Ayat-ayat Alkitab Ternama dari Mikeas 4

Bagikan

Apan bisan musunod pa ang ubang mga katawhan sa ilang mga dios-dios, kami musunod sa GINOO nga among Dios hangtod sa kahangtoran.

Daghang kanasoran ang muduol ug moingon, “Dali, motungas kita sa bukid sa GINOO, didto sa Templo sa Dios ni Jacob. Kay tudloan kita niya sa iyang mga pamaagi aron matuman nato kini.” Busa mopauli ang mga tawo gikan sa Jerusalem dala ang mga kasugoan sa GINOO.

Sa umaabot nga mga adlaw, ang bukid nga gitukoran sa Templo sa GINOO mahimong pinakaimportante sa mga bukid ug mga bungtod. Ug modagsa niini nga bukid ang mga tawo nga naggikan sa nagkalain-laing nasod.

Ug pinaagi sa iyang kasugoan, husayon niya ang mga panagbingkil sa daghang nasod, bisan kadtong gamhanan nga mga nasod sa layo. Busa dili na mag-away ang mga nasod, ug dili na usab sila mobansay ug mga tawo alang sa pagpakig-gira. Himuon na lang nilang punta sa mga daro ang ilang mga espada ug himuon na lang nilang mga sundang ang ilang mga bangkaw.