Ayat-ayat Alkitab Ternama dari Hpilipi 1

Bagikan

Haû núngmòq má ge é múzó kut hi é sû Garai Gasang gi, Yesuq Hkrisidùq é buìnyì jé shoq múzó haû lé lhoqpán râ nghut lhê nghû, ngò hkyak myìt lum tô lhê.

Hau htoq agó, núngmòq gi, je ge é hkyô lé dàt gam hkoq mù, Hkrisidùq é buìnyì má sanséng luî mara a bo é za, Garai Gasâng é hpungwup shingkang eq hkya-on kúngtôn hkyo é matú, Yesuq Hkrisidùq é yánmai lo é díngmán hkyo é ashi wó byíng nyî sháng gàq nghû le

Hkâsu mù gâ le, ngò, chyungxe dui nyi le gi, Hkrisidùq é matú, shî jáng gi, ngá é a-myàt nghut ri.

Ngò gi, núngmòq lé myìtbûn kat hkangmó, ngá é Garai Gasang lé jeju hkya-ôn nyi lhê.

Haî wá dùt kôlhang, núngmòq gi, Hkrisidùq é gabú danglù eq gíngdán é dông nyì yàp keq. Haû jáng, ngò, núngmòq chyáng jé mù huî lhûm é hkûn nghut nghut, wê gâng lhûm tô é hkûn nghut nghut, núngmòq gi, sô ralhum má za yàp gîng to mù, haû gabú danglù lé lùmjíng hkyô má, i-myìt rahkat zâ èq shi-kùt nyì kô é hkyô lé le

Ngò myìt láng tô é eq myìt myòqbyu tô é má, ngò gi, hoq nó haî a râ é za, hí hkun lhê su, ahkuî le, dui nyì kôlhang, shi byùq kôlhang, gyùq kyûm myìt a bo é hkyô lé wó yû mù luî, Hkrisidùq gi, ngá gûng má hkya-on wàq toq é hui râ nghut lhê.

Hkâsu mù gâ le, Hkrisidùq má wó lùmjíng râ é jeju za a nghut, Yhâng é matú wuîhke jamjau hui râ jeju le, núngmòq hkam yù bekô nghut ri.