Ayat-ayat Alkitab Ternama dari Matei 7

Bagikan

“Mlombe, namwe mtsakwing'ighwa, mbame namwe mtsopata, mtowe hodi, namwe mtsopfughulighwa.

Kwaapfila chila munu iyolomba kobokela, naye iyobama kopata, na ayula iyotowa hodi katsopfughulighwa.

“Apfo munu wowose iyotegheletsa ghamalonga ghangu aghano na kughatenda, ayo keghala na imunu iyakengele, yatsengile ing'anda yake mchanya mwa libambalawe.

Apfo chochose chambama iwanu wamtendeleni, na mwemwe watendeleni pfipfo; kwaapfila acho chicho Itorati ya Musa na ipfitabu pfa manabii pfachilonga.

Lekeni lilango lyasisili, na inzila ilongotsa kuna ugima pfipfila yasisili; na iwanu iwoyona inzila ayo wachidogho ghendo.

“Mwingile kwa kubitila lilango sisili; kwaapfila lilango lya ukwingilila kutsimu ghatsi, na inzila ighenda ako pfipfila ghatsi; na iwanu wengi ng'ani iwakwingila kwa kubitila inzila ayo.

Lelo kama mwemwe yamwihile mwomanya ukuweng'a iwanenu nzawadi tsinoghile, angu Aba wenu iyali kulanga ng'atsolumbilitsa baye kuweng'a nzawadi tsinoghile awala iwomlomba?

“Mleke kuwahigha iwanu wangi, hela namwe mtsohighighwa, mana apfila pfamuwahigha iwanu wangi, pfipfo namwe pfamtsohighighwa; na ichipimo champimila, chicho iwanu chawatsompimilani mna ukuwahigha mwemwe.

“Lekeni chila munu iyotegheletsa ghamalangulitso ghangu aghano na kuleka kughatenda, ayo keghala na imunu mbotsi, iyatsengile ing'anda yake mna ghumsanga.

“Heule ulola ilupfulu luli mnenge mwa ndughu yako, lekeni ng'ulyona baye libiki lili mnenge mwako ghumwenyegho? Au udahatse kumlongela ndughu yako, ‘Uleke nikulapfe ilupfulu luli mnenge mwako,’ aku mnenge mwako ghumwenyegho mna biki?

“Mwalangitse na manabii wa ughutsu; iwomtsilani akuno wapfala magwanda gha ng'olo, lekeni mghati mwawo weghala na wambwa wakali wa kumhulo. Mtsowatanga kwa ghamatunda ghawo. Angu tsa iwanu wabawagha nzabibu mna imiba, au wabawagha tini mna imichongoma?

Pfipfo, chila mbiki ghunoghile ghwakweleka matunda ghanoghile, lekeni mbiki ghwihile ghwakweleka matunda ghehile.

Mbiki ghunoghile ng'aghudaha kweleka matunda ghehile baye; wala mbiki ghwihile ng'aghudaha kweleka matunda ghanoghile baye.

Chila mbiki ing'aghukweleka matunda ghanoghile ghwoganighwa na kwasighwa kuna ghumoto.