Ayat-ayat Alkitab Ternama dari A-pûn Awang 35

Bagikan

Hau htoq agó, Garai Gasang gi, yhang lé, “Ngò gi, Wum-o a-tsam dìk shoq bò Sû Garai Gasang nghut lhê; zodù hkû mù, byù du myô jàt nhâng àq. Byù myû ra-myû za a nghut, byù myû myo myo náng chyáng mai dùt htoq lô râ nghut mù, hkóhkam pé, náng é gùngdu mai htoq lô râ nghut lhê. Ngò, Abraham eq Isak lé byî é maumyî, nang lé le, náng é htâng má nyi lé lô râ náng é awùt ashîn pé lé le byi râ nghut lhê.” ga taî ri.

Haû mù, lé keq; Behtela má dòq ló sháng; ngò myìt myo myìt chiq é hkûn, ngo lé gyo byi mù, ngò jé é jowò hkangmó má ngò eq rahá nghut nyi é Garai Gasâng é matú, ngò, haú má hkungga gyàp ralhum saí râ nghut lhê.” ga taî ri.

Garai Gasang gi, yhang lé, “Náng é myìng gi, Yakup gâ lhê; nghut kôlhang, nang lé Yakup ga lo kôrâ a nghut. Náng é myìng gi, Isira-elaq ga râ nghut lhê.” ga taî ri. Haú dông, Garai Gasang gi, yhang lé Isira-elaq ga myìng myhíng byî ri.

Haû mù, Yakup gi, yhâng é yhûmbyù wuì eq yhâng chyáng nyi é bang bànshoq lé, “Núngmòq wó é tûngbaù hparà pé lé lhuî pyám mù, yhûmsing gùng yhûmsîng lhoqsan lhoqyúng yû luî, núngmòq é mèbu pé lé htaî pyám keq.

Hau htâng, Garai Gasang gi, Yakup lé, “Behtela má dòq ló mù, haú má ló nyî luî, nungmang Eso lé nàng hpang é hkûn, nang lé htoq shit é Garai Gasâng é matú hkungga gyàp ralhum saí aq.” ga taî ri.

Yhang gi, shi myòq ló nyi é nghut luî, kângsoq byìt ló é u, yhâng é yùqzo haú lé Ben-Oni ga myìng myhîng ri. Nghut kôlhang, yhâng wa gi, yhang lé, Ben-yamin ga myhîng ri.