Ayat-ayat Alkitab Ternama dari Romaq 14

Bagikan

Hkâsu mù gâ le, Garai Gasâng é mîngdán gi, zo zo shuq shuq hkyô a nghut é za, díngmán hkyô, nguì ngón hkyô eq Chyoiyúng Sô má gabú é hkyô ru nghut lhê. Haî mù gâ le, shí hkyô dông mai Hkrisidùq lé dójaú é sû gi, Garai Gasang ô nau é sû eq byu pê èq hkya-ôn é hui sû nghut ri.

Ngá-nhúng chyungxe dui nyi le gi, haû Yhûmsing é matú dui é ru nghut lhê; ngá-nhúng shi byùq le gi, haû Yhûmsing é matú shi é ru nghut lhê. Haû mù, chyungxe dui nyì kôlhang, shi byùq kôlhang, ngá-nhúng gi, haû Yhûmsîng eq sêng é bang nghut lhê.

Haû mù luî, nguì ngón hkyô má nyì râ eq, rayùq eq rayùq wum byî lhum râ hkyô lé, shi-kùt nyì keq.

Haû nghut mù, ngá-nhúng gi, rayùq eq rayùq târâ jéyáng lhûm é hkyô lé tô pyám sháng. Ó yùq nghut kôlhang, yhûmsing é gu-mâng é hkyôwuì má, myìt lèqbàt jowò eq htûng htê jowò a to byi râ matú, myìt sidìq keq.

Hkâsu mù gâ le, “Haû Yhûmsîng gi, ‘Ngò rû dui nyi é eq rajung za, Ngá é hí má hkyîhput hkangmó htuq râ nghut lhê; Garai Gasang lé, shô hkangmó èq yín yû kôrâ nghut lhê.’ ga taî ri.” ga kâ tô ri. Haû mù luî, ngá-nhúng yùq hkangmó gi, yhûmsîng kut laî lo é hkyô lé, Garai Gasâng chyáng shit ra râ nghut lhê.

Lùmjíng myìt má wum nyhóm sû lé, myíng myo nhô zâ é hkyô pé lé a jéyáng byî é za hàp yù keq.

Nàng gi, ó yùq wá nghut mù, góyùq é duìnhâng zoshâng lé jéyáng lhê lhú? Yhang, yàp ging kôlhang, lèqbàt kôlhang, yhâng é yhûmsing myìt za nghut lhê. Yhang gi, wó yàp ging râ nghut lhê; hkâsu mù gâ le, haû Yhûmsîng gi, yhang lé wó yàp ging nhâng Sû nghut lhê.