Ayat-ayat Alkitab Ternama dari Ehpesu 4

Bagikan

Núngmòq gi, rayùq eq rayùq, ge é hkyô eq shogyo nhikmyîn é hkyô tûn shit lhum luî, Garai Gasang gi, Hkrisidùq má, núngmòq lé mara hkyut byî é su, núngmòq yhangchang le mara hkyut byî lhûm nyì keq.

Hkyô hkat hkangmó má i‑myìt lhoqnyhum é eq i‑myìt nú nhâm nyì keq; myìt hing é eq chyitdàp myìt mai rayùq eq rayùq hkam jân lhûm nyì keq.

Núngmòq é nhut mai agè agaú é dang haî le hkâhtoq nhâng kó; wó gyô é bang a-kyû bò shoq, yhángmòq râ tô é má cháng luî, haú bang kô lam lò râ dang za taí keq.

Haû myìt tot é, nhikjum yô é, nhik-yô é, byòq lhum byòq cheq é eq lùmù gànsang é, agè agaú é hkyô pé bànshoq lé, núngmòq tô pyám keq.

“Núngmòq nhikjum yô é hkûn, mara hkâkut kó.” núngmòq gi, buì wàng shoq nhikjum hkâyô nyì kó. Nàt Tsádán lé le, jowò hkâbyi kó.

Haû mù, núngmòq gi, hí hpyang lhê é núngmòq é nyì yàp sâmlai nghut é, ô naù gadaú luî, yhûmsing gùng yhûmsîng mhaû pyâm é dông htên byòq ló nyi é núngmòq é byù xau lé tô pyám râ matú mhoq yû bê eq rajung za, núngmòq é i-myìt lé asik htaî pyám nhâng keq; hau htoq agó, núngmòq gi, tengmán é eq sêng é díngmán hkyô eq chyoiyúng hkyô má, Garai Gasang eq dù shoq hpan to hui bê nghut é byù sik lé, yu wùt to keq.

Haû So èq byî é myìt hui hkyô lé, nguì ngón hkyô dông mai châng nyì râ matú, wó dùt é í shi-kùt nyì keq.

Yhang gi, ra-am lé, lagyô pé, ra-am lé, myìqhtoî pé, ra-am lé, gabú danglù hko kyo râ bang, ra-am lé, hpúng-ùp pé eq sará pé kut tsing byî to bê nghut ri. Haú bang gi, Garai Gasâng é byu pé lé wùn wàq âng é múzó pê é matú, hen lajâng é bang nghut ri. Haú hkûn shèq, Hkrisidùq é gùngdu gi, haû lùmjíng hkyô eq Garai Gasâng é Yhangzo lé sê é hkyô má, ngá-nhúng bànshoq bang rading ralhum za wó dùt mù, kô dìng bang dùt luî, Hkrisidùq é gúmjùp é isâm bànshoq lé wó yu é hkûn jé shoq, wó kô jàt nyì râ nghut lhê.

Haû mù, ngá-nhúng gi, wuìbaù pê èq hí shut htâng shut bàt myhû é su dùt é eq, byu pê é agè ashop é eq haq htung é mhoq hpyoq hpàqchyî pé eq mhoqshit hkyô laìdun hkangmó èq, shí shut hé shut mùt tâng é su dùt é lé hui zô é zoshâng wuì su a nghut lô é za, chyitdàp myìt mai tengmán é dang lé taî nyì jáng, Hkrisidùq nghu é ulhum má hkyô hkangmó kô myhang lò râ nghut lhê.