel he sie ɛɛ lɛ
he bonɔɔne saŋ haah nɛ.
Korowii swee andɛɛɡa
tɛɛ he ne o chɔe bini.
19O wer kɛŋɔ diɡi ken,
o we-ɛɛla ɡe do wer,
ɡel he sie ɛɛ lɛ o nɛ,
hɛɛ nyinu kohona
saŋ bɛlbwa.
20N bie, bɔkwaa ɡela he berɛ
kpɔ he te tɛ hanfale bɛl
jaɔ?
Bɔkwaa ɡela hɛɛ sewɛ
he dɔŋ bɛl haah nɛɛ jaɔ?
21Korowii dɛ na wobɛlbwa
haa dɛ ɛ,
o jemɛ he vala bini bwa.
22Nɛnchɔɡe wechɔɡa
do kɛŋɔ bel dɛ tɛo,
o dichɔɡaa dɛɛ lawɔ.
23Lawa waa wola won o te
lawɛ laanee dɛ́ kpoo,
o ɡɛnaa ɡela wɛɛ sewɛ.
Pilihan Saat Ini:
Sɛɡla 5: mzw
Sorotan
Salin
Bandingkan
Bagikan
Ingin menyimpan sorotan di semua perangkat Anda? Daftar atau masuk
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.